Ɛsɩdɩrasɩ 6:14 - A SƐB-SÕW

¹⁴ A naaŋmɩn-ƴɛ̀r-manbɛ Aze de nɩ Zakari na ɩ Ido bidɛb a ƴɛ̀rʋ tɩ sõwne nɩ a Zifʋ mɩnɛ nɩ-bɛrɛ bɛ cãà mɩɛr a yir ɛ́ a tome cere vla. Bɛ tɩ baar'ɩ a mɛb mɛ̃ a lɛ a Ɩsɩrayɛl Naaŋmɩn na yel a, nɩ a lɛ a Pɛrsɩ tẽw na-mɩnɛ Siirisɩ, Daarisɩ nɩ Artazɛrsɛsɩ na yel a.

Ɛsɩdɩrasɩ 6:14 ပူးပေါင်းရင်းမြစ်များ

Ɛsɩdɩrasɩ 3:8

A yũon ʋl na tu a bɛ lɛb-waa yũon a Naaŋmɩn yir tẽ-kpɛ̃ɛ pʋɔ a Zerizalɛm a, a cuwr ayi sob daar, a Saltɩɛl bidɛb Zorobabɛl, a Yosadakɩ bidɛb Zozue, a bɛ yɛbr bàwr-maalbɛ, a levitɩ mɩnɛ nɩ a bɛlɩ dem za na tɩ yi a diw-cenu zie lɛb wa a, bɛ tɩ nyɔw nɩ a tome. Bɛ tɩ kaa na ír a levitɩ mɩnɛ bɛl na tɛr yome lɩzɛr'ɩ dɔwlɛ a, ƴãw kɛ̀ bɛ kaarɛ a Sore yir-kpɛ̃ɛ mɛb tome zie.

Ɛsɩdɩrasɩ 4:24

A Zerizalɛm a, a Ŋmɩn-yir-kpɛ̃ɛ lɛb-mɛb tome tɩ tɛw na. A tɩ tɛw na tɩ ta a Pɛrsɩ tẽw nãà Daarisɩ naalʋ-dɩb yome ayi sob daar.

Ɛsɩdɩrasɩ 4:3

Ɛcɛ a Zorobabɛl, a Zozue nɩ a Ɩsɩrayɛl yie nɩ-bɛrɛ bɛl na cɛ a tɩ sɔw bɛ na: «A bɛ sɛw kɛ́ nyɩ sõw tɩ tɩ ŋmãa yir a tɩ Naaŋmɩn ƴãw ɛ. Tɩɩm tɛwr nɛbɛ a fɛr kɛ́ tɩ ŋmãa ʋ, bʋ̃ʋ n'ʋ vɛ̃, ʋ na ɩ n a Sore, a Ɩsɩrayɛl Naaŋmɩn yir. A Pɛrsɩ tẽw nãà Siirisɩ mɩŋa n'ʋ yel à à ŋá.»

Ɛsɩdɩrasɩ 5:1

Ɛcɛ bibir kãw, a naaŋmɩn-ƴɛ̀r-manbɛ Aze nɩ Zakari na ɩ Ido bidɛb a, tɩ ƴɛ̀r'ɩ a Zerizalɛm nɩ a Zuda tẽw Zifʋ mɩnɛ zie, a bɛ Naaŋmɩn, a Ɩsɩrayɛl Naaŋmɩn yúor ƴãw.

Ɛsɩdɩrasɩ 5:13

Ɛcɛ, a Babɩlɔn tẽw nãà Siirisɩ naalʋ-dɩb yũon-dãw-niwn sob a, ʋ tɩ tɩr'ɩ sɔ́r kɛ́ bɛ lɛb mɛ a Naaŋmɩn yir.

Ɛsɩdɩrasɩ 5:2

Lɛ n'a a Saltɩɛl bidɛb, Zorobabɛl, nɩ Yosadakɩ bidɛb, Zozue, tɩ ìr tĩ a Ŋmɩn-yir-kpɛ̃ɛ lɛb-mɛb tome a Zerizalɛm. A naaŋmɩn-ƴɛ̀r-manbɛ tɩ sõwne bɛ na.

Ɛsɩdɩrasɩ 6:3

«A nãà Siirisɩ naalʋ-dɩb yũon-dãw-niwn sob a, ʋ tɩr'ɩ nʋɔr ŋa: a fɛr'a k'aa Naaŋmɩn yir lɛb mɛ a Zerizalɛm, ɩ a bagɛ maalʋ-zie. A ʋ dacĩ-pɛ-kore zu n'a bɛ na lɛb mɛ ʋ. A ʋ kɛrʋ na ɩ n mɛtɩr lɩzɛr'ɩ pie ɛ́ a yɛ̀lʋ mɩ̀ ɩ a mɛtɩr lɩzɛr'ɩ pie.

Ɛsɩdɩrasɩ 6:8

A na ɩ à ŋá a, ɩ̃ yere na kʋ̀rɛ nyɩ kɛ́ nyɩ sõwne a Zifʋ mɩnɛ nɩ-bɛrɛ a Ŋmɩn-yir-kpɛ̃ɛ lɛb-mɛb ƴãw. A samɛ bɛ na kpɩɛr a, nyɩ na mɩ́ ya n a za daadaalɛ nɩ a nãà libie na yire a tẽ-ŋmãa-kʋ̀ra zuru-yar pʋɔ a.

