Eziptɩ tẽw yib 3:8 - A SƐB-SÕW

⁸ Lɛ so ɩ̃ siw wa k'ɩ̃ɩ wa faa bɛ a Eziptɩ tẽw dem nuru pʋɔ, ɛ́ ɩ bɛ yi a tẽw ŋa pʋɔ cen tẽw na vɩɛl ɛ́ yɛlmɛ a pʋɔ, tẽw bʋ̀rʋ nɩ sɩwr na gbɔlɛ a, tẽw a Kanãa tẽw dem, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ na kpɩɛr a.

Eziptɩ tẽw yib 3:8 ပူးပေါင်းရင်းမြစ်များ

Yele-za-pɛr-tib 11:5

A Sore tɩ yi n a salom zu siw k'ʋʋ tɩ nyɛ̃ a tẽ-kpɛ̃ɛ nɩ a yir-cõcowla a nɩsaalbɛ na mɩɛr a.

Yele-za-pɛr-tib 11:7

Alɛ! Tɩ siw tɩ ŋmɛ a bɛ ƴɛ̀rʋ nyaw taa bɛ ta cãà wone taa ƴɛ̀rʋ ɛ.»

Yele-za-pɛr-tib 15:13

A Sore tɩ yel ʋ na: «Bãwnɩ a vla a fʋ bʋʋrɛ na na ɩ nʋʋrɩ tẽw bɛ na bɛ so a pʋɔ a. Bɛ na ɩ n gbãgbaar a be, ɛ́ bɛ dɔwrɩ bɛ yome kɔbr anaar (400).

Yele-za-pɛr-tib 15:14

Ɛcɛ a nɩ-bʋʋrɛ bɛl tome bɛ na tõ a, ɩ̃ na ƴãw bɛ nɩ dɔwrʋ, al pùorí a fʋ bʋʋrɛ yi a be nɩ na-bome yaga.

Yele-za-pɛr-tib 18:21

Ɩ̃ na siw na tɩ nyɛ̃ bɛlɛ wa sɩrɩ ɩ mɛ̃ a lɛ ɩ̃ na wone bɛ yere a. Lɛ bɛ wa n'a a, ɩ̃ mɩ̀ na cãà na bãw.»

Yele-za-pɛr-tib 43:11

A Zakɔb tɩ yel bɛ na: «A na faa ɩ fɛrʋ a, nyɩ nyɛ̃ a lɛ nyɩ na na ɩ a: nyɩ de a tɩ tẽw bʋ̃-vɩɛlɩ vɩɛlɩ ƴãw a nyɩ tuor pʋɔ tɩ kʋ̀ a Eziptɩ tẽw nɩr ŋa. Nyɩ tɛr tɩ-suur-zɔ̃-na-nyùur-vla-vla-a blã, sɩwr blã de nɩ gɔm, ladanum, pɩsɩtasɩ nɩ amãdɩ.

Yele-za-pɛr-tib 46:4

Mãa mɩŋa na bɩɛlɩ fʋ na cen nɩ a be, ɛ́ tɩ ɩ fʋ yi a be lɛb wa. Fʋ̃ʋ wa kpi a, a Zuzɛb'ʋ na pàw fʋ a mimie.»

Yele-za-pɛr-tib 50:24

A Zuzɛb tɩ yel'ɩ a ʋ yɛbr bibir kãw: «Ɩ̃ na kpi na, ɛcɛ Naaŋmɩn na sõw nyɩ na, a bɛ tɛr à ŋá ɩ. Ʋ na ɩ na nyɩ yi a Eziptɩ, ʋʋ tɛr nyɩ tɩ ta n a tẽw ʋl ʋ na ƴãw nʋɔr k'ʋʋ na kʋ̀ n a Abraham, a Ɩzaakɩ nɩ a Zakɔb a.

1 Bibie za yel-manɩ 1:15

a Hivitɩ mɩnɛ, a Arkitɩ mɩnɛ, a Sinitɩ mɩnɛ,

Neemi 9:8

Fʋ nyɛ̃ na ʋ tu b, lɛ so fʋ maal'ɩ ʋ wõ-taa: fʋ yel'a kɛ́ fʋ na kʋ̀ ʋ nɩ a Kanãa tẽw dem tẽw, a Hititɩ mɩnɛ, a Amoritɩ mɩnɛ nɩ a Perizitɩ mɩnɛ ten, a Zebi tẽw dem tẽw nɩ a Gɩrgasitɩ mɩnɛ tẽw, ʋlɛ nɩ a ʋ bʋʋrɛ. Fʋ tu n a lɛ fʋ na yel a, fʋ na ŋmɛ̃ fʋ ŋmɛ̃a ƴãw.

