Eziptɩ tẽw yib 7:11 - A SƐB-SÕW

¹¹ A nãà mɩ̀ tɩ bʋɔl'ɩ a Eziptɩ yã-bãwnbɛ nɩ a tɩtɩlbɛ wa n bɛ wa ɩ a bɛ tɩtɩblʋ mɩ̀ maal'ɩ a lɛ tɔr za.

Eziptɩ tẽw yib 7:11 ပူးပေါင်းရင်းမြစ်များ

Yele-za-pɛr-tib 41:8

A biɓaara a, dɛ̃bɩ̃ɛ tɩ ɩrɛ nɩ a Faarawɔ̃, ʋ ƴãw bɛ bʋɔlɩ a Eziptɩ tẽw tɩtɩlbɛ za nɩ a yã-bãwnbɛ za kʋ̀ ʋ. Ʋ tɩ man nɩ a ʋ zánʋ kʋ̀ bɛ, ɛcɛ nɩr za bɛ tɩ tʋ̃ɔ́ ír a pɛr kʋ̀ ʋ ɛ.

Eziptɩ tẽw yib 7:12

Ŋa za tɩ lɔb'ɩ a ʋ dabɔl bin a tẽw, a dabɔlɛ lɩɛbɩ wɩɩr. Ɛcɛ a Aarɔ̃ dabɔl tɩ vɔl'ɩ a bɛ dabɔlɛ.

Eziptɩ tẽw yib 7:22

Ɛcɛ a Eziptɩ tɩtɩlbɛ mɩ̀ tɩ ɩ n a bɛ tɩtɩblʋ, maalɩ a ʋlɩ bʋ̃-been nɛ. Lɛ n'a a Faarawɔ̃ tɩ cãà kpãa tobr, bɛ bɛr wõ a Moyiir nɩ a Aarɔ̃ ƴɛ̀rʋ ɛ, mɛ̃ a lɛ a Sore na tɩ yel a.

Eziptɩ tẽw yib 8:18

Ɛcɛ a ʋlɩ bibir nɛ a, a na ɩ n a tʋɔra a Gosɛn vuo ƴãw, a be a ɩ̃ nɩbɛ na kpɩɛr a: bɛ kʋ̃ nyɛ̃ nakpõw been kãw za a be ɩ. À ŋá n'a fʋ na bãw k'aa mãa, a Sore, ɩ̃ be n a fʋ tẽw pʋɔ.

Eziptɩ tẽw yib 8:3

Ɛcɛ a Eziptɩ tẽw tɩtɩlbɛ tɩ ɩ n a bɛ tɩtɩblʋ, maalɩ a lɛ mɩ̀: bɛ tɩ ɩ na a lɔn yi pàw a tẽw.

Eziptɩ tẽw yib 8:7

A lɔn na cen na kɛ́ bɛr fʋ, ɛ́ bɛr a fʋ yie, a fʋ tõ-tõ-nɩ-bɛrɛ nɩ a fʋ nɩbɛ. A Nɩl yõ pʋɔ n'a a na cãà be.»

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Galasi 3:1

'Woi Galasi tẽw dãbole bɛ ŋan i! Ãa n'ʋ ɩ a ʋ sɔ-ɩb nyɔw nɩ nyɩ? Nyɩɩm na wõ a Yeezu Kɩrɩta yele vla, a ɩ mɛ̃ a nyɩ mimié n'a bɛ kpa ʋ a da-gara zu a!

Efɛɛzɩ 4:14

Lɛ n'a tɩ kʋ̃ cãà ɩ bibiir wul-pɛ-bʋʋrɛ za sɛsɛb-pɩl nɩ kʋ̃ɔ-mie na darɛ viire nɩ, ɛ́ a nɩsaalbɛ nɩ a bɛ cɩbɛ bɛ̀lɛ ƴãwn tulu pʋɔ a ɩ.

2 Tesalonikɩ 2:9

A Faalʋ nɩr na wa n nɩ a Sɩtaana kpɛnʋ za wa maalɛ nɩ nɔ-ɓãa-yel-bʋʋrɛ za nɩ yel-bãw-guuri na tule nɩbɛ a.

2 Timote 3:8

Mɛ̃ a lɛ a Zanɛsɩ nɩ a Zãbɩrɛsɩ na bɛ tɩ sàw de a Moyiir ƴɛ̀rʋ a, lɛ n'a a nɩbɛ bɛ ŋa mɩ̀ bɛ sàw de a yel-mɩŋa ɩ. Yã-faar nɩbɛ nɛbɛ, a bɛ naaŋmɩn-sàw-deb bɛ tɛr bir ɛ.

2 Timote 3:9

Ɛcɛ bɛ kʋ̃ tɔl yɩ̃ɛ ɩ, a bɛ dãbolu na sãá na nɩbɛ za nyɛ̃, mɛ̃ a lɛ a nɩbɛ ayi bɛ ŋa dem na tɩ sãá a.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

1 Samɩɛl 6:2

A Filisɩtɛ̃ mɩnɛ tɩ bʋɔl'ɩ a bɛ bàwr-maalbɛ nɩ a bɛ bàwr-bʋwrbɛ wa sowri bɛ: «Tɩ ɩ a Sore wõ-taa daga ŋmɩn? Nyɩ wul tɩ a lɛ tɩ na na ɩ lɛb tɩr ʋ bɛr, ʋ lɛb kul a ʋ tẽw a.»