Ɛsɩdɩrasɩ 6:16 - A SƐB-SÕW

¹⁶ A Zifʋ mɩnɛ, a bàwr-maalbɛ, a levitɩ mɩnɛ nɩ a nɩbɛ bɛl na tɩ yi a diw-cenu zie lɛb wa a, tɩ maal'ɩ cuw de a yir kʋ̀ a Naaŋmɩn nɩ nʋ̃ɔ̀.

Ɛsɩdɩrasɩ 6:16 ပူးပေါင်းရင်းမြစ်များ

1 Na-mɩnɛ 8:62

A nãà Salomɔ̃ nɩ a Ɩsɩrayɛl nɩbɛ za na tɩ be be a tɩ maal'ɩ bagɛ kʋ̀ a Sore.

1 Na-mɩnɛ 8:63

A Salomɔ̃ tɩ kʋ n nĩi tùr-lɩzɛr'ɩ ayi (22 000), píir nɩ bʋʋr tùr-lɩz'a ayʋɔb (120 000) maal'ɩ lãw-taa bagɛ. À à ŋá n'a bɛ tɩ de a Ŋmɩn-yir-kpɛ̃ɛ kʋ̀ a Sore.

1 Bibie za yel-manɩ 15:28

A Ɩsɩrayɛl nɩbɛ za tɩ bɩɛlɛ nɩ a Sore wõ-taa daga dúor'ɩ a Zerizalɛm, lɔbr'ɩ nʋ̃ɔ̀ cɛlsɩ, pɛblɛ nɩ wɩɩr nɩ ɩ́lɛ́, ŋmɩɛr'ɩ sɛ̃sɛgɛ nɩ pɛ̀nɛ́ nɩ korijom.

1 Bibie za yel-manɩ 9:2

A bɛlɩ dem na tɩ de niwn lɛb wa a bɛ tẽw pʋɔ, kɛ́ bɛ wa lɛb de a bɛ bʋ̃-tɛrɩ a, bɛ tɩ ɩ n a Ɩsɩrayɛl nɩ-zawlɛ, al pùorí a bàwr-maalbɛ, a levitɩ mɩnɛ nɩ a Ŋmɩn-yir-kpɛ̃ɛ tõ-tõ-biir.

2 Bibie za yel-manɩ 29:30

Al pùorí, a nãà Ezekɩasɩ nɩ a nɩ-bɛrɛ tɩ yel'ɩ a levitɩ mɩnɛ kɛ́ bɛ danɩ a Sore nɩ a yielu al a Daviir nɩ a naaŋmɩn-ƴɛ̀r-manɛ Asafʋ na tɩ maalɩ a. Lɛ n'a a levitɩ mɩnɛ tɩ yieli nɩ nʋ̃ɔ̀, al pùorí bɛ gbĩ dume ɛ́ gũu tɩ tɔ tẽw.

2 Bibie za yel-manɩ 30:23

Al pùorí, a lãw nɩbɛ za tɩ sàw na k'aa cuw cãà maalɩ bibie ayopõi ƴãw pʋɔ, ɛ́ bɛ lɛb tɩ maalɩ a cuw bibie ayopõi ƴãw pʋɔ nɩ nʋ̃ɔ̀.

2 Bibie za yel-manɩ 30:26

Nʋ̃ɔ̀ tɩ ɩrɛ nɩ a Zerizalɛm tẽw dem yaga za, bʋ̃ʋ n'ʋ vɛ̃, a Daviir bidɛb Salomɔ̃ na ɩ a Ɩsɩrayɛl nãà a daar za a, yel ŋa tɔ bɛ lɛb tɩ maalɩ a Zerizalɛm ɛ.

2 Bibie za yel-manɩ 7:5

A Salomɔ̃ tɩ kʋ n nĩi tùr-lɩzɛr'ɩ ayi (22 000), píir nɩ bʋʋr tùr-lɩz'a ayʋɔb (120 000) maal'ɩ bagɛ. À à ŋá n'a a nãà nɩ a Ɩsɩrayɛl nɩ-bʋʋrɛ za tɩ de a Ŋmɩn-yir-kpɛ̃ɛ kʋ̀ a Sore.

