Eziptɩ tẽw yib 2:23 - A SƐB-SÕW

²³ A tɩ cɛlɩ na ɛ́ a Eziptɩ tẽw nãà wa kpi. A Ɩsɩrayɛl nɩbɛ tɩ kone na ŋmɩɛr'ɩ cɛlsɩ a bɛ gbãgbaalʋ pʋɔ, ɛ́ a bɛ bʋɔlʋ tɩ do ta a Naaŋmɩn.

Eziptɩ tẽw yib 2:23 ပူးပေါင်းရင်းမြစ်များ

Zakɩ 5:4

A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ.

Nɩ-toni 7:30

A tɩ maal'ɩ yome lɩz'a ayi, ɛ́ malkɩ tɩ wul ʋ tʋɔra a Moyiir Sinayi tãw wɛja pʋɔ, tuw kãw vũu-zɛlɛ pʋɔ.

Yele-za-pɛr-tib 16:11

A Sore malkɩ tɩ cãà na lɛb yel ʋ: «Fʋ tɛr'ɩ pʋɔ, ɛ́ na dɔw dɛble. Fʋ na por'ɩ a ʋ yúor Ɩsɩmayɛl, bʋ̃ʋ n'ʋ vɛ̃, a Sore wõ n a kpɩɛrʋ cɛl fʋ na ŋmɛ a.

Ɩzayi 19:20

Ʋ na ɩ n bãwfʋ na wule k'aa Sore, a kpɛnʋ-za-sob, be n a Eziptɩ tẽw pʋɔ a. A Eziptɩ tẽw dem wa kone cɔwr a Sore, a bɛlɩ dem na dɔwrɛ bɛ a ƴãw a, ʋ na kʋ̀ bɛ nɩ faarɛ na na gù bɛ ɛ́ faa bɛ a.

Sɛb-sõw yielu 18:6

A kpɩmɛ tẽw mie tɩ vili vili mɛ̃ na, a kũu bɛrɩ tɩ be n a ɩ̃ nisɔw.

Sɛb-sõw yielu 12:5

nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

Neemi 9:9

Fʋ nyɛ̃ nɩ a tɩ sãàkʋm-kore wʋ̀ʋr a Eziptɩ tẽw, fʋ wõ n a bɛ cɛlsɩ a Bàa-kɛkɛɛ kʋ̃ɔ-kpɛ̃ɛ nʋɔr.

Wulu-ayi-sob 24:15

Nyɩ mɩ́ kʋ̀ ʋ a ʋ sã-ya bibir za. Nyɩ mɩ́ ya ʋ ɛ́ a mʋ̃tɔ̃w bãw kpɛ. Bʋ̃ʋ n'ʋ vɛ̃, nã́w sob'ʋ, ɛ́ mɩ́ tɛr a ʋ sã-ya yel-ɩra fɔ̃w fɔ̃w. Nyɩmɛ wa ɩ ʋ kõ kʋ̀ a Sore a, ʋ na ɩ n yel-bier a nyɩ zie.

Eziptɩ tẽw yib 4:19

A Sore tɩ yel'ɩ a Moyiir a Madian tẽw: «Lɛb cen a Eziptɩ, bʋ̃ʋ n'ʋ vɛ̃, a bɛlɩ dem za na tɩ bɔbr a fʋ kʋb a, bɛ kpi na.»

Yele-za-pɛr-tib 4:10

A Sore tɩ sɔw na: «Bʋ̃ʋ n'ɩ à à ŋá fʋ na ɩ a? A fʋ yɛb zɩ̃ɩ ɩ na mɛ̃ nɩr na cɩɩrɛ a yire a tẽsɔw tarɛ mɛ̃ a.

Sɔr-nɛ́ɛ 20:16

Tɩ kõ na bʋɔlɩ a Sore, ʋ wõ a tɩ cɛlsɩ, ɛ́ tõ a ʋ malkɩ ʋ wa tɛr tɩ yi n a Eziptɩ. Ƴɛrɛŋa a, tɩ be n a Kadɛsɩ ka, tẽ-kpɛ̃ɛ na be a fʋ tẽw tʋr-bɔw ƴãw a.

