Eziptɩ tẽw yib 33:9 - A SƐB-SÕW

⁹ A Moyiir mɩ́ wa kpɛ a pɛn-sɛw pʋɔ baarɩ a, a zũzuwr kpul mɩ́ siw na bà a pɛn-sɛw dɩ̃dɔr nʋɔr, ɛ́ a Sore ƴɛ̀rɛ nɩ a Moyiir.

Eziptɩ tẽw yib 33:9 ပူးပေါင်းရင်းမြစ်များ

Sɛb-sõw yielu 99:7

A Naaŋmɩn mɩ́ tɩ ƴɛ̀rɛ nɩ a bɛ zie a zũzuwr na ba àr mɛ̃ kpul a pʋɔ, bɛ tɩ sàw nɩ a ʋ nɛ-ƴãwnɩ nɩ a wulu ʋ na tɩ kʋ̀ bɛ a.

Eziptɩ tẽw yib 31:18

A Naaŋmɩn na tɩ ƴɛ̀r a Moyiir zie baarɩ a Sinayi tãw zu a, ʋ kʋ̀ ʋ nɩ a kʋsɛ-pamɛ ayi, a al zu ʋl mɩŋa na tɩ sɛb a nɛ-ƴãwnɩ ƴãw a.

Ezekɩɛl 3:22

A Sore fãw tɩ siw nɩ a ɩ̃ zu, ʋʋ yel mɛ̃: «Ìr, cen a bà-fʋɔla pʋɔ, ɩ̃ bɔbr'a k'ɩ̃ɩ ƴɛ̀r a fʋ zie a be.»

Sɔr-nɛ́ɛ 11:17

Ɩ̃ na siw na wa ƴɛ̀r'ɩ fʋ a be. Ɩ̃ na ɩ n a vʋʋrʋ na be a fʋ pʋɔ a blã ƴãw bɛ. Lɛ n'a bɛ na mɩ́ lãw nɩ fʋ tuo a nɩbɛ bɛ ŋa kaafʋ na ɩ tuor a, fʋ kʋ̃ cãà ɩ fʋ yõ tuore ɩ.

Eziptɩ tẽw yib 34:9

Al pùorí ʋ yel: «Sore e, a fʋ pʋɔ na pɛlɩ a ɩ̃ ƴãw a, ɩ̃ zɛlɛ fʋ na, wa bɩɛlɛ tɩ. Ɩ̃ bãwnɩ a na a nɩbɛ bɛ ŋa zuru na kpɛmɛ a, ɛcɛ dɩ a tɩ yel-bebe nɩ a tɩ sãwna suur kʋ̀ tɩ, ɛ́ ɩ tɩ ɩ a fʋ sób.»

Eziptɩ tẽw yib 34:3

Nɩr za taa bɩɛlɛ fʋ ɛ! Nɩr za mɩ̀ taa bere a tãw zu zie za ɩ. A píir, a bʋʋr nɩ a nĩi tɛɛ za, a taa 'wɔbr mʋ̃ɔ pɩɛlɩ a be ɩ!»

Eziptɩ tẽw yib 33:11

A Sore mɩ́ tɩ ƴɛ̀rɛ nɩ nɩ a Moyiir, bɛ tori taa mɛ̃ nɩsaal na ƴɛ̀rɛ nɩ ʋ nɩsaal-tɔ a. Al pùorí, a Moyiir mɩ́ tɩ lɛb'a wa a pɛnɛ-sɛwr pʋɔ, ɛ́ a ʋ tõ-tõ-bi-pɔl Zozue na ɩ Nun bidɛb a mɩ́ be a pɛn-sɛw-sõw pʋɔ kʋralɛ.

Eziptɩ tẽw yib 25:22

A daw-pàwra zu ka n'a ɩ̃ na mɩ́ ɩ fʋ nyɛ̃ m, a seribɛ̃ ayi cara pʋɔ. A ka n'a ɩ̃ na mɩ́ be, ɛ́ ƴãw a nɛ́ɛ za kʋ̀ b a Ɩsɩrayɛl nɩbɛ ƴãw.»

Yele-za-pɛr-tib 18:33

A Sore na tɩ ƴɛ̀r a Abraham zie baar'a, ʋ tɔl'a cen, ɛ́ a Abraham lɛb kul.

Yele-za-pɛr-tib 17:22

A Naaŋmɩn na tɩ ƴɛ̀r'ɩ a Abraham baar'a, ʋ ìr'a do ɛ́ bɛr ʋ.

Eziptɩ tẽw yib 33:8

A Moyiir wa n'ʋ cere a be a, a nɩbɛ za mɩ́ tɩ ìr'a àr! Ŋa za mɩ́ tɩ àr'ɩ a ʋ pɛn-sɛw dɩ̃dɔrɩ́, ɛ́ jɩ́rɛ a Moyiir, ʋ tɩ kpɛ a pɛn-sɛw-sõw pʋɔ.

Eziptɩ tẽw yib 33:10

A nɩbɛ za mɩ́ tɩ nyɛ̃ nɩ a zũzuwr kpul na bà àr a pɛn-sɛw dɩ̃dɔr nʋɔr a. Ŋa za mɩ́ tɩ gbĩ n dume gũu tɩ tɔ tẽw a ʋ pɛn-sɛw dɩ̃dɔr nʋɔr.

Eziptɩ tẽw yib 34:5

A Sore tɩ siw nɩ a zũzuwr pʋɔ wa àr a be kɔw a Moyiir. Ʋ tɩ bʋɔl'ɩ a ʋ yúor kɛ́: «Sore.»

Wulu-ayi-sob 31:14

A Sore tɩ yel'ɩ a Moyiir à ŋá: «A fʋ kũu daar pɩɛlɛ na. Bʋɔlɩ a Zozue nyɩ wa nyɩ za ayi a tuor-taa pɛn-sɛw niŋé. Ɩ̃ na wa ƴɛ̀r'ɩ a ɩ̃ ƴɛ̀rʋ kʋ̀ ʋ a be.» Lɛ n'a a Moyiir nɩ a Zozue tɩ cen a tuor-taa pɛn-sɛw pɛr.

Wulu-ayi-sob 31:15

A Sore tɩ ɩ na bɛ nyɛ̃ ʋ zũzuwr na tɩ ba àr mɛ̃ kul a pʋɔ, a pɛn-sɛw dɩ̃dɔr nʋɔr a.

Sɔr-nɛ́ɛ 7:89

A Moyiir na mɩ́ tɩ kpɛ a tuor-taa pɛn-sɛw pʋɔ k'ʋʋ tɩ ƴɛ̀r'ɩ a Sore a, ʋ mɩ́ tɩ wone nɩ a Sore kɔkɔr: a seribɛ̃ ayi cara pʋɔ n'a a kɔkɔr mɩ́ tɩ ƴɛ̀rɛ yire, a daga na tɛr a wõ-taa kʋsɛ-pamɛ a nɔ-pàwra zu. Ʋ mɩ́ tɩ ƴɛ̀rɛ nɩ ʋ na.