Ɛsɩdɩrasɩ 10:18 - A SƐB-SÕW

¹⁸ A bàwr-maalbɛ pʋɔ a, a bɛl na tɩ kul a nɩ-bʋʋr-yoru pɔwbɛ a tɩ n'ɩ bɛ ŋa: Yosadakɩ bidɛb Zozue nɩ a ʋ yɛbr bʋ̃-dɔwrɩ pʋɔ: Maaseya, Eliezɛɛr, Yarivʋ nɩ Gedalɩa.

Ɛsɩdɩrasɩ 10:18 ပူးပေါင်းရင်းမြစ်များ

Ɛsɩdɩrasɩ 10:17

A vɩɛr daarɩ́ cuw-dãw-niwn sob bibi-dãw-niwn sob a, bɛ tɩ jɛl'ɩ a nɩbɛ za na kul nɩ-bʋʋr-yoru pɔwbɛ a yele baarɩ.

Ɛsɩdɩrasɩ 2:2

Bɛlɛ nɩ Zorobabɛl nɩ Zozue nɩ Neemɩa nɩ Seraya nɩ Erelaya nɩ Mɔrdokaɩ nɩ Bilsan nɩ Misɩpaar nɩ Bigɩwaɩ nɩ Erehum nɩ Baana nɛbɛ tɩ lɛb wa. A bɛ yée nɩ a Ɩsɩrayɛl nɩbɛ nʋɔr na sɛb tu taa a n'ɩ á ŋá:

Ɛsɩdɩrasɩ 2:36

A bàwr-maalbɛ: a Yedaya dɔwlʋ nɩbɛ na ɩ a Zozue yir dem a: túr vʋ̃ɔ kʋba dɔwlɩ lɩz'a ata nɩ pie nɩ ata (973).

Ɛsɩdɩrasɩ 3:2

A bàwr-maalɛ Zozue na ɩ Yosadakɩ bidɛb a, nɩ a ʋ yɛbr bàwr-maalbɛ, de nɩ Saltɩɛl bidɛb Zorobabɛl nɩ a ʋ yir dem, tɩ ír'a nyɔw a Ɩsɩrayɛl Naaŋmɩn bàwr-maal-kuur lɛb-mɛb, kɛ́ bɛ tʋ̃ɔ́ mɩ́ maalɩ nyɩw-a-za-bagɛ, mɛ̃ a lɛ bɛ na sɛb a Naaŋmɩn nɩr Moyiir wulu pʋɔ a.

Ɛsɩdɩrasɩ 3:8

A yũon ʋl na tu a bɛ lɛb-waa yũon a Naaŋmɩn yir tẽ-kpɛ̃ɛ pʋɔ a Zerizalɛm a, a cuwr ayi sob daar, a Saltɩɛl bidɛb Zorobabɛl, a Yosadakɩ bidɛb Zozue, a bɛ yɛbr bàwr-maalbɛ, a levitɩ mɩnɛ nɩ a bɛlɩ dem za na tɩ yi a diw-cenu zie lɛb wa a, bɛ tɩ nyɔw nɩ a tome. Bɛ tɩ kaa na ír a levitɩ mɩnɛ bɛl na tɛr yome lɩzɛr'ɩ dɔwlɛ a, ƴãw kɛ̀ bɛ kaarɛ a Sore yir-kpɛ̃ɛ mɛb tome zie.

Ɛsɩdɩrasɩ 5:2

Lɛ n'a a Saltɩɛl bidɛb, Zorobabɛl, nɩ Yosadakɩ bidɛb, Zozue, tɩ ìr tĩ a Ŋmɩn-yir-kpɛ̃ɛ lɛb-mɛb tome a Zerizalɛm. A naaŋmɩn-ƴɛ̀r-manbɛ tɩ sõwne bɛ na.

