Eziptɩ tẽw yib 32:4 - A SƐB-SÕW

⁴ Ʋ tɩ de a na nyɩl ƴãw dasul-laa pʋɔ, maal'ɩ nále dasule. Lɛ n'a a Ɩsɩrayɛl nɩbɛ tɩ yel: «Nyɛ̃ a tɩ Naaŋmɩn na ɩ tɩ yi a Eziptɩ a!»

Eziptɩ tẽw yib 32:4 ပူးပေါင်းရင်းမြစ်များ

1 Na-mɩnɛ 12:28

A Zerobowam tɩ bɔ n yã maalɩ salm-zɩɛ nadɛli ayi, ɛ́ yel a nɩbɛ à ŋá: «Nyɩ do n a Zerizalɛm a sɛw. Ɩsɩrayɛl nɩbɛ ɛ, a nyɩ Naaŋmɩn n'ɩ ŋa a ka, ʋl na ɩ nyɩ yi a Eziptɩ tẽw pʋɔ a.»

1 Na-mɩnɛ 12:32

Ʋ tɩ ƴãw nɩ cuw ʋ be a cuwr ani sob bibie pie nɩ anũu daar, cuw na ŋmɛ̃ taa nɩ a ʋl na mɩ́ tɩ maalɩ a Zuda tẽw a, ɛ́ a ʋl mɩŋa tɩ maalɩ bagɛ a bàwr-maal-kuur zu. À ŋá n'a ʋ tɩ ɩ a Betɛl, maalɩ bagɛ kʋ̀ a nadɛli ʋ na tɩ maalɩ a. Ʋ mɩ̀ tɩ ƴãw nɩ a bàwr-maalbɛ ʋ na kaa ír a maalʋ-ziir ƴãw a, a be.

2 Na-mɩnɛ 10:20

Alɛ n'a so ʋ tɩ yel kɛ́ bɛ bʋɔlɩ lãw kpɛ̃ɛ a Báàl ƴãwfʋ ƴãw. Bɛ tɩ bʋɔl'ɩ a lãw ŋa,

2 Na-mɩnɛ 10:29

Ɛcɛ ʋ bɛ tɩ bɛr a Nevatɩ bidɛb, Zerobowam, yel-bebe maalʋ ɛ. Bʋ̃ʋ n'ʋ vɛ̃, a Zerobowam n'ʋ tɩ ƴãw a Ɩsɩrayɛl nɩbɛ maalɩ a yel-bier, puori a Betɛl nɩ a Dan salm-zɩɛ náli.

2 Bibie za yel-manɩ 11:15

A Zerobowam tɩ kaa na ír nɩbɛ bɛ ɩ bàwr-maalbɛ a ŋmɩn-bɛlɛbɛlɛ ƴãw, a ŋmɩn-bɛlɛbɛlɛ á ŋá na tɩ ɩ mɛ̃ bʋrali nɩ nadɛli a nɩbɛ puore a maalʋ-ziir a.

2 Bibie za yel-manɩ 13:8

Ɛ́ ƴɛrɛŋa nyɩ tɩɛr kɛ́ nyɩ ìr lo a naalʋ-dɩb a Sore na kʋ̀ a Daviir bidɛbr a zu! A nyɩ zɛbr-nɩbɛ bɛ dɩ vuo ɩ, ɛ́ nyɩ tɛr a salm-zɩɛ nadeli a Zerobowam na maalɩ kʋ̀ nyɩ a ɩ a nyɩ ŋmɩmɛ a.

Neemi 9:18

Bɛ nyɩl'ɩ kure maal'ɩ nále ɛ́ yel: “Nyɛ̃ a tɩ Naaŋmɩn na ɩ tɩ yi a Eziptɩ tẽw a!” A bɛ ɩb ŋa bɛ tɩ vɩɛl towtow ɛ.

Eziptɩ tẽw yib 20:2

«Ɩ̃ ɩ n a Sore fʋ Naaŋmɩn, mãa n'ʋ ɩ fʋ yi a Eziptɩ, a be fʋ na tɩ ɩ gbãgbaa a.»

Eziptɩ tẽw yib 20:23

Nyɩ kʋ̃ maalɩ salm-pla nɩ salm-zɩɛ ŋmɩmɛ a pʋɔ a ɩ̃ ƴãw ɛ. Nyɩ kʋ̃ maal'a tɛr ɛ.

