Efɛɛzɩ 6:12 - A SƐB-SÕW

¹² Nɩsaal bɛ n'ʋ tɩ zɛbr'ɩ ɛ, niw-dierbɛ nɩ kpɛnʋ dem a, a bɛlɩ dem na so a lige tẽ-daa ŋa a, nɩ a kɔ̃tɔ̃-faar na be a salom zu a, bɛlɛ nɛbɛ tɩ zɛbr'ɩ.

Efɛɛzɩ 6:12 ပူးပေါင်းရင်းမြစ်များ

A Zɔb sɛbɛ 2:2

A Sore tɩ sowr'ɩ a Sɩtaana: «Nyɩnɛ n'a fʋ yi waar?» Ʋ tɩ sɔw na: «A tẽw za n'ʋ ɩ̃ cɔlɩ cɔlɩ.»

Matie 16:17

Lɛ n'a a Yeezu tɩ lɛb de a ƴɛ̀rʋ yel ʋ: «Zu-nʋ̃ɔ̀ sob nɛ b, Zonasɩ bidɛb Sɩmʋ̃ ʋ, nɩsaal bɛ n'ʋ wul fʋ a yel ŋa ɩ, a ɩ̃ Sãà na be a tẽ-vla pʋɔ a n'ʋ.

Markɩ 4:19

ɛcɛ a tẽw zu yele, a naalʋ bɛlʋ nɩ a bʋ̃-bɔbrɩ mɩ́ kpɛ n a bɛ socie pʋɔ fɩɩrɩ a Naaŋmɩn ƴɛ̀rʋ kʋ, ʋ bɛ tʋ̃ɔ́ wɔ̃ ɩ.

Luka 13:24

«Nyɩ ƴãw fãw tu a dɩ̃dɔ-fɩɩra ƴãw kpɛ, alɛ bɛ ɩ lɛ, mãa n'ʋ yere kʋ̀rɛ nyɩ: nɩ-yaga na bɔbr'a kɛ́ bɛ kpɛ, ɛ́ kʋ̃ tʋ̃ɔ́ ɩ.»

Luka 22:53

Ɛcɛ bibir za, ɩ̃ mɩ́ tɩ be n a nyɩ zie, a Ŋmɩn-yir-kpɛ̃ɛ pʋɔ, ɛ́ nyɩ bɛ ír nũu tɔ n mɛ̃ ɩ. Ɛcɛ a ƴɛrɛŋa a, a nyɩ tɛm'ʋ ta, a lige kpɛnʋ n'a ta.»

Zã 12:31

A ƴɛrɛŋa n'a bɛ na maal'ɩ a tẽ-daa ŋa a ƴɛ̀rʋ. Ƴɛrɛŋa n'a bɛ na diw a tẽ-daa ŋa nãà bɛr.

Zã 14:30

Dɩ̃a na ta a, ɩ̃ kʋ̃ lɛb ƴɛ̀r'ɩ nyɩ cɛlɩ ɛ, bʋ̃ʋ n'ʋ vɛ̃, a tẽ-daa ŋa nãà waar'a. Sɩza n'a, ʋ bɛ tɛr ɩ̃ yel-ɩra ɩ,

Zã 16:11

Ʋ tuli nɩ a ƴɛ̀rʋ-maalʋ ƴãw: bɛ maal'ɩ nɩ a tẽ-daa ŋa nãà a ƴɛ̀rʋ baarɩ.»

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 8:38

Bʋnʋ bɛ ka be ɩ, ɩ̃ bãwnɩ a na k'aa kũu nɩ a nyɔ-vʋʋrʋ, a malkɩ mɩnɛ nɩ a saa-zu kpɛnʋ bʋʋrɛ za, a ƴɛrɛŋa nɩ a nɩdaar, a kpɛnʋ bʋʋrɛ za,

1 Korɛ̃tɩ 15:50

Yel ŋa n'ʋ ɩ̃ bɔbr k'ɩ̃ɩ yel, yɛbr i: nɩsaal na ɩ ƴã-gan nɩ zɩ̃ɩ tɛwr'a kʋ̃ tʋ̃ɔ́ kpɛ a Naaŋmɩn Naalʋ pʋɔ ɩ, ɛ́ bʋ̃-kpiira kʋ̃ tʋ̃ɔ́ pʋɔ bʋ̃-bɛ-kpiira yele pʋɔ ɩ.