Sɛb-sõw yielu 12:5

nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

Sɛb-sõw yielu 12:6

«Ɛcɛ ƴɛrɛŋa a, a Sore yere na, a nan dem bɛ na dɔwrɛ a, nɩ a bãbàalbɛ na kone a ƴãw, ɩ̃ ìre na. Ɩ̃ na faa nɩ a sob nɛ bɛ na pɩ́rɛ nɩ nũu bɛrɛ a.»

Sɛb-sõw yielu 34:8

A Sore malkɩ mɩ́ àr'a gù a bɛlɩ dem na zɔrɛ a Sore a, ɛ́ mɩ́ faa bɛ.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Eziptɩ tẽw yib 12:41

A yome kɔbr anaar dɔwlɩ yome lɩzɛr'ɩ pie (430) á ŋá na wa ta a, a bibir ŋa tɔr za, a Sore nɩbɛ tɩ tu n taa vla yi a Eziptɩ.

Eziptɩ tẽw yib 12:51

A bibir ŋa tɔr za n'ʋ a Sore tɩ ɩ a Ɩsɩrayɛl zɛbr-nɩbɛ cɔrɩ yi a Eziptɩ tẽw.

Eziptɩ tẽw yib 13:5

Nyɩ na mɩ́ tɛr'ɩ a tub ŋa a cuw ŋa tɔr za pʋɔ, a lɛn daar a Sore nãà wa ɩ nyɩ kpɛ a Kanãa tẽw dem tẽw pʋɔ a. A tẽw ŋa mɩ̀ ɩ n a Hititɩ mɩnɛ, a Amoritɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw. A tẽw ŋa n'ʋ a Sore tɩ pɔ a nyɩ sãàkʋm-kore zie k'ʋʋ na kʋ̀ nyɩ na, tẽw bʋ̀rʋ nɩ sɩwr na gbɔlɛ a.

Eziptɩ tẽw yib 3:17

ɛ́ yel: Ɩ̃ na ír nyɩ nɩ a Eziptɩ tẽw wʋ̀ʋr pʋɔ cen nɩ a Kanãa tẽw dem tẽw, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw, tẽw bʋ̀rʋ nɩ sɩwr na gbɔlɛ a.”

Eziptɩ tẽw yib 34:11

Nyɩ tuur a lɛ ɩ̃ na yere kʋ̀rɛ nyɩ a dɩ̃a a vla. Ɩ̃ na diw nɩ a Amoritɩ mɩnɛ, a Kanãa tẽw dem, a Hititɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ a nyɩ niŋé.

Eziptɩ tẽw yib 5:23

Fʋ na dɛ tõ m ɩ̃ wa ƴɛ̀r a Faarawɔ̃ zie a fʋ yúor ƴãw a, lɛ n'a ʋ tĩ dɔwrɛ a Ɩsɩrayɛl nɩbɛ, ɛ́ fʋ bɛ ɩrɛ bom kãw za a fʋ nɩbɛ faafʋ ƴãw ɛ!»

Ɩzayi 36:17

gùre nɩ ɩ̃ wa lɛb wa tɛr nyɩ cen nɩ tẽw na ɩ mɛ̃ a nyɩ tẽw a, tẽw na tɛr ble nɩ divɛ̃ tɩɩr póru a, na tɛr dipɛ̃ nɩ divɛ̃ a.

Ɩzayi 64:1

Fʋ nãá ɩ na mɛ̃ vũu na mɩ́ dɩ a tuwr a, bɩɩ na mɩ́ ɩ a kʋ̃ɔ a karɛ a. À ŋá n'a fʋ nãá ɩ a fʋ dɔ̃ dem bãw a fʋ yúor. A nɩ-bʋʋr-yoru nãá màwr'ɩ a fʋ niŋé,

Zeremi 11:5

À ŋá n'a ɩ̃ na tu a pɔb ɩ̃ na pɔ a nyɩ sãàkʋm-kore zie yel bɛ k'ɩ̃ɩ na kʋ̀ bɛ nɩ tẽw bʋ̀rʋ nɩ sɩwr na gbɔlɛ a. Ɛ́ be n'a nyɩ be a dɩ̃a.”» Ɩ̃ tɩ sɔw n'a: «A ɩ a lɛ, Sore e.»

Zeremi 2:7

Ɩ̃ ɩ na nyɩ kpɛ tɩ-wɔnɩ tẽw a tẽsɔw na pʋ̃ɔ́ a pʋɔ, kɛ́ nyɩ tɩ tʋ̃ɔ́ íre tɔnɛ a ʋ bʋ̃-kʋ́ɔrɩ nɩ a ʋ na-bome pʋɔ. Ɛcɛ nyɩ na wa kpɛ a ʋ pʋɔ a, nyɩ dɛw nɩ a ɩ̃ tẽw bɛr, ɛ́ ɩ a ɩ̃ zi-sóra lɩɛbɩ zi-faa faa.

