Ɛsɩdɩrasɩ 7:25 - A SƐB-SÕW

²⁵ Ɛ́ a fʋ̃ʋ Ɛsɩdɩrasɩ a, ƴãw ƴɛ̀r-dɩrbɛ nɩ nɩ-bɛrɛ tu n a Naaŋmɩn wulu yã-bãwfʋ na be a sɛbɛ fʋ na tɛr cere nɩ a pʋɔ a. Bɛ mɩ́ dɩ a ƴɛ̀rʋ kʋ̀ a bɛlɩ dem za na bãw a Naaŋmɩn nɛ́ɛ a Efaratɩ gãwn nɩbɛ pʋɔ a. Nyɩ mɩ̀ na wul a nɩ a bɛlɩ dem na bɛ bãw a a.

Ɛsɩdɩrasɩ 7:25 ပူးပေါင်းရင်းမြစ်များ

Yele-za-pɛr-tib 41:38

a Faarawɔ̃ yel bɛ: «A Naaŋmɩn Vʋʋrʋ paal'ɩ a nɩr ŋa. Tɩ na tʋ̃ɔ́ na lɛb nyɛ̃ nɩr ʋ ɩ mɛ̃ a ʋl a?»

Yele-za-pɛr-tib 41:39

Al pùorí ʋ yel a Zuzɛb: «A Naaŋmɩn na faa n'ʋ wul fʋ à á ŋá za a, nɩr kʋ̃ lɛb tʋ̃ɔ́ tɛr yã ɛ́ bãw yã man fʋ ɛ.

1 Na-mɩnɛ 3:28

A Ɩsɩrayɛl nɩbɛ za tɩ wõ n a ƴɛ̀rʋ a Salomɔ̃ na dɩ a, ɛ́ tɩ tɛr a nãà ƴãwfʋ yaga za. Bʋ̃ʋ n'ʋ vɛ̃, bɛ tɩ nyɛ̃ na bãw kɛ́ Naaŋmɩn kʋ̀ ʋ nɩ yã-bãwfʋ yaga a ƴɛ̀rʋ-dɩb ƴãw.

2 Na-mɩnɛ 17:27

Lɛ n'a a Asiiri tẽw nãà tɩ yel à ŋá: «A bàwr-maalbɛ ɩ̃ na ír a Samaari cen nɩ a, nyɩ lɛb tɛr a kãw wa n a Samaari, ʋ wa kpɩɛr a be, ɛ́ wul a nɩbɛ a lɛ bɛ na mɩ́ puori a tẽw ŋmɩn a.»

1 Bibie za yel-manɩ 22:12

Ʋ kʋ̀ b tɩɛrʋ nɩ yã, a lɛn daar ʋ nãà wa ƴãw fʋ dɩ naalʋ a Ɩsɩrayɛl nɩbɛ zu a, fʋ tuur'ɩ a Sore fʋ Naaŋmɩn wulu.

1 Bibie za yel-manɩ 23:4

A Daviir tɩ kaa na ír nɩbɛ tùr-lɩzɛr'ɩ anaar (24 000) a bɛ pʋɔ, kɛ́ bɛ piwre a Sore Ŋmɩn-yir-kpɛ̃ɛ ŋmãafʋ tome, ɛ́ nɩbɛ túr ayʋɔb (6 000) a bɛ pʋɔ ɩ sɛ-sɛbrbɛ nɩ ƴɛ̀r-dɩrbɛ,

Ɛsɩdɩrasɩ 10:4

Ìr! Fʋ̃ʋ n'ʋ a yel ŋa jɩ́rɛ. Tɩ na sõw fʋ na. Ƴãw fãw nyɔw a tome.»

Ɛsɩdɩrasɩ 6:6

Lɛ n'a a Daarisɩ tɩ sɛb sɛb-tʋɔla ŋa kʋ̀ a Tatɩnaɩ, na ɩ a na-kpɛ̃ɛ-lɩɛrɛ be a tẽ-ŋmãa-kʋ̀ra ʋl na be a Efaratɩ gãwn mʋ̃tɔ̃w-kpɛb-lowr a pʋɔ a, nɩ a Setaar-Bozɩnaɩ nɩ a bɛ tõ-tõ-nɩ-bɛr-taabɛ: «Nyɩ ír nũu a yel ŋa pʋɔ.

Ɛsɩdɩrasɩ 7:10

Bʋ̃ʋ n'ʋ vɛ̃, a Ɛsɩdɩrasɩ tɩ zanɛ nɩ a Sore wulu nɩ a ʋ pʋɔ za, ɛ́ tuur ʋ, ɛ́ zanɛ nɩ a Ɩsɩrayɛl nɩbɛ a wulu ŋa nɛ-ƴãwnɩ nɩ a ʋ tub a na fɛr kɛ́ bɛ tuur a.

