Eziptɩ tẽw yib 13:3 - A SƐB-SÕW

³ A Moyiir tɩ yel'ɩ a nɩbɛ: «Nyɩ bãwnɩ a dɩ̃a bibir ŋa nyɩ na yi a Eziptɩ a, a be nyɩ na tɩ ɩ gbãgbaar a. A Sore kpãkpãw-kpɛ̃w n'ʋ ʋ ír'ɩ nyɩ yi n a be. Nyɩ bɛ 'wɔbr dipɛ̃ na ƴãw dãbɩl a ɩ.

Eziptɩ tẽw yib 13:3 ပူးပေါင်းရင်းမြစ်များ

Yele-za-pɛr-tib 15:16

A dɔw-lɩɛr-taa gb'a anaar sob daar'a a fʋ bʋʋrɛ na lɛb wa a ka. Bʋ̃ʋ n'ʋ vɛ̃, a Amoritɩ mɩnɛ ɩ-faar cãà bɛ ta a tab zie ɩ̃ na diw bɛ bɛr ɛ.»

1 Bibie za yel-manɩ 16:12

Nyɩɩm, a ʋ tõ-tõ-bie Ɩsɩrayɛl bʋʋrɛ ɛ, nyɩɩm, Zakɔb bibiir, ʋ na kaa ír a, nyɩ lɛb tɩɛrɩ a nɔ-ɓãa-yele ʋ na maalɩ a, nyɩ lɛb tɩɛrɩ a ʋ gãda-tome nɩ a lɛ ʋ na yel k'ʋʋ na ɩ na a.

Neemi 1:10

Sore e, tɩ ɩ n a fʋ tõ-tõ-biir, tɩ ɩ n a fʋ nɩ-bʋʋrɛ! Tɩmɛ nɛbɛ fʋ faa nɩ a fʋ fãw na ɩ kpɛ̃ɛ a, tɩmɛ nɛbɛ fʋ faa nɩ a fʋ kpãkpãw-kpɛ̃w.

Neemi 9:10

Fʋ maal'ɩ nɔ-ɓãa-yele nɩ yel-bãw-guuri càar'ɩ a Eziptɩ tẽw nãà, a nɩbɛ na lãw kpɩɛr'ɩ ʋ a, nɩ a ʋ tẽw nɩbɛ za, bʋ̃ʋ n'ʋ vɛ̃, fʋ tɩ bãw nɩ a Eziptɩ tẽw dem pɔ̀l-ɩb bɛ na ɩ a tɩ sãàkʋm-kore zie a. Fʋ ɩ n a fʋ yúor yi cãà wa tɩ tɔ a dɩ̃a.

Sɛb-sõw yielu 105:5

Nyɩɩm, ʋ tõ-tõ-bie Abraham, bʋʋrɛ ɛ, nyɩɩm, Zakɔb bibiir, ʋ na kaa ír a, nyɩ lɛb tɩɛrɩ a nɔ-ɓãa-yele ʋ na maalɩ a, nyɩ lɛb tɩɛrɩ a gãda-tome nɩ a lɛ ʋ na yel k'ʋʋ na ɩ na a.

Sɛb-sõw yielu 114:1

A lɛn daar a Ɩsɩrayɛl bibiir na tɩ yi a Eziptɩ tẽw pʋɔ a, a lɛ a Zakɔb yir dem na tɩ yi a nɩ-bʋlɩ bɛ ŋa pʋɔ a,

Sɛb-sõw yielu 136:11

Ɛ́ ɩ a ʋ nɩ-bʋʋrɛ Ɩsɩrayɛl yi a be, a ʋ nɔ̃wfʋ na be kʋralɛ a ƴãw.

Sɛb-sõw yielu 136:12

Kpɛnʋ nɩ gãdaalʋ n'a ʋ tõ n a lɛ, a ʋ nɔ̃wfʋ na be kʋralɛ a ƴãw.

Sɛb-sõw yielu 89:14

A fʋ kpãkpãw kpɛmɛ nɩ yaga, a fʋ nũu kpɛmɛ na, a fʋ dʋrʋ nũu zɛw na.

