Ɛsɩdɩrasɩ 4:3 - A SƐB-SÕW

³ Ɛcɛ a Zorobabɛl, a Zozue nɩ a Ɩsɩrayɛl yie nɩ-bɛrɛ bɛl na cɛ a tɩ sɔw bɛ na: «A bɛ sɛw kɛ́ nyɩ sõw tɩ tɩ ŋmãa yir a tɩ Naaŋmɩn ƴãw ɛ. Tɩɩm tɛwr nɛbɛ a fɛr kɛ́ tɩ ŋmãa ʋ, bʋ̃ʋ n'ʋ vɛ̃, ʋ na ɩ n a Sore, a Ɩsɩrayɛl Naaŋmɩn yir. A Pɛrsɩ tẽw nãà Siirisɩ mɩŋa n'ʋ yel à à ŋá.»

Ɛsɩdɩrasɩ 4:3 ပူးပေါင်းရင်းမြစ်များ

2 Bibie za yel-manɩ 36:22

A Pɛrsɩ tẽw nãà Siirisɩ naalʋ-dɩb yũon-dãw-niwn sob, a Sore tɩ yel'a k'ʋʋ na ɩ na a ƴɛ̀rʋ ʋ na tɩ ƴãw a ʋ ƴɛ̀r-manɛ Zeremi ƴɛ̀r a tu a tub. Ʋ tɩ ƴãw nɩ a tɩɛrʋ ŋa a Siirisɩ, k'ʋʋ ƴãw bɛ hieri yel, ɛ́ sɛb sɛbɛ yel a ʋ naalʋ-tẽw za pʋɔ à ŋá:

Ɛsɩdɩrasɩ 1:1

A Pɛrsɩ tẽw nãà, Siirisɩ, naalʋ-dɩb yũon-dãw-niwn sob, a Sore tɩ yel'a k'ʋʋ na ɩ na a ƴɛ̀rʋ ʋ na tɩ ƴãw a ʋ ƴɛ̀r-manɛ Zeremi ƴɛ̀r a, a tu a tub. Ʋ tɩ ƴãw nɩ a tɩɛrʋ ŋa a Siirisɩ, k'ʋʋ ƴãw bɛ hieri yel, ɛ́ sɛb sɛbɛ yel a ʋ naalʋ-tẽw za pʋɔ à ŋá:

Ɛsɩdɩrasɩ 1:2

«À ŋá n'a a Pɛrsɩ tẽw nãà, Siirisɩ, yere: A Sore, a salom Naaŋmɩn kʋ̀ m'ɩ a tẽ-daa naalʋ-ten za. Ʋ yel mɛ̃ na k'ɩ̃ɩ lɛb mɛ Ŋmɩn-yir-kpɛ̃ɛ kʋ̀ ʋ a Zerizalɛm, a Zuda tẽw pʋɔ.

Ɛsɩdɩrasɩ 1:3

A nyɩ pʋɔ a, a bɛlɩ dem za na pʋɔ a ʋ nɩ-bʋʋrɛ pʋɔ a, bɛ lɛb cen a Zerizalɛm, a Zuda tẽw, tɩ lɛb mɛ a Sore, a Ɩsɩrayɛl Naaŋmɩn na be a Zerizalɛm a, Ŋmɩn-yir-kpɛ̃ɛ. Ɛ́ a bɛ Naaŋmɩn be a bɛ zie!

Ɛsɩdɩrasɩ 3:8

A yũon ʋl na tu a bɛ lɛb-waa yũon a Naaŋmɩn yir tẽ-kpɛ̃ɛ pʋɔ a Zerizalɛm a, a cuwr ayi sob daar, a Saltɩɛl bidɛb Zorobabɛl, a Yosadakɩ bidɛb Zozue, a bɛ yɛbr bàwr-maalbɛ, a levitɩ mɩnɛ nɩ a bɛlɩ dem za na tɩ yi a diw-cenu zie lɛb wa a, bɛ tɩ nyɔw nɩ a tome. Bɛ tɩ kaa na ír a levitɩ mɩnɛ bɛl na tɛr yome lɩzɛr'ɩ dɔwlɛ a, ƴãw kɛ̀ bɛ kaarɛ a Sore yir-kpɛ̃ɛ mɛb tome zie.

Neemi 2:20

Ɩ̃ tɩ sɔw nɩ à ŋá kʋ̀ bɛ: «A Naaŋmɩn na be a salom zu a n'ʋ na ɩ tɩ tʋ̃ɔ́. A tɩɩm na ɩ a ʋ tõ-tõ-biir a, tɩ na ìr'a nyɔw a tome lɛb mɛ a tẽw. Ɛcɛ a nyɩɩm a, nyɩ bɛ tɛr sɔ́r na so bom kãw za a Zerizalɛm ka ɩ, nyɩ bɛ dɩrɛ nɩ-kpɛ̃ɛnʋ kãw za a ʋ pʋɔ ɩ, nɩr za mɩ̀ taa tɛrɛ a nyɩ tɩɛrʋ a tẽ-kpɛ̃ɛ ŋa pʋɔ towtow ɛ!»

Ɩzayi 44:28

Ɩ̃ yere nɩ à ŋá a Siirisɩ ƴãw: “A cɩ̃ɩnɛ ɩ̃ na kaa ír a n'ʋ. Ʋ na ɩ n a lɛ za ɩ̃ na bɔbr a tu. ʋ na tɩr'ɩ nʋɔr ɛ́ a Zerizalɛm lɛb mɛ, ɛ́ a Ŋmɩn-yir-kpɛ̃ɛ lɛb mɛ àr.”»

Ɩzayi 45:4

A ɩ̃ tõ-tõ-bie Zakɔb ƴãw n'a, ʋ̃ʋ, a Ɩsɩrayɛl ɩ̃ na kaa ír a ƴãw n'a ɩ̃ yel a fʋ yúor bʋɔlɩ fʋ. Ɩ̃ ƴãwnɛ fʋ na, ɛ́ fʋ bɛ bãw mɛ̃ ɩ.

Matie 10:16

«A mãa a, ɩ̃ tone nyɩ na mɛ̃ píir wɛ-baar sɔgɔ a. A na ɩ lɛ a, nyɩ cɩ mɛ̃ wɩɩr a, ɛ́ ɩ pɔwlbɛ mɛ̃ naŋmamɛ a.

Zã 4:9

Ɛcɛ a pɔw ʋl, a Samaari tẽw pɔw nɛ, tɩ lɛb'a yel ʋ: «Ŋmɩŋmɩn za n'a fʋ ɩ Zifʋ, ɛ́ zɛlɛ kʋ̃ɔ a ɩ̃ zie, mãa na ɩ Samaari tẽw pɔw a?» A Zifʋ mɩnɛ nɩ a Samaari tẽw nɩbɛ bɛ tɩ tuore ɩ.

Nɩ-toni 8:21

A fʋ tɩɛrʋ na bɛ tori a Naaŋmɩn zie a, fʋ bɛ tɛr sɔ́r na páw bom za a yele á ŋá na ɩrɛ a ka a pʋɔ ɩ.