Eziptɩ tẽw yib 5:2 - A SƐB-SÕW

² A Faarawɔ̃ tɩ sɔw na: «Ãa n'ɩ a Sore ŋa, ɩ̃ na sàw a ʋ nʋɔr bɛr a Ɩsɩrayɛl nɩbɛ bɛ cen? Ɩ̃ bɛ bãw a Sore ŋa ɩ, ɛ́ kʋ̃ bɛr a Ɩsɩrayɛl nɩbɛ bɛ cen ɛ!»

Eziptɩ tẽw yib 5:2 ပူးပေါင်းရင်းမြစ်များ

2 Na-mɩnɛ 18:35

A ten á ŋá ŋmɩmɛ za pʋɔ a, buor'ʋ faa a ʋ tẽw a ɩ̃ nuru pʋɔ, a Sore na wa piw mɛ̃ sɔ́r a Zerizalɛm deb ƴãw?”»

2 Bibie za yel-manɩ 32:14

A ten á ŋá za a ɩ̃ sãà mɩnɛ na kʋ pàw pɛr a pʋɔ a, a tẽ-buor ŋmɩmɛ n'a tʋ̃ɔ́ faa bɛ a ɩ̃ nuru pʋɔ, ɛ̀ nyɩɩm Naaŋmɩn na wa tʋ̃ɔ́ faa nyɩ a ɩ̃ nuru pʋɔ?

2 Bibie za yel-manɩ 32:15

Ƴɛrɛŋa a, nyɩ ta bɛr a Ezekɩasɩ ŋmarɛ ziri bɛ̀lɛ nɩ nyɩ ɛ, nyɩ ta sàw de a ʋ ƴɛ̀rʋ ɛ, bʋ̃ʋ n'ʋ vɛ̃, tẽw kãw za bɩɩ naalʋ-tẽw kãw za ŋmɩn kʋ̃ tʋ̃ɔ́ faa a ʋ nɩ-bʋʋrɛ a ɩ̃ nuru pʋɔ nɩ a ɩ̃ sãà mɩnɛ nuru pʋɔ ɩ, lɛ so a nyɩ ŋmɩmɛ mɩ̀ kʋ̃ faa nyɩ ɛ.”»

2 Bibie za yel-manɩ 32:19

Bɛ tɩ ƴɛ̀rɛ nɩ a Zerizalɛm Naaŋmɩn ƴɛ̀rʋ mɛ̃ a lɛ bɛ na tɩ ƴɛ̀rɛ a tẽ-daa nɩ-bʋʋrɛ ŋmɩmɛ ƴɛ̀rʋ a, al na ɩ nɩsaal nuru bʋ̃-maalɩ a.

Neemi 9:10

Fʋ maal'ɩ nɔ-ɓãa-yele nɩ yel-bãw-guuri càar'ɩ a Eziptɩ tẽw nãà, a nɩbɛ na lãw kpɩɛr'ɩ ʋ a, nɩ a ʋ tẽw nɩbɛ za, bʋ̃ʋ n'ʋ vɛ̃, fʋ tɩ bãw nɩ a Eziptɩ tẽw dem pɔ̀l-ɩb bɛ na ɩ a tɩ sãàkʋm-kore zie a. Fʋ ɩ n a fʋ yúor yi cãà wa tɩ tɔ a dɩ̃a.

A Zɔb sɛbɛ 15:25

Bʋ̃ʋ n'ʋ vɛ̃, ʋ gùr'ɩ nũu cɔw Naaŋmɩn ɛ́ garɛ baw a Kpɛnʋ-za-sob zu.

A Zɔb sɛbɛ 15:26

Ʋ su n zu ɛ́ wɩɛr a Naaŋmɩn ƴãw, a ʋ zɛbr-kur-pãgala tɩbrʋ na pàw ʋ tɛr a ƴãw.

A Zɔb sɛbɛ 21:15

Ãa n'ɩ a Kpɛnʋ-za-sob tɩ na ɩ a ʋ tõ-tõ-biir? Bʋ̃ʋ n'ʋ tɩ na páw, tɩmɛ wa puore ʋ a?»

