Efɛɛzɩ 6:5 - A SƐB-SÕW

⁵ Gbãgbaar i, nyɩ sàwr a nyɩ tẽw zu ka nɩbɛ na so nyɩ a nʋɔr, nɩ ƴãwfʋ nɩ zɔba, nɩ nyɩ pʋɔ za mɛ̃ a Kɩrɩta nʋɔr'ʋ nyɩ sàwr a.

Efɛɛzɩ 6:5 ပူးပေါင်းရင်းမြစ်များ

Yele-za-pɛr-tib 16:9

A Sore malkɩ yel ʋ: «Lɛb cen a fʋ pɔw-nɩ-kpɛ̃ɛ zie, ɛ́ tɩ sàwr a ʋ nʋɔr.»

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

Sɛb-sõw yielu 123:2

Mɛ̃ a lɛ gbãgbaar na mɩ́ jɩ́rɛ a bɛ zu-sob nũu gbẽgbẽ a, mɛ̃ a lɛ tõ-tõ-bi-pɔw na mɩ́ jɩ́rɛ a ʋ pɔw-nɩ-kpɛ̃ɛ nũu kʋralɛ a, lɛ n'a tɩ mɩ̀ dʋɔ a zuru jɩ́rɛ nɩ a Sore tɩ Naaŋmɩn, gùre nɩ k'ʋʋ wa zɔ tɩ nɩbaalʋ.

Sɛb-sõw yielu 86:11

Sore e, wul mɛ̃ a fʋ pʋ-tɩɛrʋ sɔ́r, a ɩ̃ cenu tʋ̃ɔ́ tuur a fʋ yel-mɩŋa. Lãw a ɩ̃ tɩɛrʋ taa, ɩ̃ tɛr ƴãwfʋ a fʋ yúor ƴãw.

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Matie 6:22

«A mimie n'ɩ a ƴã-gan fɩ̃tɩlɛ. A fʋ mimie wa ɩ mimi-kpɛn a, a fʋ ƴã-gan za na be n cãà pʋɔ,

Matie 6:24

«Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Matie 8:9

Mãa mɩŋa tɛr'ɩ nɩ-bɛrɛ, ɛ́ mɩ̀ dɩ nɩ-kpɛ̃ɛnʋ sojarɩ zu. Ɩ̃ mɩ́ yel'ɩ a kãw: “Cen”, ʋ cen, ɛ́ yel a ƴen sob: “Wa”, ʋ wa, ɛ́ yel a ɩ̃ tõ-tõ-bie: “Ɩ bom ŋa”, ʋ ɩ.»

Nɩ-toni 2:46

Bibi-vɩɛrɩ za, bɛ mɩ́ tɩ lãw nɩ soci-been cere nɩ a Ŋmɩn-yir-kpɛ̃ɛ pʋɔ bɛ tɛr nawfʋ ɛ, bɛ mɩ́ tɩ lãw na ŋmarɛ a dipɛ̃ pone a yie pʋɔ, ɛ́ lãw dɩrɛ a bɛ bʋ̃-dɩrɩ nɩ nʋ̃ɔ̀ nɩ pʋ-pɩɛlʋ.

Ʋrɔm 9:3

Yel-mɩŋa, a ɩ na mɛ̃ ɩ̃ nãá ɩ nɩr bɛ na ŋmɛ ƴãw a, ɛ́ mãa nɩ a Kɩrɩta bʋ́r taa ɩ̃ lɩɛrɩ a ɩ̃ yɛbr a, a bɛl na ɩ a ɩ̃ bʋʋrɛ a.

1 Korɛ̃tɩ 2:3

Alɛ so ɩ̃ wa a nyɩ zie ɩ bãbàal, ɛ́ dɛ̃bɩ̃ɛ ɩ ɩ̃ màwr ɩ̃ za.

1 Korɛ̃tɩ 7:22

Bʋ̃ʋ n'ʋ vɛ̃, a gbãgbaa a Sore na bʋɔlɩ a, ʋ lɩɛb'ɩ nɩr a Sore na faa ɛ́ so ʋ a. Lɛ mɩ̀ n'a, a sob nɛ na so ʋ tʋɔra ɛ́ a Sore bʋɔl'ʋ a, ʋ ɩ n a Kɩrɩta gbãgbaa.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

2 Korɛ̃tɩ 7:15

A nɔ̃wfʋ ʋ na nɔ̃w nyɩ a mɩ́ lɛb'a ɩ kpɛ̃ɛ dɔwlɩ, ʋ na mɩ́ lɛb tɩɛrɩ a lɛ nyɩ za na sàw a ʋ nʋɔr nɩ a lɛ nyɩ na tuori nyɔw ʋ nɩ ƴãwfʋ lãwnɩ zɔba a.

Efɛɛzɩ 5:22

Pɔwbɛ ɛ, nyɩ sàwr a nyɩ sɩrbɛ nʋɔr, mɛ̃ a lɛ nyɩ na sàwr a Sore nʋɔr a.

Efɛɛzɩ 6:24

A bɛlɩ dem za na nɔnɛ a tɩ Sore Yeezu Kɩrɩta nɩ nɔ̃wfʋ na bɛ tɛr sãwfʋ a, a Naaŋmɩn maalʋ, ʋ be a bɛ zie.

Filib 2:12

A na ɩ à ŋá a, ɩ̃ nɩ-nɔnɩ i, nyɩɩm na sàwr a ɩ̃ nʋɔr kʋralɛ a, nyɩ cãà ɩrɛ a lɛ ɩ̃ na mɩ́ wa be a nyɩ sɔgɔ a, ɛ́ mɩ̀ ɩrɛ gãw lɛ a ƴɛrɛŋa ɩ̃ na bɛ ka be a. Nyɩ tɛr zɔba nɩ mawfʋ tone nɩ a nyɩ faafʋ tome.

Filemɔ̃ 1:16

ʋʋ ta cãà ɩ gbãgbaa ɩ, ɛ́ zuo gbãgbaa: ʋ ɩ yɛb-nɔna za. Ʋ ɩ ʋ nɩ yaga za mãa zie, ŋmɩŋmɩn n'a ʋ kʋ̃ ɩ ʋ a fʋ zie zuo lɛ, a ʋ nɩsaalʋ pʋɔ nɩ a ʋ kɩrɩta-nɩɩlʋ pʋɔ.

Zozue 24:14

A Zozue tɩ yel'a ƴãw pʋɔ: «A na ɩ à ŋá a, nyɩ zɔrɛ a Sore, ɛ́ maalɛ ʋ nɩ nyɩ pʋɔ za, taa lɛbr pùor ɛ. Nyɩ lɔb a ŋmɩmɛ a nyɩ sãàkʋm-kore na tɩ maalɛ a Efaratɩ gãwn nɩ a Eziptɩ tẽw a bɛr, ɛ́ maalɛ a Sore.

1 Pɩɛr 3:2

A nyɩ cenu na vɩɛl ɛ́ nyɩ ƴãwnɛ nɩbɛ a, a nyɛ́b tɛwr na sɛw bɛ na.