Eziptɩ tẽw yib 3:12 - A SƐB-SÕW

¹² A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Eziptɩ tẽw yib 3:12 ပူးပေါင်းရင်းမြစ်များ

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

Yele-za-pɛr-tib 15:8

A Abram tɩ sowr'a: «Sore Naaŋmɩn i, ŋmɩŋmɩn n'a ɩ̃ na bãw k'ɩ̃ɩ na so ʋ na?»

Yele-za-pɛr-tib 26:3

Kpɩɛr a ʋlɩ tẽw nɛ, ɩ̃ na be n a fʋ zie, ɩ̃ɩ na maalɩ fʋ na. Bʋ̃ʋ n'ʋ vɛ̃, fʋ̃ʋ nɩ a fʋ bʋʋrɛ nɛbɛ ɩ̃ na kʋ̀ a ziir á ŋá. Ɛ́ à à ŋá n'a ɩ̃ na tu a nʋɔr ɩ̃ na ƴãw kʋ̀ a fʋ sãà Abraham a.

Yele-za-pɛr-tib 31:3

Lɛ n'a a Sore tɩ yel a Zakɔb: «Lɛb cen a fʋ sãà mɩnɛ tẽw, a fʋ yir dem zie: ɩ̃ na be n a fʋ zie.»

2 Na-mɩnɛ 19:29

Ɛcɛ a fʋ̃ʋ, Ezekɩasɩ a, bãwfʋ ŋa n'ʋ ɩ̃ kʋ̀rɛ fʋ: a yũona a, ble-yɛrɛ n'a a nɩbɛ na dɩ, a vɩɛr a mɩ̀ cãà ɩ a lɛ. Ɛcɛ a yome ata sob a, nyɩ na tʋ̃ɔ́ na bʋ̀rɛ ɛ́ cɩɛr a nyɩ ble, kʋɔr a nyɩ divɛ̃ tɩɩr póru, ɛ́ dɩrɛ a wɔmɛ.

1 Bibie za yel-manɩ 9:20

Eleazaar bidɛb Pɩnasɩ tɩ dãw n'ɩ a bɛ nɩ-kpɛ̃ɛ, bʋ̃ʋ n'ʋ vɛ̃, a Sore tɩ be n a ʋ zie.

Sɛb-sõw yielu 86:17

Wul mɛ̃ a fʋ nɔ̃wfʋ bãwfʋ kãw. Lɛ n'a a ɩ̃ bɛ-nɔnbɛ na nyɛ̃ vĩ. Bɛ na nyɛ̃ na k'aa fʋ̃ʋ a, Sore e, fʋ sõwne mɛ̃ na ɛ́ mɔwlɛ mɛ̃.

Eziptɩ tẽw yib 18:5

A Moyiir dɩɛm-sãà Zetoro tɩ tɛr'ɩ a Moyiir bidɛbr nɩ a ʋ pɔw cen nɩ tɩ páw nɩ ʋ a wɛja-kpalɛ pʋɔ, a Naaŋmɩn tãw ƴãw ʋ na tɩ maalɩ a ʋ pɛnɛ-sɛwr a.

Eziptɩ tẽw yib 3:1

A Moyiir tɩ àrɛ nɩ nɩ a ʋ dɩɛm-sãà Zetoro na ɩ a Madian tẽw bàwr-maalɛ a píir nɩ bʋʋr. Bibir kãw, ʋ tɩ kpa n a dʋn tɩ zuo nɩ a wɛja-kpalɛ bɛr ɛ́ tɩ ta n a Naaŋmɩn tãgɛ̃́, a Orɛb.

Eziptɩ tẽw yib 3:13

A Moyiir tɩ yel'ɩ a Naaŋmɩn: «Nyɛ̃, ɩ̃ na cen nɩ a Ɩsɩrayɛl nɩbɛ zie tɩ yel bɛ: “A nyɩ sãàkʋm-kore Naaŋmɩn tõ m'ɩ a nyɩ zie.” Bɛlɛ wa sowre mɛ̃: “A ʋ yúor dɩ na kɛ́ bo?” Ɩ̃ sɔw kɛ́ bʋnʋ kʋ̀ bɛ?»