Ɛsɩdɩrasɩ 4:1

A Zuda tẽw nɩ a Bɛ̃zamɛ tẽw Zifʋ mɩnɛ dɔ̃ dem tɩ wõ na k'aa bɛlɩ dem na yi a diw-cenu zie lɛb wa a, lɛb'a mɩɛr Ŋmɩn-yir-kpɛ̃ɛ a Sore, a Ɩsɩrayɛl Naaŋmɩn ƴãw.

Ɛsɩdɩrasɩ 6:22

Al pùorí, bɛ tɩ maal'ɩ a dipɛ̃ na bɛ ƴãw dãbɩl a cuw nɩ nʋ̃ɔ̀ bibie ayopõi. A Sore tɩ ɩ na nʋ̃ɔ̀ kpɛ bɛ yaga za, ʋ na tɩ lɩɛbɩ a Asiiri tẽw nãà socir a bɛ vla ƴãw a. A tɩ ɩ na bɛ ƴãw fãw lɛb nyɔw a tome a Ɩsɩrayɛl Naaŋmɩn yir lɛb-mɛb ƴãw.

Neemi 12:27

A Zerizalɛm dacĩ-kpɛ̃ɛ na tɩ lɛb mɛ baar'a, bɛ tɩ ƴãw na a levitɩ mɩnɛ yi a ziir al za bɛ na kpɩɛr a, wa a Zerizalɛm. Bɛ tɩ maal'ɩ cuw na ɩrɛ nʋ̃ɔ̀ yaga a, tɛr'ɩ danʋ yielu bɛ na ŋmɩɛr sɛ̃sɛgɛ, korijom, nɩ pɛ̀nɛ́ ƴãwn a.

Neemi 12:43

A nɩbɛ tɩ maal'ɩ bagɛ yaga a ʋlɩ bibir nɛ, ɛ́ nʋ̃ɔ̀ ɩrɛ. Bʋ̃ʋ n'ʋ vɛ̃, a Naaŋmɩn tɩ paal'ɩ a ʋ nɩ-bʋʋrɛ nɩ nʋ̃ɔ̀ yaga. A Zerizalɛm tẽw pʋɔ a, nʋ̃ɔ̀ tɩ ɩrɛ nɩ a pɔwbɛ nɩ a bibiir bɛ cɩɩrɛ ɩrɛ gɔmɛ, a cuw gɔmɛ tɩ yire a zi-zãána.

Neemi 8:10

A Ɛsɩdɩrasɩ tɩ yel'a ƴãw pʋɔ: «Nyɩ kul tɩ dɩ bʋ̃-dɩ-vɩɛlɩ, nyɩ tɩ nyũ dã-nʋʋr, ɛ́ a bɛlɩ dem na bɛ cɔbrɩ bom a, nyɩ ɩ a bɛ dem kʋ̀ bɛ, bʋ̃ʋ n'ʋ vɛ̃, a tɩ Sore so a bibir ŋa! Nyɩ ta tɛr pʋ-sãwna ɩ! A nʋ̃ɔ̀ na yi a Sore zie a n'ɩ a nyɩ fãw.»

Sɛb-sõw yielu 122:1

Zerizalɛm dob daar yielu. Daviir yielu. Nʋ̃ɔ̀ tɩ ɩrɛ mɛ̃ nɩ a lɛn daar bɛ na tɩ yel mɛ̃: «Nyɩ ɩ tɩ cen a Sore Ŋmɩn-yir-kpɛ̃ɛ́!»

Zã 10:22

A lɛn daar, bɛ tɩ maalɛ nɩ a Ŋmɩn-yir-kpɛ̃ɛ maalʋ cuw a Zerizalɛm. Ũo-yi-paala tɩ n'a.

Wulu-ayi-sob 12:7

A Sore zi-sõw pʋɔ be mɩ̀ n'a, nyɩɩm nɩ a nyɩ yie dem na mɩ́ lãw dɩ a bàwr-maal-bome. Nʋ̃ɔ̀ na mɩ́ ɩrɛ nyɩ na, a Sore nyɩ Naaŋmɩn na maalɩ nyɩ a nyɩ tome za pʋɔ a ƴãw.

Filib 4:4

Nyɩ cɩlɛ kʋralɛ nyɩ na lãw nɩ a Sore a, ɩ̃ lɛb'a yere: nyɩ cɩlɛ.