Eziptɩ tẽw yib 13:9 - A SƐB-SÕW

⁹ A Sore kpãkpãw-kpɛ̃w n'ʋ ʋ ír'ɩ nyɩ yi n a Eziptɩ tẽw. A cuw ŋa na ɩ n cãà-bãwnɩ cuw a nyɩ zie, nɩ bãwfʋ a nyɩ kpãkpãw ƴãw nɩ a nyɩ gbẽé. Ʋ na ɩ na nyɩ bãwnɩ a, a na fɛrɛ nyɩ kɛ́ nyɩ hiere a Sore wulu a.

Eziptɩ tẽw yib 13:9 ပူးပေါင်းရင်းမြစ်များ

Neemi 1:10

Sore e, tɩ ɩ n a fʋ tõ-tõ-biir, tɩ ɩ n a fʋ nɩ-bʋʋrɛ! Tɩmɛ nɛbɛ fʋ faa nɩ a fʋ fãw na ɩ kpɛ̃ɛ a, tɩmɛ nɛbɛ fʋ faa nɩ a fʋ kpãkpãw-kpɛ̃w.

Sɛb-sõw yielu 136:11

Ɛ́ ɩ a ʋ nɩ-bʋʋrɛ Ɩsɩrayɛl yi a be, a ʋ nɔ̃wfʋ na be kʋralɛ a ƴãw.

Sɛb-sõw yielu 136:12

Kpɛnʋ nɩ gãdaalʋ n'a ʋ tõ n a lɛ, a ʋ nɔ̃wfʋ na be kʋralɛ a ƴãw.

Sɛb-sõw yielu 89:13

Fʋ̃ʋ n'ʋ ír a saa-pɛrɩ́-gʋba-lowr nɩ a saa-pɛrí-dʋrʋ-lowr. A Tabɔɔr nɩ a Hɛrmɔ̃ tan wa wõ a fʋ yúor a, a mɩ́ ŋmɩɛr'ɩ nʋ̃ɔ̀ cɛlsɩ.

Eziptɩ tẽw yib 12:14

«A bibir ŋa na ɩ n bibir nyɩ na na mɩ́ cãà bãwnɩ a, ɛ́ nyɩ na mɩ́ maal'ɩ cuw-kpɛ̃ɛ a mãa Sore ƴãw. Nʋɔr'ʋ ƴãw gã kʋralɛ, a nyɩ nɩbɛ na dɔwr lɩɛrɛ taa a ƴãw.»

Eziptɩ tẽw yib 12:41

A yome kɔbr anaar dɔwlɩ yome lɩzɛr'ɩ pie (430) á ŋá na wa ta a, a bibir ŋa tɔr za, a Sore nɩbɛ tɩ tu n taa vla yi a Eziptɩ.

Eziptɩ tẽw yib 13:14

A nyɩ bibiir wa sowre nyɩ nɩdaar kãw: “Bʋnʋ ƴãw n'a nyɩ mɩ́ ɩ à à ŋá?” Nyɩɩm sɔw bɛ: “A Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ, a be tɩ na tɩ ɩ gbãgbaar a.

Eziptɩ tẽw yib 13:16

A bagɛ á ŋá na ɩ na nyɩ cãà bãwnɩ a, a mɩ̀ na ɩ n bãwfʋ nyɩ ƴãw a a nyɩ kpãkpãw ƴãw nɩ a nyɩ gbẽé. A na ɩ na nyɩ cãà bãwnɩ a k'aa Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ.»

Eziptɩ tẽw yib 13:3

A Moyiir tɩ yel'ɩ a nɩbɛ: «Nyɩ bãwnɩ a dɩ̃a bibir ŋa nyɩ na yi a Eziptɩ a, a be nyɩ na tɩ ɩ gbãgbaar a. A Sore kpãkpãw-kpɛ̃w n'ʋ ʋ ír'ɩ nyɩ yi n a be. Nyɩ bɛ 'wɔbr dipɛ̃ na ƴãw dãbɩl a ɩ.

Eziptɩ tẽw yib 3:20

Lɛ so ɩ̃ na zɛw nũu ŋmɛ n a Eziptɩ, nɩ a nɔ-ɓãa-yele za ɩ̃ na na maalɩ a ʋ pʋɔ a. Al pùorí, a nãà na bɛr nyɩ na nyɩ cen.

