Eziptɩ tẽw yib 22:4 - A SƐB-SÕW

⁴ «Nɩr wa bɛr a ʋ dʋn k'aa cen tɩ 'wɔb a ʋ ble púo bɩɩ a ʋ divɛ̃ tɩɩr púo mʋ̃ɔ, ɛ́ a cen nɩ-yũo púo pʋɔ a, ʋ na tɩr'ɩ a ʋ ble po-vla zie nɩ a ʋ divɛ̃ tɩɩr po-vla zie bome yáa a san.»

Eziptɩ tẽw yib 22:4 ပူးပေါင်းရင်းမြစ်များ

Eziptɩ tẽw yib 21:16

«Nɩr na nyɔw nɩr a, ʋ kʋ̀ɔr'ʋ na bɩɩ ʋ cãà na tɛr ʋ a, a fɛr'a kɛ́ bɛ kʋ ʋ.»

Eziptɩ tẽw yib 22:1

«Bɛlɛ wa ùr nyãnyuge tɩ̃ɩsɔw, ʋ ŋmɩɛr dacin puore k'ʋʋ zu a, ɛ́ bɛlɛ wa ŋmɛ ʋ ʋ kpi a, a bɛ ɩ nɩr'ʋ bɛ kʋ ɛ.

Eziptɩ tẽw yib 22:5

«Nɩr wa ƴãw vũu gɔ-tuwr ƴãw a dɩ tɩ nyɔw ble bɛ na ŋma ɓã taa, bɩɩ na cãà àr'ɩ a daar, bɩɩ na cãà ɩ va-sɛbla a, a vũu-ƴãwnɛ na ya n a bome na dɩ a.»

Eziptɩ tẽw yib 22:7

Bɛlɛ bɛ wa nyɔw a nyãnyuge a, a sob nɛ bɛ na kʋ̀ a bome ʋ bin a na wa n a Naaŋmɩn niŋé wa pɔ k'ʋʋ bɛ de a ʋ tɔ bome ɩ.

Eziptɩ tẽw yib 22:9

«Nɩr wa kʋ̀ a ʋ tɔ sob bõw, náab, pɛrʋ, bʋɔ bɩɩ dʋ̃w kãw za k'ʋʋ tɛlɛ a, a dʋ̃w wa kpi, ʋlɛ wa tɛr bàalʋ bɩɩ nɩ-farbɛ wa diw zɔ n, ɛ́ nɩr za bɛ nyɛ̃ a,

Zʋkpaɩ 6:31

Ɛcɛ bɛlɛ wa nyɔw ʋ a, ʋ na ya n gb'a ayopõi dɔwlɩ, ʋ na tɩr'ɩ a ʋ bʋ̃-tɛrɩ za.

Ɩzayi 40:2

Nyɩ ƴɛ̀r a ɓãa a Zerizalɛm socir. Nyɩ zɛw kɔkɔr yel ʋ k'aa ʋ pɔ̃tɔrɩ tome baar'a, k'ʋʋ ya n a ʋ sãwna san baarɩ. Bʋ̃ʋ n'ʋ vɛ̃, a Sore ƴãw na ʋ ya a ʋ yel-bebe za san gb'a ayi.

Zeremi 16:18

Ɩ̃ na ɩ na bɛ ya a bɛ sãwna san za kpɛ̃lɛ̃kpɛ̃lɛ̃, a sãwna tɔr za san nɩ a ʋ maal-ƴãwfʋ san. Bʋ̃ʋ n'ʋ vɛ̃, bɛ dɛw nɩ a ɩ̃ tẽw nɩ a bɛ tɩb-faar faar na bɛ vʋʋrɛ a. Bɛ paal'ɩ a ɩ̃ zi-sóra nɩ a bɛ ŋmɩn-bɛlɛbɛlɛ al na kpɛ faa a.»

Levitɩ mɩnɛ 6:5

A vũu na dɩrɛ a bàwr-maal-kuur zu a, bɛ kpiire ɩ: biɓaara za a, a bàwr-maalɛ na mɩ́ ƴãw nɩ dà-ŋmaarɛ ɛ́ de a nyɩw-a-za-bàwr dʋ̃w dɔwlɩ, ɛ́ bãw nyɩw a lãw-taa bagɛ nɛn-kãánɩ.

Yel-wula 18:6

Nyɩ ɩ ʋ mɛ̃ a lɛ ʋ na ɩ a nɩbɛ a, nyɩ ya ʋ a ʋ ɩb san gb'a ayi. Nyɩ paalɩ a ʋ koli-nyúura nɩ divɛ̃ na kpɛmɛ gb'a ayi gãw a al ʋ na ƴãw a nɩbɛ nyũ a.

1 Samɩɛl 12:5

A Samɩɛl lɛb yel: «A na ɩ à ŋá a, a Sore nɩ a nãà dɩ n a dãsɩɛ a dɩ̃a bibir, kɛ́ nyɩ bɛ nyɛ̃ sãwna a ɩ̃ zie ɩ.» Bɛ tɩ sɔw na: «A lɛ n'a.»