Zeremi 32:22

Fʋ tɩ pɔ na yel a tɩ sãàkʋm-kore kɛ́ fʋ na kʋ̀ bɛ nɩ a tẽw ŋa, bʋ̀rʋ nɩ sɩwr na gbɔlɛ a, ɛ́ fʋ ɩ n a lɛ.

Ezekɩɛl 20:6

A ʋlɩ bibir nɛ a, ɩ̃ pɔ na yel bɛ k'ɩ̃ɩ na ƴãw na bɛ yi a Eziptɩ tẽw, ɩ̃ tɛr bɛ cen nɩ tẽw kãw ɩ̃ na nɛb kaa a bɛ ƴãw a. A ten za pʋɔ tẽ-vla vla za n'ʋ, tẽw bʋ̀rʋ nɩ sɩwr na gbɔlɛ a.

Levitɩ mɩnɛ 20:24

ɛ́ yel nyɩ à ŋá: “Nyɩmɛ nɛbɛ na so a bɛ tẽw, ɩ̃ dier ʋ na kʋ̀rɛ nyɩ kɛ́ nyɩ so ʋ, tẽw bʋ̀rʋ nɩ sɩwr na gbɔlɛ a n'ʋ!” Mãa n'ɩ a Sore nyɩ Naaŋmɩn na ɩ nyɩ ɩ nyɩ tʋɔra a nɩ-bʋʋr-yoru sɔgɔ a.

Amɔsɩ 2:10

Ɛcɛ a mãa a, ɩ̃ tɩ ɩ na nyɩ yi a Eziptɩ tẽw, ɩ̃ɩ bɩɛlɩ nyɩ yome lɩz'a ayi a wɛja-kpalɛ pʋɔ kɛ̀ nyɩ wa so a Amoritɩ mɩnɛ mɩnɛ tẽw.

Sɔr-nɛ́ɛ 13:18

ɛ́ maal jɩ́rɛ a lɛ a tẽw na ŋmɛ̃ a: a nɩbɛ na kpɩɛr ʋ a, bɛ tɛr'ɩ fãw bɩɩ bɛ bɛ tɛr fãw, bɛ yãwmɛ na bɩɩ bɛ bɛ yãwmɛ.

Sɔr-nɛ́ɛ 13:19

Nyɩ jɩ́r nyɛ̃, a tẽw vɩɛl'a bɩɩ ʋ bɛ vɩɛl, a ziir bɛ na kpɩɛr a, pɛnɛ-sɛwr laɩ n'a bɩɩ tẽ-bɛrɛ bɛ na mɛ dacine viiri koli a n'a.

Sɔr-nɛ́ɛ 13:27

À ŋá n'a bɛ tɩ manɩ kʋ̀ a Moyiir: «Tɩ cen nɩ a tẽw ʋl pʋɔ fʋ na tõ tɩ a. Yel-mɩŋa sa ziri, tẽw bʋ̀rʋ nɩ sɩwr na gbɔlɛ a n'ʋ. Nyɛ̃ a tẽw tɩ-wɔmɛ a mɩnɛ.

Zã 3:13

Nɩr za bɛ do a tẽ-vla pʋɔ ɩ, a bɛ ɩ a ʋlɩ nɩr nɛ yõ na yi a tẽ-vla pʋɔ siw wa a, a Nɩsaal Bie.

Zã 6:38

Bʋ̃ʋ n'ʋ so, ɩ̃ bɛ yi a tẽ-vla pʋɔ siw wa k'ɩ̃ɩ wa maalɛ a ɩ̃ mɩŋa pʋ-tɩɛrʋ ɛ, ɩ̃ wa na k'ɩ̃ɩ wa ɩrɛ a ʋlɩ sob na tõ m a yã-nɔn ɩb za.

Wulu-ayi-sob 1:25

Bɛ tɩ pɔr'ɩ a tẽw tɩ-wɔmɛ tɛr siw wa n wa kʋ̀ tɩ ɛ́ yel à ŋá: «A tẽw a tɩ Sore Naaŋmɩn na kʋ̀rɛ tɩ a ɩ n tẽw na vɩɛl a!»

Wulu-ayi-sob 1:7

Nyɩ pãa ìr lɛb lo a sɔ́r. Nyɩ cen kpɛ a Amoritɩ mɩnɛ tan pʋɔ nɩ a zi-kpɔwlɩ al a Kanãa tẽw dem na kpɩɛr a, a pɛr lɛ k'aa Zurdɛ̃ tɩ̃tal, a tãli vuo, a Ba-Peyi, a Negɛɛvʋ nɩ a zie ʋl na lanɩ a Mediterane kʋ̃ɔ-kpɛ̃ɛ a. Nyɩ cen tɩ tɔ a Libã tan nɩ a Efaratɩ na ɩ a man-kpɛ̃ɛ a.

