Ɛsɩdɩrasɩ 4:2 - A SƐB-SÕW

² Bɛ tɩ wa na wa páw a Zorobabɛl nɩ a yie nɩ-bɛrɛ yel bɛ à ŋá: «Tɩ bɔbr'a kɛ́ tɩ sõw nyɩ, nyɩ ŋmãa a Ŋmɩn-yir-kpɛ̃ɛ ŋa, bʋ̃ʋ n'ʋ vɛ̃, a Naaŋmɩn-been n'ʋ tɩ puore mɛ̃ a nyɩɩm a, ɛ́ maalɛ bagɛ kʋ̀rɛ ʋ, a lɛn daar za a Asiiri tẽw nãà Asaradɔ̃ na diw tɩ wa n a ka a.»

Ɛsɩdɩrasɩ 4:2 ပူးပေါင်းရင်းမြစ်များ

Yele-za-pɛr-tib 10:11

A Nemirodi tɩ yi n a tẽw ŋa pʋɔ cen Asiiri tɩ ŋmãa Nɩnɩɩvʋ, Erehovɔtɩ-Ɩɩr, Kala

2 Na-mɩnɛ 17:24

A Asiiri tẽw nãà tɩ ƴãw na nɩbɛ yi Babɩlɔn, Kutɩ, Awa, Hamatɩ nɩ Sefarwayim, ɛ́ wa zɩ̃ a Samaari tẽw tẽ-bɛrɛ pʋɔ, lɩɛrɩ a Ɩsɩrayɛl nɩbɛ bɛ na tɩ diw cen nɩ zi-yoru a. A nɩbɛ bɛ ŋa tɩ de nɩ a zie só ʋ, ɛ́ kpɩɛr a tẽ-bɛrɛ pʋɔ.

2 Na-mɩnɛ 17:41

À ŋá n'a bɛ tɩ ƴãwnɛ a Sore, ɛ́ mɩ̀ cãà maalɛ a bɛ tɩbɛ. A bɛ bibiir nɩ a bɛ bʋʋrɛ a bɛ pùorí tɩ cãà na cow ɩrɛ à à ŋá, wa tɔ a dɩ̃a.

2 Na-mɩnɛ 19:37

Bibir kãw ʋ na tɩ puore a ʋ ŋmɩn Nɩsɩrɔkɩ yir a, a ʋ bidɛbr ayi kãw, Adɩramelɛkɩ nɩ Saresɛɛr, tɩ kʋ ʋ na ɛ́ zɔ cen Araratɩ. A ʋ bidɛb ƴen sob, Asaradɔ̃, tɩ lɩɛr'ʋ na dɩ a naalʋ.

Ɛsɩdɩrasɩ 1:5

Lɛ n'a a Zuda nɩ a Bɛ̃zamɛ yie nɩ-bɛrɛ, a bàwr-maalbɛ nɩ a levitɩ mɩnɛ mɩnɛ nɩ a bɛlɩ dem za a Sore Naaŋmɩn na tɩ ƴãw a tɩɛrʋ kɛ́ bɛ cen tɩ lɛb mɛ a ʋ yir a Zerizalɛm a, bɛ tɩ cɔbrɩ a cenu.

Ɛsɩdɩrasɩ 2:2

Bɛlɛ nɩ Zorobabɛl nɩ Zozue nɩ Neemɩa nɩ Seraya nɩ Erelaya nɩ Mɔrdokaɩ nɩ Bilsan nɩ Misɩpaar nɩ Bigɩwaɩ nɩ Erehum nɩ Baana nɛbɛ tɩ lɛb wa. A bɛ yée nɩ a Ɩsɩrayɛl nɩbɛ nʋɔr na sɛb tu taa a n'ɩ á ŋá:

Ɛsɩdɩrasɩ 3:12

Bàwr-maalbɛ, levitɩ mɩnɛ nɩ yie nɩ-bɛrɛ yaga na tɩ kor kor ɛ́ nyɛ̃ a Ŋmɩn-yir-kpɛ̃ɛ dãw-niwn sob a, tɩ vaa nɩ kɔkɔr kone nɩ ɛ́ bɛ sʋ̃ɔ́nɛ a Ŋmɩn-yir-kpɛ̃ɛ-paala pɛr a bɛ mimié. Ɛcɛ nɩ-yaga mɩ̀ tɩ ŋmɩɛr'ɩ kuryii a nʋ̃ɔ̀ na tɩ ɩrɛ bɛ a ƴãw.

