Eziptɩ tẽw yib 20:3 - A SƐB-SÕW

³ «Fʋ kʋ̃ tɛr ŋmɩmɛ pʋɔ a ɩ̃ ƴãw ɛ.»

Eziptɩ tẽw yib 20:3 ပူးပေါင်းရင်းမြစ်များ

1 Na-mɩnɛ 11:4

A Salomɔ̃ na wa kor baar'a, a ʋ pɔwbɛ tɩ taw ʋ na tu n ŋmɩn-yoru puoru, ʋ bɛ tɩ cãà tu a Sore ʋ Naaŋmɩn, nɩ a ʋ pʋɔ za, mɛ̃ a ʋ sãà Daviir a ɩ.

Sɛb-sõw yielu 29:2

Nyɩ wa íre a Sore yúor, nyɩ mɩ́ gbĩ dume gũu tɩ tɔ tẽw a ʋ niŋé, a lɛn daar ʋ na mɩ́ wul a ʋ sonu a.

Sɛb-sõw yielu 73:25

A tẽw zu ka a, fʋ̃ʋ yõ n'ʋ ɩ̃ bɔbr, ɛ́ ãa n'ʋ ɩ̃ na lɛb tɛr a tẽ-vla pʋɔ ƴãw pʋɔ a fʋ ƴãw?

Sɛb-sõw yielu 81:10

Ŋmɩn-yũo bɛ bere a fʋ zie ɩ, fʋ bɛ gbine dume naaŋmɩn-sãan niŋé ɩ.

Sɛb-sõw yielu 81:9

Ɩ̃ nɩbɛ ɛ, nyɩ bɛrɛ wone, a fɛr'a k'ɩ̃ɩ kpaalɩ nyɩ, Ɩsɩrayɛl i, fʋ̃ʋ tɩ sàw bɛrɛ wone a ɩ̃ ƴɛ̀rʋ a!

Eziptɩ tẽw yib 15:11

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

Eziptɩ tẽw yib 20:23

Nyɩ kʋ̃ maalɩ salm-pla nɩ salm-zɩɛ ŋmɩmɛ a pʋɔ a ɩ̃ ƴãw ɛ. Nyɩ kʋ̃ maal'a tɛr ɛ.

Eziptɩ tẽw yib 22:19

«Nɩr wa maalɩ bagɛ kʋ̀ ŋmɩn-yoru a bɛ ɩ a mãa Sore yõ a, a fɛr'a kɛ́ bɛ kʋ ʋ.»

Eziptɩ tẽw yib 23:24

A lɛn daar a, nyɩ taa gbine dume gũune tɩ tʋɔr tẽw puore a bɛ ŋmɩmɛ ɩ, nyɩ taa cɔwrɛ a lɛ bɛ na mɩ́ maalɩ a a ɩ. Nyɩ nɩ̃ɛ ŋmɛ a ŋmɩmɛ á ŋá dasuli ŋmɛr, ɛ́ ŋmɛ a kʋsɛ-teli kar.

Eziptɩ tẽw yib 32:8

A sɔ́r ɩ̃ na tɩ wul bɛ a, bɛ bɛr ʋ nɩ pɛtɛlʋlɛ: bɛ nyɩl'ɩ kure maal'ɩ nále, bɛ gbĩ n dume a ʋ niŋé, ɛ́ maalɩ bagɛ kʋ̀ ʋ, ɛ́ yel: “Nyɛ̃ a tɩ Naaŋmɩn na ɩ kɛ̀ tɩ yi a Eziptɩ a.”

Eziptɩ tẽw yib 34:14

Nyɩ kʋ̃ gbĩ dume gũu tɩ tɔ tẽw ŋmɩn-yũo niŋé ɩ, bʋ̃ʋ n'ʋ vɛ̃, a mãa Sore a, a ɩ̃ yúor dɩ na kɛ́ “Nyuur sob”, ɩ̃ ɩ n Naaŋmɩn na kpɛ nyuur a.

Ɩzayi 26:4

Nyɩ ƴãw a nyɩ tɩɛrʋ a Sore ƴãw kʋralɛ, ʋ̃ʋ, a Sore ƴãw, ʋl na ɩ a Pìir na be kʋralɛ a.

Ɩzayi 42:8

Mãa n'ɩ a Sore, a ɩ̃ yúor'ɩ lɛ. Ɩ̃ bɛ kʋ̀rɛ a ɩ̃ yúor-vɩɛlʋ-danʋ nɩ-yũo ɩ. Ɩ̃ bɛ bɛrɛ a danʋ ɩ̃ na so a kʋ̀rɛ tɩbɛ ɩ.

Ɩzayi 43:10

A Sore yere na: A ɩ̃ dãsɩɛ dem a, nyɩmɛ nɛbɛ, nyɩɩm ɩ̃ nɩ-bʋʋrɛ ɛ. Nyɩmɛ n'ɩ a tõ-tõ-bie ɩ̃ na kaa ír a. Ɩ̃ bɔbr'a kɛ́ nyɩ tʋ̃ɔ́ bãw a pɛr, kɛ́ nyɩ sàw de m ɛ́ sɩrɩ bãw kɛ́ mãa n'ʋ. Ŋmɩn bɛ de niwn be a ɩ̃ ƴãw ɛ, ɛ́ kʋ̃ be be a ɩ̃ pùorí ɛ.

