Ɛsɩdɩrasɩ 5:3 - A SƐB-SÕW

³ Daadaalɛ, Tatɩnaɩ na ɩ a Efaratɩ gãwn na be a mʋ̃tɔ̃w-kpɛb-lowr a na-kpɛ̃ɛ-lɩɛrɛ a, Setaar-Bozɩnaɩ nɩ a bɛ taabɛ tɩ wa na wa páw bɛ sowri bɛ: «Ãa n'ʋ kʋ̀ nyɩ a sɔ́r kɛ́ nyɩ lɛb mɛ a Ŋmɩn-yir-kpɛ̃ɛ ŋa ɛ́ lɛb maalɩ a dacine ƴãw?

Ɛsɩdɩrasɩ 5:3 ပူးပေါင်းရင်းမြစ်များ

Ɛsɩdɩrasɩ 1:3

A nyɩ pʋɔ a, a bɛlɩ dem za na pʋɔ a ʋ nɩ-bʋʋrɛ pʋɔ a, bɛ lɛb cen a Zerizalɛm, a Zuda tẽw, tɩ lɛb mɛ a Sore, a Ɩsɩrayɛl Naaŋmɩn na be a Zerizalɛm a, Ŋmɩn-yir-kpɛ̃ɛ. Ɛ́ a bɛ Naaŋmɩn be a bɛ zie!

Ɛsɩdɩrasɩ 4:12

«Tɩ yere na kʋ̀rɛ a fʋ̃ʋ, na-kpɛ̃ɛ, k'aa Zifʋ mɩnɛ bɛl na yi a fʋ zie wa ta a tɩ sɔgɔ a Zerizalɛm a, bɛ lɛb'a mɩɛr a tẽ-kpɛ̃ɛ-gaara, a tẽ-kpɛ̃ɛ-faa ŋa. A dacĩ-pɛ́ɛ na tɩ sʋ̃ɔ́ a, bɛ lɛb'a maalɛ a ƴãwn ɛ́ mɩɛr a dacine.

Ɛsɩdɩrasɩ 4:9

«Sɛb-tʋɔla, a vuo na-kpɛ̃ɛ-lɩɛrɛ Erehum, a ʋ tuure Sɩmsaɩ, nɩ a bɛ taabɛ na kaarɛ a Din, Afarɩsatakɩ, Tarpɛl, Afarasɩ, Uurukɩ, Babɩlɔn, Siizɩ, Deha nɩ Elam voru zie a, na sɛb a.

Ɛsɩdɩrasɩ 5:6

A sɛb-tʋɔla a na-kpɛ̃ɛ-lɩɛrɛ Tatɩnaɩ, a Setaar-Bozɩnaɩ nɩ a ʋ tõ-tõ-nɩ-bɛr-taabɛ na be a Efaratɩ gãwn a mʋ̃tɔ̃w-kpɛb-lowr a na tɩr kʋ̀ a nãà Daarisɩ a, ƴɛ̀r-bie n'ɩ á ŋá.

Ɛsɩdɩrasɩ 5:9

Tɩ tɩ sowr'ɩ a tome nɩ-bɛrɛ: “Ãa n'ʋ yel kɛ́ nyɩ lɛb mɛ a Ŋmɩn-yir ŋa ɛ́ lɛb maalɩ a dacine ƴãw?”

Ɛsɩdɩrasɩ 6:13

A Tatɩnaɩ na be a Efaratɩ gãwn a mʋ̃tɔ̃w-kpɛb-lowr ɩ a na-kpɛ̃ɛ-lɩɛrɛ a, Setaar-Bozɩnaɩ nɩ a bɛ taabɛ, bɛ tɩ tu n a lɛn tɔr za a nãà Daarisɩ na tɩ yel a.

Ɛsɩdɩrasɩ 6:6

Lɛ n'a a Daarisɩ tɩ sɛb sɛb-tʋɔla ŋa kʋ̀ a Tatɩnaɩ, na ɩ a na-kpɛ̃ɛ-lɩɛrɛ be a tẽ-ŋmãa-kʋ̀ra ʋl na be a Efaratɩ gãwn mʋ̃tɔ̃w-kpɛb-lowr a pʋɔ a, nɩ a Setaar-Bozɩnaɩ nɩ a bɛ tõ-tõ-nɩ-bɛr-taabɛ: «Nyɩ ír nũu a yel ŋa pʋɔ.

Ɛsɩdɩrasɩ 7:21

A mãa Artazɛrsɛsɩ na ɩ a nãà a, ɩ tɩrɛ nɩ nʋɔr ŋa kʋ̀rɛ a libi-binbɛ za na be a Efaratɩ gãwn mʋ̃tɔ̃w-kpɛb-lowr vuo pʋɔ a: bom nɛ za a bàwr-maalɛ Ɛsɩdɩrasɩ na ɩ a Naaŋmɩn na be a salom zu a wulu bãw-bãw-kara nãà wa yel kʋ̀ nyɩ a, nyɩ tu a lɛ tɔr za.

A naaŋmɩn-ƴɛ̀r-manɛ Aaze sɛbɛ 1:1

A Daarisɩ naalʋ-dɩb yome ayi sob daar, a cuwr ayʋɔb sob bibir dãw-niwn sob, a Sore tɩ ƴɛ̀r'ɩ a ʋ ƴɛ̀r-manɛ Aze zie. Ʋ tɩ ƴãw na k'ʋʋ cen tɩ ƴɛ̀r a ʋ ƴɛ̀rʋ á ŋá kʋ̀ Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a, nɩ a bàwr-maal-kara Zozue, na ɩ Yehosadakɩ bidɛb a.

Matie 21:23

A Yeezu na tɩ kpɛ a Ŋmɩn-yir-kpɛ̃ɛ pʋɔ kanɛ nɩ a nɩbɛ a, a bàwr-maal-nɩ-bɛrɛ nɩ a Zifʋ mɩnɛ nɩ-kore tɩ taw na ta a ʋ zie sowr'ʋ: «Nyɩnɛ n'a fʋ páw a sɔ́r ɩrɛ à à ŋá? Ɛ́ ãa n'ʋ kʋ̀ fʋ a sɔ́r kɛ́ fʋ ɩrɛ à à ŋá?»

Nɩ-toni 4:7

Bɛ tɩ ƴãw na bɛ tɛr a Pɩɛr nɩ a Zã wa n a bɛ niŋé, bɛ wa tɛr'ɩ bɛ sowru: «Ãa n'ʋ kʋ̀ nyɩ a fãw, bɩɩ ãa yúor ƴãw n'a nyɩ tõ à à ŋá?»