Sɛb-sõw yielu 10:4

A ʋ pɔ̀l-ɩb pʋɔ a, a nɩ-faa bɛ cãà sowre bom za ɩ. «Naaŋmɩn bɛ ka ɩ», a ʋ tɩɛrʋ za n'ɩ a lɛ.

Sɛb-sõw yielu 12:4

A Sore, ʋ ɩ a nɔ-kãánɩ dem za bɔr, nɩ a bɛlɩ dem na mɩ́ ƴɛ̀rɛ garɛ nɩ baw a,

Sɛb-sõw yielu 12:5

nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

Sɛb-sõw yielu 14:1

A yiel-yielbɛ nɩ-kpɛ̃ɛ sɛbɛ pʋɔ yielu nɩ Daviir yielu n'ʋ. A dãbole mɩ́ tɩɛrɛ nɩ nɩ bɛ pʋɔ yere: «Naaŋmɩn bɛ ka ɩ!» A nɩbɛ bɛ ŋa sãw nɩ bɛ za, a bɛ ɩ-ɩrɩ bɛ maal'ɩ wob ɛ, been kãw za bɛ ɩrɛ vla ɩ.

Eziptɩ tẽw yib 3:19

Ɛcɛ ɩ̃ bãwnɩ a na a nãà na kʋ̃ sàw nyɩ cen, bɛlɛ bɛ wa fɛr ʋ a.

Eziptɩ tẽw yib 7:17

A lɛ n'a so a Sore yere kɛ́ ƴɛrɛŋa ʋl a, fʋ na bãw na ãa na n'ʋ a. Ɩ̃ na ŋmɛ n a Nɩl kʋ̃ɔ nɩ a dabɔl ɩ̃ na ƴãw a nũú a, a lɩɛbɩ zɩ̃ɩ.

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Zeremi 42:13

A Zeremi tɩ cow na yel: «Kapaw, nyɩ na zawr'a na bɛr wõ a Sore nyɩ Naaŋmɩn ƴɛ̀rʋ ɛ́ yel: “Aɩ, tɩ bɛ bere a ka ɩ.

Zeremi 48:26

A Mowab tɩ tɩɛr'a k'ʋʋ gãw nɩ a Sore. A lɛ pʋɔ a, bɛ ƴãw k'ʋ nyũ a ʋ divɛ̃ tɩ ti! A lɛn daar a, a nɩbɛ za mɩ̀ na ɩrɛ ʋ na laar.

Zã 16:3

À ŋá n'a bɛ na ɩrɛ, bɛ na bɛ bãw a ɩ̃ Sãà ɛ́ mɩ̀ bɛ bãw mɛ̃ a ƴãw.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

2 Tesalonikɩ 1:8

Ʋ na wa n vũu-zɛlɛ pʋɔ, k'ʋʋ wa dɔwrɩ a bɛlɩ dem na bɛ bãw a Naaŋmɩn, ɛ́ bɛ tuur a tɩ Sore Yeezu Yel-nʋ̃ɔ̀ a.

Ƴɛ̀r-dɩrbɛ 2:10

Al pùorí, a ʋ daar nɩbɛ mɩ̀ tɩ kpi na. A nɩbɛ bɛl na tɩ dɔw lɩɛrɩ tu a bɛ tɩ bãw a Sore nɩ a tõ-bɛrɛ ʋ na tɩ tõ a Ɩsɩrayɛl nɩbɛ ƴãw a ɩ.

1 Samɩɛl 2:12

A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.

1 Samɩɛl 25:10

Ɛcɛ a Naval tɩ sɔw bɛ na yel à ŋá: «Ãa n'ɩ a Daviir? Ãa n'ɩ a Zese bidɛb? A dɩ̃a a, gbãgbaar yaga tɔ na sɔwlɛ zɔrɛ a bɛ nɩ-bɛrɛ zie a.