Eziptɩ tẽw yib 7:4

ɛ́ a Faarawɔ̃ kʋ̃ bɛr wõ a nyɩ ƴɛ̀rʋ ɛ. Lɛ n'a ɩ̃ na ɩ dɔwrʋ na ta dɔwrʋ a ta, a Eziptɩ bãw k'ɩ̃ɩ tɛr'ɩ fãw, ɩ̃ɩ ɩ a ɩ̃ zɛbr-nɩbɛ, a ɩ̃ nɩ-bʋʋrɛ, a Ɩsɩrayɛl nɩbɛ, yi a tẽw ŋa pʋɔ.

Zʋkpaɩ 1:9

Bʋ̃ʋ n'ʋ vɛ̃, a na ɩ na mɛ̃ dɛpaal-kpawʋɔ a fʋ zũú a, bɩɩ mɛ̃ lɛwɛ a fʋ kɔkɔrɩ́ a.

Zʋkpaɩ 3:21

Ɩ̃ bie e, a maal-ɩrɛ nɩ a yele-jielu a, a taa wa zãánɛ nɩ fʋ ɛ: tuur a.

Zʋkpaɩ 7:23

ɛ́ gù kɛ́ bɛ wa ŋmɛ ʋ ƴãw bàalʋ ʋ kpi. Mɛ̃ lile na ŋmʋr kpɛ bɛra pʋɔ a, ʋ bɛ bãw kɛ́ kũu jɩɛrɛ nɩ a ʋ nyɔ-vʋʋrʋ ɛ.

A Yielu za pʋɔ yiel-vla vla 8:6

Dɔwlɩ mɛ̃ a fʋ socir zu mɛ̃ ŋmaarʋ-bʋ̃-ƴãwna a, mɛ̃ ŋmaarʋ-bʋ̃-ƴãwna a fʋ kpãkpãw zu a. Bʋ̃ʋ n'ʋ vɛ̃, a nɔ̃wfʋ kpɛmɛ na mɛ̃ a kũu a, a nɔ̃wfʋ-nyuur bɛ tɛr tʋ̃ɔ́fʋ mɛ̃ a kpɩmɛ tẽw a ɩ, ʋ ɩ n vũu-zɛl na dɩrɛ a, ʋ mɩ́ siw na mɛ̃ a saa a.

Ɩzayi 27:1

A ʋlɩ bibir nɛ a, a Sore na de nɩ a ʋ zɛbr-sɔ-kpɛ̃ɛ na dɩrɛ a, na bɛ dɩ vuo ɛ́ tɛr fãw a, a Levɩatã na ɩ a waab na zɔrɛ a ƴãw, a Levɩatã na ɩ a wa-gõlõgõlõ a ƴãw. Ɛ́ ʋ na kʋ n a kʋ̃ɔ-kpɛ̃ɛ wa-bɩɛ.

Ɩzayi 40:10

Nyɩ nyɛ̃ a Sore Naaŋmɩn. Ʋ waar'ɩ nɩ kpɛnʋ, ʋ tɛr'ɩ fãw na dɩ a naalʋ. Ʋ lɛb'a waar'ɩ a bom ʋ na páw a, ʋ lɛb'a waar'ɩ a ʋ tome sã-ya.

Ɩzayi 44:5

Kãw na yel a: “A Sore so m”, kãw na bɔbr'a k'ʋʋ tɛr a Zakɔb yúor. Ŋa sob na sɛb'ɩ a ʋ nũu zu: “A Sore bʋ̃-sora nɛ m”, ɛ́ de a Ɩsɩrayɛl yúor.»

Ɩzayi 49:16

Nyɛ̃, ɩ̃ wi fʋ na ƴãw a ɩ̃ nũsalɛ̃pʋʋr pʋɔ, a fʋ dacĩ-bɛrɛ be n a ɩ̃ niŋé kʋralɛ.

Ɩzayi 51:9

Ìr, Sore e, ìr! Wul a fʋ kpɛnʋ! Ìr mɛ̃ a koro za a, mɛ̃ a koro za dem daar a. Fʋ̃ʋ bɛ n'ʋ tɩ cɛ̀ a Arahab ɓar ɛ? Fʋ̃ʋ bɛ n'ʋ tɩ cɔ̀r a kʋ̃ɔ-kpɛ̃ɛ wa-bɩɛ col ɛ?

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Zeremi 22:24

«Nyɛ̃ a ʋlɩ bom fʋ na na tɩ yel kʋ̀ a Yoyakim bidɛb nɩ a Zuda tẽw nãà Konɩahu a: “A Sore yere na: Ɩ̃ pɔrɛ nɩ nɩ a ɩ̃ nyɔ-vʋʋrʋ à ŋá: Fʋ̃ʋ mɩ̀ saa tɩ ɩ ŋmaarʋ-bʋ̃-ƴãwna a ɩ̃ dʋrʋ nũú a, ɩ̃ nãà for fʋ nɩ a ɩ̃ nobirí.

