Eziptɩ tẽw yib 15:22 - A SƐB-SÕW

²² A Moyiir tɩ ɩ na a Ɩsɩrayɛl nɩbɛ yi a Bàa-kɛkɛɛ kʋ̃ɔ-kpɛ̃ɛ́, ɛ́ tu Súùr wɛja-kpalɛ lowr. Bɛ tɩ cen nɩ a wɛja-kpalɛ pʋɔ bibie ata, ɛ́ bɛ nyɛ̃ kʋ̃ɔ ɩ.

Eziptɩ tẽw yib 15:22 ပူးပေါင်းရင်းမြစ်များ

Yele-za-pɛr-tib 16:7

A Sore malkɩ tɩ nyɛ̃ ʋ nɩ a bule ʋl na be a Súùr sɔ́r zu a pɛr,

Yele-za-pɛr-tib 20:1

A Abraham tɩ yi n a be cen a Negɛɛvʋ vuo pʋɔ, tɩ kpɩɛr Kadɛsɩ nɩ Súùr cara pʋɔ, al pùorí ʋ cen tɩ zɩ̃ Geraar.

Yele-za-pɛr-tib 25:18

A Ɩsɩmayɛl bʋʋrɛ tɩ kpɩɛr'ɩ a vuo ʋl na be a Hawila nɩ a Súùr cara pʋɔ a. A Súùr tẽw tɩ pɩɛl'ɩ a Eziptɩ tẽw ɛ́ lɛb cere Asuur tẽw lowr. À ŋá n'a bɛ tɩ zɩ̃ zãá nɩ a bɛ yɛbr za. ZAKƆB

Sɛb-sõw yielu 136:16

Ʋ tɛr'ɩ a ʋ nɩ-bʋʋrɛ kpɛ n wɛja-kpalɛ pʋɔ, a ʋ nɔ̃wfʋ na be kʋralɛ a ƴãw.

Sɛb-sõw yielu 77:20

Fʋ tu na tɔl a kʋ̃ɔ-kpɛ̃ɛ sɔgɔ, fʋ puo nɩ a fʋ sɔ́r a kʋ̃ɔ-zulu pʋɔ, ɛ́ nɩr za bɛ nyɛ̃ a fʋ gbɛ́ɛ bɔwrɩ ɛ.

Sɛb-sõw yielu 78:52

Al pùorí, ʋ tɩ ɩ a ʋ nɩbɛ yi mɛ̃ dʋn na yire zaw pʋɔ a. Ʋ tɩ tɛr'ɩ a ʋ nɩbɛ kpɛ n a wɛja-kpalɛ pʋɔ, mɛ̃ píir nɩr na kparɛ a.

Sɛb-sõw yielu 78:53

Ʋ tɩ tɛr bɛ na cen nɩ, bom za bɛ dam bɛ ɩ, dɛ̃bɩ̃ɛ za bɛ ɩ bɛ ɩ, ɛ́ a man kʋ̃ɔ tɩ paalɩ pàw a bɛ dɔ̃ dem.

Eziptɩ tẽw yib 17:1

A Sore tɩ ƴãw na a Ɩsɩrayɛl nɩbɛ lãw za yi a Sin wɛja-kpalɛ pʋɔ, ɛ́ cere kɛ́ tɛwr, tɩ ta Erefidim, maalɩ a bɛ pɛnɛ-sɛwr a be. Ɛcɛ kʋ̃ɔ bɛ tɩ ka be a nɩbɛ na nyũ ɛ.

Eziptɩ tẽw yib 3:18

«A Ɩsɩrayɛl nɩbɛ na bɛr'a wõ a fʋ ƴɛ̀rʋ, ɛ́ fʋ na cen na, fʋ̃ʋ nɩ a nɩ-kore, a Eziptɩ tẽw nãà zie, nyɩ tɩ yel ʋ: “A Sore, a Ebre mɩnɛ Naaŋmɩn, ɩ na tɩ nyɛ̃ ʋ. Ƴɛrɛŋa a, a fɛr'a kɛ́ tɩ cen a wɛja-kpalɛ pʋɔ bibie ata, tɩ maalɩ bàwr kʋ̀ a Sore tɩ Naaŋmɩn.”

Sɔr-nɛ́ɛ 33:8

Bɛ tɩ yi n a Pi-Hahirɔtɩ gãw a Bàa-kɛkɛɛ kʋ̃ɔ-kpɛ̃ɛ, cen a wɛja-kpalɛ pʋɔ. Bɛ tɩ cen nɩ a Etam wɛja-kpalɛ pʋɔ bibie ata, ɛ́ ta Maara maalɩ a bɛ laɩ a be.

1 Samɩɛl 15:7

Lɛ n'a a Sawul tɩ zɛb tʋ̃ɔ́ a Amalɛkɩ tẽw dem a Hawila tɩ sãá nɩ a Suur nʋɔr na tori a Eziptɩ a.

1 Samɩɛl 27:8

A Daviir tɩ yi n a Sɩkɩlagɩ, ɛ́ ʋlɛ nɩ a ʋ nɩbɛ do tɩ zɛb'ɩ a Gesuur tẽw dem, nɩ a Girzitɩ mɩnɛ bɩɩ a Amalesitɩ mɩnɛ, bʋ̃ʋ n'ʋ vɛ̃, a nɩ-bʋʋrɛ bɛ ŋa nɛbɛ tɩ kpɩɛr a tẽw a dãwdãw za, a Suur lowr tɩ tɔ n a Eziptɩ tẽw.