Eziptɩ tẽw yib 3:1 - A SƐB-SÕW

¹ A Moyiir tɩ àrɛ nɩ nɩ a ʋ dɩɛm-sãà Zetoro na ɩ a Madian tẽw bàwr-maalɛ a píir nɩ bʋʋr. Bibir kãw, ʋ tɩ kpa n a dʋn tɩ zuo nɩ a wɛja-kpalɛ bɛr ɛ́ tɩ ta n a Naaŋmɩn tãgɛ̃́, a Orɛb.

Eziptɩ tẽw yib 3:1 ပူးပေါင်းရင်းမြစ်များ

1 Na-mɩnɛ 19:19

A Eli tɩ yi n a be cen tɩ nyɛ̃ a Safatɩ bidɛb, Elize, ʋ kʋɔr. Nɛ́ɛ pie nɩ ayi n'a ʋ tɩ tɛr na kɔ, ɛ́ tɩ be a pie nɩ ayi sob zu. A Eli na tɩ tɔlɛ pɩɛlɩ a Elize a, ʋ lɔb'ɩ a ʋ kpar-kpɛ̃ɛ dɔwlɩ a ʋ zu.

1 Na-mɩnɛ 19:8

A Eli tɩ ìr'a dɩ kɛ́ nyũ. A bʋ̃-dɩra ŋa tɩ kʋ̀ ʋ nɩ fãw, ʋ cen bibie lɩz'a ayi nɩ tɩ̃ɩsɔwr lɩz'a ayi, tɩ ta a Orɛb, a Naaŋmɩn tãw.

Sɛb-sõw yielu 106:19

Bɛ tɩ maal'ɩ nadele a Orɛb tãw zu, ɛ́ tɩ lo gbĩ dume gũu tɩ tɔ tẽw kure bom niŋé.

Eziptɩ tẽw yib 17:6

Ɩ̃ na àr'ɩ a be a fʋ niŋé, a Orɛb tãw pìir zu. Fʋ na va n a pìir, kʋ̃ɔ tɛb yi a nɩbɛ nyũ.» A Moyiir tɩ ɩ n a lɛ, a Ɩsɩrayɛl nɩ-kore niŋé.

Eziptɩ tẽw yib 18:12

A Moyiir dɩɛm-sãà Zetoro tɩ maal'ɩ nyɩw-a-za-bàwr nɩ lãw-taa bagɛ kʋ̀ a Naaŋmɩn. A Aarɔ̃ nɩ a Ɩsɩrayɛl nɩ-kore tɩ wa na wa lãw nɩ a Moyiir dɩɛm-sãà dɩ a bàwr-maal-bʋ̃-dɩrɩ a Naaŋmɩn niŋé.

Eziptɩ tẽw yib 19:11

Bɛ cɔbrɩ gù a deyere, bʋ̃ʋ n'ʋ vɛ̃, a deyere n'a ɩ̃ na siw a Sinayi tãw zu, a nɩbɛ za niŋé.

Eziptɩ tẽw yib 19:3

A Moyiir tɩ do n a tãw, k'ʋʋ tɩ tuori a Naaŋmɩn. A Sore tɩ be n a tãw nyʋɔrɩ́, ɛ́ bʋɔlɩ a Moyiir yel ʋ: «Tɩ yel à ŋá kʋ̀ a Zakɔb bʋʋrɛ, a Ɩsɩrayɛl nɩbɛ:

Eziptɩ tẽw yib 2:16

A Madian tẽw bàwr-maalɛ tɩ tɛr'ɩ pɔwyaar ayopõi. Bɛ tɩ wa na kɛ́ bɛ wa 'wɔ̃w kʋ̃ɔ paalɩ a dʋn balɛ̃wnɩ, a bɛ sãà píir nɩ a bʋʋr nyũ.

Eziptɩ tẽw yib 2:18

Bɛ tɩ lɛb'a kul a bɛ sãà Erewuyɛl zie, ʋ tɩ sowri bɛ: «Bʋ̃ʋ n'ʋ so nyɩ dãwnɩ waa a dɩ̃a?»

Eziptɩ tẽw yib 2:21

A Moyiir tɩ sàw na be a Erewuyɛl zie, ʋ kʋ̀ ʋ a ʋ pɔwyaa Sefora ʋ kul.

Eziptɩ tẽw yib 24:13

A Moyiir tɩ ìr'a, ʋlɛ nɩ a ʋ tõ-tone Zozue, bɛ do a Naaŋmɩn tãw zu.

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Eziptɩ tẽw yib 3:5

A Sore yel: «Taa tawr pɩɛlɛ a ka ɩ! Yaa a fʋ nafawr bɛr, bʋ̃ʋ n'ʋ vɛ̃, zi-sõw pʋɔ n'ɩ a ka fʋ na àr a.

Eziptɩ tẽw yib 33:6

A Orɛb tãgɛ̃́ n'a a Ɩsɩrayɛl nɩbɛ tɩ tĩ bɛ cãà ƴãwnɛ a bɛ pɩ̃ɛmɛ ɩ.

Eziptɩ tẽw yib 4:18

A Moyiir tɩ lɛb'a cen a ʋ dɩɛm-sãà Zetoro zie tɩ yel ʋ: «A fɛr'a k'ɩ̃ɩ lɛb ta a ɩ̃ bʋʋrɛ zie a Eziptɩ tẽw nyɛ̃, bɛ cãà na vʋʋrɛ ɛ.» A Zetoro yel ʋ: «Fʋ na cen nɩ nɩ ƴã-ɓaarʋ!»

