Ɛsɩdɩrasɩ 9:1 - A SƐB-SÕW

¹ A yele á ŋá pùorí, a nɩ-bɛrɛ bɛ mɩnɛ tɩ wa na wa yel mɛ̃: «A Ɩsɩrayɛl nɩbɛ nɩ-zawlɛ, a bàwr-maalbɛ nɩ a levitɩ mɩnɛ, bɛ bɛ ow yi a tẽw dem pʋɔ ɩ. Bɛ cɔwr'ɩ a Kanãa tẽw dem, a Hititɩ mɩnɛ, a Perizitɩ mɩnɛ, a Zebi tẽw dem, a Amɔ̃ tẽw dem, a Mowab tẽw dem, a Eziptɩ tẽw dem nɩ a Amoritɩ mɩnɛ mɩnɛ ɩ-faar na bɛ maal'ɩ wob a.

Ɛsɩdɩrasɩ 9:1 ပူးပေါင်းရင်းမြစ်များ

Yele-za-pɛr-tib 15:16

A dɔw-lɩɛr-taa gb'a anaar sob daar'a a fʋ bʋʋrɛ na lɛb wa a ka. Bʋ̃ʋ n'ʋ vɛ̃, a Amoritɩ mɩnɛ ɩ-faar cãà bɛ ta a tab zie ɩ̃ na diw bɛ bɛr ɛ.»

1 Na-mɩnɛ 11:1

A nãà Salomɔ̃ tɩ nɔ̃w nɩ nɩ-bʋʋr-yoru pɔw-yaga yaga: a Eziptɩ tẽw nãà Faarawɔ̃ pɔwyaa tɩ n'ɩ a dãw-niwn sob, al pùorí ʋ nɔ̃w Mowab tẽw dem, Amɔ̃ tẽw dem, Edɔm tẽw nɩbɛ, Sɩdɔ̃ tẽw dem nɩ Hititɩ mɩnɛ pɔwbɛ.

2 Bibie za yel-manɩ 33:2

Ʋ tɩ ɩ n a lɛ na bɛ pɛlɩ a Sore pʋɔ a, cɔwrɩ a nɩ-bʋʋr-yoru ɩ-faar za na bɛ maal'ɩ wob a, a nɩ-bʋʋr-yoru bɛl a Sore na tɩ diw a tẽw pʋɔ, ɛ́ ƴãw a Ɩsɩrayɛl nɩbɛ zɩ̃ a.

2 Bibie za yel-manɩ 8:7

Nɩbɛ na bɛ ɩ a Ɩsɩrayɛl bʋʋrɛ a tɩ cãà na kpɩɛr a tẽw: Hititɩ mɩnɛ, Amoritɩ mɩnɛ mɩnɛ, Perizitɩ mɩnɛ, Hivitɩ mɩnɛ nɩ Zebi tẽw dem.

Ɛsɩdɩrasɩ 10:2

Lɛ n'a a Elam bʋʋrɛ Yehɩɛl bidɛb, Sekanɩa, tɩ yel a Ɛsɩdɩrasɩ: «Tɩ maal'ɩ faa a tɩ Naaŋmɩn zie, tɩ na kul nɩ-bʋʋr-yoru na kpɩɛr a tẽw ŋa pʋɔ a pɔwbɛ a. Ɛcɛ a na saa ɩ à ŋá a, a cãà na tɛr ɩb a Ɩsɩrayɛl nɩbɛ zie:

Ɛsɩdɩrasɩ 10:8

Nɩr bɛ wa wa ka nɩ bibie ata a, mɛ̃ a lɛ a nɩ-bɛrɛ nɩ nɩ-kore na yel a, bɛ na de nɩ a ʋ bʋ̃-tɛrɩ za, ɛ́ ír ʋ bɛr a nɩ-diw-ceni lãw pʋɔ.

Neemi 13:23

A ʋlɩ daar nɛ cãà n'a ɩ̃ tɩ nyɛ̃ Zifʋ mɩnɛ na kul pɔwbɛ na yi Asɩdɔdɩ, Amɔ̃ bɩɩ Mowab a.

