Ɛsɩdɩrasɩ 6:22 - A SƐB-SÕW

²² Al pùorí, bɛ tɩ maal'ɩ a dipɛ̃ na bɛ ƴãw dãbɩl a cuw nɩ nʋ̃ɔ̀ bibie ayopõi. A Sore tɩ ɩ na nʋ̃ɔ̀ kpɛ bɛ yaga za, ʋ na tɩ lɩɛbɩ a Asiiri tẽw nãà socir a bɛ vla ƴãw a. A tɩ ɩ na bɛ ƴãw fãw lɛb nyɔw a tome a Ɩsɩrayɛl Naaŋmɩn yir lɛb-mɛb ƴãw.

Ɛsɩdɩrasɩ 6:22 ပူးပေါင်းရင်းမြစ်များ

2 Na-mɩnɛ 23:29

A ʋ naalʋ-dɩb daar'a a Faarawɔ̃ Neko, a Eziptɩ nãà, tɩ cere a Efaratɩ man lowr k'ʋʋ tɩ sõw a Asiiri tẽw nãà. A nãà Zozɩasɩ tɩ cen na k'ʋʋ tɩ ŋmãa ʋ a sɔ́r. Ɛcɛ a Eziptɩ tẽw nãà na dɛ tɩ nyɛrɛ ʋ wa báarɛ a, ʋ kʋ ʋ nɩ a Megido.

2 Bibie za yel-manɩ 23:18

Al pùorí, a Yehoyada tɩ ƴãw nɩ a levitɩ mɩnɛ bɛl na ɩ bàwr-maalbɛ a, bɛ gùre a Sore yir-kpɛ̃ɛ. A Daviir tɩ bʋ́r bɛ nɩ palɛ palɛ, kɛ́ bɛ tʋ̃ɔ́ maalɛ a nyɩw-a-za-bagɛ a Sore yir-kpɛ̃ɛ pʋɔ, mɛ̃ a lɛ na ƴãw a Moyiir sɛbɛ pʋɔ a. Ʋ tɩ yel'a kʋ̀ bɛ kɛ́ bɛ tone a ton ŋa yiele nɩ nʋ̃ɔ̀ yielu.

2 Bibie za yel-manɩ 29:30

Al pùorí, a nãà Ezekɩasɩ nɩ a nɩ-bɛrɛ tɩ yel'ɩ a levitɩ mɩnɛ kɛ́ bɛ danɩ a Sore nɩ a yielu al a Daviir nɩ a naaŋmɩn-ƴɛ̀r-manɛ Asafʋ na tɩ maalɩ a. Lɛ n'a a levitɩ mɩnɛ tɩ yieli nɩ nʋ̃ɔ̀, al pùorí bɛ gbĩ dume ɛ́ gũu tɩ tɔ tẽw.

2 Bibie za yel-manɩ 30:21

A Ɩsɩrayɛl nɩbɛ bɛl na tɩ be a Zerizalɛm a tɩ maal'ɩ a dipɛ̃ na bɛ ƴãw dãbɩl a cuw bibie ayopõi nɩ nʋ̃ɔ̀, ɛ́ a levitɩ mɩnɛ nɩ a bàwr-maalbɛ danɛ a Sore bibie za nɩ bɛ fãw za.

2 Bibie za yel-manɩ 33:11

Lɛ n'a a Sore tɩ ƴãw a Asiiri tẽw zɛbr-nɩbɛ nɩ-bɛrɛ wa a bɛ ƴãw. Bɛ tɩ nyɔw nɩ a Manase, cɔ̀r pĩ-nɔ-gori ƴãw ʋ a kokamɛ ƴãw, 'lẽ ʋ nɩ kur-zɩɛ bamɛ, ɛ́ tɛr ʋ cen nɩ a Babɩlɔn.

2 Bibie za yel-manɩ 35:17

A Tɔl-gãw cuw pùorí, a Ɩsɩrayɛl nɩbɛ na tɩ be a be a tɩ maal'ɩ a dipɛ̃ na bɛ ƴãw dãbɩl a cuw, bibie ayopõi.

