Eziptɩ tẽw yib 16:2 - A SƐB-SÕW

² A wɛja-kpalɛ pʋɔ be n'a a Ɩsɩrayɛl nɩbɛ za lɛb tɩ maal nyɔw a Moyiir nɩ a Aarɔ̃ yere.

Eziptɩ tẽw yib 16:2 ပူးပေါင်းရင်းမြစ်များ

Yele-za-pɛr-tib 19:4

Bɛ bɛ tɩ gã sɛr ɛ, ɛ́ a Sodɔm tẽw dem wa ŋmãa jil a yir. Bɛ za tɩ be n be, a pɔ́lɛ́ tɩ lãwnɩ a dɛb-nyamɛ, nɩr bɛ tɩ cɛ ɩ.

Sɛb-sõw yielu 106:13

Ɛcɛ bɛ tɩ yiir'ɩ a ʋ tome bɛr fɔ̃wlɛ, bɛ bɛ tɩ gù ʋ maalɩ a lɛ ʋ na tɩɛrɩ a yele bin a baarɩ ɛ.

Sɛb-sõw yielu 106:25

Bɛ tɩ zɩ̃ na zɛbr a bɛ pɛnɛ-sɛwr pʋɔ, bɛ bɛ tɩ cãà bɛrɛ wone a Sore ƴɛ̀rʋ ɛ.

Sɛb-sõw yielu 106:7

A tɩ sãàkʋm-kore na tɩ be a Eziptɩ tẽw a, bɛ bɛ tɩ bãw a fʋ nɔ-ɓãa-yele pɛr ɛ, bɛ tɩ yiir'ɩ a fʋ nɔ̃wfʋ tõ-yaga bɛr. Bɛ tɩ jɛ n a Bàa-kɛkɛɛ kʋ̃ɔ-kpɛ̃ɛ́.

Eziptɩ tẽw yib 14:11

ɛ́ tɩ yere a Moyiir: «Yarʋ n'a bɛ ka a Eziptɩ, fʋ tɛr tɩ wa n kɛ́ tɩ wa kpi a wɛja-kpalɛ pʋɔ ka bɩɩ? Bʋnʋ ƴãw n'a fʋ ɩ tɩ yi a Eziptɩ?

Eziptɩ tẽw yib 15:24

A nɩbɛ tɩ zɛbr'ɩ nɩ a Moyiir yere á ŋá: «Bʋ̃ʋ n'ʋ tɩ na nyũ?»

Eziptɩ tẽw yib 17:3

Ɛcɛ kʋ̃ɔ-nyúur tɩ kpɩɛr'ɩ a nɩbɛ, bɛ cãà zɛbr'ɩ a Moyiir yere nɩ: «Bʋnʋ ƴãw n'a fʋ ɩ tɩ yi a Eziptɩ? Fʋ wa ɩ tɩɩm nɩ a tɩ bibiir nɩ a tɩ dʋn kpi kʋ̃ɔ-nyúur ƴãw n'a bɩɩ?»

Eziptɩ tẽw yib 5:21

Bɛ tɩ yel bɛ na: «A Sore, ʋ jɩ́r a lɛ nyɩ na ɩ a, ɛ́ bãw a nyɩ yele kʋ̀ nyɩ! Nyɩmɛ nɛbɛ so a Faarawɔ̃ nɩ a ʋ tõ-tõ-nɩ-bɛrɛ bɛ cãà bɔbr kɛ́ bɛ mɩ́ nyɛ̃ tɩ ɛ. Nyɩ ƴãw bɛ nɩ zɛbr-sɔ-kpɛ̃ɛ a nũú kɛ́ bɛ kʋ n tɩ!»

Sɔr-nɛ́ɛ 14:22

k'aa nɩbɛ bɛ ŋa kãw za kʋ̃ kpɛ a tẽw ŋa pʋɔ ɩ. Bɛ nyɛ̃ nɩ a ɩ̃ yúor-vɩɛlʋ-danʋ nɩ a fãw ɩb al za ɩ̃ na ɩ a Eziptɩ nɩ a wɛja-kpalɛ pʋɔ a, ɛcɛ, bɛ bɛ bɛr a ɩ̃ ɩ-kaafʋ ɛ, zawrɛ a ɩ̃ nʋɔr kʋralɛ. Lɛ so, a bɛ been kãw za kʋ̃ nyɛ̃ a tẽw ɩ̃ na yel k'ɩ̃ɩ na kʋ̀ n a bɛ sãàkʋm-kore a ɩ, bɛ za na faa zawrɩ mɛ̃ bɛr a ƴãw.

1 Korɛ̃tɩ 10:10

Nyɩ ta buule zɛbr'ɩ mɛ̃ a lɛ a bɛ mɩnɛ kãw na tɩ ɩ a bɛ pʋɔ a ɩ: a kũu malkɩ tɩ kʋ bɛ na pàw pɛr.