Eziptɩ tẽw yib 11:1 - A SƐB-SÕW

¹ A Sore tɩ yel'ɩ a Moyiir: «Ɩ̃ na ƴãw nɩ dɔwr-kpɛ̃ɛ pɛ-baara a Faarawɔ̃ nɩ a Eziptɩ tẽw nɩbɛ. Al pùorí a, ʋ na bɛr nyɩ na nyɩ cen, mɔ̃ mɩ̀, ʋ na diw nyɩ na, nyɩ kʋ̃ lɛb wa a ka ɩ.

Eziptɩ tẽw yib 11:1 ပူးပေါင်းရင်းမြစ်များ

Yele-za-pɛr-tib 15:14

Ɛcɛ a nɩ-bʋʋrɛ bɛl tome bɛ na tõ a, ɩ̃ na ƴãw bɛ nɩ dɔwrʋ, al pùorí a fʋ bʋʋrɛ yi a be nɩ na-bome yaga.

A Zɔb sɛbɛ 10:17

Fʋ mɩ́ zɛb'ɩ mɛ̃ na, zɩ̃ pɩ̃ɛnɩ zɛb'ɩ, fʋ mɩ́ lɛb'a bãw nyɛ̃ nɩ mɛ̃ suur ɛ́ sojarɩ lɩɛrɛ taa a ɩ̃ ƴãw.

Eziptɩ tẽw yib 12:29

A zie na wa bɩ põ-zɛ̃-taa a, a Sore kʋ n a dãw-dɔwrɩ za a Eziptɩ tẽw, a Faarawɔ̃ bi-dãw-dɔwra nãá lɩɛr'ʋ dɩ a naalʋ a, lãwnɩ a nɩ-pàwra na be a gaso pʋɔ a bi-dãw-dɔwra, de nɩ a dʋn bʋ̃-dãw-dɔwrɩ.

Eziptɩ tẽw yib 3:20

Lɛ so ɩ̃ na zɛw nũu ŋmɛ n a Eziptɩ, nɩ a nɔ-ɓãa-yele za ɩ̃ na na maalɩ a ʋ pʋɔ a. Al pùorí, a nãà na bɛr nyɩ na nyɩ cen.

Eziptɩ tẽw yib 6:1

A Sore tɩ sɔw nɩ a Moyiir: «Ƴɛrɛŋa a, fʋ na nyɛ̃ nɩ a ʋlɩ bom nɛ ɩ̃ na na ɩ a Faarawɔ̃ a. A ɩ̃ kpãkpãw-kpɛ̃w na fɛr ʋ na, ʋ bɛr a Ɩsɩrayɛl nɩbɛ bɛ cen: mɔ̃ mɩ̀, a ɩ̃ kpãkpãw-kpɛ̃w na ɩ na ʋ diw bɛ a ʋ tẽw pʋɔ!»

Eziptɩ tẽw yib 9:14

Bʋ̃ʋ n'ʋ vɛ̃, ƴɛrɛŋa ʋl a, ɩ̃ na ƴãw fʋ nɩ dɔwrʋ bʋʋrɛ za, a fʋ̃ʋ nɩ a fʋ tõ-tõ-nɩ-bɛrɛ nɩ a fʋ nɩbɛ. A lɛ pʋɔ a, fʋ na bãw na kɛ́ nɩr bɛ ŋmɛ̃ taa nɩ mɛ̃ a tẽw zu ɛ.

Levitɩ mɩnɛ 26:21

Nyɩmɛ bɛ wa bɛrɛ wone a ɩ̃ ƴɛ̀rʋ, zawrɩ a ɩ̃ tub a, ɩ̃ na bãwnɩ nɩ a nyɩ yel-bebe, dɔwrɩ nyɩ gb'a ayopõi dɔwlɩ.

Wulu-ayi-sob 4:34

Bɩɩ ŋmɩn kãw wa na wa ír nɩ-bʋʋrɛ a ʋ ƴãw, nɩ-bʋʋr-yoru sɔgɔ ɔ? Ʋ̃ʋ'hʋ̃! Ɛcɛ a Sore nyɩ Naaŋmɩn ʋl ɩ n a lɛ a nyɩ ƴãw, a nyɩ mimirí. Alɛ so ʋ tɩ ɩ a Eziptɩ tẽw dem nyɛ̃ kpɩɛrʋ, ʋ tɩ maalɩ yel-bɛ-dãw-nyɛrɩ nɩ nɔ-ɓãa-yele, ʋ tɩ tõ gãda-tome na ɩrɛ dɛ̃bɩ̃ɛ a.

Yel-wula 16:9

Tʋlʋ na bɛ dɩ vuo a tɩ dɩ n a nɩsaalbɛ. Bɛ tɩ tʋ n a Naaŋmɩn yúor zʋmɛ, a Naaŋmɩn na tɛr fãw a bʋ̃-faar á ŋá zu a, ɛcɛ, bɛ bɛ tɩ lɩɛbɩ a bɛ ɩb zɛw a ʋ yúor ɛ.

1 Samɩɛl 6:4

A Filisɩtɛ̃ mɩnɛ tɩ sowr'a: «Bʋ̃ʋ n'ʋ tɩ na tɩr?» A bàwr-maalbɛ nɩ a bàwr-bʋwrbɛ sɔw à ŋá: «Mɛ̃ a lɛ a Filisɩtɛ̃ na-mɩnɛ na ɩ na-mɩnɛ anũu a, nyɩ tɩr salm-zɩɛ bome anũu na ŋmɛ̃ mɛ̃ a mãsuwe a, nɩ salm-zɩɛ 'wɔn anũu, bʋ̃ʋ n'ʋ vɛ̃, bʋ̃-faa been n'ʋ páw a nyɩ za, a nyɩɩm nɩ a nyɩ na-mɩnɛ.