Ɛsɩdɩrasɩ 1:1

A Pɛrsɩ tẽw nãà, Siirisɩ, naalʋ-dɩb yũon-dãw-niwn sob, a Sore tɩ yel'a k'ʋʋ na ɩ na a ƴɛ̀rʋ ʋ na tɩ ƴãw a ʋ ƴɛ̀r-manɛ Zeremi ƴɛ̀r a, a tu a tub. Ʋ tɩ ƴãw nɩ a tɩɛrʋ ŋa a Siirisɩ, k'ʋʋ ƴãw bɛ hieri yel, ɛ́ sɛb sɛbɛ yel a ʋ naalʋ-tẽw za pʋɔ à ŋá:

Ɛsɩdɩrasɩ 6:1

A nãà Daarisɩ tɩ ƴãw na bɛ bɔ a Babɩlɔn tẽw pʋɔ, a diru al pʋɔ bɛ na mɩ́ bin a sɛb-kore nɩ a bʋ̃-vɩɛlɩ vɩɛlɩ a.

Ɛsɩdɩrasɩ 7:27

Lɛ n'a a Ɛsɩdɩrasɩ tɩ yel: «A Sore, a tɩ sãàkʋm-kore Naaŋmɩn, ʋ tɛr'ɩ puoru. Ʋlɛ n'ʋ kʋ̀ a Zerizalɛm Ŋmɩn-yir-kpɛ̃ɛ ƴãwfʋ tɩɛrʋ a nãà.

Neemi 13:6

A yele á ŋá na tɩ ɩrɛ a lɛn daar a, ɩ̃ bɛ tɩ be a Zerizalɛm ɛ: ɩ̃ tɩ cen nɩ a Babɩlɔn tẽw nãà Artazɛrsɛsɩ zie, a ʋ naalʋ-dɩb yome lɩzɛr'ɩ pie nɩ ayi sob daar. Ɩ̃ na tɩ kɔwrɩ blã, ɛ́ a nãà mɩ̀ kʋ̀ m sɔ́r a zũú,

Zʋkpaɩ 16:7

A Sore wa nɔnɛ nɩr ɩb a, ʋ mɩ́ ɩ na a sob nɛ nɩ a ʋ dɔ̃ dem tɛɛ za lɛb kpɛ taa.

Zʋkpaɩ 21:1

A nãà socir ɩ na mɛ̃ kʋ̃ɔ na zɔrɛ a Sore nuru pʋɔ a. A Sore mɩ́ ɩ na ʋ cere be ʋ na bɔbr'a.

Ezekɩɛl 23:23

Ɩ̃ na ɩ na a Babɩlɔn tẽw dem wa, a Kalde tẽw dem za, a bɛlɩ dem na kpɩɛr a Pekɔdɩ, a Soa nɩ a Koa a, ɛ́ a Asiiri tẽw dem na lãw na wa n bɛ. Ɩ̃ na ɓã n a nɩbɛ bɛ ŋa taa, na ɩ pɔlbili ɛ́ pɔ̀l bɛ mɩ́ nyɛ̃ àr gù, na-kpɛ̃ɛ-lɩɛrbɛ nɩ ƴɛ̀r-dɩrbɛ, zɛ-zɛbrbɛ nɩ tõ-tõ-bi-bɛr-yée, wi-zɔm-karɩ bɛ za a.

Matie 26:17

A dipɛ̃ na bɛ ƴãw dãbɩl a cuw bibi-dãw-niwn sob, a Yeezu po-tuurbɛ tɩ wa na wa sowr'ʋ: «Nyɩnɛ n'a fʋ bɔbr kɛ́ tɩ cɔbrɩ a Tɔl-gãw dɩb?»

Zã 19:11

Ɛcɛ a Yeezu tɩ sɔw ʋ na: «Naaŋmɩn bɛ tɩ kʋ̀ b a fãw a, fʋ kʋ̃ʋ tɩ tɛr fãw kãw za a ɩ̃ zu ɛ. Alɛ so, a nɩr ʋl na mɩl mɛ̃ nyɔw ƴãw a fʋ nuru pʋɔ a tɛr'ɩ sãwna zuo fʋ.»