Eziptɩ tẽw yib 12:15

A Sore tɩ cãà na lɛb yel: «Nyɩ na 'wɔb'ɩ dipɛ̃ na bɛ ƴãw dãbɩl a bibie ayopõi. A bibi-dãw-niwn sob wa dɛ tĩ a, dãbɩl kʋ̃ cãà a nyɩ yie pʋɔ ɩ. Ɛ́ nɩr wa 'wɔb dipɛ̃ na ƴãw dãbɩl, a bibi-dãw-niwn sob tɩ tɔ a bibie ayopõi sob a, bɛ na ír ʋ na bɛr a Ɩsɩrayɛl nɩbɛ pʋɔ.

Eziptɩ tẽw yib 12:17

Nyɩ na maalɛ nɩ a dipɛ̃ na bɛ ƴãw dãbɩl a cuw ŋa, bʋ̃ʋ n'ʋ vɛ̃, a dɩ̃a bibir tɔr za n'a ɩ̃ ɩ a nyɩ nɩbɛ yi a Eziptɩ. Nyɩ na tɛr'ɩ a yel ŋa ʋ ɩ cuw nyɩ maalɛ, a nɩbɛ na dɔwr lɩɛrɛ taa a zie. Nʋɔr'ʋ ƴãw gã kʋralɛ.

Eziptɩ tẽw yib 12:19

Bɛ kʋ̃ nyɛ̃ dãbɩl a nyɩ yie pʋɔ bibie ayopõi ɛ. Ɛ́ nɩr wa 'wɔb dipɛ̃ na ƴãw dãbɩl a, nʋʋra n'ʋ bɩɩ tẽ-bie n'ʋ a, bɛ na ír ʋ na bɛr a Ɩsɩrayɛl nɩbɛ pʋɔ.

Eziptɩ tẽw yib 12:2

«A cuw ŋa n'ʋ na mɩ́ tĩ a yũon a nyɩ zie, ʋlɛ n'ʋ na ɩ a cuw-dãw-niwn sob.

Eziptɩ tẽw yib 12:41

A yome kɔbr anaar dɔwlɩ yome lɩzɛr'ɩ pie (430) á ŋá na wa ta a, a bibir ŋa tɔr za, a Sore nɩbɛ tɩ tu n taa vla yi a Eziptɩ.

Eziptɩ tẽw yib 12:42

Mɛ̃ a lɛ a Sore na bɛ tɩ gúr a ʋlɩ tɩ̃ɩsɔw nɛ, ɛ́ ɩ a ʋ nɩbɛ yi a Eziptɩ a, lɛ n'a a fɛr k'aa Ɩsɩrayɛl nɩbɛ na dɔwr lɩɛrɛ taa a mɩ̀ mɩ́ bɛr gʋ̃ɔ a tɩ̃ɩsɔw ʋl, a Sore na n'ʋ so ʋ a ƴãw.

Eziptɩ tẽw yib 12:8

Bɛ na sɛ̃ n a nɛn, ɛ́ a tɩ̃ɩsɔw bɛ 'wɔb ʋ nɩ dipɛ̃ na bɛ ƴãw dãbɩl a, nɩ zɛ-va-tuo.

Eziptɩ tẽw yib 13:14

A nyɩ bibiir wa sowre nyɩ nɩdaar kãw: “Bʋnʋ ƴãw n'a nyɩ mɩ́ ɩ à à ŋá?” Nyɩɩm sɔw bɛ: “A Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ, a be tɩ na tɩ ɩ gbãgbaar a.

Eziptɩ tẽw yib 13:9

A Sore kpãkpãw-kpɛ̃w n'ʋ ʋ ír'ɩ nyɩ yi n a Eziptɩ tẽw. A cuw ŋa na ɩ n cãà-bãwnɩ cuw a nyɩ zie, nɩ bãwfʋ a nyɩ kpãkpãw ƴãw nɩ a nyɩ gbẽé. Ʋ na ɩ na nyɩ bãwnɩ a, a na fɛrɛ nyɩ kɛ́ nyɩ hiere a Sore wulu a.

Eziptɩ tẽw yib 20:2

«Ɩ̃ ɩ n a Sore fʋ Naaŋmɩn, mãa n'ʋ ɩ fʋ yi a Eziptɩ, a be fʋ na tɩ ɩ gbãgbaa a.»

