Eziptɩ tẽw yib 9:22 - A SƐB-SÕW

²² A Sore tɩ yel'ɩ a Moyiir: «Tùr a fʋ nũu cɔw a salom, ɛ́ a sa-bi-kube lo a Eziptɩ tẽw za zu, a nɩbɛ zu, a dʋn zu nɩ a tẽw bʋ̃-kʋ́ɔrɩ za zu.»

Eziptɩ tẽw yib 9:22 ပူးပေါင်းရင်းမြစ်များ

Eziptɩ tẽw yib 10:21

A Sore tɩ yel'ɩ a Moyiir: «Tùr a fʋ nũu cɔw a salom. Lige, a pàw a Eziptɩ tẽw, liw-varkpara na bɛ tɛr tɔ a.»

Eziptɩ tẽw yib 7:19

A Sore tɩ cãà na yel a Moyiir: «Yel a Aarɔ̃ k'ʋʋ de a ʋ dabɔl, ɛ́ tùr a ʋ nũu cɔw a Eziptɩ tẽw kʋ̃ɔnɩ za, a bàrʋ, a fʋɔlɩ bɛ na wɛr a nɩ a gbãtarɩ. A kʋ̃ɔ á ŋá za na lɩɛbɩ zɩ̃ɩ. Lɛ n'a a tẽw za na ɩ zɩ̃ɩ tɩ lãw nɩ a kʋ̃ɔ bʋ̃-ƴãwnɩ bɛ na maal'ɩ dàar bɩɩ kʋsɛbɛ a.»

Eziptɩ tẽw yib 8:16

A Sore tɩ yel'ɩ a Moyiir: «Dãwnɩ ìru a bio cen a Faarawɔ̃ niŋé, a lɛn daar ʋ na siwr a man nʋɔr a. Tɩ yel ʋ: “À ŋá n'a a Sore ƴɛ̀rɛ: Bɛr a ɩ̃ nɩbɛ bɛ cen tɩ maalɩ mɛ̃.

Eziptɩ tẽw yib 8:5

A Moyiir tɩ sɔw na yel: «Sàw yel kʋ̀ m, debor'a ɩ̃ na puori a Naaŋmɩn fʋ̃ʋ nɩ a fʋ tõ-tõ-nɩ-bɛrɛ nɩ a fʋ nɩbɛ za ƴãw, a lɔn ta cãà be a fʋ zie, a fʋ yie pʋɔ, ɛ́ be a Nɩl yõ pʋɔ?»

Eziptɩ tẽw yib 9:21

Ɛcɛ a bɛl na bɛ tɩ ŋmɛlɩ kaa a ƴɛ̀rʋ ŋa a tɩ bɛr'ɩ a bɛ tõ-tõ-biir bɛ be a póru pʋɔ nɩ a dʋn.

Zozue 10:11

A Amoritɩ mɩnɛ na tɩ zɔrɛ a Ɩsɩrayɛl nɩbɛ niŋé, wa yi a Bɛtɩ-Horon siwr a, a Sore tɩ ɩ na sa-bi-ku-bɛrɛ yi a salom zu lɔb lɔb bɛ, tɩ ta n a Azeka. A bɛl a sa-bi-ku-bɛrɛ na tɩ kʋ a tɩ zuo nɩ a bɛl a Ɩsɩrayɛl nɩbɛ na tɩ kʋ n a zɛbr-sɔ-kpɛ̃ɛ a.

Yel-wula 16:21

Sa-bi-ku-bɛrɛ na tɩbrɛ bɛ dɩ vuo a tɩ yi n a salom zu ɛ́ lore a nɩsaalbɛ zu. A nɩsaalbɛ tɩ tʋʋr'ɩ a Naaŋmɩn a sa-bi-kube dɔwrʋ ƴãw, bʋ̃ʋ n'ʋ vɛ̃, a dɔwrʋ ŋa tɩ sɩrɩ na kpɛ kpɛ̃ɛ bɛ dɩ vuo ɩ.