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Sɔr-nɛ́ɛ 15:39

A na ɩ lɛ a, nyɩ na suur'ɩ kparɩ na tɛr zʋɔrɛ a, ɛ́ nyɩmɛ mɩ́ wa nyɛ̃ a a, nyɩ na mɩ́ lɛb'a bãwnɩ a ɩ̃ nɛ-ƴãwnɩ ɛ́ tuur a. Lɛ n'a nyɩ kʋ̃ mɩ́ bɛr a nyɩ mimie nɩ a nyɩ socie tɛr nyɩ tu n a tɩbɛ pùor ɛ.

Matie 23:5

A bɛ ɩb za a, bɛ mɩ́ ɩrɛ na k'aa nɩsaalbɛ nyɛ̃ bɛ. Lɛ n'a, a Naaŋmɩn wulu bãwfʋ bɛ na mɩ́ ƴãw a gbẽé nɩ a kpãkpamɛ ƴãw a, bɛ mɩ́ ɩ a yɛlmɛ, ɛ́ ɩ a kparɩ zʋɔrɛ a wõwme.

Ʋrɔm 10:8

A na ɩ à ŋá a, a ƴɛ̀rʋ ƴɛ̀r'a kɛ́ bo? Kɛ́: «A ƴɛ̀rʋ pɩɛl'ɩ fʋ na, ʋ be n a fʋ nʋɔrɩ́ nɩ a fʋ socir pʋɔ.» A ƴɛ̀rʋ ŋa ɩ n a ƴɛ̀rʋ na càarɩ a sàw-deb a, a ƴɛ̀rʋ ŋa n'ʋ tɩ hiere.

Wulu-ayi-sob 30:14

Lɛ bɛ n'a ɩ, a ƴɛ̀rʋ ŋa pɩɛlɩ nyɩ nɩ yɩ̃ɛyɩ̃ɛ lɛ. Ʋ be n a nyɩ nʋɔrɩ́ nɩ a nyɩ socir pʋɔ kɛ́ nyɩ tuur ʋ.

Wulu-ayi-sob 5:15

Cãà bãwnɩ a fʋ na tɩ ɩ gbãgbaa a Eziptɩ, ɩ̃ɩ ɩ n a ɩ̃ fãw na bɛ tɛr tʋ̃ɔ́fʋ a fʋ yi a be a. Alɛ so a mãa Sore fʋ Naaŋmɩn ƴãw a pɩ̃ɛnʋ-bibir kʋ̀ b kɛ́ fʋ tuur.

Wulu-ayi-sob 6:21

Nyɩ na sɔw bɛ na: «Tɩ tɩ ɩ n a Faarawɔ̃ gbãgbaar a Eziptɩ, ɛcɛ a Sore tɩ Naaŋmɩn ɩ n nɩ a ʋ fãw na bɛ tɛr tʋ̃ɔ́fʋ a tɩ yi a be.

Wulu-ayi-sob 6:6

A nɛ-ƴãwnɩ ɩ̃ na kʋ̀rɛ fʋ a dɩ̃a a na be n a fʋ pʋ̃ɔmɩ.

Wulu-ayi-sob 6:8

Fʋ na 'lẽ a na ƴãw a fʋ kpãkpãw ƴãw nɩ a fʋ gbẽé taa yiire a bɛrɛ ɩ.

Yel-wula 18:8

A lɛ n'a so a ʋ bʋ̃-faar á ŋá na ta ʋ bibi-been: a kũu, a wahala nɩ a kɔ̃. Vũu na dɩ ʋ nɩ kʋmɔkʋmɔ. Bʋ̃ʋ n'ʋ vɛ̃, a Sore Naaŋmɩn na dɩ n ʋ a ƴɛ̀rʋ a tɛr'ɩ kpɛ̃w.»

Ƴɛ̀r-dɩrbɛ 2:12

Bɛ tɩ zawr'ɩ a Sore bɛr, a bɛ sãàkʋm-kore Naaŋmɩn na ɩ bɛ yi a Eziptɩ tẽw a, ɛ́ tu a nɩ-bʋʋrɛ bɛl na kpɩɛr viiri koli bɛ a ŋmɩmɛ. Bɛ tɩ gbĩ n dume a ŋmɩmɛ á ŋá niŋé, ɛ́ lɛ n'a bɛ tɩ ɩ a Sore suur ír.