Ɩzayi 44:8

Nyɩɩm, ɩ̃ nɩ-bʋʋrɛ ɛ, nyɩ ta zɔrɛ dɛ̃bɩ̃ɛ màwr ɛ. Ɩ̃ bɛ yel a yel ŋa kʋ̀ nyɩ koro za ɛ́ ɩ nyɩ bãw ʋ ɛ? Nyɩmɛ bɛ n'ɩ a ɩ̃ dãsɩɛ dem ɛ? Mãa bɛ wa n'ʋ a, Naaŋmɩn lɛb'a be be e? Ʋ̃ʋ'hʋ̃, Pìir kãw bɛ lɛb ka be ɩ, ɩ̃ bɛ bãw a kãw za ɩ.»

Ɩzayi 46:9

Nyɩ bãwnɩ a yele na de niwn ɩ a, a koro za yele: mãa n'ɩ a Naaŋmɩn, kãw bɛ lɛb ka be ɩ. Naaŋmɩn bɛ be be mɛ̃ a mãa a ɩ.

Zeremi 25:6

Nyɩ ta zɔrɛ tuur ŋmɩn-yoru kɛ́ nyɩ maalɛ a, ɛ́ gbine dume mɩ́ gũu tɩ tɔ tẽw a niŋé ɩ. Nyɩ ta ɩ a ɩ̃ suur ìr a nyɩ nuru bʋ̃-maalɩ ƴãw ɛ, ɩ̃ɩ kʋ̃ maalɩ nyɩ faa kãw za ɩ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

A naaŋmɩn-ƴèr-manɛ Oze sɛbɛ 13:4

Ɛ́ a mãa a, a Eziptɩ tẽw yib daar za n'a ɩ̃ ɩ a Sore fʋ Naaŋmɩn, fʋ bɛ lɛb tɛr Naaŋmɩn a bɛ ɩ a mãa n'ʋ ɛ, faarɛ kãw za bɛ be be ƴãw pʋɔ a ɩ̃ ƴãw ɛ.

Matie 4:10

Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ.”»

1 Korɛ̃tɩ 8:4

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

1 Korɛ̃tɩ 8:6

tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

Efɛɛzɩ 5:5

Nyɩ bãwnɩ a vla, pɩ̃ɔ yel-maalɛ za a, ɩ-fa-maalɛ za nɩ mimir sob na ɩ tɩɩb-maalɛ a, bɛ kãw za bɛ pʋɔrɛ a Kɩrɩta nɩ a Naaŋmɩn Naalʋ gbã-dɩ-bom pʋɔ ɩ.

Wulu-ayi-sob 5:7

Fʋ kʋ̃ tɛr ŋmɩmɛ pʋɔ a ɩ̃ ƴãw ɛ.

Wulu-ayi-sob 6:14

Nyɩ kʋ̃ tuur ŋmɩn-yoru pùor ɛ, a nɩ-bʋʋrɛ na na jil koli nyɩ a ŋmɩmɛ.

Wulu-ayi-sob 6:5

Fʋ na nɔnɛ nɩ a Sore fʋ Naaŋmɩn nɩ a fʋ pʋɔ za, nɩ a fʋ sɩ́ɛ za, nɩ a fʋ fãw za.

Filib 3:19

A bɛ kũu na ɩ n wɛb bɛ wɛ. A bɛ nyagɛ n'a ɩ a bɛ naaŋmɩn, ɛ́ a yele na sɛw k'aa mɩ́ ɩrɛ bɛ vĩ a, alɛ n'a ɩ a bɛ yúor bom, tẽw zu ka yele tɛwr ƴãw n'a bɛ ƴãw a bɛ tɩɛrʋ.

Kɔlɔsɩ 2:18

Nyɩ ta sàw a bɛlɩ dem na nɔnɛ tʋɔra-siwru ɩ-ɩrɩ a nɩbɛ niŋé a, bɩɩ na tɛr a malkɩ mɩnɛ ƴãwfʋ a, ɛ́ mɩ́ nyɛ̃ a bɛ bʋ̃-nyɛrɩ a ɩ bʋ̃-sɩza zuo a, nyɩ ta sàw bɛ wa yel kɛ́ nyɩ sãw na ɩ. A nɩbɛ bɛ ŋa taabɛ mɩ́ ɩrɛ nɩ pɔ̀l-ɩb zawla, bɛ na mɩ́ tɩɛrɛ a yele mɛ̃ nɩsaal tɛwr a ƴãw.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yel-wula 22:9

Ɛcɛ, ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ a fʋ̃ʋ nɩ a fʋ yɛbr naaŋmɩn-ƴɛ̀r-manbɛ a, nɩ a bɛlɩ dem za na maal tɛr a sɛbɛ ŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru!»

Ƴɛ̀r-dɩrbɛ 6:10

Ɩ̃ yel nyɩ na: “Mãa n'ɩ a Sore, a nyɩ Naaŋmɩn. Nyɩ ta puore a Amoritɩ mɩnɛ tẽw nyɩ na kpɩɛr a ŋmɩmɛ ɩ!” Ɛcɛ nyɩ bɛ bɛr wõ a ɩ̃ ƴɛ̀rʋ ɛ!»