Eziptɩ tẽw yib 11:4 - A SƐB-SÕW

⁴ A Moyiir tɩ yel'ɩ a Faarawɔ̃: «À ŋá n'a a Sore yere: “Alɛ wa manɛ a zie na bɩ põ-zɛ̃-taa a, ɩ̃ na tɔl'ɩ a Eziptɩ tẽw pʋɔ.

Eziptɩ tẽw yib 11:4 ပူးပေါင်းရင်းမြစ်များ

2 Samɩɛl 5:24

Fʋ̃ʋ wa wone cenu na cere a mikokuliye tɩɩr nyʋɔrɩ́ a, fʋ̃ʋ paw fɔ̃w, bʋ̃ʋ n'ʋ vɛ̃, a lɛn daar'a ɩ̃ na de fʋ niwn, a Filisɩtɛ̃ mɩnɛ zɛbr-nɩbɛ zɛb-tʋ̃ɔ́fʋ ƴãw.»

A Zɔb sɛbɛ 34:20

Bɛ mɩ́ wa ur'a kpi tɩ̃ɩsɔw-bɩ̃ɩn: a nɩbɛ mɩ́ gaarɩ na ɛ́ kʋ a tẽ-kaarbɛ, bɛ mɩ́ kʋ n a po-to-sob mɔlɛ mɔlɛ lɛ.

Sɛb-sõw yielu 60:10

Mowab n'ɩ a ɩ̃ kʋ̃ɔ-so-laa, ɩ̃ lɔb'ɩ a ɩ̃ nafaga dɔwlɩ a Edɔm tẽw zu. Ɩ̃ ŋmɩɛr'ɩ a zɛbr cɛl a Filisɩtɛ̃ tẽw ƴãw.»

Sɛb-sõw yielu 81:5

Bʋ̃ʋ n'ʋ vɛ̃, nʋɔr'ʋ ƴãw a Ɩsɩrayɛl nɩbɛ ƴãw, yel a Zakɔb Naaŋmɩn na yel a n'ʋ.

Eziptɩ tẽw yib 12:12

«Ɩ̃ na tɔl'ɩ a Eziptɩ tẽw pʋɔ a dɩ̃a tɩ̃ɩsɔw, kʋ a bʋ̃-dãw-dɔwrɩ za, a nɩsaalbɛ bi-dãw-dɔwrɩ lãwnɩ a dʋn bʋ̃-dãw-dɔwrɩ. À ŋá n'a a mãa, a Sore, ɩ̃ na dɔwrɩ a Eziptɩ tẽw ŋmɩmɛ.

Eziptɩ tẽw yib 12:23

A Sore na tɔl'ɩ a Eziptɩ dɔwrɩ a ʋ nɩbɛ. Ɛcɛ ʋlɛ wa nyɛ̃ a zɩ̃ɩ a dɩ̃dɔr dàar ayi zu nɩ a dɩ̃dɔr zu-sɔw dàa zu a, ʋ na tɔl'a ɛ́ bɛ sàw a Kʋ-pàw-pɛr kpɛ a nyɩ yie pʋɔ kʋ ɛ.

Eziptɩ tẽw yib 12:29

A zie na wa bɩ põ-zɛ̃-taa a, a Sore kʋ n a dãw-dɔwrɩ za a Eziptɩ tẽw, a Faarawɔ̃ bi-dãw-dɔwra nãá lɩɛr'ʋ dɩ a naalʋ a, lãwnɩ a nɩ-pàwra na be a gaso pʋɔ a bi-dãw-dɔwra, de nɩ a dʋn bʋ̃-dãw-dɔwrɩ.

Ɩzayi 42:13

A Sore waar'a mɛ̃ soja-gãdaa a, mɛ̃ zɛbr-nɩr na tʋlɛ a zɛbr ƴãw a. Ʋ ŋmɩɛr'ɩ a zɛbr cɛl, ʋ ɩrɛ nɩ gɔmɛ, ʋ ɩrɛ nɩ gãda-ɩb a ʋ dɔ̃ dem zie.

Amɔsɩ 4:10

«Ɩ̃ ƴãw nɩ bàal-faa nyɔw nyɩ mɛ̃ a ʋl na tɩ kʋ a dʋn a koro za a Eziptɩ tẽw a. Ɩ̃ kʋ n a nyɩ pɔ́lɛ́ nɩ zɛbr-sɔ-kpɛ̃ɛ ɛ́ fa a nyɩ wie, ɩ̃ ɩ n a nyɩ laɩ pʋɔ kũuni nyũu paalɩ a nyɩ nyɔbɔgɛ, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 5:17

A divɛ̃ tɩɩr póru za pʋɔ a, koe na be n be, a lɛn daar ɩ̃ nãà wa tɔlɛ a nyɩ sɔgɔ a.» A Sore n'ʋ yel.

Mise 2:13

A sob nɛ na puore a sɔ́r kʋ̀rɛ nyɩ a de nyɩ nɩ niwn. Bɛ faa nyɩ na, nyɩ fɩrfɩr'a tɔl yi. A Sore nyɩ nãà n'ʋ de nyɩ a niwn.»

Matie 25:6

A zie na wa bɩ põ-zɛ̃-taa a, bɛ wõ n cɛl: “A dɛb-sãan n'ɩ ŋan! Nyɩ yi tuor'ʋ!”