Eziptɩ tẽw yib 4:5 - A SƐB-SÕW

⁵ A Sore tɩ yel'a: «A na wul'ɩ a Ɩsɩrayɛl nɩbɛ k'ɩ̃ɩ ɩ na fʋ nyɛ̃ m, a mãa Sore, a bɛ sãàkʋm-kore Naaŋmɩn, a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn.»

Eziptɩ tẽw yib 4:5 ပူးပေါင်းရင်းမြစ်များ

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 18:1

A Sore tɩ ɩ na a Abraham nyɛ̃ ʋ a Mamire sɛn tɩɩr pɛr. A Abraham tɩ zɩ̃ n a ʋ pɛn-sɛw dɩ̃dɔrɩ́, a tʋl-hɛ̃hɛ̃ daar.

Yele-za-pɛr-tib 26:2

A Sore tɩ ɩ na a Ɩzaakɩ nyɛ̃ ʋ, ʋʋ yel ʋ: «Taa cere a Eziptɩ ɛ, zɩ̃ a tẽw ʋl ɩ̃ na na wul fʋ a pʋɔ.

Yele-za-pɛr-tib 28:13

A Sore tɩ àr'a kɔw a Zakɔb ɛ́ yere kʋ̀rɛ ʋ: «Mãa n'ɩ a Sore, a fʋ sãàkʋm Abraham Naaŋmɩn, a Ɩzaakɩ Naaŋmɩn. A tẽsɔw ŋa zu fʋ na gã a, ɩ̃ na kʋ̀ ʋ nɩ fʋ̃ʋ nɩ a fʋ bʋʋrɛ.

Yele-za-pɛr-tib 48:15

Ʋ tɩ ƴɛ̀r'ɩ nɔ-vla ƴãw a Zuzɛb yel: «A Naaŋmɩn ʋl niŋé a ɩ̃ sãàkʋm Abraham nɩ a ɩ̃ sãà Ɩzaakɩ na vʋʋrɩ a, a Naaŋmɩn ʋl na ɩ a ɩ̃ cɩ̃ɩnɛ, ɩ̃ na cɔ̃ kɛ́ be wa tɩ tɔ a dɩ̃a a,

Yele-za-pɛr-tib 48:3

Ʋ tɩ yel'ɩ a Zuzɛb: «A Naaŋmɩn kpɛnʋ-za-sob ɩ na k'ɩ̃ nyɛ̃ ʋ a Luuzɩ, a Kanãa tẽw. Ʋ maalɩ mɛ̃ na,

1 Na-mɩnɛ 18:36

A zaanʋɔra bàwr maalʋ tɛm na wa ta a, a naaŋmɩn-ƴɛ̀r-manɛ Eli tɩ taw na ta a bàwr-maal-kuur pɛr, ɛ́ yel: «Sore e, Abraham, Ɩzaakɩ nɩ Ɩsɩrayɛl Naaŋmɩn i, wul a dɩ̃a kɛ́ fʋ̃ʋ n'ɩ a Ɩsɩrayɛl Naaŋmɩn, k'ɩ̃ɩ ɩ n a fʋ tõ-tone, kɛ́ fʋ̃ʋ n'ʋ ƴãw k'ɩ̃ ɩ à à ŋá za.

2 Bibie za yel-manɩ 20:20

A bio daarɩ́ biɓaar-pipi, bɛ za tɩ ìr'a lo a Tekowa wɛja-kpalɛ sɔ́r. Bɛ na na tɩ yi lo a sɔ́r a, a Zozafatɩ tɩ yel bɛ na: «Zuda nɩbɛ nɩ Zerizalɛm nɩbɛ ɛ, nyɩ bɛr wõ a ɩ̃ ƴɛ̀rʋ! Nyɩ ƴãw a nyɩ tɩɛrʋ za a Sore nyɩ Naaŋmɩn ƴãw, ɛ́ nɩr kʋ̃ tʋ̃ɔ́ nyɩ ɛ. Nyɩ ƴãw a nyɩ tɩɛrʋ a ʋ ƴɛ̀r-manbɛ ƴãw, ɛ́ nyɩ na zɛb'a tʋ̃ɔ́!»