Eziptɩ tẽw yib 4:27

A Sore tɩ yel'ɩ a Aarɔ̃: «Cen tuori a Moyiir a wɛja-kpalɛ pʋɔ.» A Aarɔ̃ tɩ cen na tɩ páw ʋ a Naaŋmɩn tãgɛ̃́, nyɔw ʋ weri.

Amɔsɩ 1:1

A Amɔsɩ na tɩ ɩ Tekowa tẽw guo-guole kãw a ƴɛ̀r-bie n'a be a sɛbɛ ŋa pʋɔ. A na tɩ cɛ yome ayi a tẽsɔw-kɔbr na na dam a, a Sore tɩ ɩ na a Amɔsɩ nyɛ̃ bom a Ɩsɩrayɛl tẽw ƴãw. A tɩ ɩ n a Zuda tẽw nãà Ozɩasɩ daar, nɩ a Ɩsɩrayɛl tẽw nãà Zerobowam na ɩ Zowasɩ bidɛb a daar.

Sɔr-nɛ́ɛ 10:29

A Moyiir tɩ yel'ɩ a Hobab, a ʋ dɩɛm-sãà Erewuyɛl na ɩ Madian tẽw nɩr a, bidɛb: «Tɩ cere nɩ a tẽw a Sore na yel k'ʋʋ na kʋ̀ tɩ na a. Wa tɩ cen, tɩ na tɩ ɩ na fʋ pʋɔ a maalʋ a Sore na yel k'ʋʋ na kʋ̀ n a Ɩsɩrayɛl a pʋɔ.»

Sɔr-nɛ́ɛ 10:33

A Ɩsɩrayɛl nɩbɛ tɩ yi n a Sore tãgɛ̃́ cen bibie ata. A Sore wõ-taa daga tɩ de bɛ nɩ niwn, k'ʋʋ tɩ bɔ a zie bɛ na na tʋ̃ɔ́ maalɩ a laɩ a bɛr bɛ.

Luka 2:8

A ʋlɩ tẽw nɛ pʋɔ a, dʋ̃-cɩ̃ɩnbɛ tɩ be n be, gánɛ a wɩ̀ɛ pʋɔ gùre a bɛ dʋn tɩ̃ɩsɔwr za.

Nɩ-toni 7:30

A tɩ maal'ɩ yome lɩz'a ayi, ɛ́ malkɩ tɩ wul ʋ tʋɔra a Moyiir Sinayi tãw wɛja pʋɔ, tuw kãw vũu-zɛlɛ pʋɔ.

Wulu-ayi-sob 1:2

— Fʋ̃ʋ wa lo a sɔ́r na cere a Seyiir tãgɛ̃́ a, bibie pie nɩ been n'a fʋ mɩ́ yi a Orɛb tãgɛ̃́ ɛ́ cen a Kadɛsɩ-Barneya. —

Wulu-ayi-sob 1:6

A lɛ tɩ na tɩ be a Orɛb tãgɛ̃́ a, a Sore tɩ Naaŋmɩn tɩ ƴɛ̀r'ɩ a tɩ zie à ŋá: «A cɛlɩ na nyɩ na be a tãw ŋa sɩɛmɩ́ a.

Wulu-ayi-sob 4:10

Nyɩ lɛb tɩɛrɩ a bibir ʋl nyɩ na tɩ àr a Sore nyɩ Naaŋmɩn niŋé, a Orɛb tãgɛ̃́ a. A Sore tɩ yel mɛ̃ na: «Bʋɔlɩ a nɩbɛ za ɓã taa a ɩ̃ zie, ɩ̃ bɔbr'a k'ɩ̃ɩ kʋ̀ bɛ a ɩ̃ nɛ-ƴãwnɩ, kɛ̀ bɛ zanɛ a ɩ zɔba lɛn daar za bɛ na na be a tẽw zu a, ɛ́ mɩ̀ zanɛ nɩ ʋ a bɛ bibiir.»

Ƴɛ̀r-dɩrbɛ 4:11

A Kenitɩ nɩr Ebɛɛr, tɩ kpɩɛr'a pɩɛlɩ a Kedɛsɩ. Ʋ tɩ bʋ́r'a yi a Kenitɩ mɩnɛ pʋɔ, a Moyiir dɩɛm-sãà Hobab yir Kenitɩ mɩnɛ, ɛ́ cen tɩ maalɩ a ʋ pɛn-sɛw pɩɛlɩ a Saanayim sɛn tɩɛ.

1 Samɩɛl 16:11

A Samɩɛl tɩ yel'ɩ a Zese: «A pɔ́lɛ́ za n'ɩ a bɛ ŋa bɩɩ?» A Zese sɔw: «A bile za n'ʋ cãà cɛ: ʋ àrɛ nɩ nɩ a dʋn.» Lɛ n'a a Samɩɛl tɩ yel a Zese: «Tõ bɛ tɩ bʋɔl'ʋ. Ʋlɛ bɛ wa ta a, tɩ kʋ̃ tĩ a bàwr bʋ̃-dɩrɩ dɩb ɛ.»