Ɛsɩdɩrasɩ 10:11 - A SƐB-SÕW

¹¹ Ƴɛrɛŋa a, a fɛr'a kɛ́ nyɩ sàw a nyɩ sãwna a Sore, nyɩ sãàkʋm-kore Naaŋmɩn niŋé, ɛ́ sàwr a ʋ pʋ-tɩɛrʋ. Nyɩ taa lãwnɛ nɩ a tẽw ŋa nɩbɛ ɩ, ɛ́ lɛb bɛr a nɩ-bʋʋr-yoru pɔwbɛ nyɩ na kul a.»

Ɛsɩdɩrasɩ 10:11 ပူးပေါင်းရင်းမြစ်များ

2 Bibie za yel-manɩ 30:22

A Ezekɩasɩ ƴɛ̀r-bie tɩ tɔ n a levitɩ mɩnɛ bɛl za na tɩ tɛr tɩɛr-vɩɛlɩ a Sore ƴãw a. Bɛ tɩ cow nɩ a cuw bibie ayopõi, maalɛ nɩ ƴã-ɓaarʋ bàwr ɛ́ danɛ a Sore, a bɛ sãà mɩnɛ Naaŋmɩn.

Ɛsɩdɩrasɩ 10:10

A bàwr-maalɛ Ɛsɩdɩrasɩ tɩ ìr'a àr ɛ́ yel bɛ à ŋá: «Ɩsɩrayɛl nɩbɛ ɛ, nyɩ maal'ɩ faa, nyɩ na kul a nɩ-bʋʋr-yoru pɔwbɛ a ƴãw. Yel-bier'ʋ nyɩ maalɩ dɔwlɩ a tɩ nɩbɛ yel-bebe za zu.

Ɛsɩdɩrasɩ 10:12

A lãw nɩbɛ za tɩ yel'ɩ kpɛ̃w kpɛ̃w za: «Fʋ tɛr'ɩ yel-mɩŋa! A fɛr'a kɛ́ tɩ ɩ a lɛ fʋ na yel kʋ̀ tɩ a.

Ɛsɩdɩrasɩ 10:3

Tɩ na yel'ɩ a Naaŋmɩn niŋé kɛ́ tɩ na lɛb'a bɛr a nɩ-bʋʋr-yoru pɔwbɛ bɛ ŋa za, bɛlɛ nɩ a bɛ bibiir. À ŋá n'a tɩ na tu a lɛ fʋ̃ʋ nɩ a bɛlɩ dem za na tuur a tɩ Naaŋmɩn nɛ-ƴãwnɩ vla vla a, na yel kʋ̀ tɩ a. Tɩ tu a lɛ a wulu na yel a!

Ɛsɩdɩrasɩ 9:1

A yele á ŋá pùorí, a nɩ-bɛrɛ bɛ mɩnɛ tɩ wa na wa yel mɛ̃: «A Ɩsɩrayɛl nɩbɛ nɩ-zawlɛ, a bàwr-maalbɛ nɩ a levitɩ mɩnɛ, bɛ bɛ ow yi a tẽw dem pʋɔ ɩ. Bɛ cɔwr'ɩ a Kanãa tẽw dem, a Hititɩ mɩnɛ, a Perizitɩ mɩnɛ, a Zebi tẽw dem, a Amɔ̃ tẽw dem, a Mowab tẽw dem, a Eziptɩ tẽw dem nɩ a Amoritɩ mɩnɛ mɩnɛ ɩ-faar na bɛ maal'ɩ wob a.

Neemi 13:3

A Ɩsɩrayɛl nɩbɛ na tɩ wõ a wulu ŋa a, bɛ yel'a kɛ́ bɛ na diw nɩ a sãanbɛ za bɛr a bɛ lãw pʋɔ.

Neemi 9:2

Bɛ tɩ ow na yi a bɛlɩ dem za na bɛ ɩ Zifʋ mɩnɛ a pʋɔ, ɛ́ yere kɛ́ bɛ maal'ɩ yel-bebe, bɛlɛ nɩ a bɛ sãàkʋm-kore.

Sɛb-sõw yielu 32:5

Ɛcɛ ɩ̃ yel'ɩ a ɩ̃ yel-bier kʋ̀ b, ɩ̃ bɛ sɔwlɩ a ɩ̃ sãwna ɩ. Ɩ̃ yel a: «Ɩ̃ na wo n a ɩ̃ sãwna a Sore zie.» Ɛ́ fʋ̃ʋ a, fʋ tow nɩ a ɩ̃ sãwna tuor bɛr mɛ̃. Tɛw-àrʋ

Zʋkpaɩ 28:13

Nɩr na sɔwlɛ a ʋ sãwna bɛrɛ a, a ʋ yel kãw za kʋ̃ maal ɛ, ɛcɛ nɩr na bãw a ʋ sãwna, ɛ́ zawr'ʋ bɛr a, ʋ na páw nɩ suur-dɩ-kʋ̀b.

Ɩzayi 56:4

Bʋ̃ʋ n'ʋ vɛ̃, à ŋá n'a a Sore yere: «A dɛ-vaɩ bɛl na maal tɛr a ɩ̃ pɩ̃ɛnʋ-bibie vla a, na mɩ́ kaa ír ɩrɛ a lɛ na pɛlɩ a ɩ̃ pʋɔ a, ɛ́ mɩ́ tu a ɩ̃ wõ-taa pùor a,

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 7:3

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ ɩ a nyɩ cenu nɩ a nyɩ ɩ-ɩrɩ a vɩɛl. Lɛ n'a ɩ̃ na tʋ̃ɔ́ bɛr nyɩ nyɩ kpɩɛr a tẽw ŋa.

Ezekɩɛl 18:30

Alɛ n'a so, a mãa Sore Naaŋmɩn, ɩ̃ yere na kʋ̀rɛ a nyɩɩm Ɩsɩrayɛl nɩbɛ: ɩ̃ na dɩ n nɩ ŋa za ƴɛ̀rʋ tu n a ʋ ɩb. A na ɩ lɛ a, nyɩ lɩɛbɩ a nyɩ nyɔ-vʋʋrʋ, nyɩ zawrɩ a nyɩ sãwna bɛr, ɛ́ nyɩ kʋ̃ ɩrɛ wa lɛb lo a faalʋ pʋɔ ɩ.

Zã 9:24

A Faarizɩ̃ɛ mɩnɛ tɩ bʋɔl'ɩ a nɩr ʋl na tɩ dãw zɔ̃w a, a gb'a ayi sob, wa yel ʋ: «Yel yel-mɩŋa a Naaŋmɩn niŋé. Tɩɩm a, tɩ bãw na kɛ́ a nɩr ŋa ɩ n yel-bier-maalɛ.»

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

2 Korɛ̃tɩ 6:17

Alɛ so a Sore yere: «Nyɩ yi zaa a nɩbɛ bɛ ŋa pʋɔ, nyɩ taw zãá nɩ bɛ. Nyɩ taa tʋɔr bom za na tɛr dɛwr a ɩ, ɩ̃ɩ na de nyɩ na.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

Zozue 7:19

A Zozue tɩ yel'ɩ a Akan: «Ɩ̃ bie e, zɛw a Sore, a Ɩsɩrayɛl Naaŋmɩn yúor, danɩ ʋ, ɛ́ yel a yel-mɩŋa kʋ̀ m. Wo a lɛ za fʋ na ɩ a, ta sɔwlɩ mɛ̃ bom ɛ.»