Eziptɩ tẽw yib 19:9

Lɛ n'a a Sore tɩ yel a Moyiir: «Ɩ̃ na wa n a fʋ zie zʋ̀ʋr-sɛbla pʋɔ, a nɩbɛ tʋ̃ɔ́ wone ɩ̃ na ƴɛ̀rɛ a fʋ zie a, ɛ́ mɩ̀ mɩ́ sàw de b kʋralɛ.» A Moyiir tɩ lɛb'a yel a lɛ a nɩbɛ na sɔw a kʋ̀ a Sore.

Eziptɩ tẽw yib 3:15

Al pùorí fʋ yel ƴãw pʋɔ: “A Sore n'ʋ tõ m a nyɩ zie, a nyɩ sãàkʋm-kore Naaŋmɩn, a Abraham Naaŋmɩn, Ɩzaakɩ Naaŋmɩn nɩ Zakɔb Naaŋmɩn.” A ɩ̃ yúor'ɩ á ŋà kʋralɛ, ʋlɛ n'ʋ a nɩbɛ na dɔwr lɩɛrɛ taa a na mɩ́ bʋɔlɛ puore nɩ mɛ̃.

Eziptɩ tẽw yib 3:16

Pãa cen tɩ bʋɔlɩ a Ɩsɩrayɛl nɩ-kore ɓã taa, ɛ́ yel bɛ: “A Sore, a nyɩ sãàkʋm-kore Naaŋmɩn, a Abraham Naaŋmɩn, Ɩzaakɩ Naaŋmɩn nɩ Zakɔb Naaŋmɩn, ɩ na k'ɩ̃ nyɛ̃ ʋ, ʋʋ yel mɛ̃: Ɩ̃ wa na wa nyɛ̃ nyɩ, ɛ́ nyɛ̃ a lɛ bɛ na ɩrɛ nyɩ a Eziptɩ a,

Eziptɩ tẽw yib 3:18

«A Ɩsɩrayɛl nɩbɛ na bɛr'a wõ a fʋ ƴɛ̀rʋ, ɛ́ fʋ na cen na, fʋ̃ʋ nɩ a nɩ-kore, a Eziptɩ tẽw nãà zie, nyɩ tɩ yel ʋ: “A Sore, a Ebre mɩnɛ Naaŋmɩn, ɩ na tɩ nyɛ̃ ʋ. Ƴɛrɛŋa a, a fɛr'a kɛ́ tɩ cen a wɛja-kpalɛ pʋɔ bibie ata, tɩ maalɩ bàwr kʋ̀ a Sore tɩ Naaŋmɩn.”

Eziptɩ tẽw yib 3:4

A Sore tɩ nyɛ̃ ʋ na ʋ na bɩɛ k'ʋʋ tɩ bɛl kaa a. Lɛ n'a a Naaŋmɩn tɩ be a tuwle sɔwlɩsɔw, ɛ́ bʋɔl'ʋ: «Moyiir i! Moyiir i!» Ʋ sɔw: «Mãa n'ɩ ŋan!»

Eziptɩ tẽw yib 3:6

Mãa n'ɩ a fʋ sãàkʋm-kore Naaŋmɩn, a Abraham Naaŋmɩn, a Ɩzaakɩ Naaŋmɩn, a Zakɔb Naaŋmɩn.» A Moyiir tɩ pàw nɩ a ʋ niwn, dɛ̃bɩ̃ɛ na tɩ ɩrɛ ʋ a Naaŋmɩn jɩ́rʋ ƴãw a zũú.

Eziptɩ tẽw yib 4:1

A Moyiir tɩ sɔw nɩ a Sore: «Bɛ kʋ̃ sàw a ɩ̃ ƴɛ̀rʋ ɛ, ɛ́ kʋ̃ sàw a ɩ̃ nʋɔr ɛ. Bɛ na yel mɛ̃ na: “Ziri n'a, a Sore bɛ ɩ fʋ nyɛ̃ ʋ ɛ”.»

