Efɛɛzɩ 6:10 - A SƐB-SÕW

¹⁰ A al na cɛ a n'ɩ kɛ́ nyɩ tɛr fãw na yi nyɩɩm nɩ a Sore lãw-taa pʋɔ a, nyɩ tɛr fãw na yi a ʋ fãw na kpɛmɛ bɛ tɛr tɔ a pʋɔ.

Efɛɛzɩ 6:10 ပူးပေါင်းရင်းမြစ်များ

1 Bibie za yel-manɩ 28:10

Ƴɛrɛŋa a, jɩ́r nyɛ̃: a Sore kaa na ír fʋ kɛ́ fʋ ŋmãa yir na na ɩ a ʋ zi-sõw a. A na ɩ à ŋá a, dɩ kanyir ɛ́ tĩ a tome.»

1 Bibie za yel-manɩ 28:20

Ʋ tɩ cãà na yel ƴãw pʋɔ: «Ɩ̃ bie e, dɩ kanyir ɛ́ kpɛmɛ, bɛr dɛ̃bɩ̃ɛ ɛ́ ìr tĩ a tome. Ta sàw bom za vʋ̃ɔ fʋ pʋ̀lá ɩ! A Sore ɩ̃ Naaŋmɩn kʋ̃ zawrɩ fʋ bɛr ɛ. Ʋ be n a fʋ zie, ʋ na tɩɛ fʋ na tɛr ɛ́ gù a ʋ yir tome tɩ tõ baarɩ.

2 Bibie za yel-manɩ 15:7

Ɛcɛ, nyɩɩm a, ƴɛrɛŋa a, nyɩ kpɛmɛ, nyɩ ta bàl tɩɛ bɛr ɛ. Sã-ya na be n be a nyɩ ton ƴãw!»

Sɛb-sõw yielu 138:3

A lɛn daar ɩ̃ na tɩ bʋɔlɩ fʋ a, fʋ sɔw mɛ̃ na, fʋ tɩ ɩ na ɩ̃ kpɛmɛ socir ɛ́ tɛr fãw.

Ɩzayi 40:28

Fʋ bɛ bãwnɩ a ɩ? Fʋ bɛ wõ a ɩ? A Sore ɩ n a Naaŋmɩn na be kʋralɛ a. Ʋ ír'ɩ a tẽw za. A ʋ fãw bɛ síwre ɩ, ʋ bɛ bàlɛ ɩ. Nɩr kʋ̃ tʋ̃ɔ́ manɩ a ʋ yã zulu ɛ.

Ɩzayi 40:31

Ɛcɛ a bɛlɩ dem na mɩ́ ƴãw a bɛ tɩɛrʋ a Sore ƴãw a, mɩ́ páw nɩ fãw-paala. Bɛ mɩ́ ƴaw na mɛ̃ sɩlɩ a, bɛ mɩ́ zɔrɛ na bɛ bàlɛ ɩ, bɛ mɩ́ cere na tɔlɛ nidaa ɛ́ a bɛ fãw bɛ síwre ɩ.

A naaŋmɩn-ƴɛ̀r-manɛ Aaze sɛbɛ 2:4

Alɛ n'a so, a mãa, a Sore, ɩ̃ yere na kʋ̀rɛ nyɩ: Zorobabɛl ɩ, ƴãw fãw! Yehosadakɩ bidɛb Zozue e, fʋ̃ʋ na ɩ a bàwr-maal-kara a, ƴãw fãw! Nyɩɩm, a tẽw nɩbɛ za, nyɩ mɩ̀ ƴãw fãw! Nyɩ nyɔw a tome, ɩ̃ na be n a nyɩ zie, a mãa, a Sore, a Kpɛnʋ-za-sob.

Zakari 8:13

Zuda nɩ Ɩsɩrayɛl naalʋ ten i, a nɩ-bʋʋr-yoru sɔgɔ a, nyɩ tɩ ɩ n nɩ-bʋʋrɛ bɛ na ŋmɛ ƴãw a bãwfʋ. Ɛcɛ ƴɛrɛŋa a, ɩ̃ faarɛ nyɩ na, nyɩ na ɩ n nɩ-bʋʋrɛ na nyɛ̃ maalʋ a bãwfʋ. Nyɩ ta cãà zɔrɛ dɛ̃bɩ̃ɛ ɩ! Nyɩ ƴãw fãw!»

