Eziptɩ tẽw yib 3:9 - A SƐB-SÕW

⁹ Bʋ̃ʋ n'ʋ vɛ̃, a Ɩsɩrayɛl nɩbɛ cɛlsɩ do na wa ta a ɩ̃ zie, ɩ̃ɩ mɩ̀ nyɛ̃ a lɛ a Eziptɩ tẽw dem na dɔwrɛ bɛ a.

Eziptɩ tẽw yib 3:9 ပူးပေါင်းရင်းမြစ်များ

Yele-za-pɛr-tib 16:11

A Sore malkɩ tɩ cãà na lɛb yel ʋ: «Fʋ tɛr'ɩ pʋɔ, ɛ́ na dɔw dɛble. Fʋ na por'ɩ a ʋ yúor Ɩsɩmayɛl, bʋ̃ʋ n'ʋ vɛ̃, a Sore wõ n a kpɩɛrʋ cɛl fʋ na ŋmɛ a.

Yele-za-pɛr-tib 31:12

Ʋ yel mɛ̃: “A pʋ́rɩ za na dúor a pi-nyan bɩɩ a bʋ-nyan a, a ɩ n cʋɔrɛ, kpɛrɛ bɩɩ ɓalɛ. Ɩ̃ na nyɛ̃ a lɛ a Labã na ɩ b a n'a so a ɩ à à ŋá.

2 Na-mɩnɛ 13:4

Ɛcɛ a Yoakaazɩ tɩ zɛlɩ nɩ a Sore k'ʋʋ ɓãá suur, ʋ bɛr wõ. Bʋ̃ʋ n'ʋ vɛ̃, ʋ tɩ nyɛ̃ nɩ a kpɩɛrʋ al za a Siiri tẽw nãà na tɩ ɩrɛ a kpɩɛr a Ɩsɩrayɛl nɩbɛ a.

2 Na-mɩnɛ 20:5

k'ʋʋ lɛb cen a Naaŋmɩn nɩ-bʋʋrɛ nɩ-kpɛ̃ɛ, Ezekɩasɩ zie, tɩ yel ʋ: «À ŋá n'a a Sore, a fʋ sãàkʋm-kʋra Daviir Naaŋmɩn, yere: “Ɩ̃ wõ n a fʋ puoru ɛ́ nyɛ̃ a fʋ mʋta-kʋ̃ɔ. Ɩ̃ na sanɩ fʋ na. Ka nɩ bibie ata a, fʋ na tʋ̃ɔ́ na mɩ́ lɛb cen a Sore Ŋmɩn-yir-kpɛ̃ɛ́.

Neemi 9:9

Fʋ nyɛ̃ nɩ a tɩ sãàkʋm-kore wʋ̀ʋr a Eziptɩ tẽw, fʋ wõ n a bɛ cɛlsɩ a Bàa-kɛkɛɛ kʋ̃ɔ-kpɛ̃ɛ nʋɔr.

Sɛb-sõw yielu 12:5

nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

Sɛb-sõw yielu 9:14

Sore e, zɔ ɩ̃ nɩbaalʋ! Nyɛ̃ a kpɩɛrʋ a ɩ̃ dɔ̃ dem na ɩ k'ɩ̃ nyɛrɛ a, fʋ̃ʋ na na tʋ̃ɔ́ faa mɛ̃ a kũu nuru pʋɔ a.

Eziptɩ tẽw yib 1:11

Lɛ n'a a Eziptɩ tẽw dem tɩ kaa ír tõ-tõ-nɩ-bɛrɛ, kɛ́ bɛ mɩ́ fɛr a Ɩsɩrayɛl nɩbɛ bɛ tõ tõ-kpɛn a wõ bɛ. À à ŋá n'a a Ɩsɩrayɛl nɩbɛ tɩ mɛ a Pitom nɩ Aramɩsɛsɩ tẽ-bɛrɛ na ɩ a Faarawɔ̃ bʋ̃-dɩrɩ maal-binu ziir a.

Eziptɩ tẽw yib 1:22

Ɛcɛ a Faarawɔ̃ tɩ ƴãw nɩ nʋɔr ŋa kʋ̀ a ʋ nɩbɛ za: «Ebre bi-pɩɩla za na dɔw ɩ dɛble a, nyɩ mɩ́ lɔb ʋ ƴãw a Nɩl pʋɔ. Ɛcɛ nyɩ mɩ́ bɛr a powli bɛ vʋʋrɛ.»

Eziptɩ tẽw yib 1:8

Na-paala tɩ ìr'a dɩ naalʋ a Eziptɩ tẽw, nãà na bɛ tɩ dãw bãw a Zuzɛb a.

Eziptɩ tẽw yib 2:23

A tɩ cɛlɩ na ɛ́ a Eziptɩ tẽw nãà wa kpi. A Ɩsɩrayɛl nɩbɛ tɩ kone na ŋmɩɛr'ɩ cɛlsɩ a bɛ gbãgbaalʋ pʋɔ, ɛ́ a bɛ bʋɔlʋ tɩ do ta a Naaŋmɩn.

Eziptɩ tẽw yib 2:25

Ʋ tɩ jɩ́r'ɩ a Ɩsɩrayɛl nɩbɛ ɛ́ bãw a lɛ a na ŋmɛ̃ a bɛ zie a.

Eziptɩ tẽw yib 3:7

A Sore tɩ yel'a: «Ɩ̃ nyɛ̃ nɩ a ɩ̃ nɩbɛ wʋ̀ʋr a Eziptɩ tẽw. Ɩ̃ wõ n a cɛlsɩ bɛ na dɔwrɛ bɛ bɛ ŋmɩɛr a. Ɩ̃ sɩrɩ na bãw a tuo bɛ na wone a.

Ekilezɩasɩ 4:1

Ɩ̃ nyɛ̃ nɩ a dɔwr-taa za na be a tẽw zu ka a. A bɛlɩ dem bɛ na dɔwrɛ a ŋmɩɛr'ɩ cɛlsɩ, ɛ́ nɩr bɛ mɔwlɛ bɛ ɩ. A bɛ dɔwr-dɔwrbɛ nɛbɛ tɛr a fãw, lɛ so mɔwl-mɔwlɛ bɛ ka be ɩ.

Ekilezɩasɩ 5:8

A nɩbɛ za so a tẽsɔw tɔnɛ. A nãà tɔr za tɛr'ɩ a póru tome yel-ɩra.

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Wulu-ayi-sob 26:7

Lɛ n'a tɩ tɩ kõ bʋɔlɩ a Sore, a tɩ sãàkʋm-kore Naaŋmɩn, ʋ wõ a tɩ cɛlsɩ, ɛ́ nyɛ̃ a lɛ bɛ na dɔwrɛ tɩ, damnɛ tɩ, ɛ́ ɩrɛ tɩ a kpɩɛr a.

1 Samɩɛl 9:16

«Bio à ŋá tɔ-won, ɩ̃ na tõ n Bɛ̃zamɛ tẽw nɩr kãw a fʋ zie. Fʋ na ka n nũu ƴãw ʋ, ʋ ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ, k'ʋʋ faa a ɩ̃ nɩ-bʋʋrɛ a Filisɩtɛ̃ mɩnɛ nuru pʋɔ. Bʋ̃ʋ n'ʋ vɛ̃, ɩ̃ nyɛ̃ nɩ lɛ a na ŋmɛ̃ a ɩ̃ nɩ-bʋʋrɛ a, ɛ́ a bɛ cɛl ta m'a.»