Ɛsɩdɩrasɩ 9:6 - A SƐB-SÕW

⁶ ɛ́ puori ʋ à ŋá: «Ɩ̃ Naaŋmɩn i, vĩ bɛ na ɩrɛ mɛ̃ ɩ! Vĩ ɩrɛ mɛ̃ na tɩ zuo, ɩ̃ na na dʋɔ a zu jɩ́r'ɩ fʋ a, ɩ̃ Naaŋmɩn i. A tɩ yel-bebe yãwmɛ na do gãw a tɩ zuru bɛr, a tɩ sãwna do na tɩ tɔ a salom tɔr za.

Ɛsɩdɩrasɩ 9:6 ပူးပေါင်းရင်းမြစ်များ

Yele-za-pɛr-tib 13:13

A Sodɔm tẽw dem bɛ tɩ ɩrɛ vla towtow ɛ, ɛ́ tɩ maalɛ yel-bi-bɛrɛ sãwnɛ nɩ a Sore pʋɔ.

1 Na-mɩnɛ 8:47

a bɛ gbãgbaalʋ tẽw pʋɔ be, bɛlɛ wa lɛb tɩɛrɩ, ɛ́ zɛlɛ fʋ yãayãa yere nɩ: “Tɩ maal'ɩ yel-bier, tɩ bɛ ɩ vla ɩ, tɩ sãw na!” a,

2 Bibie za yel-manɩ 28:9

A Samaari a, Sore ƴɛ̀r-manɛ kãw na dɩ Odɛdɩ a tɩ be n be. Ʋ tɩ yi na tuori a Ɩsɩrayɛl zɛbr-nɩbɛ na tɩ tarɛ a Samaari a, yel bɛ: «A Sore, a nyɩ sãà mɩnɛ Naaŋmɩn tɩ nyɛ̃ nɩ nɩ a Zuda nɩbɛ suur. Alɛ so ʋ de bɛ ƴãw a nyɩ nuru pʋɔ. Nyɩ kʋ bɛ na nɩ po-to-fãw-ɩb na bɛ vɩɛl a, a ɩb ŋa yele do tɩ ta a salom zu.

Ɛsɩdɩrasɩ 9:13

'Woi! Tɩ Naaŋmɩn i, a tɩ ɩ-faar nɩ a tɩ sãwna na bɛrmɛ a n'a so a tɩ kpɩɛrʋ á ŋá za páw tɩ. Ɛcɛ fʋ bɛ dɔwrɩ tɩ man nɩ a tɩ yel-bebe ɩ, fʋ bɛr tɩ na tɩ cãà vʋʋrɛ, a tɩɩm na be a ka a.

Ɛsɩdɩrasɩ 9:15

Sore e, Ɩsɩrayɛl Naaŋmɩn i, fʋ ɩ n su-ɓaarʋ sob, a dɩ̃a a, fʋ sàw na tɩ mɩnɛ cãà vʋʋrɛ. Bʋ̃ʋ n'ʋ vɛ̃, tɩmɛ n'ɩ bɛ ŋa tuo a tɩ sãwna àr'ɩ a fʋ niŋé, ɛcɛ nɩr bɛ tɛr k'ʋʋ àr a fʋ niŋé a yele wa ŋmɛ̃ à à ŋá a ɩ.»

Neemi 1:6

Cɛlɛ be, bɛr wõ m, ɛ́ jɩ́r mɛ̃ kaa, pãa bɛr wõ a puoru a mãa fʋ tõ-tõ-bie na puore fʋ a. Mʋ̃tɔ̃w nɩ tɩ̃ɩsɔw, ɩ̃ mɩ́ puore fʋ nɩ a tɩɩm Ɩsɩrayɛl nɩbɛ fʋ tõ-tõ-biir ƴãw. Ɩ̃ sàw nɩ a yel-bebe tɩ na maalɩ sãw fʋ a. Yel-mɩŋa n'a, mãa nɩ a ɩ̃ sãàkʋm-kore a, tɩ maal'ɩ yel-bebe,

A Zɔb sɛbɛ 40:4

Ɩ̃ bɛ tɛr pɛr ɛ, bʋ̃ʋ n'ʋ ɩ̃ na sɔw fʋ? Ɩ̃ pàw nɩ a ɩ̃ nʋɔr.

A Zɔb sɛbɛ 42:6

Lɛ so, ɩ̃ lɩɛb'ɩ a ɩ̃ ƴɛ̀rʋ ɩ̃ na tɩ ƴɛ̀r a bɛr, ɩ̃ sàw nɩ a ɩ̃ sãwna, ɛ́ siwre ɩ̃ tʋɔra zɩ̃ a tanɛ pʋɔ nɩ a tãpɛlʋ pʋɔ.

Sɛb-sõw yielu 38:4

A ɩ̃ ƴã-gan zie za bɛ cɛ ɩ, a fʋ suur zũú. A ɩ̃ kɔbɛ zie za bɛ cɛ ɩ, a ɩ̃ yel-bier zũú.