Eziptɩ tẽw yib 7:7

A Moyiir tɩ tɛr'ɩ yome lɩz'a anaar, ɛ́ a Aarɔ̃ tɛr yome lɩz'a anaar nɩ ata, a lɛn daar bɛ na tɩ cen tɩ ƴɛ̀r a Faarawɔ̃ zie a.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Eziptɩ tẽw yib 1:14

Bɛ tɩ ɩ na a bɛ nyɔ-vʋʋrʋ bɛ nʋmɛ towtow ɛ, a tõ-kpɛn bɛ na tɩ ƴãw bɛ tone a ƴãw: yawra nawfʋ, birkiri ŋmab, póru tõ-bʋʋrɛ za, nɩ gbãgba-tome za bɛ na tɩ fɛr ƴãw bɛ tone a.

Eziptɩ tẽw yib 6:5

A Ɩsɩrayɛl nɩbɛ na ɩ a Eziptɩ tẽw nɩbɛ gbãgbaar a, ɩ̃ wõ n a kon bɛ na kone a, ɛ́ lɛb tɩ́ɛrɩ bãwnɩ a ɩ̃ wõ-taa.

Eziptɩ tẽw yib 6:9

À à ŋá n'a a Moyiir tɩ ƴɛ̀r a Ɩsɩrayɛl nɩbɛ zie, ɛcɛ bɛ bɛ tɩ bɛr wõ a ʋ ƴɛ̀rʋ ɛ: a bɛ gbãgbaalʋ tɩ ɩ bɛ nɩ tuo zuo bɛ bɛ cãà laar ɛ.

1 Samɩɛl 12:8

A Zakɔb nɩ a ʋ nɩbɛ na tɩ ta a Eziptɩ a, a nyɩ sãàkʋm-kore tɩ kõ na cɔw a Sore, ɛ́ a Sore tɩ tõ n Moyiir nɩ Aarɔ̃ bɛ tɩ tɛr a nyɩ sãàkʋm-kore yi n a Eziptɩ wa ƴãw bɛ zɩ̃ a ka.

A Zɔb sɛbɛ 35:9

A dɔwrʋ na mɩ́ wa zuo a nɩbɛ a, bɛ mɩ́ kone na, bɛ mɩ́ ŋmɩɛr'ɩ cɛlsɩ a na-mɩnɛ na mɩ́ ɩrɛ a kpɩɛr bɛ a ƴãw.

Sɛb-sõw yielu 102:1

Bãbàal na bɛ cãà tɛr fãw a puoru. A Sore n'ʋ ʋ kone a ʋ kpɩɛrʋ kʋ̀rɛ.

Ƴɛ̀r-dɩrbɛ 4:3

A Sɩsera tɩ tɛr'ɩ kure zɛbr-torkori túr vʋ̃ɔ kʋba (900), ɛ́ tɩ dɔwrɩ a Ɩsɩrayɛl nɩbɛ yaga yaga yome lɩzɛr. Lɛ n'a a Ɩsɩrayɛl nɩbɛ tɩ kõ bʋɔlɩ a Sore k'ʋʋ wa faa bɛ.

1 Samɩɛl 9:16

«Bio à ŋá tɔ-won, ɩ̃ na tõ n Bɛ̃zamɛ tẽw nɩr kãw a fʋ zie. Fʋ na ka n nũu ƴãw ʋ, ʋ ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ, k'ʋʋ faa a ɩ̃ nɩ-bʋʋrɛ a Filisɩtɛ̃ mɩnɛ nuru pʋɔ. Bʋ̃ʋ n'ʋ vɛ̃, ɩ̃ nyɛ̃ nɩ lɛ a na ŋmɛ̃ a ɩ̃ nɩ-bʋʋrɛ a, ɛ́ a bɛ cɛl ta m'a.»

Sɛb-sõw yielu 102:2

Sore e, bɛr wõ a ɩ̃ puoru, a cɛl ɩ̃ na lɔb a, ʋ ta b!