Ɛsɩdɩrasɩ 7:10 - A SƐB-SÕW

¹⁰ Bʋ̃ʋ n'ʋ vɛ̃, a Ɛsɩdɩrasɩ tɩ zanɛ nɩ a Sore wulu nɩ a ʋ pʋɔ za, ɛ́ tuur ʋ, ɛ́ zanɛ nɩ a Ɩsɩrayɛl nɩbɛ a wulu ŋa nɛ-ƴãwnɩ nɩ a ʋ tub a na fɛr kɛ́ bɛ tuur a.

Ɛsɩdɩrasɩ 7:10 ပူးပေါင်းရင်းမြစ်များ

1 Bibie za yel-manɩ 29:18

Sore e, tɩ sãàkʋm-kore Abraham, Ɩzaakɩ nɩ Zakɔb Naaŋmɩn i, ɩ a fʋ nɩ-bʋʋrɛ cãà tɛr a tɩɛr-vɩɛlɩ á ŋá a bɛ socie pʋɔ, ɛ́ ɩ a bɛ tɩɛrʋ lɩɛbɩ cɔw fʋ ta bʋ́nɛ ɩ.

2 Bibie za yel-manɩ 12:14

A Orobowam tɩ ɩ n faa, ʋ bɛ tɩ bɔ a Sore nɩ ʋ pʋɔ za ɩ.

2 Bibie za yel-manɩ 19:3

Ɛcɛ fʋ maal'ɩ yel-vɩɛlɩ, bʋ̃ʋ n'ʋ vɛ̃, fʋ nyɩw nɩ a ŋmɩn-pɔw Asera dà-barɩ za bɛr a tẽw pʋɔ, ɛ́ ƴãw fãw bɔbr a Naaŋmɩn nɩ fʋ pʋɔ za.»

2 Bibie za yel-manɩ 30:22

A Ezekɩasɩ ƴɛ̀r-bie tɩ tɔ n a levitɩ mɩnɛ bɛl za na tɩ tɛr tɩɛr-vɩɛlɩ a Sore ƴãw a. Bɛ tɩ cow nɩ a cuw bibie ayopõi, maalɛ nɩ ƴã-ɓaarʋ bàwr ɛ́ danɛ a Sore, a bɛ sãà mɩnɛ Naaŋmɩn.

Ɛsɩdɩrasɩ 7:11

A bàwr-maalɛ Ɛsɩdɩrasɩ ɩ n a wulu nɩ a nɛ-ƴãwnɩ a Sore na kʋ̀ a Ɩsɩrayɛl a bãw-bãw-kara. A sɛb-tʋɔla a nãà Artazɛrsɛsɩ na kʋ̀ ʋ a ƴɛ̀r-bie n'ɩ á ŋá:

Ɛsɩdɩrasɩ 7:25

Ɛ́ a fʋ̃ʋ Ɛsɩdɩrasɩ a, ƴãw ƴɛ̀r-dɩrbɛ nɩ nɩ-bɛrɛ tu n a Naaŋmɩn wulu yã-bãwfʋ na be a sɛbɛ fʋ na tɛr cere nɩ a pʋɔ a. Bɛ mɩ́ dɩ a ƴɛ̀rʋ kʋ̀ a bɛlɩ dem za na bãw a Naaŋmɩn nɛ́ɛ a Efaratɩ gãwn nɩbɛ pʋɔ a. Nyɩ mɩ̀ na wul a nɩ a bɛlɩ dem na bɛ bãw a a.

A Zɔb sɛbɛ 11:13

Ɛcɛ a fʋ̃ʋ a, a fɛr'a kɛ́ fʋ lɩɛbɩ a fʋ tɩɛrʋ tu n a Naaŋmɩn, ɛ́ zɛw nuru cɔw ʋ, puore nɩ ʋ.

Sɛb-sõw yielu 1:2

A Sore wulu n'a ʋ nɩ̃ɛ mɩ́ nɔnɛ, a ʋ wulu n'a ʋ mɩ́ tɛr tɩ́ɛrɛ mʋ̃tɔ̃w nɩ tɩ̃ɩsɔw.

Sɛb-sõw yielu 10:17

Sore e, fʋ mɩ́ tu n a su-siwri dem bʋ̃-bɔbrɩ pùor, fʋ mɩ́ ɩ na bɛ kpɛmɛ socir, fʋ mɩ́ ƴãw nɩ tobr,

Sɛb-sõw yielu 119:112

Ɩ̃ ƴãw nɩ fãw maalɛ a fʋ pʋ-tɩɛrʋ, a ɩ̃ tɔnɛ n'ɩ a lɛ kʋralɛ.

Sɛb-sõw yielu 119:45

Ɩ̃ na ɓãá nɩ ƴãw cere, ɩ̃ na bɔbr a fʋ tub a na fɛr kɛ́ bɛ tuur a ƴãw.

Sɛb-sõw yielu 19:7

Ʋ mɩ́ pur'ɩ tẽw-tʋra ŋa ƴãw, ɛ́ zɔ tɩ sãá tẽw-tʋra ŋa ƴãw, ɛ́ a ʋ tʋlʋ bɛ jɩɩrɛ bom za bɛrɛ ɩ.

