Eziptɩ tẽw yib 3:6 - A SƐB-SÕW

⁶ Mãa n'ɩ a fʋ sãàkʋm-kore Naaŋmɩn, a Abraham Naaŋmɩn, a Ɩzaakɩ Naaŋmɩn, a Zakɔb Naaŋmɩn.» A Moyiir tɩ pàw nɩ a ʋ niwn, dɛ̃bɩ̃ɛ na tɩ ɩrɛ ʋ a Naaŋmɩn jɩ́rʋ ƴãw a zũú.

Eziptɩ tẽw yib 3:6 ပူးပေါင်းရင်းမြစ်များ

Yele-za-pɛr-tib 12:1

A Sore tɩ yel'ɩ a Abram: «Bɛr a fʋ tẽw, a fʋ nɩbɛ nɩ a fʋ sãà yir, ɛ́ cen a tẽw ʋl ɩ̃ na na wul fʋ a.

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Yele-za-pɛr-tib 17:3

A Abram tɩ lo na gbĩ dume gũu tɩ tɔ tẽw, ɛ́ a Naaŋmɩn ƴɛ̀r a ʋ zie à ŋá:

Yele-za-pɛr-tib 24:12

Ʋ tɩ puor'ɩ à ŋá: «Sore e, ɩ̃ nɩ-kpɛ̃ɛ Abraham Naaŋmɩn i, ɩ a yele tu vla a ɩ̃ zie a dɩ̃a, ɛ́ fʋ wul a fʋ nɔ̃wfʋ a ɩ̃ nɩ-kpɛ̃ɛ Abraham.

Yele-za-pɛr-tib 26:24

A Sore tɩ ɩ na ʋ nyɛ̃ ʋ a tɩ̃ɩsɔw, ʋʋ yel ʋ: «Mãa n'ɩ a fʋ sãà Abraham Naaŋmɩn. Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na maalɩ fʋ na, ɛ́ ɩ a fʋ bʋʋrɛ bɛ yɛ̀r yãwmɛ yaga, a ɩ̃ tõ-tõ-bie Abraham zũú.»

Yele-za-pɛr-tib 28:13

A Sore tɩ àr'a kɔw a Zakɔb ɛ́ yere kʋ̀rɛ ʋ: «Mãa n'ɩ a Sore, a fʋ sãàkʋm Abraham Naaŋmɩn, a Ɩzaakɩ Naaŋmɩn. A tẽsɔw ŋa zu fʋ na gã a, ɩ̃ na kʋ̀ ʋ nɩ fʋ̃ʋ nɩ a fʋ bʋʋrɛ.

Yele-za-pɛr-tib 28:17

Dɛ̃bɩ̃ɛ tɩ kpɛ ʋ na, ʋ yel: «Nyɛ̃ zie na ɩrɛ dɛ̃bɩ̃ɛ a! Bom za bɛ n'ʋ, a bɛ ɩ a Naaŋmɩn yir nɩ a tẽ-vla dɩ̃dɔr ɛ!»

Yele-za-pɛr-tib 31:42

A ɩ̃ sãàkʋm Abraham Naaŋmɩn, a Naaŋmɩn na tɩ ɩ a ɩ̃ sãà Ɩzaakɩ ʋ màwr a, ʋlɛ bɛ tɩ sõw mɛ̃ a, fʋ nãá bɛr mɛ̃ na ɩ̃ lɛb kul nũ-zawlɛ. Ɛcɛ a Naaŋmɩn nyɛ̃ nɩ a ɩ̃ kpɩɛrʋ nɩ a tome ɩ̃ na tõ wõ tuo a. A tɩ̃ɩsɔw a, ʋ ƴɛ̀r'a kpɛ m.»

Yele-za-pɛr-tib 32:9

ɛ́ yel: «A Ezawu wa ta lo bɛ ŋa zu a, a bɛ ŋa na tʋ̃ɔ́ na zɔ cɩ̃ɛ.»

1 Na-mɩnɛ 18:36

A zaanʋɔra bàwr maalʋ tɛm na wa ta a, a naaŋmɩn-ƴɛ̀r-manɛ Eli tɩ taw na ta a bàwr-maal-kuur pɛr, ɛ́ yel: «Sore e, Abraham, Ɩzaakɩ nɩ Ɩsɩrayɛl Naaŋmɩn i, wul a dɩ̃a kɛ́ fʋ̃ʋ n'ɩ a Ɩsɩrayɛl Naaŋmɩn, k'ɩ̃ɩ ɩ n a fʋ tõ-tone, kɛ́ fʋ̃ʋ n'ʋ ƴãw k'ɩ̃ ɩ à à ŋá za.