Ɛsɩdɩrasɩ 7:1

A yele á ŋá pùorí, a Pɛrsɩ tẽw nãà Artazɛrsɛsɩ naalʋ-dɩb daar, Ɛsɩdɩrasɩ nɛ kãw tɩ yi n a Babɩlɔn wa ta. Seraya bidɛb tɩ n'ʋ. A Seraya tɩ ɩ n Azarɩa bidɛb, a Azarɩa ɩ Hɩlkɩa bidɛb, a Hɩlkɩa ɩ Salum bidɛb, a Salum ɩ Sadɔkɩ bidɛb, a Sadɔkɩ ɩ Ahituvʋ bidɛb, a Ahituvʋ ɩ Amarɩa bidɛb, a Amarɩa ɩ Azarɩa bidɛb, a Azarɩa ɩ Merayɔtɩ bidɛb, a Merayɔtɩ ɩ Zeraya bidɛb, a Zeraya ɩ Uzi bidɛb, a Uzi ɩ Buki bidɛb, a Buki ɩ Avisuwa bidɛb, a Avisuwa ɩ Pɩnasɩ bidɛb, a Pɩnasɩ ɩ Eleazaar bidɛb, a Eleazaar ɩ a bàwr-maal-kara Aarɔ̃ bidɛb. A Ɛsɩdɩrasɩ tɩ ɩ n sɛb-bãwnɛ, nɩr na bãw a wulu a Sore, a Ɩsɩrayɛl Naaŋmɩn, na kʋ̀ a Moyiir a vla vla. A Sore ʋ Naaŋmɩn tɩ gùre ʋ na, alɛ so a nãà mɩ́ tɩ kʋ̀ ʋ bom za ʋ na mɩ́ tɩ zɛlɛ a.

Ɛsɩdɩrasɩ 9:9

Sɩza n'a, tɩ Naaŋmɩn i, tɩ tɩ ɩ n gbãgbaar, ɛ́ fʋ bɛ jɛ tɩ bɛr a gbãgbaalʋ ŋa pʋɔ ɩ. Fʋ ɩ na a Pɛrsɩ na-mɩnɛ tɛr pʋ-pɩɛlʋ a tɩ zie, ɩ tɩ lɛb vʋʋrɛ. Lɛ n'a tɩ tʋ̃ɔ́ lɛb mɛ a fʋ yir, lɛb mɛ a ʋ dacine na lo a, ɛ́ nyɛ̃ kpɛb zie tɩ na kʋ̃ bãw damnʋ a, a Zerizalɛm nɩ a Zuda ten pʋɔ.

Neemi 6:15

A dacĩ-kpɛ̃ɛ tɩ baar'ɩ a Elul cuw bibie lɩzɛr'ɩ anũu sob daar. A tome tɩ tõ n bibie lɩz'a ayi nɩ pie nɩ ayi.

Ɩzayi 44:28

Ɩ̃ yere nɩ à ŋá a Siirisɩ ƴãw: “A cɩ̃ɩnɛ ɩ̃ na kaa ír a n'ʋ. Ʋ na ɩ n a lɛ za ɩ̃ na bɔbr a tu. ʋ na tɩr'ɩ nʋɔr ɛ́ a Zerizalɛm lɛb mɛ, ɛ́ a Ŋmɩn-yir-kpɛ̃ɛ lɛb mɛ àr.”»

A naaŋmɩn-ƴɛ̀r-manɛ Aaze sɛbɛ 1:1

A Daarisɩ naalʋ-dɩb yome ayi sob daar, a cuwr ayʋɔb sob bibir dãw-niwn sob, a Sore tɩ ƴɛ̀r'ɩ a ʋ ƴɛ̀r-manɛ Aze zie. Ʋ tɩ ƴãw na k'ʋʋ cen tɩ ƴɛ̀r a ʋ ƴɛ̀rʋ á ŋá kʋ̀ Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a, nɩ a bàwr-maal-kara Zozue, na ɩ Yehosadakɩ bidɛb a.

A naaŋmɩn-ƴɛ̀r-manɛ Aaze sɛbɛ 1:8

Nyɩ do tãw zu tɩ bɔ dàar wa lɛb mɛ n a ɩ̃ yir-kpɛ̃ɛ, lɛ n'a a ɩ̃ pʋɔ na pɛlɩ, ɩ̃ɩ wul a ɩ̃ yúor-vɩɛlʋ-danʋ, a mãa Sore n'ʋ yere.

Zakari 1:1

A Daarisɩ naalʋ-dɩb yome ayi sob, a cuwr ani sob, a Sore tɩ ƴɛ̀r'ɩ a naaŋmɩn-ƴɛ̀r-manɛ Zakari na ɩ Berekɩa bidɛb nɩ Ido yãw a zie.

Zakari 1:16

Alɛ n'a so ɩ̃ yere, a mãa, a Sore Kpɛnʋ-za-sob: Ɩ̃ lɛb'a waar a Zerizalɛm nɩ nɩbaal-zɔba. A ɩ̃ yir na lɛb'a mɛ a ʋ pʋɔ, ɛ́ bɛ na lɛb'a mɛ a Zerizalɛm tẽ-kpɛ̃ɛ.»

Zakari 4:9

«A Zorobabɛl nuru n'a sʋ̃ɔ́ a Ŋmɩn-yir-kpɛ̃ɛ pɛr, ɛ́ na mɛ ʋ tɩ baarɩ.» A yele á ŋá za wa ta baar'a, nyɩ na bãw na k'aa Sore, a Kpɛnʋ-za-sob, sɩrɩ n'ʋ tõ m a nyɩ zie.

Zakari 8:9

À ŋá n'a a Sore, a Kpɛnʋ-za-sob, yere: «Nyɩ ƴãw fãw! Nyɩ̀ wone nɩ a ƴɛrɛŋa, a ƴɛ̀rʋ á ŋá ɩ̃ na tɩ dãw ƴãw a ƴɛ̀r-manbɛ ƴɛ̀r, a lɛn daar bɛ na tɩ lɔb a yir-kpɛ̃ɛ pɛr, a ʋ mɛb ƴãw a.