Sɛb-sõw yielu 57:7

Bɛ ƴãw nɩ mɩ̃ɛ a ɩ̃ tɔlʋ zie, ɩ̃ tɩ cɛ blã na lo a ʋ pʋɔ. Bɛ tuw nɩ bɔw a ɩ̃ nisɔw, Tɛw-àrʋ ɛcɛ bɛlɛ nɛbɛ lo a ʋ pʋɔ.

Malasɩ 2:7

Bʋ̃ʋ n'ʋ vɛ̃, a bàwr-maalɛ tõ-nʋɔr'ɩ k'ʋʋ wule a nɩbɛ bɛ bãw a Naaŋmɩn, ʋlɛ n'ʋ a nɩbɛ mɩ́ sowri bãw a Wulu, ʋ na ɩ a Sore kpɛnʋ-za-sob nɩ-tona a ƴãw.

Matie 5:19

A lɛ so, sob nɛ na zawrɛ a nɛ-ƴãwnɩ pʋɔ nɔ-pʋrɩ woro sàwfʋ a, ɛ́ wule a ʋ taabɛ bɛ mɩ̀ ɩrɛ a lɛ a, ʋ na ɩ n a pʋrɩ za a tẽ-vla Naalʋ pʋɔ. Ɛcɛ sob nɛ za na sàwr a a, ɛ́ wule a ʋ taabɛ bɛ mɩ̀ sàwr a, ʋ na ɩ n kpɛ̃ɛ a tẽ-vla Naalʋ pʋɔ.

Matie 7:24

«A na ɩ à ŋá a, nɩr za na bɛrɛ wone a ƴɛ̀r-bie á ŋá ɩ̃ na ƴɛ̀r a ƴɛrɛŋa ɛ́ tuur a a, ʋ ŋmɛ̃ na taa nɩ yã-bãwnɛ na ŋmãa a ʋ yir kʋsɛ-pan zu a.

Zã 13:17

Nyɩ na bãw à à ŋá a, zu-nʋ̃ɔ̀ dem n'ɩ nyɩ nyɩmɛ wa tuur a.

Nɩ-toni 1:1

Teofil i, a ɩ̃ sɛb dãw-niwn sob pʋɔ a, ɩ̃ manɩ nɩ a ɩ-ɩrɩ al za a Yeezu na ɩ a, nɩ a wulu al za ʋ na wul a pɛr-tib daar za

Wulu-ayi-sob 16:12

Nyɩ bãwnɩ a nyɩ na tɩ ɩ gbãgbaar a Eziptɩ a, ɛ́ tuur a wulu á ŋá za.

Wulu-ayi-sob 33:10

Bɛlɛ nɛbɛ wule a Zakɔb bʋʋrɛ a tub fʋ na ƴãw a, nɩ a fʋ wulu a Ɩsɩrayɛl nɩbɛ. A tɩ-suur-zɔ̃-na-nyùur-vla-vla-a de-kʋ̀b nɩ a nyɩw-a-za-bagɛ a, bɛlɛ nɛbɛ dier a kʋ̀rɛ fʋ a fʋ bàwr-maal-kuur zu.

1 Timote 3:2

A lɛ ƴãw a, a fɛr'a kɛ́ a Lãw-yir-kaarɛ ta tɛr sãwna bɛ yere ɩ, ʋ kul pɔw been yõ, ɛ́ mɩ́ nyɔw ʋ tʋɔra a dɩb nɩ a nyub ƴãw, ʋ bãw yã, ɛ́ bãw ʋ tʋɔra maal-tɛrʋ, ʋ nɔnɛ a sãanbɛ tɛrʋ, ɛ́ ɩ nɩr na na tʋ̃ɔ́ wule a nɩbɛ a,

2 Timote 4:2

hiere yere a Naaŋmɩn ƴɛ̀rʋ, alɛ saa ŋmɛ̃ ŋmɩŋmɩn a, manɛ ʋ, mɩ́ man ʋ wul a bɛlɩ dem na yel kɛ́ ziri n'a a, ƴãwnɛ bɛ dɛ̃bɩ̃ɛ, mɩ́ nyɔw fʋ tʋɔra kpaalɛ bɛ tɛr'ɩ a wulu tɩɛrʋ kʋralɛ.

Títɩ̀ 2:1

Ɛ́ a fʋ̃ʋ a, wule a nɩbɛ a lɛ na tu a wul-vla a.

Títɩ̀ 2:15

À ŋá n'a a sɛw kɛ́ fʋ ƴɛ̀rɛ, kɛ́ fʋ kpaalɛ bɛ, ɛ́ kpãanɛ bɛ nɩ fãw. Nɩr za taa wa nyɛ̃ fʋ ɩ pʋrɩ ɛ.

Yel-wula 22:14

Zu-nʋ̃ɔ̀ dem'ɩ a bɛlɩ dem na pɛ́wr a bɛ kparɩ, kɛ́ bɛ tʋ̃ɔ́ tɛr sɔ́r dɩ a nyɔ-vʋʋrʋ tɩɛ wɔmɛ, ɛ́ tu a dɩ̃dɛɛ ƴãw kpɛ a tẽw pʋɔ a.

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»