1 Na-mɩnɛ 19:13

A Eli na tɩ wõ a sɛsɛble damnʋ a, ʋ nyɔw nɩ a ʋ kpar-kpɛ̃ɛ pàw nɩ a niwn, ɛ́ yi àr a tãw bɔw nʋɔr. Lɛ n'a ʋ tɩ wõ kɔkɔr ʋ ƴɛ̀r a ʋ zie yel à ŋá: «Eli i, bʋnʋ ƴãw n'a fʋ be a ka?»

Neemi 9:9

Fʋ nyɛ̃ nɩ a tɩ sãàkʋm-kore wʋ̀ʋr a Eziptɩ tẽw, fʋ wõ n a bɛ cɛlsɩ a Bàa-kɛkɛɛ kʋ̃ɔ-kpɛ̃ɛ nʋɔr.

Sɛb-sõw yielu 132:2

A Daviir'ʋ tɩ kõ nʋɔr ŋa a Sore zie, ʋlɛ n'ʋ tɩ pɔ à ŋá yel a Zakɔb Naaŋmɩn fãw sob:

Eziptɩ tẽw yib 15:2

A Sore so a ɩ̃ fãw nɩ a ɩ̃ yielu, ʋl ƴãw n'a ɩ̃ nyɛ̃ a faafʋ. Ʋlɛ n'ɩ a ɩ̃ Naaŋmɩn, ɩ̃ na danɛ ʋ a na. Ʋlɛ n'ɩ a ɩ̃ sãà Naaŋmɩn, ɩ̃ na zɛwr ʋ na.

Eziptɩ tẽw yib 29:45

Ɩ̃ na be n a Ɩsɩrayɛl nɩbɛ sɔgɔ, ɩ a bɛ Naaŋmɩn.

Eziptɩ tẽw yib 3:16

Pãa cen tɩ bʋɔlɩ a Ɩsɩrayɛl nɩ-kore ɓã taa, ɛ́ yel bɛ: “A Sore, a nyɩ sãàkʋm-kore Naaŋmɩn, a Abraham Naaŋmɩn, Ɩzaakɩ Naaŋmɩn nɩ Zakɔb Naaŋmɩn, ɩ na k'ɩ̃ nyɛ̃ ʋ, ʋʋ yel mɛ̃: Ɩ̃ wa na wa nyɛ̃ nyɩ, ɛ́ nyɛ̃ a lɛ bɛ na ɩrɛ nyɩ a Eziptɩ a,

Eziptɩ tẽw yib 33:20

Ʋ tɩ yel'a ƴãw pʋɔ: «Fʋ kʋ̃ tʋ̃ɔ́ nyɛ̃ a ɩ̃ niwn ɛ. Bʋ̃ʋ n'ʋ vɛ̃, nɩsaal za kʋ̃ tʋ̃ɔ́ nyɛ̃ a ɩ̃ niwn ɛ́ cãà vʋʋrɛ ɩ.»

Eziptɩ tẽw yib 4:5

A Sore tɩ yel'a: «A na wul'ɩ a Ɩsɩrayɛl nɩbɛ k'ɩ̃ɩ ɩ na fʋ nyɛ̃ m, a mãa Sore, a bɛ sãàkʋm-kore Naaŋmɩn, a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn.»

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 32:38

Bɛ na lɛb'a ɩ a ɩ̃ nɩbɛ, ɩ̃ɩ ɩ a bɛ Naaŋmɩn.

Ezekɩɛl 11:20

Lɛ n'a nyɩ na tuur a wulu ɩ̃ na kʋ̀ nyɩ a, nyɩ na maal'a ɩrɛ a ɩ̃ nɛ́ɛ ƴãw, ɛ́ sàwr a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Zakari 8:8

Ɩ̃ na ɩ na bɛ yi a be lɛb wa wa kpɩɛr a Zerizalɛm. Bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn. Ɩ̃ na dɩrɛ nɩ naalʋ a bɛ zu, nɩ yel-mɩŋa nɩ mɩnʋ.»

Matie 17:6

A po-tuurbɛ na tɩ wõ a kɔkɔr ŋa a, dɛ̃bɩ̃ɛ nyɔw bɛ nɩ yaga bɛ lo vɔblɩ muru.

Matie 22:32

“Mãa n'ɩ a Abraham Naaŋmɩn, a Ɩzaakɩ Naaŋmɩn, nɩ a Zakɔb Naaŋmɩn.” Ʋ bɛ ɩ nɩ-kũuni Naaŋmɩn ɛ, nɩ-vʋʋrɩ Naaŋmɩn n'ʋ.»