Neemi 4:3

Lɛ n'a tɩ tɩ puori a tɩ Naaŋmɩn ɛ́ ƴãw nɩbɛ bɛ gùre tɩ, mʋ̃tɔ̃w nɩ tɩ̃ɩsɔw, a tɩ dɔ̃ dem bɛ ŋa ƴãw.

Neemi 4:7

Lɛ n'a ɩ̃ tɩ nyɛ̃ ziir na pĩ a, a pile blã a dacĩ-kpɛ̃ɛ pùorí, ɛ́ ƴãw sojarɩ a be, bɛ ɓã taa dɔwlʋ dɔwlʋ, ɛ́ tɛr zɛbr-sɔ-bɛrɛ, kafine nɩ tamɛ.

Neemi 9:2

Bɛ tɩ ow na yi a bɛlɩ dem za na bɛ ɩ Zifʋ mɩnɛ a pʋɔ, ɛ́ yere kɛ́ bɛ maal'ɩ yel-bebe, bɛlɛ nɩ a bɛ sãàkʋm-kore.

Sɛb-sõw yielu 106:35

Ɛcɛ bɛ tɩ cen na tɩ mɩɩlɩ a tɩbɛ dem, zanɩ a bɛ ɩb,

Eziptɩ tẽw yib 13:5

Nyɩ na mɩ́ tɛr'ɩ a tub ŋa a cuw ŋa tɔr za pʋɔ, a lɛn daar a Sore nãà wa ɩ nyɩ kpɛ a Kanãa tẽw dem tẽw pʋɔ a. A tẽw ŋa mɩ̀ ɩ n a Hititɩ mɩnɛ, a Amoritɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw. A tẽw ŋa n'ʋ a Sore tɩ pɔ a nyɩ sãàkʋm-kore zie k'ʋʋ na kʋ̀ nyɩ na, tẽw bʋ̀rʋ nɩ sɩwr na gbɔlɛ a.

Eziptɩ tẽw yib 23:23

«A ɩ̃ malkɩ wa de nyɩ niwn tɛr nyɩ tɩ ta n a Amoritɩ mɩnɛ, a Hititɩ mɩnɛ, a Perizitɩ mɩnɛ, a Kanãa tẽw dem, a Hivitɩ mɩnɛ nɩ a Zebizitɩ mɩnɛ zie a, ɩ̃ na kʋ n a nɩ-bʋʋrɛ bɛ ŋa pàw pɛr.

Eziptɩ tẽw yib 33:16

Bʋ̃ʋ n'ʋ vɛ̃, fʋ̃ʋ bɛ wa bɩɛlɛ tɩ a, ŋmɩŋmɩn n'a a nɩbɛ na bãw k'aa fʋ pʋɔ pɛlɩ nɩ a mãa nɩ a fʋ nɩ-bʋʋrɛ ƴãw? A ʋlɩ bom nɛ na na ɩ kɛ̀ tɩɩm nɩ a tẽw zu nɩ-bʋʋrɛ za bɛ ɩ been a, ʋlɛ n'ɩ fʋ na na bɩɛlɛ a mãa nɩ a fʋ nɩ-bʋʋrɛ a.»

Ɩzayi 52:11

Nyɩ cere, nyɩ cere, nyɩɩm na tuo a Sore puoru bome lɛb waar'ɩ a! Nyɩ yi zaa a Babɩlɔn tẽw pʋɔ! Nyɩ taa tʋɔr bʋ̃-dɛwr kãw za ɩ, nyɩ vɩɛl yi n a tẽw ŋa pʋɔ.

Zeremi 26:10

A Zuda tẽw tõ-tõ-bi-bɛrɛ na wa wõ a yele a, bɛ yi n a nãà yir do a Ŋmɩn-yir-kpɛ̃ɛ́ tɩ zɩ̃ a ƴɛ̀rʋ-dɩb ƴãw, a Ŋmɩn-yir-kpɛ̃ɛ dɩ̃dɔ-Paala ƴãw.

Zeremi 26:16

A lɛ n'a a tẽw tõ-tõ-bi-bɛrɛ nɩ a nɩbɛ za tɩ yel a bàwr-maalbɛ nɩ a naaŋmɩn-ƴɛ̀r-manbɛ: «A nɩr ŋa bɛ sɛwnɩ kũu ɛ, bʋ̃ʋ n'ʋ vɛ̃, a Sore tɩ Naaŋmɩn yúor ƴãw n'a ʋ sɩrɩ ƴɛ̀r a tɩ zie.»