Wulu-ayi-sob 27:3

Nyɩmɛ wa dɛ ta a, nyɩ na sɛb'ɩ a wulu ɩ̃ na kʋ̀rɛ nyɩ a nɛ-ƴãwnɩ za ƴãw a kʋsɛbɛ zu. À ŋá n'a nyɩ na tʋ̃ɔ́ kpɛ a tẽw bʋ̀rʋ nɩ sɩwr na gbɔlɛ a pʋɔ, a tẽw a Sore nyɩ sãàkʋm-kore Naaŋmɩn na kʋ̀rɛ nyɩ mɛ̃ a lɛ ʋ na yel kʋ̀ nyɩ a.

Wulu-ayi-sob 28:11

A Sore na ɩ na nyɩ tɛr a yaga za, a tẽw ʋ na pɔ yel a nyɩ sãàkʋm-kore zie k'ʋʋ na kʋ̀ nyɩ na a pʋɔ: a dɔwfʋ na tu nyɩ na, a nyɩ dʋn na yɛ̀r'a yãwmɛ, a nyɩ bʋ̃-kʋ́ɔrɩ na maal'ɩ vla za.

Wulu-ayi-sob 6:3

Ɩsɩrayɛl nɩbɛ ɛ, nyɩ bɛrɛ wone a nɛ-ƴãwnɩ á ŋá, ɛ́ ƴãw fãw tuur a. Lɛ n'a nyɩ na wone nʋ̃ɔ̀, ɛ́ yɛ̀r ɩ nɩ-bʋʋr-yaga yaga a tẽw ŋa bʋ̀rʋ nɩ sɩwr na gbɔlɛ a pʋɔ, mɛ̃ a lɛ a Sore, a nyɩ sãàkʋm-kore Naaŋmɩn, na yel kʋ̀ nyɩ a.

Wulu-ayi-sob 7:1

A Sore nyɩ Naaŋmɩn na ɩ na nyɩ kpɛ a tẽw nyɩ na na so a pʋɔ. Ʋ na diw nɩ nɩ-bʋʋr-yaga a nyɩ niŋé, nɩ-bʋʋrɛ ayopõi na yãwmɛ zuo nyɩ, ɛ́ tɛr fãw zuo nyɩ a: a Hititɩ mɩnɛ, a Gɩrgasitɩ mɩnɛ, a Amoritɩ mɩnɛ, a Kanãa tẽw dem, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ.

Zozue 5:6

A Ɩsɩrayɛl nɩbɛ tɩ cen nɩ a wɛja-kpalɛ pʋɔ yome lɩz'a ayi. A yome lɩz'a ayi á ŋá na wa tɔl a, a dɛbr bɛl za na tɩ ta a zɛbr a Eziptɩ tẽw yib daar a tɩ kpi n bɛ za, bɛ na tɩ zawrɩ a Sore nʋɔr a zũú. Lɛ n'a a Sore tɩ pɔ k'ʋʋ kʋ̃ bɛr bɛ bɛ nyɛ̃ a tẽw ʋl ʋ na tɩ yel kʋ̀ a tɩ sãàkʋm-kore, k'ʋʋ na kʋ̀ tɩ na a ɩ, tẽw bʋ̀rʋ nɩ sɩwr na gbɔlɛ a.

Zozue 9:1

A Aɩ tẽw sãw-bɛrʋ yele tɩ lo n a Zurdɛ̃ mʋ̃tɔ̃w-kpɛb-lowr voru za na-mɩnɛ za tobe pʋɔ: a tan vuo, a Ba-Peyi nɩ a zi-tɩ̃tal ʋl na lanɩ a Mediterane kʋ̃ɔ-kpɛ̃ɛ tɩ tɔ a Libã a. Lɛ n'a a Hititɩ mɩnɛ, a Amoritɩ mɩnɛ, a Kanãa tẽw dem, a Perizitɩ mɩnɛ, a Hivitɩ mɩnɛ nɩ a Zebi tẽw dem

Zozue 9:7

A Ɩsɩrayɛl nɩbɛ tɩ yel'ɩ a Hivitɩ mɩnɛ bɛ ŋa: «Ãa n'ʋ bãw nyɩ bɛ kpɩɛr pɩɛlɩ tɩ? Ɛ́ alɛ wa ɩ lɛ a, ŋmɩŋmɩn n'a tɩɩm nɩ nyɩɩm na tʋ̃ɔ́ maalɩ wõ-taa?»