Efɛɛzɩ 6:9 - A SƐB-SÕW

⁹ Ɛ́ nyɩɩm na so a gbãgbaar a, nyɩ mɩ̀ ɩrɛ a lɛ a bɛ zie. Nyɩ bɛr a bɛ tanʋ. Nyɩ bãwnɩ a na, nyɩɩm nɩ a bɛl za Sore be n a saa-zu, ɛ́ ʋl bɛ tɛr owru kãw za a nɩsaalbɛ ƴãw ɛ.

Efɛɛzɩ 6:9 ပူးပေါင်းရင်းမြစ်များ

Neemi 5:5

Ɛcɛ tɩ za ɩ n nɩ-bʋʋr-been! Ɛ́ a tɩ bibiir nɩ a bɛ bibiir za ɩ been! Ɛcɛ a mɩ́ fɛr'a tɩ de a tɩ bibiir tɩr bɛ ɩ gbãgbaar. A tɩ pɔwyaar bɛ mɩnɛ ɩ n a gbãgbaar baarɩ, a bɛ tɛr tɩ ɩb ɛ, bʋ̃ʋ n'ʋ vɛ̃, nɩ-yoru so nɩ a tɩ póru nɩ a tɩ divɛ̃ tɩɩr póru baarɩ.»

A Zɔb sɛbɛ 34:19

Ʋl yõ n'ʋ bɛ mɩ́ kpɛ a nɩ-bɛrɛ ɩ, ɛ́ bɛ mɩ́ ƴãw a tɛra sob zuo a nã́w sob ɛ, bʋ̃ʋ n'ʋ vɛ̃, bɛ za ɩ n a ʋ nuru bʋ̃-maalɩ.

Sɛb-sõw yielu 140:12

A gɛgɛrɩ kʋ̃ kpɛ a tẽw ɛ, ɛ́ a faa na tuur'ɩ a po-to-fãw sob kʋralɛ!

Ekilezɩasɩ 5:8

A nɩbɛ za so a tẽsɔw tɔnɛ. A nãà tɔr za tɛr'ɩ a póru tome yel-ɩra.

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Levitɩ mɩnɛ 19:13

«Nyɩ taa nɛbr nɩr za ɩ, ɛ́ taa zure bom za ɩ. Nyɩ ta tɛr a tõ-tõ-bie sã-ya tɩ dãw nɩ bio ɛ.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Matie 22:10

A ʋ tõ-tõ-biir tɩ yi n a sɛ́ɛ pʋɔ tɩ bʋɔlɩ a bɛlɩ dem za bɛ na nyɛ̃ a ɓã taa, a nɩ-faar lãwnɩ a nɩ-vɩɛlɩ. Lɛ n'a a cuw dĩo tɩ paalɩ a cuw-dɩrbɛ.

Matie 22:8

Al pùorí, ʋ yel a ʋ tõ-tõ-biir: “A kul-taa cuw dɩb cɔbr'a baarɩ, ɛcɛ a nɩbɛ ɩ̃ na bʋɔlɩ a, bɛ tɩ sɛw taa nɩ ɛ.

Matie 24:48

Ɛcɛ ʋlɛ wa ɩ tõ-tõ-bi-faa a, ʋ na tɩɛr'ɩ ʋ pʋɔ: “A ɩ̃ zu-sob bɛ lɛbr waar fɔ̃w ɛ”,

Matie 24:51

Ʋ na diw ʋ na bɛr, ɛ́ ƴãw ʋ nɩsaal-libelibe pʋɔ, be n'a kon na kone 'wɔbr'ɩ nyɩmɛ.»

Matie 7:12

A na ɩ lɛ a, bom nɛ za nyɩ na bɔbr k'aa nɩbɛ ɩrɛ a nyɩ zie a, nyɩ mɩ̀ ɩrɛ a bɛ zie: a Wulu na be a Moyiir wulu sɛbɛ pʋɔ nɩ a naaŋmɩn-ƴɛ̀r-manbɛ sɛbr pʋɔ a n'ɩ à ŋà.»