Markɩ 12:26

Ɛ́ a kũuni na lɛb yire a ƴãw a, nyɩ bɛ dãw kanɩ a Moyiir sɛbɛ pʋɔ a tuw na nyɔw vũu dɩrɛ a yele ɩ? Bɛ sɛb'ɩ a be kɛ́ a Naaŋmɩn yel'ɩ a Moyiir: “Ɩ̃ ɩ n a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn.”

Luka 20:37

Ɛ́ a kũu-pʋɔ-lɛb-yibu yele ƴãw a, a Moyiir mɩŋa wul'a a sãá a tuw ʋ na tɩ nyɛ̃ ʋ dɩrɛ a pɛr, a lɛ ʋ na tɩ bʋɔlɩ a Sore kɛ́: “Abraham Naaŋmɩn, Ɩzaakɩ Naaŋmɩn, nɩ Zakɔb Naaŋmɩn a.”

Luka 5:8

A Sɩmʋ̃ Pɩɛr na tɩ nyɛ̃ a lɛ a, ʋ lo na gbĩ dume a Yeezu pile ɛ́ yel ʋ: «Sore e, taw zaa a ɩ̃ zie, ɩ̃ ɩ n yel-bier sob.»

Nɩ-toni 7:32

“Mãa n'ɩ a fʋ sãàkʋm-kore Naaŋmɩn, a Abraham, a Ɩzaakɩ nɩ a Zakɔb Naaŋmɩn.” A Moyiir tɩ màwr'ɩ ʋ za, ɛ́ bɛ lɛb sàw na zɛw zu jɩ́r kaa ɩ.

Nɩ-toni 7:34

Sɩza, ɩ̃ nyɛ̃ nɩ a ɩ̃ nɩ-bʋʋrɛ kpɩɛrʋ a Eziptɩ, ɩ̃ wõ n a bɛ kon. Ɩ̃ siw na wa k'ɩ̃ɩ wa faa bɛ. Ƴɛrɛŋa a, ɩ̃ tone fʋ na, cen a Eziptɩ.”

Wulu-ayi-sob 6:3

Ɩsɩrayɛl nɩbɛ ɛ, nyɩ bɛrɛ wone a nɛ-ƴãwnɩ á ŋá, ɛ́ ƴãw fãw tuur a. Lɛ n'a nyɩ na wone nʋ̃ɔ̀, ɛ́ yɛ̀r ɩ nɩ-bʋʋr-yaga yaga a tẽw ŋa bʋ̀rʋ nɩ sɩwr na gbɔlɛ a pʋɔ, mɛ̃ a lɛ a Sore, a nyɩ sãàkʋm-kore Naaŋmɩn, na yel kʋ̀ nyɩ a.

Ebre 11:16

Ɛcɛ alɛ ɩrɛ mɛ̃ bom'ʋ a, sãà-tẽw na vɩɛl zuo a n'ʋ bɛ tɩ bɔbr, a pɛr lɛ k'aa tẽ-vla pʋɔ dem. Lɛ so a bɛ ɩrɛ a Naaŋmɩn vĩ bɛ na bʋɔlɛ ʋ a bɛ Naaŋmɩn a ɩ, bʋ̃ʋ n'ʋ vɛ̃, ʋ cɔbr'ɩ tẽ-kpɛ̃ɛ a bɛ ƴãw.

Ebre 12:21

A yel bɛ na tɩ nyɛ̃ a tɩ sɩrɩ na ɩrɛ dɛ̃bɩ̃ɛ yaga, a Moyiir yel: «Dɛ̃bɩ̃ɛ ɩrɛ mɛ̃ na ɩ̃ màwr.»

Yel-wula 1:17

Ɩ̃ na tɩ nyɛ̃ ʋ a, ɩ̃ lo na gã a ʋ gbɛ́ɛ ƴãw mɛ̃ ɩ̃ kpi na a. Ɛcɛ, ʋ tɩ dɔwl'ɩ a ʋ dʋrʋ nũu a ɩ̃ zu ɛ́ yel: «Ta zɔrɛ dɛ̃bɩ̃ɛ ɩ: mãa n'ɩ a niw-diere nɩ a po-pàwrɛ,

Ƴɛ̀r-dɩrbɛ 13:22

A Manoa tɩ yel'ɩ a ʋ pɔw: «A bɛ tɛr à ŋá ɩ, tɩ na kpi na, tɩ na nyɛ̃ a Naaŋmɩn a ƴãw.»