Zakari 8:9

À ŋá n'a a Sore, a Kpɛnʋ-za-sob, yere: «Nyɩ ƴãw fãw! Nyɩ̀ wone nɩ a ƴɛrɛŋa, a ƴɛ̀rʋ á ŋá ɩ̃ na tɩ dãw ƴãw a ƴɛ̀r-manbɛ ƴɛ̀r, a lɛn daar bɛ na tɩ lɔb a yir-kpɛ̃ɛ pɛr, a ʋ mɛb ƴãw a.

1 Korɛ̃tɩ 16:13

Nyɩ bɛr gʋ̃ɔ, nyɩ kpɛmɛ a sàw-deb pʋɔ, nyɩ ɩ dɛbr, nyɩ tɛr fãw.

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

Efɛɛzɩ 1:19

Ʋ ɩ nyɩ bãw a ʋ kpɛnʋ ʋl na ɩ kpɛ̃ɛ bɛ tɛr manʋ, ʋ na wul ʋ sãá a tɩɩm na sàw de a ƴãw a. A ʋ fãw tome a, a ʋ kpɛnʋ na bɛ dɩ vuo a, ʋ ɩ na a sãá a Kɩrɩta zie,

Efɛɛzɩ 3:16

Ʋl na kpɛ yúor-vɩɛlʋ-danʋ naalʋ a, ɩ̃ zɛlɛ na k'ʋʋ ɩ a Vʋʋrʋ kʋ̀ nyɩ a fãw, k'aa nyɩ pʋ̃ɔmɩ nɩr tɛr fãw.

Wulu-ayi-sob 31:23

Al pùorí, a Sore tɩ ƴɛ̀r'ɩ a ʋ ƴɛ̀rʋ kʋ̀ a Nun bidɛb Zozue, ɛ́ yel ʋ: «Kpɛ socir ɛ́ kpɛmɛ! Fʋ̃ʋ n'ʋ na tɛr a Ɩsɩrayɛl nɩbɛ kpɛ n a tẽw ʋl pʋɔ ɩ̃ na pɔ yel k'ɩ̃ɩ na kʋ̀ bɛ na a. Ɛ́ mãa a, ɩ̃ na be n a fʋ zie.»

Filib 3:1

Ƴɛrɛŋa a, yɛbr ɩ, nyɩ cɩlɛ nyɩ na lãw nɩ a Sore a. A bɛ kpɩɛr mɛ̃ ɩ̃ na sɛbr a alɩ bʋ̃-been nɛ kʋ̀rɛ nyɩ a ɩ, a na ɩ na nyɩ lɛb kpɛmɛ.

Filib 4:13

Ɩ̃ mɩ́ tʋ̃ɔ́ nɩ bom za, a Kɩrɩta na kʋ̀rɛ mɛ̃ a fãw a zũú.

Filib 4:8

Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

Kɔlɔsɩ 1:11

A Naaŋmɩn na ɩ n a ʋ yúor-vɩɛlʋ-danʋ fãw nyuwli nyɩ a yele za ƴãw, nyɩ mɩ́ dɩ kanyir sàw de bom za.

2 Timote 2:1

A na ɩ à ŋá a, fʋ̃ʋ ɩ̃ bie e, ƴãw fãw kpɛmɛ a maalʋ na yi a Kɩrɩta Yeezu zie a pʋɔ.

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

1 Pɩɛr 3:8

Ɩ̃ pãa yere na kʋ̀rɛ nyɩ za, nyɩ lãw taa tɩɛrʋ: nyɩ sõwne taa a kpɩɛrʋ pʋɔ, nyɩ nɔnɛ taa mɛ̃ yɛbr a, nyɩ ɩ su-ɓaarʋ nɩbɛ, nyɩ siwre nyɩ tʋɔra.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

1 Zã 2:14

Ɩ̃ bibiir i, ɩ̃ sɛb nyɩ na kɛ́ nyɩ bãw nɩ a Naaŋmɩn Sãà. Sãà mɩnɛ ɛ, ɩ̃ sɛb nyɩ na kɛ́ nyɩ bãw nɩ a sob nɛ na be a pɛr-tib daar za a. Pɔlbili i, ɩ̃ sɛb nyɩ na kɛ́ nyɩ kpɛmɛ na ɛ́ a Naaŋmɩn ƴɛ̀rʋ be a nyɩ zie, nyɩ zɛb'a tʋ̃ɔ́ a Faalʋ sob.

1 Samɩɛl 23:16

Bibir kãw, a Sawul bidɛb, Zonatã, tɩ ìr'a cen a Daviir zie a Horesa. Ʋ tɩ ɩ na a tɩɛrʋ a Daviir na ƴãw a Naaŋmɩn ƴãw a, ʋ kpɛmɛ.