Eziptɩ tẽw yib 20:4

«Fʋ kʋ̃ tɛr tɩɩb kãw za ɩ. A bome na be a saa-zu, a salom zu, a pile ka, a tẽw zu, a kʋ̃ɔmɩ́ nɩ a tẽsɔw pile a, fʋ kʋ̃ maalɩ a kãw za bãwfʋ ɛ.

Eziptɩ tẽw yib 28:11

Kʋsɛ-wire n'ʋ na wi a yée ƴãw a kʋsɛ-bie ayi zu, mɛ̃ a lɛ bɛ na mɩ́ wi nɩr ŋmaarʋ-bʋ̃-ƴãwna a. Al pùorí ʋ sawl'a sawlʋ ziir bɛ na maal'ɩ salm-zɩɛ a.

Eziptɩ tẽw yib 28:9

Bɛ na de nɩ kʋsɛ-bi-nyɩlɩ kãw bɛ na bʋɔlɛ kɔnalin a, bome ayi, wi a Zakɔb bidɛbr yée ƴãw:

Eziptɩ tẽw yib 32:1

A nɩbɛ na tɩ nyɛ̃ a Moyiir ʋ cɛlɛ a tãw lɛb-siwfʋ a, bɛ ɓã n taa a Aarɔ̃ zie yel ʋ: «Ìr! Maalɩ ŋmɩn na na de tɩ niwn a kʋ̀ tɩ. Bʋ̃ʋ n'ʋ vɛ̃, tɩ bɛ bãw ʋlɩ bom nɛ na ɩ a Moyiir a ɩ, a nɩr ŋa na ɩ tɩ yi a Eziptɩ tẽw a.»

Eziptɩ tẽw yib 32:24

A lɛ n'a ɩ̃ tɩ sowri bɛ: “Ãa n'ʋ tɛr salm-zɩɛ a nyɩ pʋɔ?” Ɛ̀ bɛ yaarɩ a bɛ pɩ̃ɛmɛ a bɛ tobe ƴãw kʋ̀ m, ɩ̃ de a ƴãw vũumí a nyɩl wa yi ɩ a nále ŋa.»

Eziptɩ tẽw yib 32:3

A Ɩsɩrayɛl nɩbɛ za tɩ yaar'ɩ a bɛ salm-zɩɛ tokpamɛ wa kʋ̀ a Aarɔ̃.

Eziptɩ tẽw yib 32:35

Lɛ n'a a Sore tɩ dɔwrɩ a Ɩsɩrayɛl nɩbɛ, bɛ na tɩ ƴãw a Aarɔ̃ maalɩ a nále dasule kʋ̀ bɛ a ƴãw.

Eziptɩ tẽw yib 32:5

A Aarɔ̃ na tɩ nyɛ̃ a lɛ a, ʋ mɛ n bàwr-maal-kuur a dasule niŋé, al pùorí ʋ yel: «A bio a, tɩ na maal'ɩ cuw a Sore ƴãw!»

Eziptɩ tẽw yib 32:7

Lɛ n'a a Sore tɩ yel a Moyiir: «Lɛb siw daadaalɛ! Bʋ̃ʋ n'ʋ vɛ̃, a nɩbɛ fʋ na ɩ bɛ yi a Eziptɩ a, bɛ sãw nɩ faa faa.

Eziptɩ tẽw yib 32:8

A sɔ́r ɩ̃ na tɩ wul bɛ a, bɛ bɛr ʋ nɩ pɛtɛlʋlɛ: bɛ nyɩl'ɩ kure maal'ɩ nále, bɛ gbĩ n dume a ʋ niŋé, ɛ́ maalɩ bagɛ kʋ̀ ʋ, ɛ́ yel: “Nyɛ̃ a tɩ Naaŋmɩn na ɩ kɛ̀ tɩ yi a Eziptɩ a.”

Ɩzayi 30:22

A nyɩ dàar bɩɩ kure tɩbɛ bɛ na nyɩl salm-pla nɩ salm-zɩɛ pàw a, nyɩ na nyɛ̃ a na a ɩ dɛwr. Nyɩ na lɔb a na bɛr mɛ̃ bʋ̃-dɛgɛ a, ɛ́ nyɩ na yel a na: «Nyɩ yi a ka!»

Ɩzayi 46:6

Nɩbɛ bɛ mɩnɛ mɩ́ cir'ɩ a salm-zɩɛ na be a bɛ vʋɔra pʋɔ a, bɛ mɩ́ ker'ɩ a salm-pla nɩ bʋ̃-kera, bɛ mɩ́ ya n salm-nyɩlɛ k'ʋʋ maalɩ ŋmɩn kʋ̀ bɛ, bɛ gũune a ŋmɩn ŋa niŋé, puore ʋ.

