Eziptɩ tẽw yib 10:3 - A SƐB-SÕW

³ A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Eziptɩ tẽw yib 10:3 ပူးပေါင်းရင်းမြစ်များ

1 Na-mɩnɛ 18:21

A Eli tɩ taw na ta a nɩbɛ za niŋé ɛ́ yel à ŋá: «Debor daar'a nyɩ na mɩ́ ƴaw gol gbɛ́r ŋa zu, ɛ́ lɛb ƴaw gol gbɛ́r ŋa zu tɩ ta? A Sore wa n'ɩ a Naaŋmɩn a, nyɩ puore ʋ! Báàl wa n'ɩ a Naaŋmɩn a, nyɩ puore ʋ!» Ɛcɛ a nɩbɛ pʋɔ a, nɩr za bɛ tɩ sɔw ʋ ɛ.

1 Na-mɩnɛ 21:29

«Fʋ nyɛ̃ nɩ a lɛ a Akab na siwri ʋ tʋɔra a ɩ̃ niŋé sɛw a? Ʋ na siwri ʋ tʋɔra à à ŋá a ɩ̃ niŋé a, ɩ̃ bɛ ɩrɛ a faa páwr a ʋ yir, a ʋ cãafʋ daar ɛ. A ʋ bidɛb daar'a ɩ̃ na ɩ a faa páw a ʋ yir.»

2 Na-mɩnɛ 22:19

A dam'ɩ a fʋ socir, fʋ siwri nɩ fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú. Bʋ̃ʋ n'ʋ vɛ̃, ɩ̃ yel'a k'aa tẽ-kpɛ̃ɛ ŋa na lɩɛb'ɩ wɛja-kpalɛ, nɩ zie bɛ na ŋmɛ ƴãw a. Fʋ taw nɩ a fʋ kparɩ cɩɛrɩ ɛ́ kõ a ɩ̃ niŋé. A na ɩ à ŋá a, a mãa mɩ̀ a, ɩ̃ wõ n a fʋ ƴɛ̀rʋ, mãa n'ʋ yere.

2 Bibie za yel-manɩ 33:12

A ʋ kpɩɛrʋ pʋɔ a, a Manase tɩ lɔb'ɩ nuru zɛlɩ nɩ a Sore ʋ Naaŋmɩn: ʋ tɩ sàw nɩ a ʋ sãwna a ʋ sãà mɩnɛ Naaŋmɩn niŋé,

2 Bibie za yel-manɩ 33:19

A ʋ puoru nɩ a lɛ a Naaŋmɩn na sàw de a a, a ʋ yel-bebe nɩ a lɛ za ʋ na zawrɩ a Naaŋmɩn bɛr a, a ziir al ʋ na ƴãw a maalʋ-ziir, ɛ́ bà dà-barɩ nɩ ŋmɩmɛ dasuli ɛ́ wa bãw sàw a ʋ sãwna a Naaŋmɩn niŋé a, a za sɛb'a ƴãw a Hozaɩ ɩ-ɩrɩ sɛbɛ pʋɔ.

2 Bibie za yel-manɩ 34:27

A dam'ɩ a fʋ socir, fʋ siwri fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú, fʋ taw nɩ a fʋ kparɩ cɩɛrɩ ɛ́ kõ cir mʋta-kʋ̃ɔ. A na ɩ à ŋá a, a mãa mɩ̀ a, ɩ̃ wõ n a fʋ dem, mãa n'ʋ yere kʋ̀rɛ fʋ,

2 Bibie za yel-manɩ 7:14

a lɛn daar a, a ɩ̃ nɩ-bʋʋrɛ, a nɩ-bʋʋrɛ bɛl ɩ̃ na kʋ̀ a ɩ̃ yúor a, bɛlɛ wa siwri bɛ tʋɔra ɛ́ puore a, bɛlɛ wa bɔbr mɛ̃, ɛ́ zawrɩ a bɛ ɩ-faar bɛr a, a mãa, ɩ̃ na be n a salom zu ɛ́ bɛr wõ bɛ, ɩ̃ na dɩ n a bɛ yel-bebe suur kʋ̀ bɛ, ɛ́ lɛb maalɩ a tẽw ƴãw.

A Zɔb sɛbɛ 42:6

Lɛ so, ɩ̃ lɩɛb'ɩ a ɩ̃ ƴɛ̀rʋ ɩ̃ na tɩ ƴɛ̀r a bɛr, ɩ̃ sàw nɩ a ɩ̃ sãwna, ɛ́ siwre ɩ̃ tʋɔra zɩ̃ a tanɛ pʋɔ nɩ a tãpɛlʋ pʋɔ.

Eziptɩ tẽw yib 10:4

Fʋ̃ʋ wa cãà zawrɩ na bɛr a ɩ̃ nɩbɛ bɛ cen a, bio tɛwr, ɩ̃ na ɩ na sãsoge wa a fʋ tẽw pʋɔ.

