Eziptɩ tẽw yib 7:2 - A SƐB-SÕW

² Fʋ na yel'ɩ a alɩ bome nɛ za ɩ̃ na yere kʋ̀rɛ fʋ a, kʋ̀ a fʋ yɛb, ɛ́ ʋlɛ n'ʋ na ƴɛ̀r a Faarawɔ̃ zie, ʋ bɛr a Ɩsɩrayɛl nɩbɛ bɛ yi a ʋ tẽw pʋɔ.

Eziptɩ tẽw yib 7:2 ပူးပေါင်းရင်းမြစ်များ

1 Na-mɩnɛ 22:14

Ɛcɛ a Mise tɩ sɔw ʋ na: «A Sore na vʋʋrɛ a ƴãw, Ɩ̃ na yel'ɩ a ʋlɩ bom nɛ a Sore na na yel kʋ̀ m a!»

Eziptɩ tẽw yib 4:15

Tɩ ƴɛ̀r a ʋ zie, ɛ́ yel a ʋlɩ bom nɛ a na fɛr k'ʋʋ yel a kʋ̀ ʋ. Nyɩmɛ wa ƴɛ̀rɛ a, mãa mɩŋa na be n a nyɩ zie, ɩ̃ɩ na wul nyɩ nɩ a ʋlɩ bom nɛ a na fɛr kɛ́ nyɩ ɩ a.

Eziptɩ tẽw yib 4:16

Ʋ na mɩ́ lɩɛrɩ fʋ na ƴɛ̀r a nɩbɛ zie: ʋ na ɩ n a fʋ ƴɛ̀r-manɛ, ɛ́ fʋ ɩ mɛ̃ naaŋmɩn a, a ʋ zie.

Eziptɩ tẽw yib 5:1

Al pùorí, a Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ɩsɩrayɛl Naaŋmɩn ƴɛ̀rɛ: “Bɛr a ɩ̃ nɩbɛ bɛ cen a wɛja-kpalɛ pʋɔ tɩ maalɩ cuw a ɩ̃ ƴãw”.»

Eziptɩ tẽw yib 6:29

ʋ tɩ yel ʋ na: «Mãa n'ɩ a Sore. A alɩ bome nɛ za ɩ̃ na yere kʋ̀rɛ fʋ a, cen lɛb tɩ yel a kʋ̀ a Eziptɩ tẽw nãà Faarawɔ̃.»

Eziptɩ tẽw yib 7:6

A Moyiir nɩ a Aarɔ̃ tɩ ɩ n a lɛ tɔr za a Sore na yel kʋ̀ bɛ a.

Zeremi 1:17

A fʋ̃ʋ Zeremi, cɔbrɩ fʋ tʋɔra. Ìr! Cen tɩ yel bom nɛ za ɩ̃ na na yel kɛ́ fʋ yel kʋ̀ bɛ a. Taa wa màwr a bɛ niŋé ɩ, alɛ bɛ ɩ lɛ, ɩ̃ na ɩ na fʋ màwr a bɛ niŋé.

Zeremi 1:7

Ɛcɛ a Sore tɩ yel mɛ̃ na: «Ta yel kɛ́: “Ɩ̃ ɩ n pɔlbil-vɛlvɛl lɛ” ɩ. Zie nɛ za ɩ̃ na tone fʋ a, fʋ na cen nɩ a be. Fʋ na tɩ yel'ɩ bom nɛ za ɩ̃ na yel kɛ́ fʋ yel a.

Ezekɩɛl 3:10

Ʋ tɩ cow na: «A fʋ̃ʋ, nɩsaal bie, yuo a fʋ socir ɛ́ ƴãw tobr vla a ɩ̃ ƴɛ̀rʋ ƴãw, ɛ́ maal tɛr a vla.

Ezekɩɛl 3:17

«Fʋ ɩ n nɩsaal tɛwr, ɛcɛ ɩ̃ ƴãw na fʋ ɩ zi-piwre a Ɩsɩrayɛl nɩbɛ ƴãw. Fʋ na bɛrɛ na wone a ɩ̃ ƴɛ̀rʋ, ɛ́ yere a yelu ɩ̃ na yere a Ɩsɩrayɛl nɩbɛ a kʋ̀rɛ bɛ.

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Nɩ-toni 20:27

A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ.

Wulu-ayi-sob 4:2

Nyɩ taa dɔwlɛ bom za a nɛ-ƴãwnɩ zu, a Sore nyɩ Naaŋmɩn na ƴãw ɩ̃ kʋ̀ nyɩ a ɩ, nyɩ mɩ̀ taa íre bom za bɛrɛ ɩ: nyɩ tuur a za.