Eziptɩ tẽw yib 16:3 - A SƐB-SÕW

³ Bɛ tɩ yere na: «A Sore nãá nɩ̃ɛ tɩ ɩ tɩ kpi a Eziptɩ, a be tɩ na mɩ́ tɩ zɩ̃ kɔw nɛnɛ nɩ dʋwr, ɛ́ mɩ́ dɩ bʋ̃-dɩrɩ tɩ sɛw a! Bʋ̃ʋ n'ʋ vɛ̃, nyɩ tɛr tɩ na wa n a wɛja-kpalɛ ŋa pʋɔ kɛ́ nyɩ wa bɛr tɩ tɩ kpi kɔ̃ tɩ za!»

Eziptɩ tẽw yib 16:3 ပူးပေါင်းရင်းမြစ်များ

A Zɔb sɛbɛ 3:1

A Zɔb pãa wa tɩ háa nɩ nʋɔr ŋmɛ ƴãw a ʋ dɔwfʋ bibir.

A Zɔb sɛbɛ 3:10

Ʋ na bɛ ɩ bom za piw a ɩ̃ dɔwfʋ a ƴãw, ɛ́ bɛ ɩ bom za ʋ sɔwlɩ a kpɩɛrʋ a ɩ̃ zie a ƴãw.

A Zɔb sɛbɛ 3:20

Bʋ̃ʋ n'ʋ so a Naaŋmɩn mɩ́ ɩ a tuo-wonbɛ nyɛ̃ a cãà? Bʋ̃ʋ n'ʋ so ʋ mɩ́ kʋ̀ a nyɔ-vʋʋrʋ a wʋ̀ʋr dem?

Sɛb-sõw yielu 107:5

Kɔ̃ nɩ kʋ̃ɔ-nyúur za bɛ tɩ bɛrɛ bɛ ɩ, a bɛ fãw za tɩ báarɛ na.

Sɛb-sõw yielu 78:19

Bɛ tɩ ƴɛ̀r'ɩ faa a ʋ zie yel: «A Naaŋmɩn na tʋ̃ɔ́ na cɔbrɩ dɩb kʋ̀ tɩ a wɛja-kpalɛ pʋɔ ɔ?

Sɛb-sõw yielu 78:25

Ʋ tɩ kʋ̀ bɛ nɩ bʋ̃-dɩrɩ sɛw lɛ za bɛ na bɔbr a, a nɩsaalbɛ tɩ 'wɔb'ɩ a malkɩ mɩnɛ dipɛ̃.

Eziptɩ tẽw yib 14:11

ɛ́ tɩ yere a Moyiir: «Yarʋ n'a bɛ ka a Eziptɩ, fʋ tɛr tɩ wa n kɛ́ tɩ wa kpi a wɛja-kpalɛ pʋɔ ka bɩɩ? Bʋnʋ ƴãw n'a fʋ ɩ tɩ yi a Eziptɩ?

Eziptɩ tẽw yib 17:3

Ɛcɛ kʋ̃ɔ-nyúur tɩ kpɩɛr'ɩ a nɩbɛ, bɛ cãà zɛbr'ɩ a Moyiir yere nɩ: «Bʋnʋ ƴãw n'a fʋ ɩ tɩ yi a Eziptɩ? Fʋ wa ɩ tɩɩm nɩ a tɩ bibiir nɩ a tɩ dʋn kpi kʋ̃ɔ-nyúur ƴãw n'a bɩɩ?»

Eziptɩ tẽw yib 2:23

A tɩ cɛlɩ na ɛ́ a Eziptɩ tẽw nãà wa kpi. A Ɩsɩrayɛl nɩbɛ tɩ kone na ŋmɩɛr'ɩ cɛlsɩ a bɛ gbãgbaalʋ pʋɔ, ɛ́ a bɛ bʋɔlʋ tɩ do ta a Naaŋmɩn.

