Eziptɩ tẽw yib 7:16 - A SƐB-SÕW

¹⁶ Fʋ na yel'ɩ a nãà: “A Ebre mɩnɛ Naaŋmɩn, a Sore, tõ m'a k'ɩ̃ɩ wa yel fʋ à ŋá: Bɛr a ɩ̃ nɩbɛ bɛ cen a wɛja-kpalɛ pʋɔ tɩ maalɩ mɛ̃. Ɛcɛ, wa tɔ ka a, fʋ bɛ bɛr wõ ɩ.

Eziptɩ tẽw yib 7:16 ပူးပေါင်းရင်းမြစ်များ

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Eziptɩ tẽw yib 13:15

A Faarawɔ̃ tɩ kpãa nɩ tobr bɛ sàwr na bɛr tɩ tɩ cen ɛ. Lɛ n'a a Sore tɩ ɩ a Eziptɩ tẽw bʋ̃-dãw-dɔwrɩ za a kpi, a nɩsaalbɛ bidɛb-dãw-dɔwrɩ tɩ lãwnɩ a dʋn bʋ̃-dãw-dɔwrɩ. A lɛ n'a so, dʋ̃-daa za na dãw dɔw a, tɩ mɩ́ maal'ɩ ʋ nɩ bàwr kʋ̀ a Sore, ɛ́ ya de dɛbli-dãw-dɔwra za.”

Eziptɩ tẽw yib 14:5

Bɛ na wa yel a Eziptɩ tẽw nãà k'aa Ɩsɩrayɛl nɩbɛ zɔ na a, ʋlɛ nɩ a ʋ tõ-tõ-bi-bɛrɛ tɩɛrʋ tɩ lɩɛb'ɩ a bɛ ƴãw, bɛ yel: «Bʋ̃ʋ n'ʋ tɩ ɩ à à ŋá? Tɩ bɛr'ɩ a Ɩsɩrayɛl nɩbɛ bɛ cen, kʋ̃ cãà ɩ a tɩ gbãgbaar ɛ!»

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Eziptɩ tẽw yib 3:13

A Moyiir tɩ yel'ɩ a Naaŋmɩn: «Nyɛ̃, ɩ̃ na cen nɩ a Ɩsɩrayɛl nɩbɛ zie tɩ yel bɛ: “A nyɩ sãàkʋm-kore Naaŋmɩn tõ m'ɩ a nyɩ zie.” Bɛlɛ wa sowre mɛ̃: “A ʋ yúor dɩ na kɛ́ bo?” Ɩ̃ sɔw kɛ́ bʋnʋ kʋ̀ bɛ?»

Eziptɩ tẽw yib 3:18

«A Ɩsɩrayɛl nɩbɛ na bɛr'a wõ a fʋ ƴɛ̀rʋ, ɛ́ fʋ na cen na, fʋ̃ʋ nɩ a nɩ-kore, a Eziptɩ tẽw nãà zie, nyɩ tɩ yel ʋ: “A Sore, a Ebre mɩnɛ Naaŋmɩn, ɩ na tɩ nyɛ̃ ʋ. Ƴɛrɛŋa a, a fɛr'a kɛ́ tɩ cen a wɛja-kpalɛ pʋɔ bibie ata, tɩ maalɩ bàwr kʋ̀ a Sore tɩ Naaŋmɩn.”

Eziptɩ tẽw yib 4:22

A lɛ n'a fʋ na yel ʋ: À ŋá n'a a Sore ƴɛ̀rɛ: “A Ɩsɩrayɛl nɩbɛ n'ɩ a ɩ̃ bidɛb-dãw.

Eziptɩ tẽw yib 4:23

Ɩ̃ yel'a kʋ̀ b kɛ́ fʋ bɛr bɛ bɛ cen tɩ maalɩ mɛ̃, fʋ zawrɩ. A na ɩ à ŋá a, ɩ̃ na kʋ n a fʋ bidɛb-dãw”.»

Eziptɩ tẽw yib 7:4

ɛ́ a Faarawɔ̃ kʋ̃ bɛr wõ a nyɩ ƴɛ̀rʋ ɛ. Lɛ n'a ɩ̃ na ɩ dɔwrʋ na ta dɔwrʋ a ta, a Eziptɩ bãw k'ɩ̃ɩ tɛr'ɩ fãw, ɩ̃ɩ ɩ a ɩ̃ zɛbr-nɩbɛ, a ɩ̃ nɩ-bʋʋrɛ, a Ɩsɩrayɛl nɩbɛ, yi a tẽw ŋa pʋɔ.

Eziptɩ tẽw yib 8:1

A Sore tɩ cãà na yel a Moyiir: «Yel a Aarɔ̃ k'ʋʋ dɔl a nũu, ɛ́ tùr a ʋ dabɔl cɔw a bàrʋ, a fʋɔlɩ bɛ na wɛr a nɩ a gbãtarɩ, ɩ a lɔn yi pàw a Eziptɩ tẽw za.»

Eziptɩ tẽw yib 8:20

A Sore tɩ ɩ n a lɛ ʋ na yel a: nakpon tɩ kpɛ na paalɩ a Faarawɔ̃ yir, a ʋ tõ-tõ-nɩ-bɛrɛ yie, ɛ́ paalɩ a Eziptɩ tẽw za. A nakpon tɩ sãw nɩ a tẽw bɛr.

Eziptɩ tẽw yib 9:1

A Sore tɩ yel'ɩ a Moyiir: «Cen tɩ páw a Faarawɔ̃ yel ʋ: “À ŋá n'a a Sore, a Ebre mɩnɛ Naaŋmɩn yere: Bɛr a ɩ̃ nɩbɛ bɛ cen tɩ maalɩ mɛ̃.

Eziptɩ tẽw yib 9:13

A Sore tɩ yel'ɩ a Moyiir: «Dãwnɩ ìru a bio cen tɩ páw a Faarawɔ̃ yel ʋ: “À ŋá n'a a mãa Sore, a Ebre mɩnɛ Naaŋmɩn, yere kʋ̀rɛ fʋ: Bɛr a ɩ̃ nɩbɛ bɛ cen tɩ maalɩ mɛ̃.

Ɩzayi 45:13

Mãa n'ʋ ɩ a nɩr ŋa yi lo a sɔ́r, mɛ̃ a lɛ a mɩnʋ na tu a, ɩ̃ɩ na ɩ n a ʋ sɛ́ɛ za a man taa. Ʋlɛ n'ʋ na lɛb mɛ a ɩ̃ tẽ-kpɛ̃ɛ, a Zerizalɛm. Ʋ na bɛr'ɩ a ɩ̃ nɩbɛ bɛ na diw cen nɩ a, bɛ lɛb wa, ɛ́ bɛ bɛ yarɛ bom, bɛ tɩrɛ bom ɛ. A Sore, a kpɛnʋ-za-sob'ʋ yel.»

Zeremi 50:33

À ŋá n'a a Sore, a kpɛnʋ-za-sob, yere: «Bɛ ɩrɛ nɩ po-to-fãw ɩb a Ɩsɩrayɛl nɩbɛ zie, ɛ́ lɛ mɩ̀ n'a a Zuda nɩbɛ zie. A bɛlɩ dem na tɩ diw bɛ cen nɩ a, tɛr bɛ na nɩ fãw. Bɛ bɛ sàwr na lɛb bɛr bɛ ɩ.