Eziptɩ tẽw yib 4:31

A nɩbɛ tɩ sàw na de. Bɛ na tɩ bãwnɩ a k'aa Sore nyɛ̃ nɩ a bɛ wʋ̀ʋr, ɛ́ wa a bɛ faafʋ a, bɛ tɩ gbĩ n dume gũu tɩ tɔ tẽw puor'ʋ.

Eziptɩ tẽw yib 4:4

A Sore yel ʋ: «Dɔl a nũu nyɔw nɩ ʋ a zʋʋrɩ́.» Ʋ dɔl a nũu nyɔw nɩ: a waab lɛb lɩɛbɩ dabɔl a ʋ nũú.

Zeremi 31:3

Ʋ tɩ yere na: “A Sore wul mɛ̃ nɩ ʋ tʋɔra zi-zãána.” Ɩ̃ɩ tɩ sɔw ʋ na: “Ɩ̃ nɔnɛ fʋ na nɩ nɔ̃wfʋ na be kʋralɛ a. Alɛ n'a so ɩ̃ cãà tu b yaga za.

Zã 11:15

ɛcɛ a nyɩɩm ƴãw a, nʋ̃ɔ̀ kpɩɛr mɛ̃ na ɩ̃ na bɛ ka be a, a na ɩ na nyɩ sàw de m. Nyɩ ɩ tɩ cen a ʋ zie.»

Zã 11:42

Mãa tɛwr ƴãw a, ɩ̃ bãw na kɛ́ fʋ mɩ́ sàw nɩ a ɩ̃ zɛlʋ kʋralɛ. Ɛcɛ a zu-sɛbla na jil pàw mɛ̃ a ƴãw n'a ɩ̃ ƴɛ̀r, kɛ́ bɛ sàw de kɛ́ fʋ̃ʋ n'ʋ tõ m.»

Zã 20:27

Al pùorí, ʋ tɩ yel'ɩ a Toma: «Wa n a fʋ nobir ka, bɛl a ɩ̃ nuru nyɛ̃, wa n a fʋ nũu wa tõ a ɩ̃ lõbowrí, bɛr a nɔkpɛn ɛ́ sàw de.»

Zã 20:31

À á ŋá bɛ na sɛb ƴãw a, bɛ sɛb'a ƴãw kɛ́ nyɩ sàw de kɛ́ a Yeezu sɩrɩ na ɩ a Kɩrɩta, a Naaŋmɩn Bie, ɛ́ a nyɩ sàwfʋ zũú n'a nyɩ na páw a nyɔ-vʋʋrʋ a ʋ yúor ƴãw.

Zã 5:36

Ɛcɛ ɩ̃ tɛr'ɩ dãsɩɛ na zuo a Zã dãsɩɛ a: alɛ n'ɩ a tome a Sãà na kʋ̀ m k'ɩ̃ɩ tõ a. Ɩ̃ tone nɩ a tome á ŋá, ɛ́ alɛ n'a dɩrɛ a ɩ̃ dãsɩɛ kɛ́ a Sãà tõ m a.

Nɩ-toni 7:2

A Ɩtɩɛn tɩ sɔw na: «Ɩ̃ yɛbr nɩ ɩ̃ sãà mɩnɛ ɛ, nyɩ cɛlɛ vla: a yúor-vɩɛlʋ-danʋ Naaŋmɩn tɩ wul'ɩ ʋ tʋɔra a tɩ sãàkʋm-kʋra Abraham, a lɛ ʋ na tɩ be a Mezopotami ɛ́ wa bãw kpɛ a Haran a.

Ebre 11:16

Ɛcɛ alɛ ɩrɛ mɛ̃ bom'ʋ a, sãà-tẽw na vɩɛl zuo a n'ʋ bɛ tɩ bɔbr, a pɛr lɛ k'aa tẽ-vla pʋɔ dem. Lɛ so a bɛ ɩrɛ a Naaŋmɩn vĩ bɛ na bʋɔlɛ ʋ a bɛ Naaŋmɩn a ɩ, bʋ̃ʋ n'ʋ vɛ̃, ʋ cɔbr'ɩ tẽ-kpɛ̃ɛ a bɛ ƴãw.