Eziptɩ tẽw yib 13:2 - A SƐB-SÕW

² «De bʋ̃-dãw-dɔwra za a Ɩsɩrayɛl tẽw pʋɔ kʋ̀ m, bʋ̃ʋ n'ʋ vɛ̃, mãa so pɔw dɛbli-dãw za nɩ dʋ̃w bil-dãw za.»

Eziptɩ tẽw yib 13:2 ပူးပေါင်းရင်းမြစ်များ

Neemi 10:36

Yũon za mɩ̀ a, tɩ na mɩ́ wa n nɩ a tɩ tẽsɔw bʋ̃-dan nɩ a tɩ tɩ-wɔ̃-dan a tɩ Naaŋmɩn yir.

Neemi 10:37

Tɩ na mɩ́ de nɩ a tɩ bi-dãw-dɔwrɩ nɩ a tɩ dʋn bil-dãw-dɔwrɩ tɩr a be, mɛ̃ a lɛ a wulu na yel a. Tɩ na mɩ́ wa n nɩ a tɩ nĩi, a tɩ píir nɩ a tɩ bʋʋr bil-dãw-dɔwrɩ a tɩ Ŋmɩn-yir-kpɛ̃ɛ́ wa de a kʋ̀ a bàwr-maalbɛ na so a tome a Ŋmɩn-yir-kpɛ̃ɛ pʋɔ a.

Eziptɩ tẽw yib 13:1

A Sore tɩ ƴɛ̀r'ɩ a Moyiir zie yel à ŋá:

Eziptɩ tẽw yib 22:28

«A nyɩ ble nɩ a nyɩ divɛ̃ tɩɩr wɔmɛ al na ɩ a ɩ̃ sób a, nyɩ kʋ̃ nɩɩnɛ nɩ a ɩ̃ kʋ̀b ɛ. Nyɩ mɩ́ de a nyɩ bidɛb-dãw kʋ̀ m.»

Eziptɩ tẽw yib 23:19

Nyɩ na wa n nɩ a nyɩ tẽsɔw bʋ̃-dan wa kʋ̀ a mãa Sore nyɩ Naaŋmɩn, a ɩ̃ yir pʋɔ. Nyɩ kʋ̃ dʋw bʋle nɛn a ʋ mã bʋ̀rʋ pʋɔ ɩ.»

Eziptɩ tẽw yib 4:22

A lɛ n'a fʋ na yel ʋ: À ŋá n'a a Sore ƴɛ̀rɛ: “A Ɩsɩrayɛl nɩbɛ n'ɩ a ɩ̃ bidɛb-dãw.

Ezekɩɛl 16:20

Zerizalɛm i, fʋ de nɩ a bidɛbr nɩ a pɔwyaar fʋ na tɩ kʋ̀ m a, maal'ɩ bàwr kʋ̀ a ŋmɩn-bɛlɛbɛlɛ kɛ́ bɛ ɩ a bʋ̃-dɩrɩ! A na ɩ lɛ a, a fʋ pɔw-yɛm nyɔ-vʋʋrʋ bɛ tɩ man ɛ?

Ezekɩɛl 16:21

Fʋ kʋ n a ɩ̃ bibiir ɛ́ ƴãw bɛ nyɩw bɛ a fʋ ŋmɩn-bɛlɛbɛlɛ ƴãw!

Levitɩ mɩnɛ 27:26

«Nɩr kʋ̃ tʋ̃ɔ́ de a ʋ dʋ̃w kãw bil-dãw-dɔwra kʋ̀ a Sore ɩ, bʋ̃ʋ n'ʋ vɛ̃, a bil-dãw-dɔwrɩ za a, a náli, a bʋli bɩɩ a péli a, a Sore so a baarɩ.

Sɔr-nɛ́ɛ 18:15

Nyɩmɛ mɩ́ na pãa baa so a bʋ̃-dãw-dɔwrɩ za bɛ na mɩ́ de kʋ̀ m a, a nɩsaalbɛ bi-dãw-dɔwrɩ nɩ a dʋn bʋ̃-dãw-dɔwrɩ. Ɛcɛ nyɩ na mɩ́ ƴãw na bɛ ya de dɛbli-dãw-dɔwra za, nɩ dʋ̃-dɛwr bil-dãw za.

Sɔr-nɛ́ɛ 3:12

«Mãa mɩŋa n'ʋ kaa ír a levitɩ mɩnɛ a Ɩsɩrayɛl nɩbɛ pʋɔ, kɛ́ bɛ lɩɛrɩ a Ɩsɩrayɛl nɩbɛ bidɛb-dãw-dɔwrɩ. Mãa só a levitɩ mɩnɛ.

Sɔr-nɛ́ɛ 3:13

Bʋ̃ʋ n'ʋ vɛ̃, a ʋlɩ bibir nɛ ɩ̃ na kʋ a Eziptɩ tẽw bʋ̃-dãw-dɔwrɩ za a, ɩ̃ de nɩ a Ɩsɩrayɛl nɩbɛ bidɛb-dan nɩ a bɛ dʋn bil-dan za só bɛ. Mãa n'ɩ a Sore.»

Luka 2:23

mɛ̃ a lɛ bɛ na sɛb a Sore Wulu sɛbɛ pʋɔ a: «Pɔwsɩ-bie za na ɩ dɛble a, bɛ na de ʋ na kʋ̀ a Sore.»

Wulu-ayi-sob 15:19

A nyɩ nĩi, a nyɩ píir nɩ a nyɩ bʋʋr bil-dãw-dɔwra za na ɩ bʋ̃-daa a, nyɩ na de ʋ na kʋ̀ a Sore nyɩ Naaŋmɩn. A na ɩ à ŋá a, nyɩ bɛ tone nɩ a nyɩ nadɛr-dãw-dɔwra ɩ, nyɩ bɛ ŋmarɛ a nyɩ pʋr-dãw-dɔwra kɔblʋ ɛ.

Ebre 12:23

Nyɩ taw na pɩɛlɩ cuw-dɩrbɛ lãw, a Naaŋmɩn bi-dãw-dɔwrɩ a yée na sɛb a tẽ-vla pʋɔ a. Nyɩ taw na pɩɛlɩ a Naaŋmɩn na ɩ a nɩbɛ za ƴɛ̀r-maalɛ a, ɛ́ taw pɩɛlɩ a nɩ-mɩn bɛl na nyɛ̃ a vɩɛlʋ baarɩ a sɩ́ɩr.