Eziptɩ tẽw yib 20:2 - A SƐB-SÕW

² «Ɩ̃ ɩ n a Sore fʋ Naaŋmɩn, mãa n'ʋ ɩ fʋ yi a Eziptɩ, a be fʋ na tɩ ɩ gbãgbaa a.»

Eziptɩ tẽw yib 20:2 ပူးပေါင်းရင်းမြစ်များ

1 Na-mɩnɛ 18:39

A Ɩsɩrayɛl nɩbɛ na tɩ nyɛ̃ a lɛ a, bɛ gũu na tɩ tɔ tẽw, ɛ́ yel: «A Sore n'ɩ a Naaŋmɩn! A Sore n'ɩ a Naaŋmɩn!»

2 Na-mɩnɛ 17:12

Bɛ tɩ maal'ɩ a tɩbɛ, bom a Sore na tɩ yel kɛ́ bɛ taa ɩrɛ a.

2 Na-mɩnɛ 17:7

A yele á ŋá za tɩ ɩ na, a Ɩsɩrayɛl nɩbɛ na tɩ maalɩ yel-bebe a Sore bɛ Naaŋmɩn zie a ƴãw. Ʋl na tɩ faa bɛ a Eziptɩ tẽw nãà, Faarawɔ̃, nuru pʋɔ, ɛ́ ɩ bɛ yi a tẽw ŋa pʋɔ a, nɩ bɛ na tɩ puori ŋmɩn-yoru a.

2 Bibie za yel-manɩ 28:5

A Sore ʋ Naaŋmɩn tɩ de ʋ na ƴãw a Aram tẽw nãà nuru pʋɔ, ʋ zɛb tʋ̃ɔ́ ʋ, ɛ́ nyɔw a ʋ nɩbɛ yaga bɛ ɩ nɩ-pàwrɩ ʋ cen nɩ a Damasɩ. Ʋ mɩ̀ tɩ lo n a Ɩsɩrayɛl nãà, Peka na ɩ Eremalyahu bidɛb a nuru pʋɔ, ʋ zɛb tʋ̃ɔ́ ʋ pẽlẽpẽlẽ:

Sɛb-sõw yielu 50:7

— Ɩ̃ nɩbɛ ɛ, nyɩ bɛrɛ wone, ɩ̃ na ƴɛ̀r'a, Ɩsɩrayɛl i, ɩ̃ na dɩ n a fʋ sãwna dãsɩɛ, mãa n'ɩ a Naaŋmɩn, a fʋ Naaŋmɩn.

Sɛb-sõw yielu 81:10

Ŋmɩn-yũo bɛ bere a fʋ zie ɩ, fʋ bɛ gbine dume naaŋmɩn-sãan niŋé ɩ.

Sɛb-sõw yielu 81:11

Mãa n'ɩ a Sore fʋ Naaŋmɩn na tɛr fʋ yi n a Eziptɩ tẽw pʋɔ a. Háa a fʋ nʋɔr gbayala, ɩ̃ɩ na paal'ʋ na.

Sɛb-sõw yielu 81:7

Ɩ̃ tow nɩ a fʋ tuor bɛr fʋ, ɩ̃ ír fʋ na bɛr a pɔ̃tɔrɩ tome pʋɔ.

Eziptɩ tẽw yib 13:14

A nyɩ bibiir wa sowre nyɩ nɩdaar kãw: “Bʋnʋ ƴãw n'a nyɩ mɩ́ ɩ à à ŋá?” Nyɩɩm sɔw bɛ: “A Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ, a be tɩ na tɩ ɩ gbãgbaar a.

Eziptɩ tẽw yib 13:3

A Moyiir tɩ yel'ɩ a nɩbɛ: «Nyɩ bãwnɩ a dɩ̃a bibir ŋa nyɩ na yi a Eziptɩ a, a be nyɩ na tɩ ɩ gbãgbaar a. A Sore kpãkpãw-kpɛ̃w n'ʋ ʋ ír'ɩ nyɩ yi n a be. Nyɩ bɛ 'wɔbr dipɛ̃ na ƴãw dãbɩl a ɩ.

