Efɛɛzɩ 6:6 - A SƐB-SÕW

⁶ Nyɩ ta ɩrɛ à à ŋá bɛ na piwre nyɩ a zũú ɛ, mɛ̃ nyɩ bɔbr'a kɛ́ nyɩ ɩrɛ a pɛlɩ nɩsaalbɛ pʋɔ a ɩ. Ɛcɛ nyɩ ɩrɛ mɛ̃ Kɩrɩta gbãgbaar na páwr a Naaŋmɩn pʋ-tɩɛrʋ maalʋ ƴãw a.

Efɛɛzɩ 6:6 ပူးပေါင်းရင်းမြစ်များ

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 3:10

Ɛ́ a na saa ɩ à ŋá a, a Ɩsɩrayɛl yɛb Zuda na bɛ tu a Sore a bɛ lɛb wa ɩ̃ zie nɩ ʋ pʋɔ za ɩ: a ʋ ɩb-lɩɛbʋ bɛ ɩ sɩza ɩ, a mãa, a Sore, mãa n'ʋ yere.»

Matie 12:50

Sob nɛ za na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, ʋlɛ n'ɩ a ɩ̃ yɛb, a ɩ̃ yeepuule nɩ a ɩ̃ mã.»

Matie 7:21

«A bɛlɩ dem na mɩ́ yere a ɩ̃ zie: “Sore e, Sore e”, bɛlɛ bɛ nɛbɛ na kpɛ a tẽ-vla Naalʋ pʋɔ ɩ. A bɛl na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, bɛlɛ nɛbɛ na kpɛ a tẽ-vla Naalʋ pʋɔ.

Markɩ 3:35

Sob nɛ za na maalɛ a Naaŋmɩn pʋ-tɩɛrʋ a, ʋlɛ n'ɩ a ɩ̃ yɛb, ɩ̃ yeepuule nɩ ɩ̃ mã.»

Ʋrɔm 6:17

Ɛcɛ Naaŋmɩn so puoru: nyɩ tɩ dãw na ɩ a yel-bier gbãgbaar, ƴɛrɛŋa a, a wulu bɛ na wul nyɩ a sɛw kɛ́ nɩbɛ za tuur a, nyɩ sàw na de ʋ nɩ nyɩ pʋɔ za.

1 Korɛ̃tɩ 7:22

Bʋ̃ʋ n'ʋ vɛ̃, a gbãgbaa a Sore na bʋɔlɩ a, ʋ lɩɛb'ɩ nɩr a Sore na faa ɛ́ so ʋ a. Lɛ mɩ̀ n'a, a sob nɛ na so ʋ tʋɔra ɛ́ a Sore bʋɔl'ʋ a, ʋ ɩ n a Kɩrɩta gbãgbaa.

Galasi 1:10

A ƴɛrɛŋa a, nɩsaalbɛ nɛbɛ ɩ̃ bɔbr kɛ́ bɛ kpɛ m bɩɩ Naaŋmɩn n'ʋ? Nɩsaalbɛ nɛbɛ ɩ̃ bɔbr k'ɩ̃ɩ ɩrɛ nʋ̃ɔ̀ kpɩɛr bɩɩ? Mãa tɩ cãà ɩ mɛ̃ ɩ̃ bɔbr'a k'ɩ̃ɩ ɩrɛ nʋ̃ɔ̀ kpɩɛr a nɩsaalbɛ a, ɩ̃ kʋ̃ʋ ɩ a Kɩrɩta tõ-tone ɩ.

Efɛɛzɩ 5:17

A na ɩ à ŋá a, nyɩ ta ɩrɛ dãbol-ɩb ɛ, nyɩ ƴãw fãw bãw a Sore pʋ-tɩɛrʋ vla.

Filib 2:12

A na ɩ à ŋá a, ɩ̃ nɩ-nɔnɩ i, nyɩɩm na sàwr a ɩ̃ nʋɔr kʋralɛ a, nyɩ cãà ɩrɛ a lɛ ɩ̃ na mɩ́ wa be a nyɩ sɔgɔ a, ɛ́ mɩ̀ ɩrɛ gãw lɛ a ƴɛrɛŋa ɩ̃ na bɛ ka be a. Nyɩ tɛr zɔba nɩ mawfʋ tone nɩ a nyɩ faafʋ tome.

