Ɛsɩdɩrasɩ 7:16 - A SƐB-SÕW

¹⁶ Fʋ mɩ̀ na cãà na lãw tɛr a salm-pla nɩ a salm-zɩɛ bʋ̃-kʋ̀rɩ fʋ na páw a Babɩlɔn tẽ-ŋmãa-kʋ̀ra pʋɔ a, bome a fʋ bʋʋrɛ nɩbɛ nɩ a bàwr-maalbɛ na nɔnɛ tɩr a bɛ Naaŋmɩn yir na be a Zerizalɛm a ƴãw a, fʋ na lãw na tɛr a cen nɩ.

Ɛsɩdɩrasɩ 7:16 ပူးပေါင်းရင်းမြစ်များ

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

1 Bibie za yel-manɩ 29:6

Lɛ n'a a yie nɩ-bɛrɛ, a Ɩsɩrayɛl dɔwlʋ nɩ-bɛrɛ, a sojarɩ túre nɩ-bɛrɛ nɩ a sojarɩ kɔbr nɩ-bɛrɛ, nɩ a bɛlɩ dem na tɩ kaarɛ a nãà yele zie a, tɩ nyɛ̃ bɛ mɩŋa sàw

1 Bibie za yel-manɩ 29:9

A nɩbɛ bɛ ŋa za tɩ tɩr'ɩ a bɛ bʋ̃-tɛrɩ nɩ bɛ pʋɔ za a Sore ƴãw, ɛ́ nʋ̃ɔ̀ kpɩɛr bɛ. Nʋ̃ɔ̀ mɩ̀ tɩ kpɛ n a nãà Daviir yaga za.

2 Bibie za yel-manɩ 31:14

A Yimina bidɛb Koore na ɩ levitɩ, ɛ́ tɩ ɩ a saa-pɛrɩ́ dɩ̃dɔ-gùre a n'ʋ tɩ kaarɛ a de-kʋ̀b bome bɛ na nɔnɛ kʋ̀ a Naaŋmɩn a zie. Ʋlɛ n'ʋ mɩ̀ mɩ́ tɩ põ a de-kʋ̀b bome a Naaŋmɩn yõ na so a, nɩ a de-kʋ̀b bome al na cɛ a.

2 Bibie za yel-manɩ 6:2

Ɛcɛ mãa a, ɩ̃ ŋmãa nɩ yir-vla vla kʋ̀ b, zie fʋ na na kpɩɛr kʋralɛ a!»

2 Bibie za yel-manɩ 6:5

“Mãa n'ʋ ɩ a ɩ̃ nɩ-bʋʋrɛ Ɩsɩrayɛl, ʋ yi a Eziptɩ tẽw. A ʋlɩ bibir nɛ wa tɔ a dɩ̃a a, ɩ̃ bɛ kaa ír tẽ-kpɛ̃ɛ kãw za a Ɩsɩrayɛl tẽw tẽ-bɛrɛ za pʋɔ, kɛ́ bɛ ŋmãa Ŋmɩn-yir-kpɛ̃ɛ ɩ̃ mɩ́ be a be ɩ, ɩ̃ɩ mɩ̀ bɛ kaa ír nɩr kãw k'ʋʋ ɩ a ɩ̃ nɩ-bʋʋrɛ Ɩsɩrayɛl nãà ɩ.

2 Bibie za yel-manɩ 6:6

Ɛcɛ, ɩ̃ kaa na ír a Zerizalɛm ʋ ɩ a ɩ̃ kpɛb zie, ɛ́ kaa ír fʋ, a fʋ̃ʋ Daviir, kɛ́ fʋ ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ.”

Ɛsɩdɩrasɩ 1:4

Zie nɛ za a Ɩsɩrayɛl nɩbɛ na be a, a fɛr'a k'aa zie nɛ dem sõw bɛ nɩ salm-pla nɩ salm-zɩɛ nɩ bome a mɩnɛ nɩ dʋn, nɩ de-kʋ̀b bome bɛ na nɔ̃w yã tɩr a Ŋmɩn-yir-kpɛ̃ɛ na be a Zerizalɛm a ƴãw a.»

Ɛsɩdɩrasɩ 1:6

A bɛ sɩman dem za tɩ sõw bɛ na nɩ salm-pla nɩ salm-zɩɛ, nɩ bome a mɩnɛ, nɩ bʋ̃-vɩɛlɩ bʋʋrɛ bʋʋrɛ za, nɩ dʋn, pʋɔ nɩ a de-kʋ̀b bome bɛ na nɔ̃w yã tɩr a Ŋmɩn-yir-kpɛ̃ɛ ƴãw a.

Sɛb-sõw yielu 135:21

Yãanɩ puoru, a yi a Sɩyɔ̃ a Sore ƴãw, ʋl na kpɩɛr a Zerizalɛm a. Aleluya!

2 Korɛ̃tɩ 8:12

Bʋ̃ʋ n'ʋ vɛ̃, a fʋ tɩɛrʋ wa sɩrɩ vɩɛl a, Naaŋmɩn mɩ́ sàw na de a bʋ̃-kʋ̀ra ɛ́ bɛ sowre bom fʋ na bɛ tɛr a ɩ, a lɛ fʋ na tɛr a n'a ʋ mɩ́ jɩ́rɛ.

2 Korɛ̃tɩ 9:7

A na ɩ à ŋá a, ŋa za mɩ́ tɩr mɛ̃ a lɛ ʋ na tɩɛr k'ʋʋ na tɩr a a, ʋ ta tɩrɛ nɩ pʋ-sãwna ɩ, ɛ́ a mɩ̀ ta ɩ fɛrʋ ɛ, bʋ̃ʋ n'ʋ vɛ̃, Naaŋmɩn nɔnɛ nɩ a sob nɛ na mɩ́ tɩr a bom nɩ pʋ-pla a.