Eziptɩ tẽw yib 15:13

Fʋ faa nɩ a fʋ nɩ-bʋʋrɛ! Fʋ tɛr bɛ na nɩ nɔ̃wfʋ, nɩ fãw, cere nɩ a fʋ kpɛb zie na ɩ sõw a.

Eziptɩ tẽw yib 15:16

Dɛ̃bɩ̃ɛ sɩrɩ na tɛr bɛ, bɛ dɩ vuo ɩ. A fʋ kpãkpãw-kpɛ̃w ton ɩ na bɛ gbini àr gbili, ɛ́ gù a fʋ nɩ-bʋʋrɛ tɩ tɔl baarɩ, Sore e, a fʋ nɩ-bʋʋrɛ fʋ na páw a.

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Eziptɩ tẽw yib 20:1

Ƴɛ̀rʋ á ŋá n'a a Naaŋmɩn tɩ ƴɛ̀r kʋ̀ a Ɩsɩrayɛl:

Eziptɩ tẽw yib 29:46

Lɛ n'a bɛ na nyɛ̃ bãw kɛ́ mãa n'ɩ a Sore, a bɛ Naaŋmɩn na ɩ bɛ yi a Eziptɩ k'ɩ̃ɩ tʋ̃ɔ́ kpɩɛr a bɛ pʋɔ a. Mãa n'ɩ a Sore bɛ Naaŋmɩn.»

Eziptɩ tẽw yib 6:6

Alɛ so ɩ̃ yel kɛ́ fʋ yel à ŋá kʋ̀ a Ɩsɩrayɛl nɩbɛ: “Mãa n'ɩ a Sore. Ɩ̃ na ír nyɩ nɩ a pɔ̃tɔrɩ tome pʋɔ, ɛ́ faa nyɩ a gbãgbaalʋ pʋɔ a Eziptɩ tẽw nɩbɛ na ƴãw nyɩ a. Ɩ̃ na tõ n gãda-tome wul a ɩ̃ kpɛnʋ, lɛb de nɩ nyɩ.

Ɩzayi 43:3

Bʋ̃ʋ n'ʋ vɛ̃, a mãa, a Sore, ɩ̃ ɩ n a fʋ Naaŋmɩn. A mãa, a Ɩsɩrayɛl Naaŋmɩn na ɩ sõw a, ɩ̃ ɩ n a fʋ faarɛ. A Eziptɩ tẽw n'ʋ ɩ̃ tɩrɛ a fʋ ya-deb ƴãw, Etiopi nɩ Seva ten n'a ɩ̃ dier tɛwr'ɩ fʋ.

Zeremi 16:14

A Sore yere na: «Bibie na vɩɛ na bɛ kʋ̃ mɩ́ lɛb pɔ yel: “Ɩ̃ pɔrɛ nɩ nɩ a Sore na vʋʋrɛ a, ʋl na ɩ a Ɩsɩrayɛl nɩbɛ yi a Eziptɩ tẽw a!”

Zeremi 2:6

Bɛ bɛ yel bɛ tʋɔra: “Nyɩnɛ n'a a Sore be, ʋl na ír tɩ yi n a Eziptɩ tẽw, ʋl na tɛr tɩ tɔl'ɩ a wɛja-kpalɛ pʋɔ, zi-faa na ɩ gbʋlãkowe tɛwr a, zie na ko ɛ́ liw a, zie nɩr za na bɛ tɔlɛ a, zie nɩr za na bɛ kpɩɛr a?”

Zeremi 31:1

A Sore yere na: «A daar ʋl ɩ̃ na na ɩ a Ɩsɩrayɛl yie za Naaŋmɩn, ɛ́ a ɩ a ɩ̃ nɩ-bʋʋrɛ a na ta na.»