Eziptɩ tẽw yib 5:21

Bɛ tɩ yel bɛ na: «A Sore, ʋ jɩ́r a lɛ nyɩ na ɩ a, ɛ́ bãw a nyɩ yele kʋ̀ nyɩ! Nyɩmɛ nɛbɛ so a Faarawɔ̃ nɩ a ʋ tõ-tõ-nɩ-bɛrɛ bɛ cãà bɔbr kɛ́ bɛ mɩ́ nyɛ̃ tɩ ɛ. Nyɩ ƴãw bɛ nɩ zɛbr-sɔ-kpɛ̃ɛ a nũú kɛ́ bɛ kʋ n tɩ!»

Zeremi 2:6

Bɛ bɛ yel bɛ tʋɔra: “Nyɩnɛ n'a a Sore be, ʋl na ír tɩ yi n a Eziptɩ tẽw, ʋl na tɛr tɩ tɔl'ɩ a wɛja-kpalɛ pʋɔ, zi-faa na ɩ gbʋlãkowe tɛwr a, zie na ko ɛ́ liw a, zie nɩr za na bɛ tɔlɛ a, zie nɩr za na bɛ kpɩɛr a?”

Zeremi 42:14

Tɩ na nɩ̃ɛ na cen Eziptɩ tẽw. A be a, tɩ kʋ̃ lɛb nyɛ̃ zɛbr nɩ mimir ɛ, tɩ kʋ̃ lɛb wõ a zɛbr wɩ́ɛ pɛblʋ ɛ, tɩ kʋ̃ lɛb bɔ bʋ̃-dɩra gù ɛ, a be n'a tɩ bɔbr kɛ́ tɩ kpɩɛr.”

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

A Lãw-mʋɔlɛ 4:9

A zɛbr zie kũu sa n a kɔ̃ kũu na mɩ́ ɩ fʋ sɩrɛ tɩ baarɩ, a bʋ̃-dɩrɩ na bɛ ka be a ƴãw a.

Sɔr-nɛ́ɛ 11:15

Alɛ wa ɩ à ŋá n'a fʋ ɩrɛ mɛ̃ a, fʋ̃ʋ nɩ̃ɛ ɩ ɩ̃ kpi! A lɛ pʋɔ a, a fʋ pʋ-pɩɛlʋ n'a fʋ na ɩ a sãá a ɩ̃ zie, ɩ̃ɩ kʋ̃ nyɛ̃ a ɩ̃ kpɩɛrʋ ɛ.»

Sɔr-nɛ́ɛ 11:20

Cuw-ɓil za n'ʋ nyɩ na 'wɔb a nɛn a tɩ ɓa nyɩ, a nʋɔr bɛ tɩ cãà bɔbr a ɩ. A na ɩ n a nyɩ dɔwrʋ, nyɩ na zawrɩ a Sore na be a nyɩ sɔgɔ bɛr a ƴãw, nɩ nyɩ na kone yere nɩ à ŋá a: Bʋnʋ ƴãw n'a tɩ nɩ̃ɛ yi a Eziptɩ mɔ̃.”»

Sɔr-nɛ́ɛ 14:2

Bɛ tɩ zɛbr'ɩ nɩ a Moyiir nɩ a Aarɔ̃, ɛ́ tɩ yere a bɛ zie à ŋá: «Bʋ̃ʋ pãa ɩ tɩ bɛ kpi a Eziptɩ bɩɩ a wɛja-kpalɛ ŋa pʋɔ a!

Sɔr-nɛ́ɛ 14:3

Bʋ̃ʋ n'ʋ so a Sore tɛr tɩ cere nɩ a tẽw ŋa tɔ sob pʋɔ? Tɩ na tɩ kpi n zɛbr zie a be, ɛ́ bɛ nyɔw a tɩ pɔwbɛ nɩ a tɩ bibiir. Alɛ bɛ sa kɛ́ tɩ lɛb cen a Eziptɩ ɛ?»