Eziptɩ tẽw yib 20:8

«Bãwnɩ a pɩ̃ɛnʋ-bibir, ɩ k'ʋ ɩ Naaŋmɩn bibir.

Eziptɩ tẽw yib 23:15

A dãw-niwn sob na ɩ n a dipɛ̃ na bɛ ƴãw dãbɩl a cuw: a Abɩb cuw pʋɔ a, nyɩ na 'wɔbr'ɩ dipɛ̃ na bɛ ƴãw dãbɩl a bibie ayopõi ƴãw, mɛ̃ a lɛ ɩ̃ na yel kʋ̀ nyɩ a. Bʋ̃ʋ n'ʋ vɛ̃, a cuw ʋl pʋɔ n'a nyɩ yi a Eziptɩ. Nyɩ bɛ waar wa nyɛrɛ mɛ̃ nɩ nũ-zawlɛ ɩ.

Eziptɩ tẽw yib 3:20

Lɛ so ɩ̃ na zɛw nũu ŋmɛ n a Eziptɩ, nɩ a nɔ-ɓãa-yele za ɩ̃ na na maalɩ a ʋ pʋɔ a. Al pùorí, a nãà na bɛr nyɩ na nyɩ cen.

Eziptɩ tẽw yib 34:18

Nyɩ na mɩ́ maal'ɩ a dipɛ̃ na bɛ ƴãw dãbɩl a cuw. Nyɩ na mɩ́ 'wɔb'ɩ dipɛ̃ na bɛ ƴãw dãbɩl a, bibie ayopõi a Abɩb cuw pʋɔ, mɛ̃ a lɛ ɩ̃ na ƴãw a nʋɔr kʋ̀ nyɩ a. Bʋ̃ʋ n'ʋ vɛ̃, a Abɩb cuw pʋɔ n'a nyɩ yi a Eziptɩ.

Eziptɩ tẽw yib 6:1

A Sore tɩ sɔw nɩ a Moyiir: «Ƴɛrɛŋa a, fʋ na nyɛ̃ nɩ a ʋlɩ bom nɛ ɩ̃ na na ɩ a Faarawɔ̃ a. A ɩ̃ kpãkpãw-kpɛ̃w na fɛr ʋ na, ʋ bɛr a Ɩsɩrayɛl nɩbɛ bɛ cen: mɔ̃ mɩ̀, a ɩ̃ kpãkpãw-kpɛ̃w na ɩ na ʋ diw bɛ a ʋ tẽw pʋɔ!»

Eziptɩ tẽw yib 6:6

Alɛ so ɩ̃ yel kɛ́ fʋ yel à ŋá kʋ̀ a Ɩsɩrayɛl nɩbɛ: “Mãa n'ɩ a Sore. Ɩ̃ na ír nyɩ nɩ a pɔ̃tɔrɩ tome pʋɔ, ɛ́ faa nyɩ a gbãgbaalʋ pʋɔ a Eziptɩ tẽw nɩbɛ na ƴãw nyɩ a. Ɩ̃ na tõ n gãda-tome wul a ɩ̃ kpɛnʋ, lɛb de nɩ nyɩ.

Eziptɩ tẽw yib 6:7

Ɩ̃ na de nyɩ na, nyɩ ɩ a ɩ̃ nɩbɛ, ɩ̃ɩ ɩ a nyɩ Naaŋmɩn. Nyɩ na bãw na k'aa mãa, a Sore, mãa n'ɩ a nyɩ Naaŋmɩn na íre nyɩ bɛrɛ a Eziptɩ tẽw pɔ̃tɔrɩ tome pʋɔ a.

Eziptɩ tẽw yib 7:4

ɛ́ a Faarawɔ̃ kʋ̃ bɛr wõ a nyɩ ƴɛ̀rʋ ɛ. Lɛ n'a ɩ̃ na ɩ dɔwrʋ na ta dɔwrʋ a ta, a Eziptɩ bãw k'ɩ̃ɩ tɛr'ɩ fãw, ɩ̃ɩ ɩ a ɩ̃ zɛbr-nɩbɛ, a ɩ̃ nɩ-bʋʋrɛ, a Ɩsɩrayɛl nɩbɛ, yi a tẽw ŋa pʋɔ.

