Ekilezɩasɩ 1:3 - A SƐB-SÕW

³ Bʋ̃ʋ tɔnɛ n'a a nɩsaal pãa mɩ́ páw a ʋ tẽw zu ka tõ-kpɛn pʋɔ a?

Ekilezɩasɩ 1:3 ပူးပေါင်းရင်းမြစ်များ

Ekilezɩasɩ 2:11

Lɛ n'a ɩ̃ tɩɛrɩ a ɩ̃ tome za kaa, ɛ́ nyɛ̃ a bàlʋ ɩ̃ na bàl ɩ̃ tʋɔra tõ a a. Ɛcɛ nyɛ̃, à á ŋá za ɩ n bàlʋ zawla nɩ sɛsɛb diwfʋ. A nɩsaalbɛ bɛ nyɛrɛ tɔnɛ kãw za a bɛ tẽw zu ka nyɔ-vʋʋrʋ pʋɔ ɩ.

Ekilezɩasɩ 2:18

Ɩ̃ bɛ nɔnɛ a hanʋ al za ɩ̃ na hanɩ a tẽw zu ka a ɩ. Bʋ̃ʋ n'ʋ vɛ̃, ɩ̃ na bɛr'ɩ a bome al ɩ̃ na páw a kʋ̀ a sob nɛ na na lɩɛrɩ mɛ̃ a.

Ekilezɩasɩ 2:19

Ʋ na ɩ n yã-bãwnɛ bɩɩ dabol sob? Ãa n'ʋ na tʋ̃ɔ́ bãw? Ɛcɛ ʋ na so nɩ a ɩ̃ bom za ɩ̃ na tõ n yã-bãwfʋ páw a tẽw zu ka a. A yel ŋa mɩ̀ ɩ n bàlʋ zawla!

Ekilezɩasɩ 2:22

À na ŋmɛ̃ à ŋá a, bʋ̃ʋ tɔnɛ n'a a nɩsaal mɩ́ páw a tẽw zu ka, a tome nɩ a ʋ mɩŋa bàlʋ za pʋɔ?

Ekilezɩasɩ 3:9

Bʋ̃ʋ tɔnɛ n'a a tõ-tone mɩ́ páw a hanʋ ʋ na mɩ́ hanɩ tõ a pʋɔ?

Ekilezɩasɩ 4:3

Ɛcɛ a sob nɛ na bɛ dɔw sɛr a tɛr'ɩ zu-nʋ̃ɔ̀ zuo a nɩ-kũuni nɩ a nɩ-vʋʋrɩ, ʋ na bɛ nyɛ̃ a ɩ-faar na ɩrɛ a tẽw zu ka a zũú.

Ekilezɩasɩ 4:7

Yel ŋa n'ʋ ɩ̃ lɛb nyɛ̃ a tẽw zu ka ʋ ɩ bàlʋ zawla:

Ekilezɩasɩ 5:16

Lɛb waar mɩ̀, a ʋ nyɔ-vʋʋrʋ daar za a, ʋ nyɛ̃ nɩ niw-sʋba yaga nɩ pʋ-sãwna, suur nɩ a kanyir na baarɩ a.

Ekilezɩasɩ 5:18

Lɛb waar mɩ̀, Naaŋmɩn na tʋ̃ɔ́ na kʋ̀ nɩr naalʋ nɩ tɛra, ɩ ʋ so a dɩrɛ, íre a tome tɔnɛ wone nɩ nʋ̃ɔ̀. Naaŋmɩn bʋ̃-kʋ̀ra n'ʋ.

Ekilezɩasɩ 6:12

A nɩsaal mɩ́ vʋʋr'a tɔl fɔ̃w zuo mɛ̃ a ɓaarʋ a. Ãa n'ʋ bãw bom nɛ na vɩɛl a ʋ zie, a ʋ bibie za nyɔ-vʋʋr-ŋmãa ŋa pʋɔ a? Nɩr za kʋ̃ yel bom nɛ na na ɩ a tẽw zu ka a kʋ̀ ʋ a ʋ pùorí ɛ.

Ekilezɩasɩ 7:11

A yã-bãwfʋ vɩɛl'a mɛ̃ gbã-dɩ-bom a, ɛ́ a nɩbɛ za nyɛrɛ nɩ tɔnɛ a ʋ pʋɔ.

Ekilezɩasɩ 9:13

Ɩ̃ lɛb'a nyɛ̃ a yã-bãwfʋ kãw a tẽw zu ka, ʋ ɩ n yel na ƴãwnɛ mɛ̃ tɩɛrʋ a.

Ekilezɩasɩ 9:3

A yel-been na n'ʋ mɩ́ ta a nɩbɛ za a, ʋ ɩ n yel-faa na be a yele za na ɩrɛ a tẽw zu ka a pʋɔ. Alɛ n'a so a nɩsaalbɛ socie paalɩ a yel-faar tɛwr, ɛ́ bɛ mɩ́ ɩ dãbole a bɛ nyɔ-vʋʋrʋ daar za. Al pùorí bɛ kpi.

Ekilezɩasɩ 9:6

A bɛ nɔ̃wfʋ, a bɛ hɩ̃ɛnʋ, a bɛ nyuur lãwnɩ bɛ na bɔr. Bɛ bɛ be za na lɛb pʋɔ yel kãw za na ɩrɛ a tẽw zu ka a pʋɔ ɩ.

Ɩzayi 55:2

Bʋnʋ ƴãw n'a nyɩ na íre libir bom na bɛ guole a ƴãw? Bʋnʋ ƴãw n'a nyɩ na bàlɛ nyɩ tʋɔra bom na bɛ tɩwr a ƴãw? Nyɩ bɛrɛ wone mɛ̃ vla, ɛ́ nyɩ na páw nɩ bʋ̃-vɩɛlɩ dɩ, nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.

Habakukɩ 2:13

Alɛ so, vũu so a nɩ-bʋʋrɛ tome na dɩ, ɛ́ a ten ten nɩbɛ bàlɛ bɛ tʋɔra zawla. À á ŋá za a, a Sore kpɛnʋ-za-sob zie bɛ n'a a yi ɛ?

Habakukɩ 2:18

A tɩbɛ yel-ɩra n'ɩ bo a tɩɩb-maalɛ na mɩ́ maal'a bin a? Kure bʋ̃-maalɩ na mɩ́ ŋmarɛ ziri bɛ mɩ́ sàw de a tɛwr'a. Bʋ̃ʋ ƴãw n'a a nɩsaalɛ na mɩ́ ƴãw a ʋ tɩɛrʋ, a tɩbɛ á ŋá ƴãw na bɛ tɛr nʋɔr ƴɛ̀rɛ, ɛ́ ɩ ʋl mɩŋa n'ʋ maal'a a?

Matie 16:26

Bʋnʋ tɔnɛ n'a a nɩsaal na nyɛ̃, ʋlɛ wa páw a tẽ-daa za ɛ́ a ʋ nyɔ-vʋʋrʋ bɔr a? Bɩɩ bʋ̃ʋ n'ʋ a nɩsaal na tʋ̃ɔ́ tɩr ya de nɩ a ʋ nyɔ-vʋʋrʋ?

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

1 Korɛ̃tɩ 16:16

Lɛ so, nyɩ sàwr a nɩbɛ bɛ ŋa taabɛ nʋɔr, nɩ a bɛlɩ dem za na lãw nɩ bɛ tone ɛ́ hanɛ a.