Eziptɩ tẽw yib 33:14

A Sore tɩ sɔw nɩ a Moyiir: «Mãa mɩŋa na wa na! Fʋ kʋ̃ dɩ tuo bàlɛ fʋ tʋɔra ɩ.»

Eziptɩ tẽw yib 4:12

Pãa cen ƴɛrɛŋa. Fʋ̃ʋ wa ƴɛ̀rɛ a lɛn daar a, ɩ̃ na be n a fʋ zie, ɩ̃ na mɩ́ wul fʋ nɩ a ʋlɩ bom nɛ fʋ na na yel a.»

Eziptɩ tẽw yib 4:15

Tɩ ƴɛ̀r a ʋ zie, ɛ́ yel a ʋlɩ bom nɛ a na fɛr k'ʋʋ yel a kʋ̀ ʋ. Nyɩmɛ wa ƴɛ̀rɛ a, mãa mɩŋa na be n a nyɩ zie, ɩ̃ɩ na wul nyɩ nɩ a ʋlɩ bom nɛ a na fɛr kɛ́ nyɩ ɩ a.

Eziptɩ tẽw yib 8:27

A Sore tɩ ɩ n a lɛ a Moyiir na zɛlɛ ʋ a: ʋ tɩ diw nɩ a nakpon za bɛr a Faarawɔ̃ nɩ a ʋ tõ-tõ-nɩ-bɛrɛ nɩ a ʋ nɩbɛ. Nakpõw been za bɛ tɩ cãà be ɩ.

Ɩzayi 37:30

Ɛcɛ a fʋ̃ʋ, Ezekɩasɩ a, bãwfʋ ŋa n'ʋ ɩ̃ kʋ̀rɛ fʋ: a yũona a, ble-yɛrɛ n'a a nɩbɛ na dɩ. A vɩɛr a mɩ̀ cãà ɩ a lɛ. Ɛcɛ a yome ata sob a, nyɩ na tʋ̃ɔ́ na bʋ̀rɛ ɛ́ cɩɛr a nyɩ ble, kʋɔr a nyɩ divɛ̃ tɩɩr póru ɛ́ dɩrɛ a wɔmɛ.

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 43:2

Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Zeremi 1:8

Taa wa zɔrɛ nɩr za dɛ̃bɩ̃ɛ ɩ. Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.» À à ŋá n'a a Sore ƴɛ̀r a ɩ̃ zie.

Sɔr-nɛ́ɛ 16:28

A Moyiir tɩ yel'ɩ à ŋá: «A na sãá nɩ a nyɩ zie k'aa Sore n'ʋ tõ m k'ɩ̃ɩ wa maalɩ à á ŋá za, kɛ́ mãa bɛ n'ʋ nyɛ̃ ɩ̃ tʋɔra ɩrɛ ɩ:

Sɔr-nɛ́ɛ 23:21

A Sore bɛ nyɛ̃ yel-bɛ-sɛwra kãw za a Ɩsɩrayɛl nɩbɛ pʋɔ ɩ, ʋ bɛ nyɛ̃ yel-faa kãw za a Zakɔb bʋʋrɛ pʋɔ ɩ. Ʋlɛ n'ɩ a bɛ Naaŋmɩn, ʋ kpɩɛr'ɩ a bɛ pʋɔ, ʋ dier'ɩ a bɛ nʋ̃ɔ̀ cɛlsɩ bɛ na ŋmɩɛr ƴãwn ʋ mɛ̃ nãà a.