Zeremi 34:13

«À ŋá n'a a Sore, a Ɩsɩrayɛl Naaŋmɩn, yere: Ɩ̃ mɩ̀ tɩ maal'ɩ wõ-taa nɩ a nyɩ sãàkʋm-kore, a lɛn daar ɩ̃ na tɩ ɩ bɛ yi a Eziptɩ tẽw pʋɔ, a be bɛ na tɩ ɩ gbãgbaar a.

Matie 10:12

Nyɩmɛ wa kpɩɛr yir pʋɔ a, nyɩɩm puori a yir dem.

Luka 22:19

Al pùorí, ʋ tɩ de nɩ dipɛ̃, puori a Naaŋmɩn yãanɩ, nyɔw ŋma, ɛ́ kʋ̀ bɛ ɛ́ yel: «À ŋà ɩ n a ɩ̃ ƴã-gan ɩ̃ na tɩr a nyɩ ƴãw a. Nyɩ maalɛ à á ŋá lɛb tɩɛrɛ nɩ a ɩ̃ yele.»

1 Korɛ̃tɩ 11:24

ʋʋ na wa puori a Naaŋmɩn yãanɩ baar'a, ʋ nyɔw ʋ na ŋma ɛ́ yel: «À ŋà ɩ n a ɩ̃ ƴã-gan a nyɩ ƴãw, nyɩ maalɛ à á ŋá tɩɛrɛ nɩ a ɩ̃ yele.»

1 Korɛ̃tɩ 5:8

A na ɩ lɛ a, tɩ maalɛ a cuw, ɛcɛ tɩ ta maalɛ ʋ nɩ dãbɩl-kʋra ɩ, tɩ ta maalɛ ʋ nɩ a po-tuolu nɩ a faalʋ dãbɩl ɛ, tɩ maalɛ ʋ nɩ dipɛ̃ na bɛ ƴãw dãbɩl a: a vɩɛlʋ nɩ yel-mɩŋa dipɛ̃ na bɛ ƴãw dãbɩl a.

Efɛɛzɩ 1:19

Ʋ ɩ nyɩ bãw a ʋ kpɛnʋ ʋl na ɩ kpɛ̃ɛ bɛ tɛr manʋ, ʋ na wul ʋ sãá a tɩɩm na sàw de a ƴãw a. A ʋ fãw tome a, a ʋ kpɛnʋ na bɛ dɩ vuo a, ʋ ɩ na a sãá a Kɩrɩta zie,

Wulu-ayi-sob 13:10

Nyɩ na nɩ̃ɛ na kʋ ʋ tuotuo. A sob nɛ a nɩr ŋa na tɩ bɔbr k'ʋʋ bɛlɩ a na de nɩ niwn lɔb'ɩ ʋ a kʋsɛbɛ, ɛ́ a nɩbɛ za pãa tu.

Wulu-ayi-sob 13:11

Bɛ na lɔb'ɩ a sãwna sob nɩ kʋsɛbɛ kʋ, ʋ na yel k'ʋʋ bɛlɩ nɩr yi n a Sore pùor a ƴãw, a Naaŋmɩn ʋl na ɩ nyɩ yi a Eziptɩ, a be nyɩ na tɩ ɩ gbãgbaar a.

Wulu-ayi-sob 13:5

A Sore nyɩ Naaŋmɩn yõ n'ʋ nyɩ na tuur, ʋlɛ n'ʋ nyɩ na zɔrɛ, a ʋ nɛ-ƴãwnɩ n'a nyɩ na sàwr. Ʋlɛ n'ʋ nyɩ na bɛrɛ wone, ʋl tome n'a nyɩ na tone, ʋlɛ n'ʋ nyɩ na tu.

Wulu-ayi-sob 13:6

A fɛr'a kɛ́ bɛ kʋ a naaŋmɩn-ƴɛ̀r-manɛ ŋa, bɩɩ a yel-nyɛrɛ ŋa, na ƴɛ̀r ƴãw nyɩ bɛr a Sore, a Naaŋmɩn na ɩ nyɩ yi a Eziptɩ, ɛ́ faa nyɩ a gbãgbaalʋ pʋɔ a. A nɩr ŋa tɩ bɔbr'a k'ʋʋ taw nyɩ zãá nɩ a sɔ́r a Sore nyɩ Naaŋmɩn na yel kɛ́ nyɩ tuur a. Nyɩ na ír'ɩ a faalʋ bɛr à à ŋá a nyɩ sɔgɔ.