Ɛsɩdɩrasɩ 9:1

A yele á ŋá pùorí, a nɩ-bɛrɛ bɛ mɩnɛ tɩ wa na wa yel mɛ̃: «A Ɩsɩrayɛl nɩbɛ nɩ-zawlɛ, a bàwr-maalbɛ nɩ a levitɩ mɩnɛ, bɛ bɛ ow yi a tẽw dem pʋɔ ɩ. Bɛ cɔwr'ɩ a Kanãa tẽw dem, a Hititɩ mɩnɛ, a Perizitɩ mɩnɛ, a Zebi tẽw dem, a Amɔ̃ tẽw dem, a Mowab tẽw dem, a Eziptɩ tẽw dem nɩ a Amoritɩ mɩnɛ mɩnɛ ɩ-faar na bɛ maal'ɩ wob a.

Ɛsɩdɩrasɩ 9:2

Bɛ de nɩ pɔwbɛ a bɛl mɩŋa nɩ a bɛ bibiir ƴãw a nɩ-bʋʋrɛ bɛ ŋa pʋɔ, ƴãw a Naaŋmɩn nɩ-bʋʋrɛ jɛr a tẽw nɩbɛ. A nɩ-bɛrɛ nɩ a nɩ-yée nɛbɛ tɩ de niwn maalɩ a yel-faa ŋa.»

Neemi 12:10

Zozue tɩ dɔw nɩ Yoyakim, Yoyakim dɔw Ɛlyasivʋ, Ɛlyasivʋ dɔw Yehoyada,

Neemi 13:28

A Yehoyada bidɛb kãw na ɩ a bàwr-maal-kara Ɛlyasivʋ yãw a, tɩ ɩ n a Sanbalatɩ na yi Bɛtɩ-Horon a pɔwyaa sɩr. Alɛ n'a so ɩ̃ tɩ diw ʋ bɛr a Zerizalɛm tẽw pʋɔ.

Neemi 8:4

A Ɛsɩdɩrasɩ tɩ àr'ɩ gboro zu bɛ na maal'ɩ dàar a yel ŋa ƴãw a. Matitɩa, Sema, Anaya, Uriya, Hɩlkɩa nɩ Maaseya tɩ àr'ɩ a ʋ dʋrʋ lowr, ɛ́ Pedaya, Mɩkayɛl, Malkɩa, Hasum, Hasɩbadana, Zekarɩa nɩ Mesulam àr a ʋ gʋba lowr.

Neemi 8:7

Bɛ tɩ lɛb'a ìr, ɛ́ a levitɩ mɩnɛ bɛ ŋa: Yesua, Bani, Serevɩa, Yamin, Akuvʋ, Sabɩtaɩ, Hodiya, Maaseya, Kelita, Azarɩa, Yozavadɩ, Hanan nɩ Pelaya tĩ manɛ a Naaŋmɩn wulu kʋ̀rɛ bɛ.

Zeremi 23:10

«A tẽw paal'ɩ pɩ̃ɔ-yel-maalbɛ. A faa maalʋ ƴãw n'a bɛ mɩ́ zɔrɛ, bɛ tɛr'ɩ kanyir a yele al na bɛ sɛwnɩ ɩb a ƴãw. A tẽw be n wahala pʋɔ ŋmɛ-ƴãw kãw zũú. A dʋn mʋ̃ɔ 'wɔbrʋ ziir ko n a za.»

Zeremi 23:11

A Sore yere na: «A naaŋmɩn-ƴɛ̀r-manbɛ nɩ a bàwr-maalbɛ ɩ n nɩ-faar: a ɩ̃ yir tɛɛ za pʋɔ a, ɩ̃ nyɛ̃ nɩ a faa bɛ na maalɩ a.

Zeremi 23:14

Ɛcɛ a Zerizalɛm naaŋmɩn-ƴɛ̀r-manbɛ zie, ɩ̃ nyɛ̃ nɩ yele na kpɛ faa ɩrɛ dɛ̃bɩ̃ɛ a: bɛ maalɛ nɩ pɩ̃ɔ-yele, bɛ vʋʋrɛ nɩ a gɛgɛrʋ pʋɔ, ziri n'ɩ a bɛ bom, bɛ mɩ́ tɩ̀ɛ nɩ a bɛlɩ dem na maalɛ a faa a. A na ɩ à ŋá a, nɩr za kʋ̃ tʋ̃ɔ́ lɛb bɛr a faa maalʋ ɛ. Mãa zie a, bɛ za ŋmɛ̃ na mɛ̃ a Sodɔm tẽw dem a. A Zerizalɛm tẽw dem ŋmɛ̃ na mɛ̃ a Gomɔɔr tẽw dem a.»