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 34:13

«À ŋá n'a a Sore, a Ɩsɩrayɛl Naaŋmɩn, yere: Ɩ̃ mɩ̀ tɩ maal'ɩ wõ-taa nɩ a nyɩ sãàkʋm-kore, a lɛn daar ɩ̃ na tɩ ɩ bɛ yi a Eziptɩ tẽw pʋɔ, a be bɛ na tɩ ɩ gbãgbaar a.

Ezekɩɛl 20:19

Mãa n'ɩ a Sore nyɩ Naaŋmɩn! Nyɩ sàwr a ɩ̃ wulu, ɛ́ tuur a ɩ̃ tub.

Ezekɩɛl 20:5

Yel a lɛ a mãa Sore Naaŋmɩn na yere a kʋ̀ bɛ: A lɛn daar ɩ̃ na kaa ír a Ɩsɩrayɛl a, ɩ̃ ƴãw nɩ nʋɔr pɔ a nɩ-bʋʋrɛ bɛ ŋa nɩbɛ za zie. Ɩ̃ ɩ na bɛ bãw mɛ̃ a Eziptɩ tẽw, ɩ̃ zɛw nɩ nũu pɔ yel: “Mãa n'ɩ a Sore nyɩ Naaŋmɩn”.

Ezekɩɛl 20:7

Ɩ̃ yel'ɩ à ŋá kʋ̀ bɛ: “Ŋa za, ʋ zawrɩ a ŋmɩn-faar faar nyɩ na jɩ́rɛ a bɛr. Nyɩ ta ƴãw dɛwr nyɩ tʋɔra a Eziptɩ tẽw dem tɩbɛ maalʋ zũú ɛ. Mãa n'ɩ a Sore nyɩ Naaŋmɩn.”

A naaŋmɩn-ƴèr-manɛ Oze sɛbɛ 12:10

Ɛcɛ a mãa a, a Eziptɩ tẽw daar za n'a ɩ̃ ɩ a Sore fʋ Naaŋmɩn. Ɩ̃ na ɩ na nyɩ lɛb kpɩɛr a pɛnɛ-sɛwr pʋɔ, mɛ̃ a alɩ bibie nɛ ɩ̃ na mɩ́ tɩ wa nyɛ̃ nyɩ a.

A naaŋmɩn-ƴèr-manɛ Oze sɛbɛ 13:4

Ɛ́ a mãa a, a Eziptɩ tẽw yib daar za n'a ɩ̃ ɩ a Sore fʋ Naaŋmɩn, fʋ bɛ lɛb tɛr Naaŋmɩn a bɛ ɩ a mãa n'ʋ ɛ, faarɛ kãw za bɛ be be ƴãw pʋɔ a ɩ̃ ƴãw ɛ.

Levitɩ mɩnɛ 11:45

Mãa n'ɩ a Sore na ɩ kɛ̀ nyɩ yi a Eziptɩ tẽw pʋɔ, k'ɩ̃ɩ tʋ̃ɔ́ ɩ a nyɩ Naaŋmɩn a. Nyɩ ɩ son, ɩ̃ na ɩ sõw a ƴãw.»

Levitɩ mɩnɛ 19:36

Nyɩ mɩ́ tɛr bʋ̃-keri na tori a, tɩbrʋ bʋ̃-mánɩ na tori a, nɩ wogo bʋ̃-mánɩ na tori a. Mãa n'ɩ a Sore nyɩ Naaŋmɩn na ɩ nyɩ yi a Eziptɩ tẽw pʋɔ a.»

Levitɩ mɩnɛ 23:43

lɛ n'a a nyɩ bʋʋrɛ na bãw k'ɩ̃ɩ ɩ n a bɛ sãàkʋm-kore kpɛ sɛwr pʋʋr, a lɛn daar ɩ̃ na tɩ tɛr bɛ yi n a Eziptɩ tẽw pʋɔ a. Mãa n'ɩ a Sore nyɩ Naaŋmɩn.”»