Wulu-ayi-sob 15:15

Nyɩ bãwnɩ a nyɩ na tɩ ɩ gbãgbaar a Eziptɩ, ɛ́ a Sore nyɩ Naaŋmɩn ɩ nyɩ yi so nyɩ tʋɔra a. Alɛ so ɩ̃ kʋ̀rɛ nyɩ a nɔ-ƴãwna ŋa a dɩ̃a.

Wulu-ayi-sob 16:1

Nyɩ na mɩ́ maal'ɩ a Tɔl-gãw cuw, a Sore nyɩ Naaŋmɩn ƴãwfʋ ƴãw, a Abɩb cuw pʋɔ. Bʋ̃ʋ n'ʋ vɛ̃, a cuw ŋa pʋɔ n'a a Sore nyɩ Naaŋmɩn ɩ nyɩ yi a Eziptɩ, tɩ̃ɩsɔw.

Wulu-ayi-sob 16:12

Nyɩ bãwnɩ a nyɩ na tɩ ɩ gbãgbaar a Eziptɩ a, ɛ́ tuur a wulu á ŋá za.

Wulu-ayi-sob 16:3

A cuw dɩb pʋɔ a, nyɩ bɛ 'wɔbr dipɛ̃ na ƴãw dãbɩl a ɩ. Bibie ayopõi n'a nyɩ na 'wɔb a dipɛ̃ na bɛ ƴãw dãbɩl a, k'aa tʋ̃ɔ́ lɛb sɩ̃w a nyɩ tɩɛrʋ, kɛ́ fɔ̃w fɔ̃wlɛ n'a nyɩ yi a Eziptɩ. Nyɩmɛ wa 'wɔbr a nɩbaal-dipɛ̃ ŋa, a nyɩ nyɔ-vʋʋrʋ daar za a, nyɩ na mɩ́ lɛb'a bãwnɩ a bibir ʋl nyɩ na yi a Eziptɩ a.

Wulu-ayi-sob 24:18

Nyɩ cãà bãwnɩ nyɩ na tɩ ɩ gbãgbaar a Eziptɩ, ɛ́ a Sore nyɩ Naaŋmɩn faa nyɩ a. Alɛ n'a so ɩ̃ yel kɛ́ nyɩ sàwr a nɛ-ƴãwnɩ á ŋá.

Wulu-ayi-sob 24:22

Nyɩ cãà bãwnɩ a nyɩ na tɩ ɩ gbãgbaar a Eziptɩ a. Alɛ n'a so ɩ̃ yere kʋ̀rɛ nyɩ kɛ́ nyɩ sàwr a nɛ-ƴãwnɩ á ŋá.

Wulu-ayi-sob 26:8

Ʋ tõ n gãda-tome na ɩrɛ dɛ̃bɩ̃ɛ a, maalɩ yel-bɛ-dãw-nyɛrɩ nɩ nɔ-ɓãa-yele, ƴãw tɩ yi a Eziptɩ.

Wulu-ayi-sob 4:34

Bɩɩ ŋmɩn kãw wa na wa ír nɩ-bʋʋrɛ a ʋ ƴãw, nɩ-bʋʋr-yoru sɔgɔ ɔ? Ʋ̃ʋ'hʋ̃! Ɛcɛ a Sore nyɩ Naaŋmɩn ʋl ɩ n a lɛ a nyɩ ƴãw, a nyɩ mimirí. Alɛ so ʋ tɩ ɩ a Eziptɩ tẽw dem nyɛ̃ kpɩɛrʋ, ʋ tɩ maalɩ yel-bɛ-dãw-nyɛrɩ nɩ nɔ-ɓãa-yele, ʋ tɩ tõ gãda-tome na ɩrɛ dɛ̃bɩ̃ɛ a.

Wulu-ayi-sob 5:15

Cãà bãwnɩ a fʋ na tɩ ɩ gbãgbaa a Eziptɩ, ɩ̃ɩ ɩ n a ɩ̃ fãw na bɛ tɛr tʋ̃ɔ́fʋ a fʋ yi a be a. Alɛ so a mãa Sore fʋ Naaŋmɩn ƴãw a pɩ̃ɛnʋ-bibir kʋ̀ b kɛ́ fʋ tuur.