Ezekɩɛl 44:22

Bàwr-maalɛ bɛ kule pɔw-kʋɔr bɩɩ pɔw na zawrɩ a ʋ sɩr bɛr a ɩ. Ʋ na kul'ɩ Ɩsɩrayɛl pɔwkole bɩɩ a bàwr-maalɛ kãw pɔw-kʋɔr.

Levitɩ mɩnɛ 21:7

«Bàwr-maalɛ bɛ kule pɔw-yɛm ɛ, bɩɩ pɔw dɛb na sãw bɛr a ɩ, bɩɩ pɔw a sɩr na zawrɩ bɛr a ɩ, bʋ̃ʋ n'ʋ vɛ̃, a bàwr-maalɛ be n a ɩ̃ tome tob ƴãw.

A naaŋmɩn-ƴɛ̀r-manɛ Aaze sɛbɛ 1:1

A Daarisɩ naalʋ-dɩb yome ayi sob daar, a cuwr ayʋɔb sob bibir dãw-niwn sob, a Sore tɩ ƴɛ̀r'ɩ a ʋ ƴɛ̀r-manɛ Aze zie. Ʋ tɩ ƴãw na k'ʋʋ cen tɩ ƴɛ̀r a ʋ ƴɛ̀rʋ á ŋá kʋ̀ Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a, nɩ a bàwr-maal-kara Zozue, na ɩ Yehosadakɩ bidɛb a.

A naaŋmɩn-ƴɛ̀r-manɛ Aaze sɛbɛ 1:12

A Saltɩɛl bidɛb Zorobabɛl, nɩ a Yehosadakɩ bidɛb Zozue, na tɩ ɩ a bàwr-maal-kara a, nɩ a nɩbɛ na cɛ lɛb wa a, tɩ bɛr'a wõ a Sore bɛ Naaŋmɩn ƴɛ̀rʋ, ʋ na tɩ ƴãw a ʋ ƴɛ̀r-manɛ Aze ƴɛ̀r a. À à ŋá n'a a Aze tɩ tõ a ton a Sore na kʋ̀ ʋ a, ɛ́ a nɩbɛ tɩ zɔrɛ a Sore.

A naaŋmɩn-ƴɛ̀r-manɛ Aaze sɛbɛ 2:4

Alɛ n'a so, a mãa, a Sore, ɩ̃ yere na kʋ̀rɛ nyɩ: Zorobabɛl ɩ, ƴãw fãw! Yehosadakɩ bidɛb Zozue e, fʋ̃ʋ na ɩ a bàwr-maal-kara a, ƴãw fãw! Nyɩɩm, a tẽw nɩbɛ za, nyɩ mɩ̀ ƴãw fãw! Nyɩ nyɔw a tome, ɩ̃ na be n a nyɩ zie, a mãa, a Sore, a Kpɛnʋ-za-sob.

Zakari 3:1

A Sore tɩ ɩ na ɩ̃ nyɛ̃ a bàwr-maal-kara Zozue, ʋ àr a Sore malkɩ niŋé. A Sɩtaana tɩ àr'ɩ a Zozue dʋrʋ lowr, k'ʋʋ yel a ʋ sãwna.

Zakari 6:11

Fʋ na tɩ de nɩ salm-pla nɩ salm-zɩɛ, maal'ɩ nãà-kpawʋɔ vɔblɩ a bàwr-maal-kara Zozue na ɩ Yosadakɩ bidɛb a, zũú,

1 Timote 3:11

A bɛl na ɩ a pɔwbɛ a, a mɩ̀ sɛw na kɛ́ bɛ ƴãwnɛ bɛ tʋɔra. Bɛ ta manɛ a nɩbɛ yel-faar ɛ, ɛ́ mɩ́ nyɔw bɛ tʋɔra a dɩb nɩ a nyub ƴãw, ɛ́ tu a yele za vla taa lɛbr pùor ɛ.