Ɛsɩdɩrasɩ 2:68 - A SƐB-SÕW

⁶⁸ Bɛ na tɩ ta a Zerizalɛm, a Sore Ŋmɩn-yir-kpɛ̃ɛ́ a, a yie nɩ-bɛrɛ bɛ mɩnɛ tɩ nɔ̃w na tɩr bome, k'aa Naaŋmɩn yir tʋ̃ɔ́ lɛb mɛ a be ʋ na tɩ dãw àr a.

Ɛsɩdɩrasɩ 2:68 ပူးပေါင်းရင်းမြစ်များ

1 Bibie za yel-manɩ 21:18

A Sore malkɩ tɩ yel'ɩ a Gadɩ: «Yel a Daviir k'ʋʋ do a Ɔrnan na yi a Zebi tẽw a ble vab gbãgbalá tɩ mɛ bàwr-maal-kuur a be a Sore ƴãw.»

1 Bibie za yel-manɩ 22:1

Alɛ so a Daviir mɩ́ tɩ yel: «A Sore Naaŋmɩn yir'ɩ a ka, ɛ́ a Ɩsɩrayɛl nyɩw-a-za-bàwr bàwr-maal-kuur n'ɩ à ŋá.»

2 Bibie za yel-manɩ 3:1

A Salomɔ̃ tɩ tĩ nɩ a Sore Ŋmɩn-yir-kpɛ̃ɛ ŋmãafʋ a Zerizalɛm, a Moriya tãw zu, a be a Sore na tɩ ɩ a ʋ sãà Daviir nyɛ̃ ʋ a. A Daviir tɩ cɔbr'ɩ a zie a Ɔrnan na ɩ Zebi bʋʋrɛ a ble vab gbãgbalá.

Ɛsɩdɩrasɩ 2:67

nyɔ̃wmɩ kɔbr anaar dɔwlɩ lɩz'a ayi ŋmãa anũu (435) nɩ bòn túr ayʋɔb kɔbr ayopõi dɔwlɩ lɩzɛr (6 720).

Ɛsɩdɩrasɩ 2:69

Bɛ tɩ tɩr'ɩ a lɛ bɛ na tʋ̃ɔ́ a, a tome á ŋá tob ƴãw: salm-zɩɛ libie tùr-lɩz'a ata nɩ been (61 000) nɩ salm-pla kilo túr-ayi dɔwlɩ kɔbr anũu (2 500). Bɛ mɩ̀ tɩ tɩr'ɩ bàwr-maalbɛ kpar-wowr kʋba (100).

Ɛsɩdɩrasɩ 3:3

Bɛ tɩ zɔrɛ nɩ a nɩbɛ bɛ na diw bɛ cen nɩ baarɩ ɛ́ bɛ wa zɩ̃ a tẽw pʋɔ a dɛ̃bɩ̃ɛ, ɛcɛ, bɛ tɩ cãà na lɛb mɛ a bàwr-maal-kuur ŋa a be a pɛr na tɩ dãw sʋ̃ɔ́ a, ɛ́ maalɩ a biɓaara nɩ a zaanʋɔra nyɩw-a-za-bagɛ kʋ̀ a Sore.

Ɛsɩdɩrasɩ 9:9

Sɩza n'a, tɩ Naaŋmɩn i, tɩ tɩ ɩ n gbãgbaar, ɛ́ fʋ bɛ jɛ tɩ bɛr a gbãgbaalʋ ŋa pʋɔ ɩ. Fʋ ɩ na a Pɛrsɩ na-mɩnɛ tɛr pʋ-pɩɛlʋ a tɩ zie, ɩ tɩ lɛb vʋʋrɛ. Lɛ n'a tɩ tʋ̃ɔ́ lɛb mɛ a fʋ yir, lɛb mɛ a ʋ dacine na lo a, ɛ́ nyɛ̃ kpɛb zie tɩ na kʋ̃ bãw damnʋ a, a Zerizalɛm nɩ a Zuda ten pʋɔ.

Sɛb-sõw yielu 110:3

A bibir ʋl fʋ na mɩ́ bʋɔlɛ a fʋ zɛbr-nɩbɛ ɓanɛ taa a, a fʋ nɩbɛ mɩ́ waar'a, tʋlɛ bɛ za. A pɔlbili mɩ́ waar'ɩ a fʋ zie a tan-son zu, ɩ mɛ̃ a ɓɩɛlʋ a biɓaara a.

Eziptɩ tẽw yib 25:2

«Yel a Ɩsɩrayɛl nɩbɛ kɛ́ bɛ ƴãw bʋ̃-tɩrɩ tɩrʋ be be a ɩ̃ ƴãw. Bɛlɩ dem pʋʋr na pɛlɩ a zie n'a bɛ na mɩ́ de a bʋ̃-tɩrɩ á ŋá.

Eziptɩ tẽw yib 35:21

Al pùorí, a bɛlɩ dem za na bɔbr a, nɩ nɩbɛ bɛl pʋʋr na pɛlɩ a, bɛ tɩ wa n nɩ a bɛ bʋ̃-tɩrɩ wa kʋ̀ a Sore, a tuor-taa pɛn-sɛw maalʋ ƴãw, a puoru yele za ƴãw nɩ a kpar-son sɛb ƴãw.

Eziptɩ tẽw yib 35:29

A Ɩsɩrayɛl nɩbɛ bɛl za pʋʋr na pɛlɩ a, a dɛbr nɩ pɔwbɛ tɩ wa n nɩ a bɛ bʋ̃-tɩrɩ bɛ na nɔnɛ tɩrɛ a Sore ƴãw a, a tome a Sore na tɩ yel k'aa Moyiir tõ a tob ƴãw.

Eziptɩ tẽw yib 36:3

A Moyiir tɩ de nɩ a Ɩsɩrayɛl nɩbɛ bʋ̃-tɩrɩ bɛ na tɩr a zi-sõw maalʋ ƴãw a kʋ̀ bɛ. Ɛcɛ biɓaarɛ za a, nɩbɛ mɩ́ tɩ cãà na nɔ̃w waar'ɩ bome wa kʋ̀rɛ a Moyiir.

2 Korɛ̃tɩ 8:12

Bʋ̃ʋ n'ʋ vɛ̃, a fʋ tɩɛrʋ wa sɩrɩ vɩɛl a, Naaŋmɩn mɩ́ sàw na de a bʋ̃-kʋ̀ra ɛ́ bɛ sowre bom fʋ na bɛ tɛr a ɩ, a lɛ fʋ na tɛr a n'a ʋ mɩ́ jɩ́rɛ.

2 Korɛ̃tɩ 8:3

Ɩ̃ dɩ n a bɛ dãsɩɛ, bɛ tɩr'a mɛ̃ a lɛ bɛ na tʋ̃ɔ́ a, ɛ́ tɩr gãw lɛ mɔ̃ mɩ̀, ɛ́ nyɛ̃ bɛ tʋɔra tɩr.

2 Korɛ̃tɩ 9:7

A na ɩ à ŋá a, ŋa za mɩ́ tɩr mɛ̃ a lɛ ʋ na tɩɛr k'ʋʋ na tɩr a a, ʋ ta tɩrɛ nɩ pʋ-sãwna ɩ, ɛ́ a mɩ̀ ta ɩ fɛrʋ ɛ, bʋ̃ʋ n'ʋ vɛ̃, Naaŋmɩn nɔnɛ nɩ a sob nɛ na mɩ́ tɩr a bom nɩ pʋ-pla a.