Eziptɩ tẽw yib 16:28

A Sore tɩ yel'ɩ a Moyiir: «Debor'a nyɩ na zawrɩ a ɩ̃ nɛ-ƴãwnɩ nɩ a ɩ̃ wulu tɩ ta?

Eziptɩ tẽw yib 4:23

Ɩ̃ yel'a kʋ̀ b kɛ́ fʋ bɛr bɛ bɛ cen tɩ maalɩ mɛ̃, fʋ zawrɩ. A na ɩ à ŋá a, ɩ̃ na kʋ n a fʋ bidɛb-dãw”.»

Eziptɩ tẽw yib 5:1

Al pùorí, a Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ɩsɩrayɛl Naaŋmɩn ƴɛ̀rɛ: “Bɛr a ɩ̃ nɩbɛ bɛ cen a wɛja-kpalɛ pʋɔ tɩ maalɩ cuw a ɩ̃ ƴãw”.»

Eziptɩ tẽw yib 9:17

Fʋ nyɛ̃ a na, ɛ́ cãà bɛ sàw na bɛr a ɩ̃ nɩbɛ bɛ cen ɛ.

Zʋkpaɩ 1:22

«A nyɩɩm na bɛ bãw bom za a, debor'a nyɩ na nɔ̃w a nyɩ bom bɛ-bãwfʋ tɩ ta? A nyɩɩm nɩ-ɩ-laarbɛ, debor'a nyɩ na ɩ m la tɩ ta? A nyɩɩm dãbole, debor'a nyɩ na zawrɩ a bãwfʋ bɛr tɩ ta?

Zʋkpaɩ 1:24

Ɩ̃ bʋɔlɛ nyɩ na ɛ́ nyɩ bɛ sàwr ɛ, ɩ̃ ture nyɩ nɩ a nũu ɛ́ nɩr za bɛ cɛlɛ be ɩ.

Zʋkpaɩ 18:12

A nɩsaal pɔ̀lʋ mɩ́ wɩɛr'ɩ ʋ nɩ a ʋ loba zie. A tʋɔra-siwru pùorí n'a fʋ mɩ́ nyɛ̃ ƴãwfʋ.

Ɩzayi 1:5

Nyɩn lowr'a bɛ na lɛb ŋmɛ nyɩ, nyɩɩm na cãà gaarɩ a? A zu ɩ n natɩɛ ʋ za, a socir za ɩ n bàal.

Ɩzayi 2:11

A nɩsaal na mɩ́ jɩ́r a pɔ̀l-jɩ́rʋ a, a na fɛr'a ʋ mɩ́ jɩ́r pile, ɛ́ a fɛr a pɔ̀lʋ sob ʋ gũu zu. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 13:18

Yel kʋ̀ a nãà nɩ a nãà mã: «Nyɩ zɩ̃ tẽw, bʋ̃ʋ n'ʋ vɛ̃, a nyɩ nãà-kpawɔ-vla yi n a nyɩ zũú lo.

Zeremi 50:29

Nyɩ bʋɔlɩ a tam-tɛbrbɛ za ɓã taa, nyɩ ɩ bɛ cen a Babɩlɔn tẽw dem ƴãw. Nyɩ maalɩ laɩ jil koli ʋ, nyɩ ta bɛr ʋ cɩ̃ɛ ɩ, nyɩ ya ʋ manɩ a ʋ tome. A lɛ ʋ na ɩ a ʋ taabɛ a, nyɩ mɩ̀ ɩ ʋ a lɛ. Ʋ ɩ n pɔ̀l-ɩb a Sore zie, a Ɩsɩrayɛl Naaŋmɩn na ɩ sõw a zie.

Ezekɩɛl 5:6

A ʋ kpɩɛrbɛ zawr'ɩ a tub nɩ a wulu ɩ̃ na tɩ kʋ̀ bɛ a. Bɛ maal'ɩ faa zuo a nɩ-bʋʋr-yoru a ten al na viiri koli bɛ a pʋɔ. Bʋ̃ʋ n'ʋ vɛ̃, bɛ zawr'ɩ a ɩ̃ tub nɩ a ɩ̃ wulu bɛr, bɛ bɛ tu a ɩ.

Sɔr-nɛ́ɛ 14:27

«Ɩ̃ wõ n a Ɩsɩrayɛl nɩbɛ na zɛbr'ɩ mɛ̃ a. Debor daar'a a lãw-faa ŋa nɩbɛ na zɛb'ɩ mɛ̃ tɩ ta?

Ʋrɔm 2:4

Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ?

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Zakɩ 4:10

Nyɩ siwre nyɩ tʋɔra a Sore niŋé, ʋʋ na zɛw nyɩ na.

1 Pɩɛr 5:6

A na ɩ à ŋá a, nyɩ siwri nyɩ tʋɔra a Naaŋmɩn kpɛnʋ-za-sob zie, ʋ tʋ̃ɔ́ zɛw nyɩ a daar ʋl ʋ na ƴãw a nãà wa ta a.