Eziptɩ tẽw yib 27:9 - A SƐB-SÕW

⁹ «Bɛ na maal'ɩ davʋra nɩ lɛ̃ fomi-kpɛn pɛnɛ viiri koli a zi-sõw. A saa-pɛrɩ́-dʋrʋ-lowr lowr a, bɛ na dɔl'ɩ a pɛnɛ cen nɩ tɩ ta mɛtɩr lɩz'a ayi nɩ pie.

Eziptɩ tẽw yib 27:9 ပူးပေါင်းရင်းမြစ်များ

1 Na-mɩnɛ 6:36

Al pùorí, bɛ tɩ mɛ n dacin viiri koli a davʋrle, kʋsɛ-pɛnɩ gbɛlɛ ata na dɔwlɩ taa a, nɩ sɛɛdɩr tɩɛ wɛwr gbɛ̀l-been.

1 Na-mɩnɛ 8:64

A ʋlɩ bibir nɛ a, a nãà tɩ maal'ɩ a davʋra, na be a Ŋmɩn-yir-kpɛ̃ɛ niŋé a, sɔwlɩsɔw k'ʋ ɩ sõw. Bʋ̃ʋ n'ʋ vɛ̃, a kur-zɩɛ bàwr-maal-kuur na be a Ŋmɩn-yir-kpɛ̃ɛ dɩ̃dɔr nʋɔr a tɩ ɩ n pʋrɩ zuo a bàwr-maal-bome za binu ƴãw, a tɩ fɛr a Salomɔ̃ ʋ nyɩw a nyɩw-a-za-bagɛ bome, a kukur de-kʋ̀b bome nɩ a lãw-taa bagɛ nɛn-kãánɩ a davʋra pʋɔ.

2 Bibie za yel-manɩ 33:5

Ʋ mɩ̀ tɩ mɛ n bàwr-maal-kube a Ŋmɩn-yir-kpɛ̃ɛ davʋrɩ a za ayi pʋɔ, a salom zu bʋ̃-nyɩwrɩ za ƴãwfʋ ƴãw.

2 Bibie za yel-manɩ 4:9

Bɛ tɩ ŋmãa nɩ a bàwr-maalbɛ davʋra, nɩ davʋra kãw na ɩ kpɛ̃ɛ zuo a bàwr-maalbɛ dem a, ɛ́ ƴãw pamɛ. Bɛ tɩ nyɩl'ɩ kur-zɩɛ pàw a pamɛ za.

Sɛb-sõw yielu 100:4

Nyɩ puore ʋ barka kpɩɛr'ɩ a ʋ yir, nyɩ danɛ ʋ kpɩɛr'ɩ a ʋ davʋrɩ pʋɔ. Nyɩ puore ʋ barka, ɛ́ íre a ʋ yúor.

Sɛb-sõw yielu 116:19

a Sore Ŋmɩn-yir-kpɛ̃ɛ davʋrɩ pʋɔ, a fʋ sɔgɔ, Zerizalɛm i! Aleluya!

Sɛb-sõw yielu 84:10

Naaŋmɩn i, jɩ́r a nãà kaa, ʋlɛ n'ɩ a tɩ zɛbr-kur-pãgala, jɩ́r a fʋ nɩr fʋ na kaa ír a kaa.

Sɛb-sõw yielu 92:13

A nɩ-mɩŋa kɛrɛ na mɛ̃ kpãkparmɛ tɩɛ a, ʋ ìre na dúor mɛ̃ Libã tẽw sɛɛdɩr tɩɛ a.

Eziptɩ tẽw yib 27:10

Kur-zɩɛ kpule lɩzɛr na ba dɔwlʋ ziir lɩzɛr bɛ na maal'ɩ kur-zɩɛ a zu a n'a bɛ na yawlɩ a pɛnɛ, nɩ salm-pla bã-mɩɩlɛ nɩ salm-pla bʋ̃-cawrɩ.

Eziptɩ tẽw yib 35:17

a davʋra pɛnɛ nɩ a kpule nɩ a kpule dɔwlʋ ziir, a davʋra dɩ̃dɔr pɛn-yawla,

Eziptɩ tẽw yib 36:17

Bɛ tɩ ƴãw nɩ bʋ̃-'leni lɩz'a ayi nɩ pie a pɛn-nuru bɛ na de niwn sɛ ɓã taa a nʋɔr kãw ƴãw, ɛ́ mɩ̀ lɛb ƴãw lɩz'a ayi nɩ pie a al bɛ na bɩɛrɩ sɛ ɓã taa a nʋɔr kãw ƴãw.

Eziptɩ tẽw yib 39:40

— a davʋra pɛnɛ nɩ a kpule nɩ a dɔwlʋ ziir, lãwnɩ a davʋra dɩ̃dɔr pɛn-yawla, nɩ a ʋ mie nɩ a ʋ kpawbie, — a zi-sõw tõ-tõ-bome za a tuor-taa pɛn-sɛw ƴãw,

Eziptɩ tẽw yib 40:33

A Moyiir tɩ ƴãw na bɛ ƴãw a davʋra pɛnɛ viiri koli a zi-sõw nɩ a bàwr-maal-kuur, ɛ́ yawlɩ a davʋra dɩ̃dɔr pɛn-yawla. À à ŋá n'a ʋ tɩ tõ a tome baarɩ.

