Eziptɩ tẽw yib 8:3 - A SƐB-SÕW

³ Ɛcɛ a Eziptɩ tẽw tɩtɩlbɛ tɩ ɩ n a bɛ tɩtɩblʋ, maalɩ a lɛ mɩ̀: bɛ tɩ ɩ na a lɔn yi pàw a tẽw.

Eziptɩ tẽw yib 8:3 ပူးပေါင်းရင်းမြစ်များ

2 Bibie za yel-manɩ 22:11

Ɛcɛ a nãà pɔwyaa Yehosavatɩ tɩ tʋ̃ɔ́ na sɔwlɩ ɓáw a Akazɩasɩ bidɛb Zowasɩ nɩ a ʋ bɩyaal tɩ sɔwlɩ a Ŋmɩn-yir-kpɛ̃ɛ di-gana kãw pʋɔ. Lɛ n'a a Atali bɛ tɩ tʋ̃ɔ́ ƴãw bɛ kʋ ʋ ɛ. — A Yehosavatɩ tɩ ɩ n a bàwr-maalɛ Yehoyada pɔw, ɛ́ ɩ a Zuda nãà Yoram pɔwyaa, ɛ́ ɩ a Akazɩasɩ yeepuule. —

Sɛb-sõw yielu 105:30

Lɔn tɩ paal'ɩ a bɛ tẽw za, tɩ lãwnɩ a na-mɩnɛ diru pʋɔ.

Eziptɩ tẽw yib 10:6

A na paal'ɩ a fʋ yie, a fʋ tõ-tõ-bi-bɛrɛ yie nɩ a Eziptɩ tẽw dem za yie. Ʋ na ɩ n dɔwr-kpɛ̃ɛ, nɩr na bɛ dãw nyɛ̃ a nyɩ sãàkʋm-kore daar za wa tɔ a dɩ̃a bibir a”.» A Moyiir tɩ lɩɛb'a tɔl yi a Faarawɔ̃ zie.

Eziptɩ tẽw yib 12:34

Lɛ n'a a tɩ fɛr a Ɩsɩrayɛl nɩbɛ ɓáw a dipɛ̃ zɔ̃ bɛ na naw ɛ́ a bɛ ìr sɛr a cen nɩ. Bɛ tɩ pili nɩ a dipɛ̃ zɔ̃-nawfʋ-dawr nɩ a bɛ kpar-bɛrɛ dúori baw.

Eziptɩ tẽw yib 7:11

A nãà mɩ̀ tɩ bʋɔl'ɩ a Eziptɩ yã-bãwnbɛ nɩ a tɩtɩlbɛ wa n bɛ wa ɩ a bɛ tɩtɩblʋ mɩ̀ maal'ɩ a lɛ tɔr za.

Eziptɩ tẽw yib 8:11

A Faarawɔ̃ na tɩ nyɛ̃ a yele ŋmɛ pɩɛlʋ a, ʋ tɩ lɛb'a kpãa tobr bɛ bɛr wõ a Moyiir nɩ a Aarɔ̃ ɛ, mɛ̃ a lɛ a Sore na tɩ yel a.

Eziptɩ tẽw yib 8:2

A Aarɔ̃ tɩ dɔl'ɩ a ʋ nũu cɔw a Eziptɩ tẽw kʋ̃ɔnɩ. Lɔn tɩ yi n a pʋɔ paalɩ pàw a tẽw.

Eziptɩ tẽw yib 8:4

A Faarawɔ̃ tɩ bʋɔl'ɩ a Moyiir nɩ a Aarɔ̃ wa yel bɛ: «Nyɩ zɛlɩ a Sore ʋ diw a lɔn á ŋá bɛr mãa nɩ a ɩ̃ nɩbɛ, ɩ̃ɩ na bɛr'ɩ a Ɩsɩrayɛl nɩbɛ bɛ cen tɩ maalɩ a bàwr kʋ̀ ʋ.»