Levitɩ mɩnɛ 18:3

Nyɩ taa ɩrɛ mɛ̃ a lɛ a nɩbɛ na ɩrɛ a Eziptɩ tẽw a ɩ, a be nyɩ na tɩ kpɛ a. Nyɩ taa ɩrɛ mɛ̃ a lɛ a nɩbɛ na ɩrɛ a Kanãa tẽw a ɩ, a be ɩ̃ na tɛr nyɩ wɩɛr'ɩ a. Nyɩ taa tuur a nɩ-bʋʋrɛ bɛ ŋa ɩ-ɩrɩ ɛ.

Malasɩ 2:11

A Zuda tẽw dem bɛ tu a nɛ́ɛ bɛ na ƴãw a ɩ. Bɛ maal'ɩ yel-faar na bɛ maal'ɩ wob a, a Zerizalɛm nɩ a Ɩsɩrayɛl tẽw za pʋɔ. Bʋ̃ʋ n'ʋ vɛ̃, a zi-sõw a Sore na nɔnɛ a, bɛ dɛw ʋ na bɛr, bɛ na kul pɔwbɛ na puore ŋmɩn-yoru a ƴãw.

Sɔr-nɛ́ɛ 23:9

Ɩ̃ àr'ɩ a pie zu ɛ́ bɛlɛ a nɩ-bʋʋrɛ bɛ ŋa, ɩ̃ be n a tãli zu ɛ́ jɩ́rɛ bɛ. Nɩ-bʋʋrɛ na kpɩɛr bɛ yõ zie a nɛbɛ, bɛ bãwnɩ a na bɛ na ɩ bɛ tʋɔra a nɩ-bʋʋr-yoru za pʋɔ a.

Sɔr-nɛ́ɛ 25:6

Ɩsɩrayɛl nɩr kãw tɩ ta n a ʋ nɩbɛ zie, a pɛr nɛ pʋɔ, tɛr Madian tẽw pɔw. A Moyiir nɩ a Ɩsɩrayɛl nɩbɛ lãw za na tɩ ɓã taa a tuor-taa pɛn-sɛw dɩ̃dɔr nʋɔr kone a tɩ nyɛ̃ bɛ na.

Wulu-ayi-sob 18:9

Nyɩmɛ wa kpɛ a tẽw a Sore nyɩ Naaŋmɩn na kʋ̀rɛ nyɩ a pʋɔ a, nyɩ kʋ̃ tĩ cɔwrɛ a nɩ-bʋʋr-yoru bɛl ɩ-ɩrɩ na bɛ tɛr ŋmɛ̃a a ɩ.

Wulu-ayi-sob 23:8

Nyɩ kʋ̃ de a Edɔm tẽw nɩbɛ bʋɔlɛ nɩ-faar ɛ, nyɩ yɛbr nɛbɛ. Nyɩ mɩ̀ kʋ̃ de a Eziptɩ tẽw dem bʋɔlɛ nɩ-faar ɛ, bʋ̃ʋ n'ʋ vɛ̃, nyɩ tɩ ɩ n nʋʋrɩ a bɛ tẽw.

Wulu-ayi-sob 7:1

A Sore nyɩ Naaŋmɩn na ɩ na nyɩ kpɛ a tẽw nyɩ na na so a pʋɔ. Ʋ na diw nɩ nɩ-bʋʋr-yaga a nyɩ niŋé, nɩ-bʋʋrɛ ayopõi na yãwmɛ zuo nyɩ, ɛ́ tɛr fãw zuo nyɩ a: a Hititɩ mɩnɛ, a Gɩrgasitɩ mɩnɛ, a Amoritɩ mɩnɛ, a Kanãa tẽw dem, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ.

Zozue 23:12

Ɛcɛ nyɩmɛ wa zawr'ʋ bɛr, ɛ́ tu a nɩ-bʋʋrɛ bɛ ŋa na cãà be a nyɩ sɔgɔ a pùor a, nyɩmɛ wa kule a bɛ pɔwyaar, nyɩmɛ wa cere a bɛ zie, ɛ́ bɛ waar a nyɩ zie a,