Eziptɩ tẽw yib 40:8

Fʋ na ƴãw na bɛ ƴãw a davʋra pɛnɛ viiri koli nɩ a zi-sõw, ɛ́ ƴãw bɛ yawlɩ a davʋra dɩ̃dɔr pɛn-yawla.»

Ezekɩɛl 40:14

Ʋ mɩ̀ tɩ manɩ nɩ a dĩo ʋl a Ŋmɩn-yir-kpɛ̃ɛ yẽw davʋra na viiri koli a lõbowe za a. A dĩo ŋa yɛ̀lʋ tɩ ɩ n mɛtɩr pie.

Ezekɩɛl 40:17

A nɩr nɛ tɩ tɛr mɛ̃ na kpɛ n a Ŋmɩn-yir-kpɛ̃ɛ sɔwlɩsɔw davʋra pʋɔ. Kʋsɛ-pãgalɩ n'a bɛ tɩ ƴãw pàw a davʋra ŋa. Diru lɩzɛr'ɩ pie tɩ viiri na koli ʋ.

Ezekɩɛl 40:20

Al pùorí, ʋ tɩ gãw nɩ a saa-pɛrɩ́-gʋba-lowr. Ʋ tɩ manɩ nɩ a saa-pɛrɩ́-gʋba-lowr dɩ̃dɔr na tori a yẽw davʋra a wogo nɩ a yɛ̀lʋ.

Ezekɩɛl 40:23

A saa-pɛrɩ́-gʋba-lowr dɩ̃dɔr niŋé a, dɩ̃dɔr be n be mɩ́ yuo tori a sɔwlɩsɔw davʋra. A bʋ̃-been nɛ n'a a saa-pɛrɩ́. A nɩr nɛ tɩ manɩ nɩ a vuo na be a dɩ̃dɛɛ ayi á ŋá cará a: a tɩ ɩ n mɛtɩr lɩz'a ayi nɩ pie.

Ezekɩɛl 40:28

Al pùorí, a nɩr nɛ tɩ tɛr mɛ̃ na tu n a saa-pɛrɩ́-dʋrʋ-lowr dɩ̃dɔr ƴãw kpɛ n a sɔwlɩsɔw davʋra pʋɔ. Ʋ tɩ manɩ nɩ a dɩ̃dɔr ŋa. Ʋ tɩ lãw na tɛr a zɛ̃a been nɩ a yẽw dacin dɩ̃dɛɛ.

Ezekɩɛl 40:32

Al pùorí, a nɩr nɛ tɩ ƴãw na ɩ̃ tu a saa-pɛrɩ́ dɩ̃dɔrɩ́ kpɛ a sɔwlɩsɔw davʋra pʋɔ. Ʋ tɩ manɩ nɩ a dɩ̃dɔr: ʋ tɩ lãw na tɛr a zɛ̃a been nɩ a dɩ̃dɛ-yoru.

Ezekɩɛl 40:44

A nɩr nɛ tɩ tɛr mɛ̃ na kpɛ n a pʋ̃ɔmɩ davʋra pʋɔ. A be a, yiel-yielbɛ diru tɩ be n be. A kãw pɩɛl'ɩ a saa-pɛrɩ́-gʋba-lowr dɩ̃dɔr ɛ́ tori a saa-pɛrɩ́-dʋrʋ-lowr, ɛ́ a kãw pɩɛlɩ a saa-pɛrɩ́-dʋrʋ-lowr dɩ̃dɔr ɛ́ tori a saa-pɛrɩ́-gʋba-lowr.

Ezekɩɛl 42:3

A lõbowr kãw a, a diru be n a vuo na viiri koli a Ŋmɩn-yir-kpɛ̃ɛ ɛ́ a yɛ̀lʋ cen tɩ ta mɛtɩr pie a pʋɔ. A lõbowr ʋl na cɛ a, a tori nɩ a yẽw davʋra kʋsɛ-pãgalɩ. A tɛr'ɩ fʋɔlɩ di-suwli ata pʋɔ.

Sɔr-nɛ́ɛ 3:26

a davʋra na jil koli a kpɛb-zi-sõw nɩ a bàwr-maal-kuur a pɛnɛ, nɩ a ʋ dɩ̃dɔr pɛn-yawla, a pɛn-sɛw mié. Bɛlɛ tɩ so a bome á ŋá za kaafʋ.

Sɔr-nɛ́ɛ 4:26

a davʋra na viiri koli a kpɛb zi-sõw nɩ a bàwr-maal-kuur a pɛnɛ, nɩ a ʋ dɩ̃dɔr pɛn-yawla, a davʋra dàbáw mié, lãwnɩ a bʋ̃-kpɛ̃kpɛrsɩ nɩ a bome bʋ̃-ƴãwnɩ bɛ na tone nɩ a bɛ tome a.

Sɔr-nɛ́ɛ 4:32

a davʋra dàbáw kpule lãwnɩ a dɔwlʋ ziir, a kpawbie nɩ a mié, lãwnɩ a bome al za bɛ na mɩ́ tone nɩ a. A bàwr-maalbɛ na mɩ́ yel'a kʋ̀ ŋa za a alɩ bome nɛ ʋ na na tuo a.