Ɛsɩdɩrasɩ 3:2

A bàwr-maalɛ Zozue na ɩ Yosadakɩ bidɛb a, nɩ a ʋ yɛbr bàwr-maalbɛ, de nɩ Saltɩɛl bidɛb Zorobabɛl nɩ a ʋ yir dem, tɩ ír'a nyɔw a Ɩsɩrayɛl Naaŋmɩn bàwr-maal-kuur lɛb-mɛb, kɛ́ bɛ tʋ̃ɔ́ mɩ́ maalɩ nyɩw-a-za-bagɛ, mɛ̃ a lɛ bɛ na sɛb a Naaŋmɩn nɩr Moyiir wulu pʋɔ a.

Neemi 9:32

Fʋ̃ʋ tɩ Naaŋmɩn i, fʋ ɩ n kpɛ̃ɛ, fʋ tɛr'ɩ fãw ɛ́ bɛ tɛr dɩ̃ɛnʋ ɛ, fʋ tɛr'ɩ a wõ-taa fʋ na maal'ɩ tɩ a vla. Cɛlɛ a kpɩɛrʋ a fʋ nɩ-bʋʋrɛ, a tɩ na-mɩnɛ nɩ a tɩ nɩ-bɛrɛ, a tɩ bàwr-maalbɛ, tɩ naaŋmɩn-ƴɛ̀r-manbɛ, a tɩ sãàkʋm-kore nɩ a tɩɩm tɛɛ za na nyɛ̃ a zie, a Asiiri na-mɩnɛ daar za wa tɩ tɔ a dɩ̃a a.

Sɛb-sõw yielu 73:8

Bɛ mɩ́ ɩrɛ nɩ a nɩbɛ laar, ɛ́ tɛr po-to-ƴɛ̀rʋ, bɛ bɛ mɩ́ bɛrɛ a nɩbɛ a bɛ ƴɛ̀rʋ pʋɔ ɩ.

Ɩzayi 37:37

Lɛ n'a a Asiiri tẽw nãà, Senakerib, tɩ ƴãw bɛ wɩl a pɛnɛ-sɛwr, ʋʋ lɛb kul a ʋ tẽ-kpɛ̃ɛ Nɩnɩɩvʋ, tɩ be a be.

Ɩzayi 37:38

Bibir kãw ʋ na tɩ puore a ʋ ŋmɩn Nɩsɩrɔkɩ yir a, a ʋ bidɛbr ayi kãw, Adɩramelɛkɩ nɩ Saresɛɛr, tɩ kʋ ʋ na ɛ́ zɔ cen Araratɩ. A ʋ bidɛb ƴen sob, Asaradɔ̃, tɩ lɩɛr'ʋ na dɩ a naalʋ.

A naaŋmɩn-ƴèr-manɛ Oze sɛbɛ 14:3

Nyɩ tɛr ƴɛ̀r-bie á ŋá taabɛ lɛb wa n a Sore zie: «Fʋ mɩ́ de nɩ sãwna za bɛr a baarɩ, sàw de a bom nɛ na vɩɛl a. A tɩ nʋɔr ƴɛ̀rʋ n'a tɩ na de maal'ɩ bàwr kʋ̀ b, nadeli bɛ n'a ɩ.

Galasi 2:4

yɛb-bɛlɛbɛlɛ bɛ mɩnɛ kãw na saa tɩ kpɛ jɛr a tɩ pʋɔ, ɛ́ bɔbr kɛ́ bɛ ŋmãa ʋ a yʋ̀ɔr a. A nɩbɛ bɛ ŋa tɩ sɔwl'a kpɛ a tɩ pʋɔ, kɛ́ bɛ piwre a só-tɩ-tʋɔra tɩ na páw a Yeezu Kɩrɩta zie a, ɛ́ lɛb tɛr tɩ tɩ ƴãw a Naaŋmɩn wulu sàwfʋ gbãgbaalʋ pʋɔ.

2 Timote 3:8

Mɛ̃ a lɛ a Zanɛsɩ nɩ a Zãbɩrɛsɩ na bɛ tɩ sàw de a Moyiir ƴɛ̀rʋ a, lɛ n'a a nɩbɛ bɛ ŋa mɩ̀ bɛ sàw de a yel-mɩŋa ɩ. Yã-faar nɩbɛ nɛbɛ, a bɛ naaŋmɩn-sàw-deb bɛ tɛr bir ɛ.