Kɔlɔsɩ 1:9

Alɛ n'a so a ʋlɩ bibir za tɩ na wõ a nyɩ yele wa tɩ tɔ a dɩ̃a a, tɩ mɩ̀ bɛ bɛr a nyɩ puor-kʋ̀b ɛ. Tɩ zɛlɛ na kɛ́ a Naaŋmɩn ɩ nyɩ bãw a ʋ pʋ-tɩɛrʋ za. Al ƴãw n'a a Vʋʋrʋ Sõw kʋ̀rɛ nyɩ a yã-bãwfʋ nɩ a yã.

Kɔlɔsɩ 4:12

A Epafarasɩ na ɩ a nyɩ nɩr a, ʋ mɩ̀ puore nyɩ na. A Yeezu Kɩrɩta tõ-tõ-bie ŋa tʋlɛ nɩ a puoru ƴãw, puore kʋ̀rɛ nyɩ kʋralɛ, kɛ́ nyɩ tʋ̃ɔ́ tɛ nyɩgɛ ɛ́ bɩ nɩbɛ baar a Kɩrɩta sɔ́r pʋɔ, maalɛ a Naaŋmɩn pʋ-tɩɛrʋ za.

1 Tesalonikɩ 2:4

Tɩ nɩ̃ɛ na mɩ́ ƴɛ̀rɛ kʋralɛ mɛ̃ a lɛ a Naaŋmɩn na bɔbr a, bʋ̃ʋ n'ʋ vɛ̃, ʋ ɩ tɩ na kaa ɛ́ de a Yel-nʋ̃ɔ̀ kʋ̀ tɩ. Nɩsaalbɛ bɛ nɛbɛ tɩ bɔbr kɛ́ tɩ ɩrɛ nʋ̃ɔ̀ kpɩɛr ɛ, Naaŋmɩn n'ʋ tɩ bɔbr kɛ́ tɩ ɩrɛ nʋ̃ɔ̀ kpɩɛr, ʋlɛ na n'ʋ mɩ́ ɩ a tɩ socie kaa bãw a ŋmɛ̃a a.

1 Tesalonikɩ 4:3

A Naaŋmɩn pʋ-tɩɛrʋ n'ɩ kɛ́ nyɩ ɩ nɩ-son, kɛ́ nyɩ bɛr a pɩ̃ɔ-yele.

Ebre 10:36

Kanyir'a a fɛr kɛ́ nyɩ dɩrɛ, tʋ̃ɔ́ maalɩ a Naaŋmɩn pʋ-tɩɛrʋ ɛ́ páw a ʋlɩ bom nɛ ʋ na ƴãw nʋɔr k'ʋʋ na tɩr a a.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

1 Pɩɛr 2:15

A Naaŋmɩn bɔbr'a kɛ́ nyɩ ɩrɛ ɩ-vɩɛlɩ, k'aa bɛlɩ nɩbɛ nɛ na bɛ bãw bom, ɛ́ bɛ bãw yã a, ta mɩ́ nyɛ̃ ƴɛ̀rʋ ƴɛ̀r ɛ.

1 Pɩɛr 4:2

k'aa tẽw zu ka nyɔ-vʋʋrʋ na cãà cɛ ʋ a, ʋ tʋ̃ɔ́ vʋʋrɛ mɛ̃ a lɛ a Naaŋmɩn na bɔbr a, ʋ ta vʋʋrɛ tu n a nɩsaal tɛra vʋla ɩ.

1 Zã 2:17

A tẽ-daa tɔlɛ na, ʋlɛ nɩ a ʋ bome a nɩsaalbɛ na mɩ́ bɔbr a, ɛcɛ sob nɛ na maalɛ a Naaŋmɩn pʋ-tɩɛrʋ a mɩ́ be n be kʋralɛ.