Sɛb-sõw yielu 38:5

A ɩ̃ sãwna do na tɔl gãw a ɩ̃ zu bɛr, a dĩ m'a mɛ̃ tuor na tɩbrɛ zuo mɛ̃ a.

Eziptɩ tẽw yib 32:31

A lɛ n'a a Moyiir tɩ lɛb do a Sore zie tɩ yel ʋ: «'Woi! Sore e, a nɩbɛ bɛ ŋa maal'ɩ yel-bier-kpɛ̃ɛ, bɛ maal'ɩ ŋmɩn nɩ salm-zɩɛ tɛr.

Ɩzayi 1:18

“A Sore yere na: «Nyɩ wa tɩ ŋmɛ nɔkpɛn. A nyɩ yel-bebe wa mʋ̃ɔ̀ ɓõɓõ a, a na lɩɛb'a pɛlɩ parpar. Alɛ wa mʋ̃ɔ̀ cõcõ a, a na lɩɛb'a pɛlɩ mɛ̃ pi-kɔblʋ pɛn-pla a.

Ɩzayi 59:12

Sɩza n'a, Sore e, tɩ zawr'ɩ a fʋ nʋɔr gb'aa yaga. A tɩ yel-bebe wule na tɩ na sãw a. Tɩ tɛr'ɩ a tɩ gaarʋ ɩ-ɩrɩ tɩɛrʋ kʋralɛ, tɩ bãw nɩ a tɩ sãwna za vla.

Zeremi 3:3

Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

Zeremi 31:19

Sɩza, tɩ cen na zãá nɩ fʋ, ɛcɛ ƴɛrɛŋa a, tɩ ciire nɩ a tɩ sãwna. Fʋ ɩ na tɩ bãw a tɩ sãwna pɛr, ɛ́ ƴɛrɛŋa a, tɩ wore a na. A tɩ yúor sãw na ɛ́ vĩ nyɔw tɩ. Tɩ bɛ ɩ vla a tɩ pɔ̀lʋ daarɩ́ ɛ, a lɛb lo a tɩ zu.”»

Zeremi 51:9

«Tɩ yel kɛ́ tɩ sanɩ a Babɩlɔn, ɛcɛ ʋ bɛ tɛr sanʋ ɛ. Nyɩ ɩ tɩ bɛr ʋ, ɛ́ ŋa za mɩ́ kul a ʋ tẽw! Bʋ̃ʋ n'ʋ vɛ̃, a ʋ dɔwrʋ do na tɩ tɔ a salom, ʋ do na tɩ tɔ a zũzuwe.

Zeremi 6:15

Vĩ ɩrɛ bɛ na bɛ na ɩ a ɩ-faar na bɛ maal'ɩ wob a a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ír a.

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

A Lãw-mʋɔlɛ 3:42

Tɩɩm a, tɩ gaarɩ na, tɩ ɩ n nɔ-zawrbɛ, ɛ́ fʋ̃ʋ a, Sore e, fʋ bɛ dɩ suur ɛ!

Ezekɩɛl 16:63

Lɛ n'a fʋ na cãà bãwnɩ a koro, vĩ na paalɩ fʋ na fʋ bɛ cãà tɛr nʋɔr ɛ, fʋ na bɛ cãà tɛr yúor a zũú. Ɛcɛ mãa a, ɩ̃ na dɩ n a sãwna al za fʋ na maalɩ a suur kʋ̀ b. A mãa Sore Naaŋmɩn n'ʋ yel.»

Levitɩ mɩnɛ 26:40

«Ɛcɛ a bɛlɩ dem nãà wa cãà vʋʋrɛ a na sàw na kɛ́ bɛlɛ nɩ a bɛ sãà mɩnɛ maal'ɩ yel-bier, kɛ́ bɛ sãw mɛ̃ nɩ yaga, ɛ́ zawrɩ a ɩ̃ tub.

Luka 15:21

A bidɛb tɩ yel ʋ na: “Ɩ̃ sãà a, ɩ̃ sãw nɩ a Naaŋmɩn nɩ a fʋ̃ʋ za. Ɩ̃ bɛ cãà sɛwnɩ kɛ́ bɛ bʋɔlɛ mɛ̃ a fʋ bidɛb ɛ...”

Luka 18:13

Ɛcɛ a zuru-yar-diere ʋl tɩ àr'a zãá, ɛ́ bɛ tɩ sàw na dʋɔ zu ɛ, ɛ́ tɩ lɔbr nɩbaal-nuru yere nɩ: “Naaŋmɩn i, zɔ ɩ̃ nɩbaalʋ, mãa na ɩ yel-bebe sob a.”

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

Yel-wula 18:5

Bʋ̃ʋ n'ʋ vɛ̃, a ʋ yel-bebe gbõ n taa do tɩ tɔ a salom, ɛ́ a Naaŋmɩn bɛ yiiri a ʋ ɩ-faar bɛr ɛ.