Sɔr-nɛ́ɛ 16:13

Fʋ ɩ na tɩ bɛr tẽw bʋ̀rʋ nɩ sɩwr na gbɔlɛ a, ɛ́ tɛr tɩ wa n a wɛja-kpalɛ pʋɔ kɛ́ tɩ wa kpi, a cãà bɛ sɛw fʋ ɛ, fʋ bɔbr kɛ́ fʋ dɩ nɩ-kpɛ̃ɛnʋ a tɩ zu u?

Sɔr-nɛ́ɛ 21:5

Bɛ tɩ nyɔw nɩ a Naaŋmɩn nɩ a Moyiir yere: «Bʋnʋ ƴãw n'a nyɩ ɩ tɩ yi a Eziptɩ? Tɩ wa kpi a wɛja-kpalɛ pʋɔ ƴãw n'a bɩɩ? Dipɛ̃ nɩ kʋ̃ɔ bɛ ka ka ɩ, ɛ́ a nɩbaal-bʋ̃-dɩra ŋa na ɩ a mãan a, ɓa tɩ nʋɔr!»

Nɩ-toni 26:29

A Pol tɩ sɔw na: «Fɔ̃wlɛ n'a bɩɩ a cɛlɩ n'a a, a Naaŋmɩn, ʋ sàw fʋ̃ʋ nɩ a bɛlɩ dem za na bɛrɛ wone a ɩ̃ ƴɛ̀rʋ a dɩ̃a a, nyɩ wa ŋmɛ̃ taa nɩ mɛ̃, ɛ́ tɩ cɛ a bamɛ á ŋá!»

1 Korɛ̃tɩ 4:8

Mɛ̃ nyɩ taa tɩw baarɩ! Mɛ̃ nyɩ taa kpɛ naalʋ baarɩ! Nyɩ lɩɛb'ɩ na-mɩnɛ baarɩ ɛ́ bɛr tɩ! Mɛ̃ à ŋá a ʋ? Bʋ̃ʋ pãa ɩ nyɩ bɛ sɩrɩ ɩ a na-mɩnɛ a? Tɩ mɩ̀ nãa lãw nɩ nyɩ na dɩrɛ a naalʋ.

2 Korɛ̃tɩ 11:1

Bʋ̃ʋ pãa ɩ a! Nyɩ nãá sàw kʋ̀ m ɩ̃ tõ yãya-tome blã! Ʋ̃ʋ nyɩ sàw kʋ̀ m!

Wulu-ayi-sob 28:67

Nyɩmɛ wa nyɛ̃ a ʋlɩ bom nɛ na ɩrɛ a, a nyɩ socie na tʋɔr'ɩ ger ger, a dɛ̃bɩ̃ɛ zũú. Nyɩ na mɩ́ yel'ɩ a biɓaara: «Zaanʋɔra kʋ̃ʋ tɩ n'a a!» Ɛ́ a zaanʋɔra nyɩ yel: «Biɓaara kʋ̃ʋ tɩ n'a a!»

Wulu-ayi-sob 8:3

A na ɩ lɛ a, ʋ ɩ na nyɩ bãw a kpɩɛrʋ, ɛ́ ɩ nyɩ bãw a kɔ̃ tuo, al pùorí, ʋ kʋ̀ nyɩ a mãan nyɩ dɩ, a bʋ̃-dɩra ŋa nyɩɩm nɩ a nyɩ sãàkʋm-kore na bɛ tɩ bãw a. À ŋá a, ʋ wul nyɩ na kɛ́ bʋ̃-dɩra tɛwr bɛ n'a guole a nɩsaal ɛ, ƴɛ̀rʋ za na yire a Naaŋmɩn nʋɔrɩ́ a guole ʋ na.

Zozue 7:7

A Zozue tɩ yel'a: «Aa! Sore Naaŋmɩn i, bʋ̃ʋ ƴãw n'a fʋ ɩ tɩ gãw a Zurdɛ̃? Fʋ wa de tɩ kʋ̀ a Amoritɩ mɩnɛ, ɛ́ ɩ tɩ kpi ƴãw n'a bɩɩ? Tɩmɛ nɩ̃ɛ tɩ cãà be a man gãwn ŋa a, alɛ bɛ sa ɩ?