Ezekɩɛl 23:8

Ʋ cãà na cow tone a pɔw-yɛm tome mɛ̃ ʋ na tɩ tõ a Eziptɩ tẽw pʋɔ a. A be a, ʋ tɩ ɩ n pɔwsɩrale, dɛbr tɩ ganɛ nɩ ʋ na, bɛ tɩ gbaalɛ nɩ a ʋ pɔwsɩ-nyãa, bɛ tɩ ƴãw na ʋ bʋnɩ vʋʋrɛ sãsaralɛ.

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

A naaŋmɩn-ƴèr-manɛ Oze sɛbɛ 13:2

A ƴɛrɛŋa mɩ̀ a, bɛ cãà na maalɛ a yel-bier: bɛ nyɩlɛ nɩ salm-zɩɛ maalɛ nɩ bome, bɛ nyɩlɛ nɩ salm-zɩɛ maalɛ nɩ tɩbɛ, nɩ a bɛ bãwfʋ, nɩsaal bʋ̃-maalɩ n'ɩ à á ŋá za. Ɛcɛ a al ƴãw n'a bɛ mɩ́ yel: «A fɛr'a kɛ́ tɩ maalɩ bàwr kʋ̀ a!» Nɩsaalbɛ pãa mɩ́ wa nyɔw nadeli kɔ́rɛ mɔwrɛ, nyɩ maal'a ŋmɛ ɛ!

Nɩ-toni 17:29

A na ɩ lɛ tɩ ɩ a Naaŋmɩn bʋʋrɛ a, a bɛ tɛr sɔ́r kɛ́ tɩ tɩɛrɛ kɛ́ a naaŋmɩnʋ ŋmɛ̃ na taa nɩ salm-zɩɛ, salm-pla bɩɩ kʋsɛ-vla tɩɩb nɩsaal bãwfʋ nɩ a ʋ yã na maalɩ a ɩ.

Nɩ-toni 7:41

A alɩ bibie nɛ pʋɔ n'a bɛ tɩ maalɩ nadele ɛ́ maalɩ bàwr kʋ̀ ʋ, ɛ́ maalɩ cuw-kpɛ̃ɛ a bɛ nuru bʋ̃-maala ƴãw.

1 Korɛ̃tɩ 10:7

Nyɩ taa lɩɛbɛ nɩbɛ na maalɛ tɩbɛ a ɩ, mɛ̃ a lɛ bɛ mɩnɛ kãw na tɩ ɩ a bɛ pʋɔ a ɩ, mɛ̃ a lɛ bɛ na sɛb a: «A nɩ-bʋʋrɛ tɩ zɩ̃ na kɛ́ bɛ dɩ ɛ́ nyũ, al pùorí bɛ ìr kɛ́ bɛ dɩ̃ɛnɩ.»

Wulu-ayi-sob 9:16

Ɩ̃ tɩ sɩrɩ na nyɛ̃ nyɩ na maalɩ yel-bier sãw a Sore nyɩ Naaŋmɩn a: nyɩ tɩ nyɩl'ɩ kure maal'ɩ nále. Nyɩ tɩ bɛr'ɩ a sɔ́r a Sore na wul nyɩ a fɔ̃wlɛ.

Ƴɛ̀r-dɩrbɛ 8:24

Ɛ́ tɩ yel ƴãw pʋɔ: «Ɩ̃ bɔbr'a k'ɩ̃ɩ zɛlɩ bom kãw a nyɩ zie: a nyɩ kãw za, ʋ mɩ́ kʋ̀ m nũ-tʋʋr a ʋ zɛbr bome ʋ na de a pʋɔ.» A Madian tẽw dem tɩ sɩrɩ na tɛr salm-zɩɛ nũ-tʋɛ, bɛ na tɩ ɩ Ɩsɩmayɛl bʋʋrɛ a ƴãw.

Ƴɛ̀r-dɩrbɛ 8:27

A Zedeɔ̃ tɩ de nɩ a salm-zɩɛ al maal'ɩ ŋmɩn kãw dasule, bin a ʋ tẽw Ofɩra. A Ɩsɩrayɛl nɩbɛ za tɩ tĩ na puore a dasule ŋa. À ŋá n'a ʋ tɩ lɩɛbɩ bɛra a Zedeɔ̃ nɩ a ʋ yir dem ƴãw.