Levitɩ mɩnɛ 25:38

Mãa n'ɩ a Sore nyɩ Naaŋmɩn. Ɩ̃ tɛr nyɩ na yi n a Eziptɩ tẽw, k'ɩ̃ɩ kʋ̀ nyɩ a Kanãa tẽw, ɛ́ ɩ a nyɩ Naaŋmɩn.»

Levitɩ mɩnɛ 25:42

Bʋ̃ʋ n'ʋ vɛ̃, a Ɩsɩrayɛl nɩbɛ ɩ n a ɩ̃ tõ-tõ-biir, bɛl ɩ̃ na ír a Eziptɩ tẽw gbãgbaalʋ pʋɔ bɛr a, alɛ so bɛ bɛ kʋɔrɛ bɛ mɛ̃ a lɛ bɛ na kʋɔrɛ gbãgbaar a ɩ.

Levitɩ mɩnɛ 25:55

«A Ɩsɩrayɛl nɩbɛ sɩrɩ na ɩ a ɩ̃ tõ-tõ-biir! Bɛ ɩ n a ɩ̃ tõ-tõ-biir, bɛl ɩ̃ na ɩ kɛ̀ bɛ yi a Eziptɩ tẽw a! Mãa n'ɩ a Sore nyɩ Naaŋmɩn.»

Levitɩ mɩnɛ 26:1

«Nyɩ taa maalɛ ŋmɩn-bɛlɛbɛlɛ a nyɩ ƴãw ɛ. Nyɩ taa bine tɩbɛ nɩ kʋsɛ-teli ɛ. Nyɩ taa bine kʋsɛ-wiri a nyɩ tẽw pʋɔ mɩ́ gbĩ dume gũu tɩ tɔ tẽw puori a ɩ. Bʋ̃ʋ n'ʋ vɛ̃, mãa n'ɩ a Sore nyɩ Naaŋmɩn.»

Levitɩ mɩnɛ 26:13

Mãa n'ɩ a Sore nyɩ Naaŋmɩn na ɩ kɛ̀ nyɩ yi zaa a Eziptɩ nɩbɛ tẽw pʋɔ, kɛ́ nyɩ ta cãà ɩ a bɛ gbãgbaar a. Ɩ̃ ɩ na a Eziptɩ tẽw dem gãdaalʋ baarɩ a nyɩ zu, ɛ́ ɩ nyɩ bɛr vĩ ɛ́ cere.»

Amɔsɩ 2:10

Ɛcɛ a mãa a, ɩ̃ tɩ ɩ na nyɩ yi a Eziptɩ tẽw, ɩ̃ɩ bɩɛlɩ nyɩ yome lɩz'a ayi a wɛja-kpalɛ pʋɔ kɛ̀ nyɩ wa so a Amoritɩ mɩnɛ mɩnɛ tẽw.

Ʋrɔm 10:12

A na ɩ à ŋá a, owru bɛ ka a Naaŋmɩn zie a Zifʋ mɩnɛ nɩ a bɛl na bɛ ɩ Zifʋ mɩnɛ a ƴãw ɛ: bɛ za lãw nɩ a Sore been, na mɩ́ kʋ̀ a ʋ na-bome a bɛlɩ dem za na bʋɔlɛ ʋ a.

Ʋrɔm 3:29

Bɩɩ a Naaŋmɩn taa ɩrɛ wa ɩ Zifʋ mɩnɛ tɛwr Naaŋmɩn ʋ? A nɩ-bʋʋr-yoru Naaŋmɩn mɩ̀ bɛ tʋ̃ɔ́ n'ʋ ɛ? Bʋnʋ ɩ! A nɩ-bʋʋr-yoru Naaŋmɩn mɩ̀ n'ʋ,

Wulu-ayi-sob 13:10

Nyɩ na nɩ̃ɛ na kʋ ʋ tuotuo. A sob nɛ a nɩr ŋa na tɩ bɔbr k'ʋʋ bɛlɩ a na de nɩ niwn lɔb'ɩ ʋ a kʋsɛbɛ, ɛ́ a nɩbɛ za pãa tu.

