Efɛɛzɩ 6:2 - A SƐB-SÕW

² «Ƴãwnɛ fʋ sãà nɩ fʋ mã» n'ɩ a Naaŋmɩn nɔ-ƴãwna dãw-niwn sob, a Naaŋmɩn na ƴãw lãwnɩ maalʋ nʋɔr ŋa a:

Efɛɛzɩ 6:2 ပူးပေါင်းရင်းမြစ်များ

Eziptɩ tẽw yib 20:12

«Ƴãwnɛ a fʋ sãà nɩ a fʋ mã, tʋ̃ɔ́ kpɛ a tẽw a mãa, a Sore fʋ Naaŋmɩn na kʋ̀rɛ fʋ a, cɛlɩ.»

Zʋkpaɩ 20:20

Nɩr wa ŋmɩɛr ƴãwn a ʋ sãà nɩ a ʋ mã a, a ʋ nyɔ-vʋʋrʋ na baar'a mɛ̃ fɩ̃tɩlɛ na kpiiri zi-lige pʋɔ a.

Zeremi 35:18

Al pùorí, a Zeremi tɩ yel'ɩ a Erekaavʋ dɔwlʋ nɩbɛ: «Nyɩ sàw nɩ a nyɩ sãàkʋm-kʋra, Yonadavʋ, nʋɔr ʋ na ƴãw kʋ̀ nyɩ a, nyɩ tu n a lɛ za ʋ na yel kʋ̀ nyɩ a vla vla.

Zeremi 35:7

Nyɩ bɛ ŋmarɛ yie ɩ, nyɩ bɛ kʋɔr a tẽsɔw ɛ, nyɩ bɛ sɛlɛ divɛ̃ tɩɩr púo ɩ, nyɩ bɛ tɛrɛ ʋ ɛ. Ɛcɛ nyɩ na kpɩɛr'ɩ pɛnɛ-sɛwr pʋɔ a nyɩ cãafʋ daar za. À ŋá n'a nyɩ na tʋ̃ɔ́ vʋʋrɩ cɛlɩ a tẽw ŋa na bɛ ɩ nyɩ sãà tẽw a pʋɔ.”

Ezekɩɛl 22:7

A fʋ pʋɔ a, nɩbɛ ɩrɛ nɩ a bɛ sãà nɩ a bɛ mã laar, bɛ dɔwrɛ nɩ a nʋʋrɩ, bɛ nɛbr'ɩ a bi-kpebe nɩ a pɔw-kɔbɛ.

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Ʋrɔm 13:7

Nyɩ mɩ́ kʋ̀ ŋa za a ʋlɩ bom a na fɛr kɛ́ nyɩ kʋ̀ ʋ a: a zuru-yar, a sob nɛ na dier a zuru-yar a, a bome a mɩnɛ samɛ, a bɛlɩ dem na dier a samɛ á ŋá libie a, a zɔba, a sob nɛ a na fɛr kɛ́ nyɩ zɔrɛ a, a ƴãwfʋ, a sob nɛ a na fɛr kɛ́ nyɩ ƴãwnɛ a.

Efɛɛzɩ 6:3

«Kɛ́ fʋ tʋ̃ɔ́ wone nʋ̃ɔ̀ ɛ́ páw nyɔ-vʋʋr-wogo a tẽw zu.»

Wulu-ayi-sob 27:16

«Ŋmɛ-ƴãw, a páw sob nɛ na bɛ ƴãwnɛ a ʋ sãà nɩ a ʋ mã a.» Ɛ́ a nɩbɛ za na sɔw na: «Amɛn!»

Wulu-ayi-sob 5:16

Ƴãwnɛ a fʋ sãà nɩ a fʋ mã, mɛ̃ a lɛ ɩ̃ na yel kʋ̀ b a, tʋ̃ɔ́ vʋʋrɩ cɛlɩ ɛ́ wone nʋ̃ɔ̀ a tẽw, a mãa Sore fʋ Naaŋmɩn na kʋ̀rɛ fʋ a pʋɔ.

1 Timote 5:4

Pɔw-kʋɔr wa tɛr bibiir bɩɩ yan a, bɛlɛ nɛbɛ a fɛrɛ kɛ́ bɛ de niwn tɛr a Naaŋmɩn bɛ na ƴãwnɛ a ɩ-ɩrɩ, a bɛ mɩŋa yir ƴãw, ɛ́ maalɩ a bɛ dɔwrbɛ yáa a san. À ŋá n'a sɩrɩ vɩɛl a Naaŋmɩn zie.