Ɛsɩdɩrasɩ 7:14

A mãa mɩŋa nɩ a ɩ̃ yã-wulbɛ ayopõi, tɩ tone fʋ nɩ a Zerizalɛm nɩ a Zuda tẽ-ŋmãa-kʋ̀ra pʋɔ, kɛ́ fʋ tɩ bɛl nyɛ̃ a lɛ bɛ na tuur a fʋ Naaŋmɩn wulu fʋ na tɛr a sɛbɛ cere nɩ a.

Neemi 9:3

Al pùorí, bɛ tɩ ìr'a àr saaƴẽwn, ɛ́ bɛr wõ a Sore bɛ Naaŋmɩn wulu sɛbɛ kanʋ tɛm ɓile ata. Bɛ tɩ gbĩ n dume a Sore bɛ Naaŋmɩn niŋé tɛm ɓile ata mɩ̀, zɛlɩ a bɛ sãwna suur.

Sɛb-sõw yielu 19:7

Ʋ mɩ́ pur'ɩ tẽw-tʋra ŋa ƴãw, ɛ́ zɔ tɩ sãá tẽw-tʋra ŋa ƴãw, ɛ́ a ʋ tʋlʋ bɛ jɩɩrɛ bom za bɛrɛ ɩ.

Zʋkpaɩ 2:6

Bʋ̃ʋ n'ʋ vɛ̃, a Sore n'ʋ mɩ́ tɩr a yã-bãwfʋ, ʋl zie n'a a bãwfʋ nɩ a tɩ́ɛrʋ yire.

Zʋkpaɩ 6:23

Bʋ̃ʋ n'ʋ vɛ̃, a nɔ-ƴãwna ɩ na mɛ̃ fɩ̃tɩlɛ a, ɛ́ a wulu ɩ mɛ̃ cãà a. A kpãàfʋ nɩ a yelu n'a mɩ́ ɩ kɛ̀ tɩ àr a nyɔ-vʋʋrʋ sɔ́r zu.

Malasɩ 2:7

Bʋ̃ʋ n'ʋ vɛ̃, a bàwr-maalɛ tõ-nʋɔr'ɩ k'ʋʋ wule a nɩbɛ bɛ bãw a Naaŋmɩn, ʋlɛ n'ʋ a nɩbɛ mɩ́ sowri bãw a Wulu, ʋ na ɩ a Sore kpɛnʋ-za-sob nɩ-tona a ƴãw.

Matie 13:52

Ʋ lɛb yel bɛ: «A na ŋmɛ̃ à ŋá a, Naaŋmɩn wulu sɛ-sɛbrɛ za na bãw a tẽ-vla Naalʋ yele a, ŋmɛ̃ na taa nɩ yir sob na mɩ́ ír bʋ̃-paalɛ nɩ bʋ̃-kore a ʋ na-bome pʋɔ a.»

Markɩ 6:34

A Yeezu na wa ta yire a gbor pʋɔ a, ʋ nyɛ̃ nɩ zu-sɛbla na bɛ tɛr vuo a. Nɩbaalʋ tɩ kpɛ ʋ nɩ a bɛ ƴãw, bɛ tɩ ɩ na mɛ̃ píir na bɛ tɛr cɩ̃ɩnɛ a. Ʋ tɩ nyɔw nɩ bɛ nɩ a kanʋ, kanɩ nɩ bɛ yel-yaga.

Wulu-ayi-sob 16:18

A tẽ-bɛrɛ al za, a Sore nyɩ Naaŋmɩn na na kʋ̀ nyɩ a pʋɔ a, nyɩ na mɩ́ kaa na ír ƴɛ̀r-dɩrbɛ nɩ sɛ-sɛbrbɛ a nyɩ dɔwlʋ za ƴãw, bɛ mɩ́ dɩ a ƴɛ̀rʋ nɩ yel-mɩŋa kʋ̀ a nɩbɛ.

Kɔlɔsɩ 1:28

A Kɩrɩta ŋa yele n'a tɩ manɛ, kpaalɛ nɩ nɩr za, wule nɩ nɩr za nɩ yã-bãwfʋ, kɛ́ tɩ tʋ̃ɔ́ ɩ nɩr za vɩɛl ʋ za lãwnɩ a Kɩrɩta.

Zakɩ 1:5

Ɛcɛ a nyɩ kãw bɛ wa tɛr a yã-bãwfʋ a, ʋ zɛlɩ a yã-bãwfʋ a Naaŋmɩn zie, ʋʋ na kʋ̀ ʋ na. Ʋ mɩ́ tɩr'ɩ daadaa, ɛ́ bɛ tɩrɛ yere nɩ a sob ɛ.