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Markɩ 16:20

A ʋ Nɩ-toni tɩ cen na tɩ hiere a Yel-nʋ̃ɔ̀ a ziir za. A Sore tɩ lãwnɩ bɛ na tone, ɛ́ mɩ́ wul kɛ́ a Yel-nʋ̃ɔ̀ ƴɛ̀rʋ ɩ n sɩza, a nɔ-ɓãa-yele na tɩ maalɛ pʋɔ a ƴãw.]

Nɩ-toni 11:21

A Sore tɩ tɩɛ bɛ na tɛr kpɛ̃w za a bɛ Yel-nʋ̃ɔ̀ hieru tome pʋɔ, lɛ so nɩ-yaga tɩ lɩɛbɩ a bɛ ɩb ɛ́ sàw de a Sore.

Nɩ-toni 7:7

Ɛcɛ a tẽw nɛ na na ɩ bɛ ɩ a ʋ gbãgbaar a, ɩ̃ na dɩ n ʋ nɩ ƴɛ̀rʋ. Al pùorí, bɛ na yi n a be ɛ́ wa a ka wa puore mɛ̃.”

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Wulu-ayi-sob 31:23

Al pùorí, a Sore tɩ ƴɛ̀r'ɩ a ʋ ƴɛ̀rʋ kʋ̀ a Nun bidɛb Zozue, ɛ́ yel ʋ: «Kpɛ socir ɛ́ kpɛmɛ! Fʋ̃ʋ n'ʋ na tɛr a Ɩsɩrayɛl nɩbɛ kpɛ n a tẽw ʋl pʋɔ ɩ̃ na pɔ yel k'ɩ̃ɩ na kʋ̀ bɛ na a. Ɛ́ mãa a, ɩ̃ na be n a fʋ zie.»

Ebre 13:5

A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Ƴɛ̀r-dɩrbɛ 6:12

A Sore malkɩ tɩ ɩ na ʋ nyɛ̃ ʋ, ʋʋ yel ʋ: «Soja-gãdaa a, a Sore be n a fʋ zie!»

Ƴɛ̀r-dɩrbɛ 6:16

A lɛ n'a a Sore tɩ yel ʋ: «Ɩ̃ na be n a fʋ zie, ɛ́ fʋ na zɛb'a tʋ̃ɔ́ a Madian tẽw dem za mɛ̃ nɩ-been a.»

Ƴɛ̀r-dɩrbɛ 6:17

A Zedeɔ̃ lɛb yel ʋ: «Mãa wa sɩrɩ pɛlɩ a fʋ pʋɔ a, fʋ̃ʋ ɩ ɩb kãw ɩ̃ bãw kɛ́ fʋ̃ʋ n'ʋ sɩrɩ ƴɛ̀rɛ nɩ mɛ̃.

Ƴɛ̀r-dɩrbɛ 6:21

A Sore malkɩ tɩ tur'ɩ a dabɔl ʋ na tɩ ƴãw a nũú a, tɔ n a nɛn nɩ a dipɛ̃ na bɛ ƴãw dãbɩl a. Vũu tɩ ƴaw na yi a pìir pʋɔ dɩ a nɛn nɩ a dipɛ̃. Al pùorí, a malkɩ bɔr.

Ƴɛ̀r-dɩrbɛ 7:11

Fʋ na tɩ wõ n a lɛ bɛ na yere a be a, al pùorí fʋ na tɛr'ɩ kanyir dɔwlɩ a zɛbr ƴãw.» Lɛ n'a a Zedeɔ̃ tɩ tɛr a ʋ tõ-tõ-bie bɛ siw tɩ pɩɛlɩ a laɩ yɩ̃ɛlɛ, a be a soja-dãw-niwn dem na be a.

1 Samɩɛl 14:10

Ɛcɛ bɛlɛ wa yel tɩ: “Nyɩ do wa a tɩ zie” a, tɩ na do na, a na ɩ n a bãwfʋ k'aa Sore de bɛ na ƴãw a tɩ nuru pʋɔ.»