Luka 6:31

A lɛ nyɩ na bɔbr kɛ́ a nɩbɛ ɩrɛ a nyɩ zie a, nyɩ mɩ̀ ɩrɛ a lɛ a bɛ zie.

Zã 13:13

Mɛ̃ nyɩ taa bʋɔlɛ mɛ̃ Wul-wul-kara nɩ Sore: yel-mɩŋa n'a nyɩ mɩ́ yel: ɩ̃ ɩ ʋ nɩ sɩza.

Nɩ-toni 10:34

Lɛ n'a a Pɩɛr pãa tɩ de a ƴɛ̀rʋ yel: «Ɩ̃ pãa nyɛ̃ nɩ yel-mɩŋa kɛ́ Naaŋmɩn bɛ owre a nɩbɛ a ʋ ɩb pʋɔ ɩ:

Ʋrɔm 2:11

Naaŋmɩn sɩrɩ bɛ mɩ́ kpɛ ŋa ɛ́ bɛr ŋa ɩ.

1 Korɛ̃tɩ 1:2

Nyɩɩm na ɩ a Naaŋmɩn Lãw-yir be a Korɛ̃tɩ a, nyɩɩm na páw a sonu lãwnɩ a Kɩrɩta Yeezu a, nyɩɩm bɛ na bʋɔlɛ nɩ-son lãwnɩ a bɛlɩ dem za na bʋɔlɛ a tɩ Sore Yeezu Kɩrɩta yúor zie nɛ za bɛ na be a, ʋl na ɩ a tɩɩm nɩ a bɛl za Sore a, nyɩ za nɛbɛ ɩ̃ sɛbr.

1 Korɛ̃tɩ 7:22

Bʋ̃ʋ n'ʋ vɛ̃, a gbãgbaa a Sore na bʋɔlɩ a, ʋ lɩɛb'ɩ nɩr a Sore na faa ɛ́ so ʋ a. Lɛ mɩ̀ n'a, a sob nɛ na so ʋ tʋɔra ɛ́ a Sore bʋɔl'ʋ a, ʋ ɩ n a Kɩrɩta gbãgbaa.

Wulu-ayi-sob 10:17

Bʋ̃ʋ n'ʋ vɛ̃, a Sore nyɩ Naaŋmɩn n'ɩ a ŋmɩmɛ za Naaŋmɩn, a sorbɛ za Sore, a Naaŋmɩn na ɩ kpɛ̃ɛ a, na kpɛmɛ ɛ́ bɛ tɛr dɩ̃ɛnʋ a. Ʋ bɛ owre ɩ, ɛ́ bɛ sàwr bɛ ŋmɩɛr ʋ nʋɔr ɛ.

Kɔlɔsɩ 3:25

Nɩr za na maalɛ faa a na páw nɩ a faa sã-ya, owru bɛ ka be ɩ.

Kɔlɔsɩ 4:1

Nɩ-bɛrɛ ɛ, nyɩ kaarɛ a nyɩ gbãgbaar zie nɩ yel-mɩnʋ nɩ a lɛ a na sɛw a, ɛ́ mɩ̀ bãwnɩ a nyɩ na tɛr Nɩ-kpɛ̃ɛ a salom zu a.

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Zakɩ 2:8

Nyɩmɛ wa sɩrɩ sàwr a Nãà ŋa nʋɔr mɛ̃ a lɛ a Sɛb-sõw na yel a: «Fʋ na nɔnɛ nɩ a fʋ tɔ sob mɛ̃ a fʋ mɩŋa a», nyɩ ɩrɛ nɩ vla.

Zakɩ 5:4

A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ.

1 Samɩɛl 15:17

A Samɩɛl yel: «Fʋ na saa nyɛ̃ fʋ bɛ zɛ̃ bom a fʋ mɩŋa zie a, fʋ̃ʋ bɛ n'ɩ a Ɩsɩrayɛl dɔwlʋ nɩ-kpɛ̃ɛ ɩ? A Sore ka n nũu ƴãw fʋ, fʋ ɩ a Ɩsɩrayɛl nãà.