Eziptɩ tẽw yib 10:2 - A SƐB-SÕW

² Lɛ n'a fʋ mɩ̀ na tʋ̃ɔ́ manɩ kʋ̀ a fʋ bibiir nɩ a fʋ yan, a lɛ ɩ̃ na ɩ a Eziptɩ tẽw dem a, nɩ a lɛ ɩ̃ na maalɩ a ɩ̃ nɔ-ɓãa-yele a bɛ sɔgɔ a. À ŋá n'a nyɩ na bãw kɛ́ mãa n'ɩ a Sore.»

Eziptɩ tẽw yib 10:2 ပူးပေါင်းရင်းမြစ်များ

2 Samɩɛl 7:22

Fʋ sɩrɩ na ɩ kpɛ̃ɛ, Sore Naaŋmɩn i! Fʋ bɛ tɛr fʋ tɔ ɩ, ɛ́ Naaŋmɩn bɛ be be a bɛ ɩ a fʋ̃ʋ ɛ, mɛ̃ a lɛ tɩ na wõ bɛ yere a kʋralɛ a.

Sɛb-sõw yielu 44:1

Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Koore bibiir yielu na wule yã a.

Sɛb-sõw yielu 44:2

Naaŋmɩn i, tɩ wõ n nɩ tobr, a tɩ sãà mɩnɛ manɩ kʋ̀ tɩ a tome fʋ na tõ a bɛ daar a koro koro za a.

Sɛb-sõw yielu 58:11

A nɩ-mɩŋa na nyɛ̃ nɩ a san a Naaŋmɩn na yáa a, ɛ́ cɩlɛ, ʋ na 'lɔr'ɩ a ʋ gbɛ́ɛ a nɩ-faa zɩ̃ɩ pʋɔ.

Sɛb-sõw yielu 71:18

Dɩ̃a ɩ̃ na kor pɛlɩ zu a, Naaŋmɩn i, taa zawrɛ mɛ̃ bɛrɛ ɩ, lɛ n'a ɩ̃ na tʋ̃ɔ́ manɩ a fʋ fãw tome kʋ̀ a dɩ̃a pɔlbili nɩ a bibiir na na dɔw a.

Sɛb-sõw yielu 78:3

Bɛ manɩ nɩ a koro za yele tɩ wõ, tɩ bãw a na. A tɩ sãà mɩnɛ man a na kʋ̀ tɩ.

Eziptɩ tẽw yib 13:14

A nyɩ bibiir wa sowre nyɩ nɩdaar kãw: “Bʋnʋ ƴãw n'a nyɩ mɩ́ ɩ à à ŋá?” Nyɩɩm sɔw bɛ: “A Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ, a be tɩ na tɩ ɩ gbãgbaar a.

Eziptɩ tẽw yib 14:18

A Eziptɩ tẽw nɩbɛ na bãw na kɛ́ mãa n'ɩ a Sore, a lɛn daar ɩ̃ nãà wa tʋ̃ɔ́ a Faarawɔ̃, a ʋ zɛbr-torkori nɩ a ʋ wi-zɔmnbɛ pẽlẽpẽlẽ, wul a ɩ̃ yúor-vɩɛlʋ-danʋ a.»

Eziptɩ tẽw yib 14:4

Ɩ̃ na ɩ na a Faarawɔ̃ kpãa tobr diwr bɩ́ɛrɛ nyɩ. Lɛ n'a ɩ̃ na tʋ̃ɔ́ ʋ pẽlẽpẽlẽ, ʋlɛ nɩ a ʋ zɛbr-nɩbɛ za. À ŋá n'a ɩ̃ na ɩ a ɩ̃ yúor-vɩɛlʋ-danʋ ʋ sãá, ɛ́ a Eziptɩ tẽw dem bãw kɛ́ mãa n'ɩ a Sore.» A Ɩsɩrayɛl nɩbɛ tɩ ɩ n a lɛ.

Eziptɩ tẽw yib 7:17

A lɛ n'a so a Sore yere kɛ́ ƴɛrɛŋa ʋl a, fʋ na bãw na ãa na n'ʋ a. Ɩ̃ na ŋmɛ n a Nɩl kʋ̃ɔ nɩ a dabɔl ɩ̃ na ƴãw a nũú a, a lɩɛbɩ zɩ̃ɩ.

Eziptɩ tẽw yib 7:5

A Eziptɩ tẽw dem na bãw na kɛ́ mãa n'ɩ a Sore, a lɛn daar ɩ̃ nãà wa zɛw a nũu a bɛ ƴãw, k'ɩ̃ɩ ɩ a Ɩsɩrayɛl nɩbɛ yi zaa a bɛ tẽw pʋɔ a.»

Eziptɩ tẽw yib 8:6

A nãà sɔw: «Bio.» A Moyiir yel: «Ɩ̃ na ɩ na mɛ̃ a lɛ fʋ na zɛlɩ a, fʋ tʋ̃ɔ́ bãw kɛ́ nɩr bɛ ŋmɛ̃ taa nɩ a Sore tɩ Naaŋmɩn ɛ.

Ɩzayi 38:19

A nɩ-vʋʋrɩ tɛwr nɛbɛ na tʋ̃ɔ́ íre a fʋ yúor mɛ̃ a mãa a dɩ̃a a. A sãà mɩnɛ na ɩ na a bɛ bibiir bãw a fʋ pùor-bɛ-lɛbrʋ.

Ezekɩɛl 20:26

Ɩ̃ tɩ bɛr bɛ na bɛ ɩ dɛwr dem. Bʋ̃ʋ n'ʋ vɛ̃, bɛ tɩ cɔbr'ɩ de-kʋ̀b bome na tɩ fɛr bɛ bɛ kʋ a bɛ bidɛb-dan a. Ɩ̃ tɩ bɔbr'a kɛ́ dɛ̃bɩ̃ɛ kpɛ a bɛl mɩŋa a lɛ bɛ na tɩ ɩrɛ a zũú. Lɛ n'a bɛ tɩ bãw kɛ́ mãa n'ɩ a Sore.»

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Zowɛl 1:3

Nyɩ manɩ a yel ŋa kʋ̀ a nyɩ bibiir, a nyɩ bibiir mɩ̀ man ʋ kʋ̀ a bɛ bibiir, a bɛ bibiir mɩ̀ man ʋ kʋ̀ a nɩbɛ nãà wa dɔw tu a.

Efɛɛzɩ 6:4

Nyɩɩm dɔwrbɛ ɛ, nyɩ ta gaarɛ a nyɩ bibiir bɛrɛ ɩ, nyɩ guole bɛ nɩ wulu nɩ kpaalʋ na yi a Sore zie a.

Wulu-ayi-sob 4:9

Ɛcɛ nyɩ gùre nyɩ tʋɔra, nyɩ maal cɛlɛ be taa yiire a yele nyɩ na nyɛ̃ nɩ mimir a bɛrɛ ɩ. A yele á ŋá taa wa yire zaarɛ a nyɩ tɩɛrʋ pʋɔ a nyɩ nyɔ-vʋʋrʋ daar za ɩ. Nyɩ nɩ̃ɛ vɛ̃ kɛ́ manɛ a kʋ̀rɛ a nyɩ bibiir nɩ a nyɩ yan.