2 Korɛ̃tɩ 11:14

À á ŋá za dɛ bɛ ɩ nɔ-ɓãan ɛ: a Sɩtaana tɔr za mɩ́ bɛ̀lɩ na ɩ cãà malkɩ.

2 Korɛ̃tɩ 4:4

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

Galasi 1:16

k'ʋʋ wul mɛ̃ a ʋ Bie ɩ̃ tʋ̃ɔ́ manɛ ʋ kʋ̀rɛ a nɩ-bʋʋr-yoru a, ɩ̃ bɛ tɩ sowri bom nɩsaal kãw za ɩ.

Efɛɛzɩ 1:21

do gãw a naalʋ-dɩb za, fãw za, kpɛnʋ za nɩ zie sób za, nɩ bom za na tɛr yúor bɛ pore a dɩ̃a zie ŋa pʋɔ nɩ a nɩdaar zie pʋɔ a.

Efɛɛzɩ 1:3

A Naaŋmɩn, tɩ Sore Yeezu Kɩrɩta Sãà, tɛr'ɩ puoru. Tɩ na lãw nɩ a Kɩrɩta a, ʋ maalɩ tɩ nɩ a tẽ-vla pʋɔ nɩ maal-pɛ-bʋʋrɛ za a Vʋʋrʋ Sõw na tɩrɛ a.

Efɛɛzɩ 2:2

A lɛn daar a, nyɩ tɩ ɩrɛ nɩ a tẽ-daa ŋa zu ɩb, nyɩ tɩ tuur'ɩ a vʋʋrʋ ʋl na ɩ a salom zu kpɛnʋ bʋʋrɛ za tɩ na bɛ nyɛrɛ a nɩ-kpɛ̃ɛ a, a vʋʋrʋ ŋa na damnɛ a nɩ-gaarɩ ƴãwn bɛ ɩrɛ a nɩ-gaarɩ ɩb a.

Efɛɛzɩ 3:10

À ŋá n'a a ƴɛrɛŋa, a Lãw-yir ƴãw, a salom zu naalʋ-dɩrbɛ nɩ fãw dem bãw a Naaŋmɩn yã-bãwfʋ pɔ́lɛ́ za.

Kɔlɔsɩ 1:13

Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

Kɔlɔsɩ 2:15

Ʋ zɛb'a tʋ̃ɔ́ a naalʋ-dɩb bʋʋrɛ za nɩ a fãw za, ʋ ɩ na a lɩɛbɩ bʋ̃-ɩ-laarɩ a nɩbɛ niŋé, a ɩ a gbãgbaar a ʋ Bie na zɛb tʋ̃ɔ́ bɛ cɔrɩ tuur ʋ a.

2 Timote 2:5

Ɛ́ lɛ mɩ̀ n'a a dɩ̃ɛnʋ mɔb pʋɔ. A sob nɛ na mʋɔr a mɩ́ páw nɩ a mɔ̃-tʋ̃ɔ́fʋ bom, ʋlɛ wa mɔ̃ mɛ̃ a lɛ a nɛ́ɛ na bin a.

Ebre 12:1

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.

Ebre 12:4

A zɛbr nyɩ na zɛbr'ɩ a yel-bier a, nyɩ cãà bɛ zɛb tɩ kpi n sɛr ɛ,

1 Pɩɛr 3:22

ʋl na do a tẽ-vla pʋɔ tɩ be a Naaŋmɩn dʋrʋ lowr dɩrɛ naalʋ a malkɩ mɩnɛ zu, a salom zu kpɛnʋ dem nɩ a fãw dem zu a.