Wulu-ayi-sob 15:15

Nyɩ bãwnɩ a nyɩ na tɩ ɩ gbãgbaar a Eziptɩ, ɛ́ a Sore nyɩ Naaŋmɩn ɩ nyɩ yi so nyɩ tʋɔra a. Alɛ so ɩ̃ kʋ̀rɛ nyɩ a nɔ-ƴãwna ŋa a dɩ̃a.

Wulu-ayi-sob 20:1

Nyɩmɛ wa cere kɛ́ nyɩ tɩ zɛb'ɩ a nyɩ dɔ̃ dem a, nyɩmɛ wa nyɛ̃ wie bɩɩ zɛbr-torkori, nɩ zɛbr-nɩbɛ na yãwmɛ zuo nyɩ a, nyɩɩm taa zɔrɛ dɛ̃bɩ̃ɛ ɩ. Bʋ̃ʋ n'ʋ vɛ̃, a Sore nyɩ Naaŋmɩn na ɩ nyɩ yi a Eziptɩ a, be n a nyɩ zie.

Wulu-ayi-sob 5:15

Cãà bãwnɩ a fʋ na tɩ ɩ gbãgbaa a Eziptɩ, ɩ̃ɩ ɩ n a ɩ̃ fãw na bɛ tɛr tʋ̃ɔ́fʋ a fʋ yi a be a. Alɛ so a mãa Sore fʋ Naaŋmɩn ƴãw a pɩ̃ɛnʋ-bibir kʋ̀ b kɛ́ fʋ tuur.

Wulu-ayi-sob 5:6

Mãa n'ɩ a Sore fʋ Naaŋmɩn na ɩ fʋ yi a Eziptɩ a, a be fʋ na tɩ ɩ gbãgbaa a.

Wulu-ayi-sob 7:8

Ɛcɛ a Sore nɔnɛ nyɩ na, ɛ́ tu a lɛ ʋ na tɩ pɔ yel a nyɩ sãàkʋm-kore zie a. Ʋ ɩ n nɩ a ʋ fãw na bɛ tɛr tʋ̃ɔ́fʋ a nyɩ yi a Eziptɩ, a be nyɩ na tɩ ɩ gbãgbaar a. Ʋ faa nyɩ nɩ a Eziptɩ nãà Faarawɔ̃ nuru pʋɔ.

Ƴɛ̀r-dɩrbɛ 2:1

A Sore malkɩ tɩ yi n a Gilgal wa a Bokim wa yel a Ɩsɩrayɛl nɩbɛ à ŋá: «Ɩ̃ ɩ na nyɩ yi a Eziptɩ tẽw, ɩ̃ɩ ɩ nyɩ kpɛ a tẽw ʋl pʋɔ ɩ̃ na tɩ pɔ yel, k'ɩ̃ɩ na kʋ̀ n a nyɩ sãàkʋm-kore a. Ɩ̃ tɩ yel'a: “Ɩ̃ bɛ be za na sãw a wõ-taa ɩ̃ na maal'ɩ nyɩ a bɛr ɛ.

Ƴɛ̀r-dɩrbɛ 6:10

Ɩ̃ yel nyɩ na: “Mãa n'ɩ a Sore, a nyɩ Naaŋmɩn. Nyɩ ta puore a Amoritɩ mɩnɛ tẽw nyɩ na kpɩɛr a ŋmɩmɛ ɩ!” Ɛcɛ nyɩ bɛ bɛr wõ a ɩ̃ ƴɛ̀rʋ ɛ!»