Wulu-ayi-sob 5:6

Mãa n'ɩ a Sore fʋ Naaŋmɩn na ɩ fʋ yi a Eziptɩ a, a be fʋ na tɩ ɩ gbãgbaa a.

Wulu-ayi-sob 6:12

nyɩɩm gù vla a lɛn daar taa yiire a Sore bɛrɛ ɩ, ʋl na ɩ nyɩ yi a Eziptɩ tẽw, a be nyɩ na tɩ ɩ gbãgbaar a.

Wulu-ayi-sob 6:21

Nyɩ na sɔw bɛ na: «Tɩ tɩ ɩ n a Faarawɔ̃ gbãgbaar a Eziptɩ, ɛcɛ a Sore tɩ Naaŋmɩn ɩ n nɩ a ʋ fãw na bɛ tɛr tʋ̃ɔ́fʋ a tɩ yi a be.

Wulu-ayi-sob 7:8

Ɛcɛ a Sore nɔnɛ nyɩ na, ɛ́ tu a lɛ ʋ na tɩ pɔ yel a nyɩ sãàkʋm-kore zie a. Ʋ ɩ n nɩ a ʋ fãw na bɛ tɛr tʋ̃ɔ́fʋ a nyɩ yi a Eziptɩ, a be nyɩ na tɩ ɩ gbãgbaar a. Ʋ faa nyɩ nɩ a Eziptɩ nãà Faarawɔ̃ nuru pʋɔ.

Wulu-ayi-sob 8:14

A lɛn daar a, nyɩ gù vla taa ɩrɛ pɔ̀lʋ tɩ yiir'ɩ a Sore nyɩ Naaŋmɩn na n'ʋ ɩ nyɩ yi a Eziptɩ a ɩ, a be nyɩ na tɩ ɩ gbãgbaar a.

Wulu-ayi-sob 9:12

Lɛ n'a ʋ tɩ yel mɛ̃ à ŋá: «Ìr a ka lɛb siw ƴɛrɛŋa. Bʋ̃ʋ n'ʋ vɛ̃, a nɩbɛ fʋ na ɩ bɛ yi a Eziptɩ a, bɛ sãw nɩ faa faa. Bɛ bɛr'ɩ a sɔ́r ɩ̃ na tɩ wul bɛ a fɔ̃wlɛ, ɛ́ nyɩl kure maal'ɩ tɩɩb tɛr.»

Zozue 24:17

Bʋ̃ʋ n'ʋ vɛ̃, a Sore n'ɩ a tɩ Naaŋmɩn, ʋlɛ n'ʋ faa a tɩ sãàkʋm-kore nɩ a tɩɩm za, a Eziptɩ tẽw gbãgbaalʋ pʋɔ. Ʋ maal'ɩ nɔ-ɓãa-yele tɩ nyɛ̃ nɩ mimir. Ʋlɛ n'ʋ piw tɩ tɛr a sɔ́r wogo tɩ na cen a zu, nɩ a nɩ-bʋʋr-yoru za ten pʋɔ tɩ na kpɛ tɔl a.

Ƴɛ̀r-dɩrbɛ 2:12

Bɛ tɩ zawr'ɩ a Sore bɛr, a bɛ sãàkʋm-kore Naaŋmɩn na ɩ bɛ yi a Eziptɩ tẽw a, ɛ́ tu a nɩ-bʋʋrɛ bɛl na kpɩɛr viiri koli bɛ a ŋmɩmɛ. Bɛ tɩ gbĩ n dume a ŋmɩmɛ á ŋá niŋé, ɛ́ lɛ n'a bɛ tɩ ɩ a Sore suur ír.

Ƴɛ̀r-dɩrbɛ 6:8

a Sore tɩ tõ n naaŋmɩn-ƴɛ̀r-manɛ kãw a bɛ zie ʋ tɩ yel bɛ: «À ŋá n'a a Sore, a Ɩsɩrayɛl Naaŋmɩn yere: Mãa n'ʋ tɛr nyɩ yi n a Eziptɩ tẽw, nyɩ na tɩ ɩ gbãgbaar a.